एनआईबिएल समृद्धि फण्ड २ र एनआईबिएल प्रगति फण्डको सूचीकृत धितोपत्रमा लगानी घट्यो

काठमाडौं । एनआईबिएल म्युचुअल फण्डअन्तर्गत सञ्चालित एनआईबिएल सृमद्धि फण्ड २ र एनआईबिएल प्रगति फण्डले साउन मसान्तको खुद सम्पत्ति मूल्य सार्वजनिक गरेका छन् । उक्त वित्तीय विवरण अनुसार यी दुवै फण्डको सूचीकृत शेयरमा लगानी असारको तुलनामा साउनमा घटेको छ । एनआईबिएल समृद्धि फण्ड २ ले असार मसान्तमा सूचीकृत धितोपत्रमा रू. ७४ करोड ५८ लाख लगानी गरेकोमा साउन मसान्तमा भने रू. ७१ करोड १७ लाख मात्रै गरेको हो । त्यस्तै एनआईबिएल प्रगति फण्डले असार मसान्तसम्ममा रू. ४९ करोड ४० लाख लगानी गरेकोमा साउन मसान्तमा भने रू. ४३ करोड ७६ लाख मात्रै लगानी गरेको छ । यो फण्डको न्याभ पनि असारको तुलनामा साउनमा केही घटेको छ । असार मसान्तसम्ममा फण्डको न्याभ १० रुपैयाँ ६८ पैसा रहेकोमा साउन मसान्तमा घटेर १० रुपैयाँ ४८ पैसामा झरेको हो । यो फण्ड साउन मसान्तमा रू. १ करोड ४४ लाखभन्दा बढी नोक्सानीमा छ । असार मसान्तमा भने फण्ड रू. ५ करोडभन्दा बढी नाफामा थियो । साउन मसान्तमा फण्डको जम्मा आम्दानी रू. १ करोड ३१ लाख ऋणात्मक रहेकाले नोक्सानीमा गएको हो । साउन मसान्तमा एनआईबिएल समृद्धि फण्ड २ पनि नोक्सानीमा छ । सो अवधिमा फण्ड रू. २ करोड १७ लाख नोक्सानीमा रहेको हो । असार मसान्तमा भने फण्ड रू. १० करोड ७२ लाख नाफामा थियो । साउन मसान्तमा यस फण्डको जम्मा आम्दानी ऋणात्मक रहेकाले नोक्सानीमा गएको हो । असार मसान्तमा फण्डको न्याभ ९ रुपैयाँ २७ पैसा रहेकोमा साउन मसान्तमा ९ रुपैयाँ १३ पैसामा झरेको छ । एनआईबिएल प्रगति फण्डको रिपोर्ट हेर्न यहाँ क्लिक गर्नुहोस् एनआईबिएल समृद्धि फण्ड २ को रिपोर्ट हेर्न यहाँ क्लिक गर्नुहोस्

पूर्ण विवरण

सम्बन्धित सामग्री

एनआईबिएल समृद्धि फण्ड २ र प्रगति फण्डको न्याभ बढ्यो, नाफा कति ?

काठमाडौं । एनआईबिएल म्युचुअल फण्डअन्तर्गत सञ्चालित एनआईबिएल सृमद्धि फण्ड २ र एनआईबिएल प्रगति फण्डले जेठ मसान्तसम्मको खुद सम्पत्ति मूल्य विवरण सार्वजनिक गरेका छन् । उक्त वित्तीय विवरण अनुसार यी दुवै फण्डको न्याभ वैशाखको तुलनामा जेठमा बढेको छ । एनआईबिएल प्रगति फण्डको वैशाख मसान्तसम्ममा न्याभ ९ रुपैयाँ ५० पैसा रहेकोमा जेठ मसान्तसम्ममा बढेर १० रुपैयाँ २८ पैसा पुगेको छ । त्यस्तै एनआईबिएल समृद्धि फण्ड २ को न्याभ वैशाख मसान्तसम्ममा ८ रुपैयाँ ४२ पैसा रहेकोमा जेठ मसान्तमा ९ रुपैयाँ पुगेको हो । यस फण्डले जेठ मसान्तसम्ममा रू. ६ करोड ६१ लाख नाफा कमाएको छ । वैशाख मसान्तमा भने फण्ड रू. २ करोड १३ लाख नोक्सानीमा थियो । त्यस्तै यस फण्डले सूचीकृत धितोपत्रमा लगानी पनि बढाएको छ । वैशाख मसान्तसम्ममा फण्डले सूचीकृत धितोपत्रमा रू. ६२ करोड ५८ लाख लगानी गरेकोमा जेठ मसान्तसम्ममा बढाएर रू. ७० करोड २९ लाख पुर्‍याएको हो । एनआईबिएल प्रगति फण्ड वैशाख मसान्तसम्ममा रू. ३ करोड ७८ लाख नोक्सानीमा रहेकोमा जेठ मसान्तमा रू. २ करोड ८ लाख नाफा आर्जन गर्न सफल भएको छ । जेठमा फण्डले रू. ३ करोड ३८ लाख आम्दानी गर्न सफल भएकाले नाफामा गएको हो । सो अवधिमा फण्डले सूचीकृत धितोपत्रमा रू. ४७ करोड ९१ लाख लगानी गरेको छ । एनआईबिएल समृद्धि फण्ड २ को रिपोर्ट हेर्न यहाँ क्लिक गर्नुहोला एनआईबिएल प्रगति फण्को रिपोर्ट हेर्न यहाँ क्लिक गर्नुहोला

Aarthik Abhiyan जेष्ठ २०८०

फागुन मसान्तसम्म एनआईबिएल समृद्धि फण्ड २ र प्रगति फण्डको न्याभ घट्यो, अन्य सूचक कस्ता ?

Aarthik Abhiyan फाल्गुन २०७९

एनआईबिएल समृद्धि फण्ड - १ परिपक्व, इकाईधनीहरुलाई रकम फिर्ता

चैत १४, काठमाडौं । एनआईबिएल म्युचुअल फण्ड अन्तर्गत सञ्चालनमा आएको एनआईबिएल समृद्धि फण्ड १ गत पुस २२ गते परिपक्व भएको छ । फण्डले आफ्ना इकाईधनीहरुले गरेको लगानी सोमवारदेखि फिर्ता गर्न शुरु गरेको जानकारी दिएको छ । फण्डले फिर्ता भुक्तानी रकम कानून बमोजिम कर कट्टा गरी इकाईधनीहरुको हितग्राही खातामा उल्लेख भएको बैंक खातामा जम्मा गरिदिएको हो । उक्त फण्डले रू. १० को अंकित दरका १० करोड इकाईको सार्वजनिक निष्कासन गरेको थियो । फण्डको अन्तिम प्रतिइकाई खुद सम्पत्ति मूल्य रू. १२ दशमलव ७४ कायम भएको छ । सोही अनुसार रकम फिर्ता भुक्तानी गरेको फण्डले जानकारी दिएको छ। हालसम्ममा पनि आफ्नो डिम्याट खातामा बैंक खाता अद्यावधिक नगराएका इकाईधनीले आफ्नो डिम्याट खाता रहेको निक्षेप सदस्य कहाँ सम्पर्क राखि डिम्याट खातामा बैंक खाता अद्यावधिक गराउन भनिएको छ। सञ्चालन अवधि सात वर्ष रहेको उक्त फण्डले इकाईधनीलाई वार्षिक १७ दशलमव ९९ प्रतिशत प्रतिफल दिएको छ । आव २०७७/ ७८ मा उक्त फण्डका इकाईधनीहरुले सर्वाधिक ३५ प्रतिशत नगद लाभांश पाएका छन् । आव २०७२/ ७३, २०७३/ ७४, २०७४/ ७५, २०७५/ ७६ र २०७६/ ७७ मा भने क्रमशः १५ प्रतिशत, १८ प्रतिशत, १२ प्रतिशत, ६ दशमलव ५ प्रतिशत र १२ प्रतिशत नगद लाभांश लगानीकर्ताहरुले पाएका छन् । योजना व्यवस्थापकमा एनआईबिएल एस क्यापिटल लिमिटेड रहेको छ ।

Aarthik Abhiyan फाल्गुन २०७८

एनआईबिएल समृद्धि फण्ड-१ को सूचीकरण खारेजी

एनआईबिएल समृद्धि फण्ड १ को सूचीकरण खारेजी भएको छ । वि.सं. २०७१ पुस २३ गते नेप्सेमा सूचीकृत भएको सात वर्ष अवधिको यस फण्ड २०७८ पुस २३ गते शुक्रबार परिपक्क भएपछि सूचीकृत खारेजी भएको नेप्सेले जनाएकाे हो । फण्डको इकाई बिहीवार नेप्सेमा कारोबार हुने अन्तिम दिन थियो । यसअनुसार योजना पुस २२ गते बिहीवारसम्म इकाई खरीद गरी कायम रहने इकाइधनीले मात्र योजना अन्तर्गतको सम्पत्तिलाई नगदमा परिणत गरी फिर्ता पाउनेछन् । योजना अवधि परिपक्व भएसँगै नेपाल इन्भेष्टमेन्ट बैंक लिमिटेडको कोष प्रवर्धक रही एनआईबिएल एस क्यापिटलको ब्यवस्थापन अन्...

Lokaantar मंसिर २०७८

'एनआईबिएल समृद्धि फण्ड १' परिपक्व हुदै, ६ वर्षमा ९८ प्रतिशत लाभांश

एनआइबिएल एस क्यापिटलले संचालनमा गरिरहेको 'एनआईबिएल समृद्धि फण्ड १' नामक सामुहिक लगानी कोष योजना पुस २३ गते परिपक्क हुने भएको छ । ७ वर्षे अवधिको यस म्युचुअल फण्डको अन्तिम कारोबार २०७८ पुस २२ गते हुने छ । फण्ड २०७१ पुस २३ गतेदेखि संचालनमा आएकोमा ७ वर्षको अवधि सकेर २०७८ पुस २२ मा परिपक्क हुन लागेको हो । प्रति इकाई १० रुपैयाँ अंकित मूल्य रहेको फण्डमा कुल १० करोड इकाई रहेको छ भने फण्डको आकार १ अर्ब रुपैयाँ रहेको छ । फण्ड परिपक्क भएसंगै क्यापिटलले सार्वजनिक सूचना जारी गरेर इकाईधनीको पैसा फिर्ता गर्ने छ । यस फण्डले आर्थिक वर्ष ७२/७३ मा १५ प्रतिशत लाभांश वितरण गरेको थियो । त्यसपछिका वर्षमा भने फण्डले क्रमश १८ प्रतिशत, १२ प्रतिशत , ६.५ प्रतिशत, १२ प्रतिशत र ३५ प्रतिशत लाभांश वितरण गरेको थियो । फण्डले आर्थिक वर्ष ७७/७८ मा सबैभन्दा धेरै ३५ प्रतिशत लाभांश वितरण गरेको हो । यस हिसाबमा फण्डले कुल ९८.५ प्रतिशत लाभांश बितरण गरेको छ ।

Bizpati मंसिर २०७८

मंसिर मसान्तसम्ममा एनआईबिएल समृद्धि फण्ड-२ को एनएभी घट्यो

पुस १३, काठमाडौं । एनआईबिएल म्युचुअल फण्ड अन्तर्गत सञ्चालित एनआईबिएल समृद्धि फण्ड-२ ले मंसिर मसान्तसम्मको खुद सम्पत्ति मूल्य सम्बन्धी विवरण मंगलवार सार्वजनिक गरेको छ । उक्त वित्तीय विवरण अनुसार फण्डको एनएभी कात्तिक मसान्तको तुलनामा मंसिर मसान्तमा घटेको छ । कात्तिक मसान्तमा फण्डको एनएभी रू. ९ दशलमव ९३ रहेकोमा मंसिर मसान्तमा घटेर रू. ९ दशमलव १४ मा झरेको हो । त्यसैगरी एनएभीसँगै फण्डको सूचीकृत शेयरमा लगानी पनि घटेको छ । फण्डले कात्तिक मसान्तसम्ममा सूचीकृत शेयरमा रू. ७६ करोड लगानी गरेकोमा मंसिर मसान्तसम्ममा घटेर रू. ६६ करोड १६ लाख १७ हजारमा झरेको हो । मंसिर मसान्तसम्ममा फण्डले लगानी गरेका कम्पनीहरुको शेयर मूल्यमा घटेसँगै समग्र सूचीकृत शेयरमा लगानी घटेको हो । फण्डको नोक्सानी कात्तिक मसान्तको तुलनामा मंसिर मसान्तमा बढेको छ । फण्डले कात्तिक मसान्तसम्ममा रू. १ करोड ४ लाख ९ हजार नोक्सानी ब्यहोरकोमा मंसिर मसान्तसम्ममा बढेर रू. १२ करोड ८२ लाख ७६ हजार पुगेको हो ।

Aarthik Abhiyan मंसिर २०७८

एनआईबिएल समृद्धि फण्ड - १ ले कमायो रू. १ करोड २२ लाख नाफा

पुस १३, काठमाडौं । एनआईबिएल म्युचुअल फण्ड अन्तर्गत सञ्चालित एनआईबिएल समृद्धि फण्ड - १ ले मंसिर मसान्तसम्मको खुद सम्पत्ति मूल्य विवरण मंगलवार सार्वजनिक गरेको छ । उक्त विवरण अनुसार फण्डले मंसिर मसान्तसम्ममा रू. १ करोड २२ लाख १६ हजार नाफा कमाएको हो । यो नाफा कात्तिक मसान्तसम्मको तुलनामा २२ प्रतिशत घटेको हो । फण्डले कात्तिक मसान्तसम्ममा रू. १ करोड ५८ लाख १४ हजार नाफा कमाएको थियो । मंसिर महीनामा फण्डको आम्दानी घटेसँगै नाफा घटेको हो । फण्डले कात्तिक मसान्तसम्ममा रू. २ करोड ४४ लाख ३६ हजार आम्दानी गरेकोमा मंसिर मसान्तसम्ममा रू. २ करोड २८ लाख ९१ हजारमा झरेको हो । त्यसैगरी, फण्डको सूचीकृत शेयरमा लगानी पनि घटेको छ । कात्तिक मसान्तसम्ममा फण्डले सूचीकृत शेयरमा रू. १० करोड २८ लाख ४३ हजार लगानी गरेकोमा मंसिर मसान्तसम्ममा घटेर रू. २ करोड ७३ लाख ७२ हजारमा झरेको हो । मंसिर महीनामा फण्डले लगानी गरेका कम्पनीहरुको शेयरमूल्य घटेसँगै समग्र सूचीकृत शेयरमा लगानी घटेको हो । त्यसैगरी कात्तिक मसान्तसम्ममा फण्डको एनएभी रू. १२ दशमलव ६६ रहेकोमा मंसिर मसान्तमा रू. १२ दशमलव ६२ कायम भएको छ ।

Aarthik Abhiyan मंसिर २०७८

एनआईबिएल समृद्धि फण्ड - १ को एनएभी बढ्यो

मंसिर १२, काठमाडौं । एनआईबिएल समृद्धि फण्ड - १ ले कात्तिक मसान्तसम्मको खुद सम्पत्ति मूल्य सम्बन्धी विवरण सार्वजनिक गरेको छ । उक्त वित्तीय विवरण अनुसार फण्डको एनएभी असोज मसान्तको तुलनामा कात्तिक महीनामा बढेको छ । असोज मसान्तमा फण्डको एनएभी रू. १२ दशमलव ६२ रहेकोमा कात्तिक मसान्तमा वृद्धि भएर रू. १२ दशमलव ६६ पुगेको हो । त्यसैगरी फण्डको नाफा असोज मसान्तको तुलनामा कात्तिक मसान्तमा नाफामा वृद्धि भएको छ । असोज मसान्तसम्ममा रू. १ करोड २१ लाख ४९ हजार नाफा कमाएको उक्त फण्डले कात्तिक मसान्तमा वृद्धि गर्दै रू. १ करोड ५८ लाख १४ हजार नाफा कमाएको छ । कात्तिक मसान्तसम्ममा फण्डको आम्दानीमा वृद्धि भएकाले नाफा बढेको हो । असोज मसान्तसम्ममा फण्डले रू. १ करोड ८७ लाख ९४ हजार आम्दानी गरेकोमा कात्तिक मसान्तमा वृद्धि भएर रू. २ करोड ४४ लाख ३६ हजार पुगेको हो । कात्तिक महीनामा फण्डको सूचीकृत शेयरमा लगानी भने घटेको छ । फण्डले असोज महीनामा सूचीकृत शेयरमा रू. २८ करोड २० लाख २३ हजार लगानी गरेकोमा कात्तिक महीनामा घटेर रू.१० करोड २८ लाख ४३ हजारमा झरेको हो । कात्तिक महीनामा फण्डले लगानी गरेका कम्पनीहरुको शेयरमूल्य घटेकाले सूचीकृत शेयरमा लगानी घटेको हो । उक्त फण्ड एनआईबिएल म्युचुअल फण्ड अन्तर्गत सञ्चालनमा रहेको छ ।

Aarthik Abhiyan कार्तिक २०७८

एनआईबिएल समृद्धि फण्ड - २ को सूचीकृत शेयरमा लगानी घट्यो

कात्तिक ११, काठमाडौं । एनआईबिएल समृद्धि फण्ड - २ ले असोज मसान्तसम्मको खुद सम्पत्ति मूल्य सम्बन्धी विवरण बिहीवार सार्वजनिक गरेको छ । उक्त वित्तीय विवरण अनुसार फण्डको सूचीकृत शेयरमा लगानी भदौ मसान्तको तुलनामा असोज मसान्तमा कमि आएको छ । भदौ मसान्तसम्ममा सूचीकृत शेयरमा रू.७५ करोड ५ लाख ९८ हजार लगानी गरेको उक्त फण्डको लगानी असोज मसान्तसम्ममा घटेर रू. ७० करोड ६३ लाख ३५ हजारमा झरेको हो । त्यसैगरी फण्डको एनएभी पनि घटेको छ । भदौ मसान्तमा फण्डको एनएभी रू. ९ दशमलव ८८ रहेकोमा असोज मसान्तमा घटेर रू. ९ दशमलव ८० म ाझरेको हो । असोज मसान्तसम्ममा फण्डले रू. २ करोड ८७ लाख २४ हजार नोक्सानी ब्यहोरेको छ । भदौ मसान्तसम्ममा पनि उक्त फण्ड रू. १ करोड ७४ लाख ६ हजार नाक्सानीमा थियो । उक्त फण्ड एनआईबिएल म्युचुअल फण्ड अन्तर्गत सञ्चालनमा रहेको छ ।

Aarthik Abhiyan आश्विन २०७८

एनआईबिएल सहभागित फण्ड र एनआईबिएल समृद्धि फण्ड-२ को शेयरमा लगानी बढ्यो

भदौ १४, काठमाडौं । एनआईबिएल म्युुचुअल फण्ड अन्तर्गत सञ्चालित एनआईबिएल सहभागिता फण्ड र एनआईबिएल समृद्धि फण्ड-२ ले साउन मसान्तको वित्तीय विवरण सार्वजनिक गरेका छन् । उक्त वित्तीय विवरण अनुसार दुवै योजनाको सूचीकृत शेयरमा लगानी असार मसान्तको तुलनामा साउन मसान्तमा वृद्धि भएको छ । एनआईबिएल सहभागिता फण्डको असार मसान्तसम्म सूचीकृत शेयरमा रू. १९ करोड ६७ लाख लगानी रहेकोमा साउन मसान्तमा वृद्धि भएर रू. २१ करोड ६१ लाख ३० हजार पुगेको हो । त्यसैगरी, यस योजनाको एनएभी भने असार मसान्तको तुलनामा साउन मसान्तमा घटेको छ । असार मसान्तमा योजनाको एनएभी रू. १७ दशमलव ४५ रहेकोमा साउन मसान्तमा घटेर रू. १३ दशमलव शून्य १ मा सीमित भएको हो । योजनाले गत आवको मुनाफाबा इकाईधनीहरुलाई ५० प्रतिशत नगद लाभांश कर सहित वितरण गरेको हो । उक्त नगद लाभांश पछि योजनाको इकाई मूल्य समायोजन भएकाले असार मसान्तको तुलनामा साउन मसान्तमा इकाई मूल्य घटेको हो । एनआईबिएल समृद्धि फण्ड-२ ले साउन मसान्तसम्ममा सूचीकृत शेयरमा रू. ७२ करोड ५९ लाख २७ हजार लगानी गरेको छ । यो लगानी असार मसान्तको तुलनामा ४३ प्रतिशतले वृद्धि भएको हो । योजनाले असार मसान्त सम्ममा सूचीकृत शेयरमा रू. ५० करोड ५७ लाख लगानी गरेको थियो । यस योजनाको एनएभी पनि असार मसान्तको तुलनामा साउन मसान्तमा बढेको छ । यस योजनाको एनएभी असार मसान्तमा रू. १० रहेकोमा साउन मसान्तमा बढेर रू. १० दशमलव ३९ पुगेको हो । यस योजनाले साउन मसान्तसम्ममा रू. ५ करोड ९३ लाख ८६ हजार नाफा कमाएको छ ।

Aarthik Abhiyan श्रावण २०७८