काठमाण्डौ – साढे दुई वर्षदेखि साउदीमा रहेको नेपाली दूतावासको सेल्टरमा रहँदै आउनुभएका बेदबहादुर भुजेल हिजो नेपाल फर्किनुभएको छ ।
मोरङ हरैँचाका बेदबहादुर बिहीबार दिउँसो नेपाल फर्किनुभएकाे साउदीमा रहेको नेपाली दूतावासले जनाएको छ । वैदेशिक रोजगारीको सिलसिलामा साउदीको रियादमा एउटा कम्पनीमा काम गर्दागर्दै साढे दुई वर्ष पहिले बेद दुर्घटनामा पर्नुभएको थियो । दुर्घटनामा परेर तीन महिना अचेत अवस्थामा कोमामा रहनुभयो । ‘फ्यामिली केयर हस्पिटल’मा नियमित स्वास्थ्य उपचारपछि उहाँको स्वास्थ्यमा सुधार आयो ।...
