एनआईबिएल समृद्धि फण्ड - २ को सूचीकृत शेयरमा लगानी घट्यो

एनआईबिएल म्युचुअल फण्ड अन्तर्गत सञ्चालित चार ओटै फण्डको न्याभ घट्यो

काठमाडौं । एनआईबिएल म्युचुअल फण्ड अन्तर्गत सञ्चालित एनआईबिएल समृद्धि फण्ड २,एनआईबिएल प्रगति फण्ड,एनआईबिएल ग्रोथ फण्ड र एनआईबिएल सहभागिता फण्डले भदौ महीनाको खुद सम्पत्ति मूल्य विवरण सार्वजनिक गरेका छन् । उक्त वित्तीय विवरण अनुसार यी चार ओटै फण्डको न्याभ साउन महीनाको तुलनामा भदौ महीनामा घटेको छ । एनआईबिएल समृद्धि फण्ड २ को न्याभ साउन मसान्तमा ९ रुपैयाँ १३ पैसा रहेकोमा भदौ मसान्तमा ९ रुपैयाँ ०१ पैसामा झरेको हो । त्यस्तै एनआईबिएल प्रगति फण्डको न्याभ साउन मसान्तमा १० रुपैयाँ ४८ पैसा रहेकोमा भदौ मसान्तमा १० रुपैयाँ ३२ पैसा कायम भएको छ । भदौ मसान्तमा एनआईबिएल ग्रोथ फण्डको न्याभ ९ रुपैयाँ ९८ पैसा रहेको छ । साउन मसान्तमा भने फण्डको न्याभ १० रुपैयाँ ०८ पैसा थियो । त्यस्तै एनआईबिएल सहभागिता फण्डको न्याभ साउन मसान्तमा १० रुपैयाँ १६ पैसा रहेकोमा भदौ मसान्तमा १० रुपैयाँ ०१ पैसामा झरेको हो । यस फण्ड भदौ मसान्तसम्ममा रू. ५ करोड १७ लाख नोक्सानीमा रहेको छ । साउन मसान्तमा पनि फण्ड रू. २ करोड २७ लाख नोक्सानीमा थियो । यस आधारमा फण्डको नोक्सानी बढेको देखियो । भदौ महीनामा फण्डको खर्चमा वृद्धि भएकाले नोक्सानीमा गएको हो । यस फण्डले भदौ मसान्तसम्ममा सूचीकृत धितोपत्रमा रू. १ अर्ब १९ करोड भन्दा बढी लगानी गरेको छ । त्यस्तै एनआईबिएल ग्रोथ फण्डले सूचीकृत धितोपत्रमा लगानी बढाएको छ । साउन मसान्तमा फण्डले रू. ५८ करोड ८४ लाख लगानी गरेकोमा भदौ मसान्तमा बढाएर रू. ६४ करोड ५९ लाख पु¥याएको हो । भदौ मसान्तसम्ममा यस फण्ड रू. ३ करोड ३९ लाख नोक्सानीमा रहेको छ । साउन मसान्तमा पनि फण्ड रू. २ करोड भन्दा बढी नोक्सानीमा थियो । एनआईबिएल प्रगति फण्डले भदौ मसान्तसम्ममा सूचीकृत शेयरमा रू. ४२ करोड ६८ लाख लगानी गरेको छ । यो लगानी साउन मसान्तसम्ममा रू. ४३ करोड ७६ लाख थियो । यस फण्ड भदौ मसान्तसम्ममा रू. २ करोड ६६ लाख नोक्सानीमा रहेको छ । साउन मसान्तमा पनि फण्ड रू. १ करोड ४४ लाख नोक्सानीमा रहेको थियो । एनआईबिएल समृद्धि फण्ड २ पनि भदौ मसान्तमा रू. ३ करोड ९७ लाख नोक्सानीमा रहेको छ । साउन मसान्तमा पनि फण्ड रू. २ करोड १७ लाख नोक्सानीमा थियो । एनआईबिएल प्रगति फण्डको रिपोट हेर्न यहाँ क्लिक गर्नुहोस एनआईबिएल समृद्धि फण्ड २ को रिपोट हेर्न यहाँ क्लिक गर्नुृहोस एनआईबिएल ग्रोथ फण्डको रिपोट हेर्न यहाँ क्लिक गर्नुहोस एनआईबिएल सहभागिता फण्डको रिपोट हेर्न यहाँ क्लिक गर्नुहोस

Aarthik Abhiyan भाद्र २०८०

एनआईबिएल समृद्धि फण्ड २ र एनआईबिएल प्रगति फण्डको सूचीकृत धितोपत्रमा लगानी घट्यो

काठमाडौं । एनआईबिएल म्युचुअल फण्डअन्तर्गत सञ्चालित एनआईबिएल सृमद्धि फण्ड २ र एनआईबिएल प्रगति फण्डले साउन मसान्तको खुद सम्पत्ति मूल्य सार्वजनिक गरेका छन् । उक्त वित्तीय विवरण अनुसार यी दुवै फण्डको सूचीकृत शेयरमा लगानी असारको तुलनामा साउनमा घटेको छ । एनआईबिएल समृद्धि फण्ड २ ले असार मसान्तमा सूचीकृत धितोपत्रमा रू. ७४ करोड ५८ लाख लगानी गरेकोमा साउन मसान्तमा भने रू. ७१ करोड १७ लाख मात्रै गरेको हो । त्यस्तै एनआईबिएल प्रगति फण्डले असार मसान्तसम्ममा रू. ४९ करोड ४० लाख लगानी गरेकोमा साउन मसान्तमा भने रू. ४३ करोड ७६ लाख मात्रै लगानी गरेको छ । यो फण्डको न्याभ पनि असारको तुलनामा साउनमा केही घटेको छ । असार मसान्तसम्ममा फण्डको न्याभ १० रुपैयाँ ६८ पैसा रहेकोमा साउन मसान्तमा घटेर १० रुपैयाँ ४८ पैसामा झरेको हो । यो फण्ड साउन मसान्तमा रू. १ करोड ४४ लाखभन्दा बढी नोक्सानीमा छ । असार मसान्तमा भने फण्ड रू. ५ करोडभन्दा बढी नाफामा थियो । साउन मसान्तमा फण्डको जम्मा आम्दानी रू. १ करोड ३१ लाख ऋणात्मक रहेकाले नोक्सानीमा गएको हो । साउन मसान्तमा एनआईबिएल समृद्धि फण्ड २ पनि नोक्सानीमा छ । सो अवधिमा फण्ड रू. २ करोड १७ लाख नोक्सानीमा रहेको हो । असार मसान्तमा भने फण्ड रू. १० करोड ७२ लाख नाफामा थियो । साउन मसान्तमा यस फण्डको जम्मा आम्दानी ऋणात्मक रहेकाले नोक्सानीमा गएको हो । असार मसान्तमा फण्डको न्याभ ९ रुपैयाँ २७ पैसा रहेकोमा साउन मसान्तमा ९ रुपैयाँ १३ पैसामा झरेको छ । एनआईबिएल प्रगति फण्डको रिपोर्ट हेर्न यहाँ क्लिक गर्नुहोस् एनआईबिएल समृद्धि फण्ड २ को रिपोर्ट हेर्न यहाँ क्लिक गर्नुहोस्

Aarthik Abhiyan श्रावण २०८०

एनआईबिएल समृद्धि फण्ड २ र प्रगति फण्डको न्याभ बढ्यो, नाफा कति ?

काठमाडौं । एनआईबिएल म्युचुअल फण्डअन्तर्गत सञ्चालित एनआईबिएल सृमद्धि फण्ड २ र एनआईबिएल प्रगति फण्डले जेठ मसान्तसम्मको खुद सम्पत्ति मूल्य विवरण सार्वजनिक गरेका छन् । उक्त वित्तीय विवरण अनुसार यी दुवै फण्डको न्याभ वैशाखको तुलनामा जेठमा बढेको छ । एनआईबिएल प्रगति फण्डको वैशाख मसान्तसम्ममा न्याभ ९ रुपैयाँ ५० पैसा रहेकोमा जेठ मसान्तसम्ममा बढेर १० रुपैयाँ २८ पैसा पुगेको छ । त्यस्तै एनआईबिएल समृद्धि फण्ड २ को न्याभ वैशाख मसान्तसम्ममा ८ रुपैयाँ ४२ पैसा रहेकोमा जेठ मसान्तमा ९ रुपैयाँ पुगेको हो । यस फण्डले जेठ मसान्तसम्ममा रू. ६ करोड ६१ लाख नाफा कमाएको छ । वैशाख मसान्तमा भने फण्ड रू. २ करोड १३ लाख नोक्सानीमा थियो । त्यस्तै यस फण्डले सूचीकृत धितोपत्रमा लगानी पनि बढाएको छ । वैशाख मसान्तसम्ममा फण्डले सूचीकृत धितोपत्रमा रू. ६२ करोड ५८ लाख लगानी गरेकोमा जेठ मसान्तसम्ममा बढाएर रू. ७० करोड २९ लाख पुर्‍याएको हो । एनआईबिएल प्रगति फण्ड वैशाख मसान्तसम्ममा रू. ३ करोड ७८ लाख नोक्सानीमा रहेकोमा जेठ मसान्तमा रू. २ करोड ८ लाख नाफा आर्जन गर्न सफल भएको छ । जेठमा फण्डले रू. ३ करोड ३८ लाख आम्दानी गर्न सफल भएकाले नाफामा गएको हो । सो अवधिमा फण्डले सूचीकृत धितोपत्रमा रू. ४७ करोड ९१ लाख लगानी गरेको छ । एनआईबिएल समृद्धि फण्ड २ को रिपोर्ट हेर्न यहाँ क्लिक गर्नुहोला एनआईबिएल प्रगति फण्को रिपोर्ट हेर्न यहाँ क्लिक गर्नुहोला

Aarthik Abhiyan जेष्ठ २०८०

फागुन मसान्तसम्म एनआईबिएल समृद्धि फण्ड २ र प्रगति फण्डको न्याभ घट्यो, अन्य सूचक कस्ता ?

Aarthik Abhiyan फाल्गुन २०७९

मंसिर मसान्तसम्ममा एनआईबिएल समृद्धि फण्ड-२ को एनएभी घट्यो

पुस १३, काठमाडौं । एनआईबिएल म्युचुअल फण्ड अन्तर्गत सञ्चालित एनआईबिएल समृद्धि फण्ड-२ ले मंसिर मसान्तसम्मको खुद सम्पत्ति मूल्य सम्बन्धी विवरण मंगलवार सार्वजनिक गरेको छ । उक्त वित्तीय विवरण अनुसार फण्डको एनएभी कात्तिक मसान्तको तुलनामा मंसिर मसान्तमा घटेको छ । कात्तिक मसान्तमा फण्डको एनएभी रू. ९ दशलमव ९३ रहेकोमा मंसिर मसान्तमा घटेर रू. ९ दशमलव १४ मा झरेको हो । त्यसैगरी एनएभीसँगै फण्डको सूचीकृत शेयरमा लगानी पनि घटेको छ । फण्डले कात्तिक मसान्तसम्ममा सूचीकृत शेयरमा रू. ७६ करोड लगानी गरेकोमा मंसिर मसान्तसम्ममा घटेर रू. ६६ करोड १६ लाख १७ हजारमा झरेको हो । मंसिर मसान्तसम्ममा फण्डले लगानी गरेका कम्पनीहरुको शेयर मूल्यमा घटेसँगै समग्र सूचीकृत शेयरमा लगानी घटेको हो । फण्डको नोक्सानी कात्तिक मसान्तको तुलनामा मंसिर मसान्तमा बढेको छ । फण्डले कात्तिक मसान्तसम्ममा रू. १ करोड ४ लाख ९ हजार नोक्सानी ब्यहोरकोमा मंसिर मसान्तसम्ममा बढेर रू. १२ करोड ८२ लाख ७६ हजार पुगेको हो ।

Aarthik Abhiyan मंसिर २०७८

एनआईबिएल समृद्धि फण्ड - १ ले कमायो रू. १ करोड २२ लाख नाफा

पुस १३, काठमाडौं । एनआईबिएल म्युचुअल फण्ड अन्तर्गत सञ्चालित एनआईबिएल समृद्धि फण्ड - १ ले मंसिर मसान्तसम्मको खुद सम्पत्ति मूल्य विवरण मंगलवार सार्वजनिक गरेको छ । उक्त विवरण अनुसार फण्डले मंसिर मसान्तसम्ममा रू. १ करोड २२ लाख १६ हजार नाफा कमाएको हो । यो नाफा कात्तिक मसान्तसम्मको तुलनामा २२ प्रतिशत घटेको हो । फण्डले कात्तिक मसान्तसम्ममा रू. १ करोड ५८ लाख १४ हजार नाफा कमाएको थियो । मंसिर महीनामा फण्डको आम्दानी घटेसँगै नाफा घटेको हो । फण्डले कात्तिक मसान्तसम्ममा रू. २ करोड ४४ लाख ३६ हजार आम्दानी गरेकोमा मंसिर मसान्तसम्ममा रू. २ करोड २८ लाख ९१ हजारमा झरेको हो । त्यसैगरी, फण्डको सूचीकृत शेयरमा लगानी पनि घटेको छ । कात्तिक मसान्तसम्ममा फण्डले सूचीकृत शेयरमा रू. १० करोड २८ लाख ४३ हजार लगानी गरेकोमा मंसिर मसान्तसम्ममा घटेर रू. २ करोड ७३ लाख ७२ हजारमा झरेको हो । मंसिर महीनामा फण्डले लगानी गरेका कम्पनीहरुको शेयरमूल्य घटेसँगै समग्र सूचीकृत शेयरमा लगानी घटेको हो । त्यसैगरी कात्तिक मसान्तसम्ममा फण्डको एनएभी रू. १२ दशमलव ६६ रहेकोमा मंसिर मसान्तमा रू. १२ दशमलव ६२ कायम भएको छ ।

Aarthik Abhiyan मंसिर २०७८

एनआईबिएल समृद्धि फण्ड - १ को एनएभी बढ्यो

मंसिर १२, काठमाडौं । एनआईबिएल समृद्धि फण्ड - १ ले कात्तिक मसान्तसम्मको खुद सम्पत्ति मूल्य सम्बन्धी विवरण सार्वजनिक गरेको छ । उक्त वित्तीय विवरण अनुसार फण्डको एनएभी असोज मसान्तको तुलनामा कात्तिक महीनामा बढेको छ । असोज मसान्तमा फण्डको एनएभी रू. १२ दशमलव ६२ रहेकोमा कात्तिक मसान्तमा वृद्धि भएर रू. १२ दशमलव ६६ पुगेको हो । त्यसैगरी फण्डको नाफा असोज मसान्तको तुलनामा कात्तिक मसान्तमा नाफामा वृद्धि भएको छ । असोज मसान्तसम्ममा रू. १ करोड २१ लाख ४९ हजार नाफा कमाएको उक्त फण्डले कात्तिक मसान्तमा वृद्धि गर्दै रू. १ करोड ५८ लाख १४ हजार नाफा कमाएको छ । कात्तिक मसान्तसम्ममा फण्डको आम्दानीमा वृद्धि भएकाले नाफा बढेको हो । असोज मसान्तसम्ममा फण्डले रू. १ करोड ८७ लाख ९४ हजार आम्दानी गरेकोमा कात्तिक मसान्तमा वृद्धि भएर रू. २ करोड ४४ लाख ३६ हजार पुगेको हो । कात्तिक महीनामा फण्डको सूचीकृत शेयरमा लगानी भने घटेको छ । फण्डले असोज महीनामा सूचीकृत शेयरमा रू. २८ करोड २० लाख २३ हजार लगानी गरेकोमा कात्तिक महीनामा घटेर रू.१० करोड २८ लाख ४३ हजारमा झरेको हो । कात्तिक महीनामा फण्डले लगानी गरेका कम्पनीहरुको शेयरमूल्य घटेकाले सूचीकृत शेयरमा लगानी घटेको हो । उक्त फण्ड एनआईबिएल म्युचुअल फण्ड अन्तर्गत सञ्चालनमा रहेको छ ।

Aarthik Abhiyan कार्तिक २०७८

साउन मसान्तसम्म एनआईबिएल समृद्धि फण्ड-१ को एनएभी घट्यो

भदौ १४, काठमाडौं । एनआईबिएल म्युचुअल फण्ड अन्तर्गत सञ्चालित एनआईबिएल समृद्धि फण्डले साउन मसान्तसम्मको वित्तीय विवरण सोमवार सार्वजनिक गरेको छ । उक्त वित्तीय विवरण अनुसार फण्डको एनएभी असार मसान्तको तुलनामा साउन मसान्तमा घटेको छ । असार मसान्तमा योजनाको एनएभी रू. १६ रहेकोमा साउन मसान्तमा घटेर रू. १३ दशमलव २० मा सीमित भएको हो । यस योजनाले गत आवको मुनाफाबाट इकाईधनीलाई ३५ नगद लाभांश वितरण पछि इकाई मूल्य समायोजन भएकाले एनएभी घटेको हो । यस योजनाको नाफा पनि असार मसान्तको तुलनामा साउन मसान्तमा घटेको छ । योजनाले असार मसान्तसम्ममा रू. ५५ करोड ९१ लाख ३७ हजार नाफा कमाएकोमा साउन मसान्तमा रू. ७ करोड ७ लाख ८१ हजारमा सीमित भएको हो । लगानी असार मसान्तको तुलनामा साउन मसान्त घटेको हो । योजनाले असार मसान्तसम्ममा सूचीकृत शेयरमा रू. ६३ करोड ३७ लाख ७४ हजार लगानी गरेकोमा साउन मसान्तमा घटेर रू. ५९ करोड ९१ लाख ८६ हजारमा सीमित भएको हो ।

Aarthik Abhiyan श्रावण २०७८

एनआईबिएल सहभागित फण्ड र एनआईबिएल समृद्धि फण्ड-२ को शेयरमा लगानी बढ्यो

भदौ १४, काठमाडौं । एनआईबिएल म्युुचुअल फण्ड अन्तर्गत सञ्चालित एनआईबिएल सहभागिता फण्ड र एनआईबिएल समृद्धि फण्ड-२ ले साउन मसान्तको वित्तीय विवरण सार्वजनिक गरेका छन् । उक्त वित्तीय विवरण अनुसार दुवै योजनाको सूचीकृत शेयरमा लगानी असार मसान्तको तुलनामा साउन मसान्तमा वृद्धि भएको छ । एनआईबिएल सहभागिता फण्डको असार मसान्तसम्म सूचीकृत शेयरमा रू. १९ करोड ६७ लाख लगानी रहेकोमा साउन मसान्तमा वृद्धि भएर रू. २१ करोड ६१ लाख ३० हजार पुगेको हो । त्यसैगरी, यस योजनाको एनएभी भने असार मसान्तको तुलनामा साउन मसान्तमा घटेको छ । असार मसान्तमा योजनाको एनएभी रू. १७ दशमलव ४५ रहेकोमा साउन मसान्तमा घटेर रू. १३ दशमलव शून्य १ मा सीमित भएको हो । योजनाले गत आवको मुनाफाबा इकाईधनीहरुलाई ५० प्रतिशत नगद लाभांश कर सहित वितरण गरेको हो । उक्त नगद लाभांश पछि योजनाको इकाई मूल्य समायोजन भएकाले असार मसान्तको तुलनामा साउन मसान्तमा इकाई मूल्य घटेको हो । एनआईबिएल समृद्धि फण्ड-२ ले साउन मसान्तसम्ममा सूचीकृत शेयरमा रू. ७२ करोड ५९ लाख २७ हजार लगानी गरेको छ । यो लगानी असार मसान्तको तुलनामा ४३ प्रतिशतले वृद्धि भएको हो । योजनाले असार मसान्त सम्ममा सूचीकृत शेयरमा रू. ५० करोड ५७ लाख लगानी गरेको थियो । यस योजनाको एनएभी पनि असार मसान्तको तुलनामा साउन मसान्तमा बढेको छ । यस योजनाको एनएभी असार मसान्तमा रू. १० रहेकोमा साउन मसान्तमा बढेर रू. १० दशमलव ३९ पुगेको हो । यस योजनाले साउन मसान्तसम्ममा रू. ५ करोड ९३ लाख ८६ हजार नाफा कमाएको छ ।

Aarthik Abhiyan श्रावण २०७८

एनआईबिएल समृद्धि फण्ड - २ को सूचीकृत शेयरमा लगानी घट्यो

सम्बन्धित सामग्री