अमेरिकी राष्ट्रपतिको ट्याक्स विवरण सार्वजनिक, गतबर्षको आय ५ लाख ८० हजार, उपराष्ट्रपतिको कति?

मल्टीपर्पस फाइनान्सको नाफामा उल्लेख्य वृद्धि, प्रतिशेयर आम्दानी कति ?

काठमाडौं । मल्टीपर्पस फाइनान्स लिमिटेडले चालू आर्थिक वर्ष (आव)को पहिलो त्रैमासिक वित्तीय विवरण सार्वजनिक गरेको छ । उक्त वित्तीय विवरण अनुसार कम्पनीको खुद नाफा गत आवको पहिलो त्रैमासको तुलनामा चालू आवको सोही अवधिमा उल्लेख्य वृद्धि भएको छ । गत आवमा कम्पनीले रू. ४ लाख १८ हजार नाफा कमाएकोमा चालू आवमा वृद्धि भएर रू. ६५ लाख ८० हजार पुगेको हो । चालू आवको पहिलो त्रैमासमा कम्पनीको खुद ब्याज आम्दानीमा वृद्धि भएकाले कम्पनीको नाफामा वृद्धि भएको हो । गत आवमा कम्पनीको खुद ब्याज आम्दानी रू. ४९ लाख ६ हजार रहेकोमा चालू आवमा बढेर रू. १ करोड ९५ लाख पुगेको छ । कम्पनीको चुक्ता पूँजी रू. ५९ करोड ५९ लाख छ । पहिलो त्रैमाससम्ममा कम्पनीले रिर्जभमा रू. ६ करोड २३ लाख र रिटेन्ड अर्निङमा रू. २९ लाख ३३ हजार सञ्चिति गरेको हो । चालू आवमा कम्पनीको नाफामा वृद्धि भएसँगै प्रतिशेयर आम्दानी पनि वृद्धि भएको छ । गत आवमा कम्पनीको प्रतिशेयर आम्दानी ३७ पैसा रहेकोमा चालू आवमा बढेर ४ रुपैयाँ ४२ पैसा पुगेको छ । त्यस्तै चालू आवमा कम्पनीको मूल्य आम्दानी अनुपात ६३ दशमलव ३९ गुणा र प्रतिशेयर नेटवर्थ रू ११० दशमलव ९५ छ । कम्पनीको खराब कर्जा भने गत आवको तुलनामा चालू आवमा केही बढेको छ । गत आवमा कम्पनीको निष्क्रिय कर्जा शून्य दशमलव २२ प्रतिशत रहेकोमा चालू आवमा बढेर १ दशलमव २२ प्रतिशत पुगेको हो । रिपोर्ट हेर्न यहाँ क्लिक गर्नुहोस्

Aarthik Abhiyan आश्विन २०८०

निष्क्रिय कर्जा बढेसँगै स्वस्तिक लघुवित्तको नाफा प्रभावित, यस्ता छन् अन्य सूचक

काठमाडौं । स्वस्तिक लघुवित्त वित्तीय संस्था लिमिटेडले गत आर्थिक वर्ष (आव)को चौथो त्रैमासिक वित्तीय विवरण सार्वजनिक गरेको छ । उक्त वित्तीय विवरण अनुसार कम्पनीको खुद नाफा अघिल्लो आवको तुलनामा ४९ दशमलव ९३ प्रतिशत घटेको छ । अघिल्लो आवको चौथो त्रैमाससम्ममा कम्पनीले रू. ६९ लाख ८० हजार नाफा कमाएकोमा गत आवमा घटेर रू. ३४ लाख ९५ हजारमा झरेको हो । गत आवमा कम्पनी निष्क्रिय कर्जा बढेसँगै नाफा प्रभावित भएको हो । अघिल्लो आवमा कम्पनीको निष्क्रिय कर्जा १ दशमलव २६ प्रतिशत रहेकोमा गत आवमा बढेर ३ दशमलव ४९ प्रतिशत पुगेको छ । त्यस्तै कम्पनीले सम्भावित जोखिम बापतको व्यवस्थामा धेरै रकम छुट्याउँदा सञ्चालन नाफा रू. ७९ लाख ४५ हजार ऋणात्मक रहेको छ । यस कारण पनि खुद नाफा घटेको हो । त्यस्तै कम्पनीको खुद ब्याज आम्दानी अघिल्लो आवको तुलनामा गत आवमा ३० प्रतिशत घटेको छ । कम्पनीको चुक्ता पूँजी रू. ३ करोड ४६ लाख छ । त्यस्तै कम्पनीले जगेडामा रू. २ करोड ३५ लाख सञ्चिति गरेको छ । साथै कम्पनीले आईपीओ निष्कासन गर्ने तयारीमा पनि छ । कम्पनीले अधिकृत पूँजीको ४० प्रतिशतले हुन आउने आईपीओ ल्याउने प्रक्रिया अगाडि बढाएको हो । यसका लागि कम्पनीले धितोपत्र निष्कासन तथा विक्री प्रबन्धकमा नबिल इन्भेष्टमेन्ट बैंकिङलाई नियुक्त गरेको छ ।

Aarthik Abhiyan आषाढ २०८०

सानिमा म्युचुअलका तीन ओटै फण्डको न्याभ बढ्यो, कसको कति ?

काठमाडौं । सानिमा म्युचुअल फण्ड (Sanima Mutual Fund)अन्तर्गत सञ्चालित सानिमा ग्रोथ फण्ड (Sanima Growth Fund), सानिमा लार्ज क्याप फण्ड (Sanima Large Cap Fund) र सानिमा इक्वीटी फण्ड (Sanima Equity Fund) ले चैत मसान्तसम्मको खुद सम्पत्ति मूल्य विवरण सार्वजनिक गरेका छन् । विवरणअनुसार यी तीनओटै फण्डको न्याभ (NAV) फागुन मसान्तको तुलनामा चैत मसान्तमा बढेको छ । सानिमा लार्ज क्याप फण्डको न्याभ फागुन मसान्तमा ९ रूपैयाँ १२ पैसा रहेकोमा चैत मसान्तसम्म ९ रूपैयाँ १८ पैसा पुगेको हो । त्यस्तै सानिमा ग्रोथ फण्डको न्याभ फागुन मसान्तमा ९ रूपैयाँ ८७ पैसा रहेकोमा चैत मसान्तमा ९ रूपैयाँ ९६ पैसा पुगेको हो । त्यस्तैगरी सानिमा इक्वीटी फण्डको न्याभ फागुन मसान्तमा १२ रूपैयाँ १४ पैसा रहेकोमा चैत मसान्तसम्म १२ रूपैयाँ २५ पैसा पुगेको छ । यी फण्डहरूको नाफासँगै आम्दानीमा सुधार आएको छ । सानिमा ग्रोथ फण्ड चैत मसान्तसम्म रू. २४ लाख नोक्सानीमा रहेको छ । फागुन मसान्तमा पनि फण्ड रू. ८७ लाख नोक्सानीमा थियो । यस आधारमा फण्डको नोक्सानी केही घटेको छ । आम्दानीमा सुधार आएसँगै नोक्सानी घटेको हो । फागुन मसान्तमा फण्डको आम्दानी रू. २ लाख ४५ हजार ऋणात्मक रहेकोमा चैत मसान्तमा रू. ६९ लाख ४९ हजार धनात्मक रहेको छ । फण्डले चैत मसान्तसम्म सूचीकत शेयरमा रू. १२ करोड ७७ लाख लगानी गरेको छ । सानिमा लार्ज क्याप फण्डको नाफा फागुन महीनाको तुलनामा चैत महीनामा २५ प्रतिशत वृद्धि भएको छ । फण्डले फागुन मसान्तसम्म रू. २ करोड ७५ लाख नाफा कमाएकोमा चैत मसान्तमा रू. ३ करोड ४६ लाख पुगेको हो । चैत महीनामा फण्डको आम्दानीमा वृद्धि भएकाले नाफा बढ्न टेवा पुगेको हो । फण्डले चैत मसान्तसम्म सूचीकृत शेयरमा रू. ६२ करोड ७८ लाख लगानी गरेको छ । सानिमा इक्वीटी फण्डले फागुन मसान्तसम्म रू. ८१ लाख ८० हजार नोक्सानीमा रहेकोमा चैत मसान्तमा सुधारिएर रू. ६३ लाख ९५ हजार धनात्मक भएको छ । चैत महीनामा फण्डको आम्दानी बढेको छ । फागुन मसान्तसम्म यस फण्डले रू. १ करोड २७ लाख नाफा कमाएकोमा चैत मसान्तसम्म रू. २ करोड ९८ लाख पुगेको छ । फण्डले चैत मसान्तसम्म सूचीकृत शेयरमा रू. १ अर्ब ३ करोडभन्दा बढी लगानी गरेको छ । सानिमा ग्रोथ फण्डको रिपोर्ट हेर्न यहाँ क्लिक गर्नुहोला

Aarthik Abhiyan चैत्र २०७९

फागुन मसान्तसम्म सानिमा इक्वीटी फण्ड रू. ८१ लाख नोक्सानीमा, न्याभ कति ?

काठमाडौं । सानिमा म्युचुअल फण्डअन्तर्गत सञ्चालित सानिमा इक्वीटी फण्डले फागुन मसान्तसम्मको खुद सम्पत्ति मूल्य विवरण सार्वजनिक गरेको छ । विवरणअनुसार फण्डले फागुन महीनामा नोक्सानी व्यहोरेको छ । फण्डले फागुन मसान्तसम्ममा रू. ८१ लाख ८० हजार नोक्सानी व्यहोरेको हो । माघ मसान्तसम्म भने फण्डले रू. १० करोड ६१ लाख नाफा कमाएको थियो । फागुन महीनामा फण्डको खर्चमा वृद्धि भई आम्दानी घटेकाले नोक्सानीमा गएको हो । माघ मसान्तसम्म फण्डको जम्मा खर्च रू. १ करोड ८४ लाख रहेकोमा फागुन मसान्तसम्ममा बढेर रू. २ करोड ८ लाख पुगेको हो । त्यस्तै फण्डको जम्मा आम्दानी माघ मसान्तसम्ममा रू. १२ करोड ४६ लाख रहेकोमा फागुन मसान्तसम्ममा घटेर रू. १ करोड २७ लाखमा झरेको छ । त्यस्तै फण्डको न्याभ पनि माघ महीनाको तुलनामा फागुन महीनामा घटेको छ । माघ मसान्तमा फण्डको न्याभ रू. १३ दशमलव ०२ रहेकोमा फागुन मसान्तमा घटेर रू. १२ दशमलव १४ मा कायम भएको हो । त्यस्तै फण्डको फागुन मसान्तसम्ममा सूचीकृत शेयरमा रू. १ अर्ब ४ करोडभन्दा बढी लगानी गरेको गरेको छ । यो लगानी माघ मसान्तसम्म रू. १ अर्ब १२ करोड थियो । रिपोर्ट हेर्न यहाँ क्लिक गर्नुहोला

Aarthik Abhiyan फाल्गुन २०७९

खप्तड लघुवित्तको घट्यो नाफा, कारण छ यस्तो

काठमाडौं । खप्तड लघुवित्त वित्तीय संस्थाले चालू आर्थिक वर्ष (आव)को दोस्रो त्रैमासिक वित्तीय विवरण सार्वजनिक गरेको छ । उक्त वित्तीय विवरण अनुसार कम्पनीको खुद नाफा गत आवको दोस्रो त्रैमासको तुलनामा चालू आवको सोही अवधिमा ७८ प्रतिशत घटेको छ । कम्पनीले गत आवमा रू. २१ लख ८० हजार नाफा कमाएकोमा चालू आवमा रू. ४ लाख ७२ हजारमा झरेको हो । चालू आवमा कम्पनीले सम्भावित जोखिम बापतको व्यवस्थामा धेरै रकम छुट्याउँदा नाफा प्रभावित भएको हो । कम्पनीले गत आवमा सम्भावित जोखिम बापतको व्यवस्थामा रकम छुट्याएको थिएन भने चालू आवमा रू. ११ लाख ९ हजार छुट्याएको छ । सोही कारण कम्पनीको सञ्चालन नाफा ८९ प्रतिशत घटेको छ । त्यस्तै कम्पनीको खुद ब्याज आम्दानी भने गत आवको तुलनामा चालू आवमा ६४ प्रतिशत वृद्धि भएको छ । गत आवमा कम्पनीले रू. ४६ लाख ६१ हजार खुद ब्याज आम्दानी गरेकोमा चालू आवमा बढेर रू. ७६ लाख ४४ हजार पुगेको हो । कम्पनीको चुक्तापूँजी रू. ४ करोड रहेको छ भने जगेडामा रू. १८ लाख ९१ हजार सञ्चित गरेको छ । कम्पनीको प्रतिशेयर आम्दानी रू. १ दशलमव १८ (वार्षिक), तरलता अनुपात ४४ दशमलव ८८ प्रतिशत र प्रतिशेयर नेटवर्थ रू. १०४ दशमलव ७३ रहेको छ ।

Aarthik Abhiyan पौष २०७९

सिद्धार्थ इन्भेष्टमेण्ट ग्रोथ स्किम - २ ले पुस मसान्तसम्ममा कमायो १ करोड ७२ लाख नाफा

Aarthik Abhiyan पौष २०७८

आईपीओ निष्कासनको तयारीमा रहेको मानुषी लघुवित्तले उठायो २ करोड ३३ लाख खराब कर्जा

साउन १०, काठमाडौं । मानुषी लघुवित्त वित्तीय संस्थाले गत आवको चौथो त्रैमासिक वित्तीय विवरण सार्वजनिक गरेको छ । उक्त वित्तीय विवरण अनुसार कम्पनीले गत आवको चौथो त्रैमासमा रू. २ करोड ३३ लाख खराब कर्जा संकलन गरेको छ । कम्पनीले अघिल्लो आवको चौथो त्रैमासमा रू. ४६ लाख ९४ हजार खराब कर्जा उठाएको थियो । नाफा भने अघिल्लो आवको तुलनामा गत आवमा ९२ प्रतिशतले कमि आएको छ । अघिल्लो आवमा रू. १ करोड २१ लाख नाफा कमाएको उक्त कम्पनीको नाफा गत आवमा भने रू. ४ लाख ७९ हजारमा सीमित भएको हो । कम्पनीले सम्भावित जोखिम वापतको व्यवस्थामा रू. ४ करोड ५१ लाख छुट्याएको छ ।सोही कारण सञ्चालन नाफा ऋणात्मक भई नाफा घटेको हो । कम्पनीले अघिल्लो आवमा सम्भावित जोखिम वापतको व्यवस्थामा रू. ६९ लाख २२ हजार छट्याएको थियो । कम्पनीले आईपीओ निष्कासन गर्ने तयारी गरिरहेको छ । कम्पनीले ३ लाख ९३ हजार कित्ता ७५० कित्ता आईपीओ निष्कासन गर्नका लागि नियामक निकाय नेपाल धितोपत्र बोर्डबाट स्वीकृती समेत पाइसकेको छ । विक्री प्रबन्धकमा नेपाल एसबिआई मर्चेण्ट बैंकिङ लिमिटेड रहेको छ । चुक्तापूँजी रू. ७ करोड रहेको कम्पनीले जगेडामा रू.२ करोड ६५ लाख सञ्चित गरेको छ । गत आवको चौथो त्रैमाससम्ममा कम्पनीले रू. २५ करोड ६६ लाख ८० हजार सापटि लिएर, रू. ५५ करोड २३ लाख ९ हजार निक्षेपक संकलन गरेर रू. ७९ करोड ३७ लाख २२ हजार कर्जा लगानी गरेको छ । त्यसैगरी कम्पनीको खुद ब्याज आम्दानी अघिल्लो आवको तुलनामा गत आवमा २४ दशमलव ९१ प्रतिशतले वृद्धि भएको छ । अघिल्लो आवमा रू. ५ करोड ८३ लाख खुद ब्याज आम्दानी गरेको उक्त कम्पनीले गत आवमा वृद्धि गरेर रू. ७ करोड २८ लाख ४५ हजार पुर्‍याएको छ ।

Aarthik Abhiyan आषाढ २०७८

कोरोना नियन्त्रणमा १२ अर्ब खर्च

कोरोनाभाइरस (कोभिड–१९) नियन्त्रण, रोकथाम र उपचारमा लगभग १२ अर्ब रुपैया खर्च भएको विवरण सार्वजनिक भएको छ । संघ, प्रदेश, स्थानिय तह र विभिन्न अस्पतालले गरेको साउनसम्मको खर्च ११ अर्ब ९८ करोड ३१ लाख ८० हजार रुपैयाँ रहेको सञ्चार तथा सूचना प्रविधिमन्त्री डा. युवराज खतिवडाले जानकारी दिए । स्वास्थ्य तथा जनसंख्यासहित रक्षा, गृह, परराष्ट्र र सहरी […]

कारोबार दैनिक श्रावण २०७७

कोरोना नियन्त्रणमा १२ अर्ब खर्च

कोरोनाभाइरस (कोभिड–१९) नियन्त्रण, रोकथाम र उपचारमा लगभग १२ अर्ब रुपैया खर्च भएको विवरण सार्वजनिक भएको छ । संघ, प्रदेश, स्थानिय तह र विभिन्न अस्पतालले गरेको साउनसम्मको खर्च ११ अर्ब ९८ करोड ३१ लाख ८० हजार रुपैयाँ रहेको सञ्चार तथा सूचना प्रविधिमन्त्री डा. युवराज खतिवडाले जानकारी दिए । स्वास्थ्य तथा जनसंख्यासहित रक्षा, गृह, परराष्ट्र र सहरी विकास मन्त्रालयमार्पmत रोकथाम, नियन्त्रण र उपचारमा सो रकम खर्च भएको जनाइएको छ ।

कारोबार दैनिक श्रावण २०७७

कोरोना नियन्त्रणमा साउनसम्म करिब १२ अर्ब खर्च, एक संक्रमित पत्ता लगाउन लाग्यो एक लाख चार हजार

पहिलो पोस्ट श्रावण २०७७

अमेरिकी राष्ट्रपतिको ट्याक्स विवरण सार्वजनिक, गतबर्षको आय ५ लाख ८० हजार, उपराष्ट्रपतिको कति?

सम्बन्धित सामग्री