फागुन २२, काठमाडौं । छ्याङ्दी हाइड्रोपावर लिमिटेडको हकप्रद शेयर फागुन १९ गते बाँडफाँट भएको छ ।
कम्पनीले पुस २० गतेसम्मका कायम शेयरधनीहरुका लागि माघ ११ गतेदेखि प्रतिशेयर रू. १०० रुपैयाँ अंकित दरका ८ करोड ९३ लाख २ हजार ५०० रुपैयाँ बराबरको ८ लाख ९३ हजार २५ कित्ता हकप्रद निष्कासन गरेको थियो ।
कम्पनीले हाल कायम १० कित्ता शेयर बराबर नयाँ ३ कित्ता शेयरको अनुपातमा उक्त हकप्रद शेयर विक्री गरेको हो ।
कुल निष्कासनमध्ये रितपूर्वक आवेदन दिने २८ हजार ३११ जना शेयरधनीलाई ८ लाख ३३ हजार १९१ कित्ता शेयर बाँडफाँट गरेको हो ।
साथै, कम्पनीले बाँडफाँटमा नपरेको शेयर बापतको रकम फागुन २३ गतेदेखि आवेदकहरुको फारममा उल्लेख बैंक खातामा पठाउने भएको छ । कम्पनी हकप्रदको विक्री प्रवन्धकमा ग्लोबल आईएमई क्यापिटल लिमिटेड रहेको छ ।
