अरुण भ्यालीको साधारण सभा असोज २४ गते, बोनस शेयर र हकप्रद शेयर प्रस्ताव

एशियन लाइफ इन्स्योरेन्सको साधारण सभा सम्पन्न, लाभांश र हकप्रद शेयर निष्कासन गर्ने प्रस्ताव पारित

Aarthik Abhiyan माघ २०८०

अपि पावरले फागुन १४ गते बोलायो साधारण सभा, लाभांश र हकप्रद शेयर पारित हुँदै

काठमाडौं । अपि पावर कम्पनी लिमिटेडले फागुन १४ गते १९औं वार्षिक साधारण सभा बोलाएको छ । माघ १७ गते बसेको सञ्चालक समितिको बैठकले बानेश्वर ब्याङ्क्वेट थापागाउँ, काठमाडौंमा विहान ११ बजे सभा गर्ने निर्णय गरेको हो । सभाले गत आर्थिक वर्ष २०७८/ ०७९ सम्मको वार्षिक प्रतिवेदन सहितका वित्तीय विवरणहरू पारित गर्नुका साथै प्रस्तावित लाभांशलाई समेत अन्तिम स्वीकृति प्रदान गर्नेछ । यस वर्ष कम्पनीले ७ दशमलव ५ प्रतिशत बोनस शेयर र कर प्रयोजनका लागि शून्य दशमलव ३९ प्रतिशत नगद लाभांश वितरणको प्रस्ताव गरेको छ । साथै ४० प्रतिशत हकप्रद शेयर निष्कासनको प्रस्तावलाई समेत सभाले स्वीकृति प्रदान गर्ने छ । कम्पनीको हाल कायम चुक्तापूँजी रू. ३ अर्ब ८४ करोड ४९ लाख १५ हजार रहेको छ । ७ दशमलव ५ प्रतिशत बोनस शेयर वितरणपछि कम्पनीको चुक्तापूँजी रू. ४ अर्ब १३ करोड ३२ लाख ८४ हजार पुग्नेछ । सोही पूँजीको आधारमा कम्पनीले ४० प्रतिशतको दरले १ करोड ६५ लाख ३३ हजार १३७ कित्ता हकप्रद शेयर जारी गर्नेछ । साधारण सभा प्रयोजनका लागि कम्पनीले फागुन ४ गते एक दिन बुक क्लोज गर्ने भएको छ । बुक क्लोजको आधारमा फागुन ३ गतेसम्म कायम शेयरधनीहरू मात्र सभामा भाग लिन र लाभांश प्राप्त गर्न योग्य हुनेछन् ।

Aarthik Abhiyan पौष २०७९

कोरम नपुगेपछि नेशनल हाइड्रोपावरको साधारण सभा स्थगित

फागुन ३०, काठमाडौं । नेशनल हाइड्रोपावर कम्पनीको साधारण सभा कोरम नपुगेपछि स्थगित भएको छ । कम्पनीले सोमवार आयोजना गरेको साधारण सभामा शेयरधनीको आवश्यक संख्या नपुगेपछि स्थगित भएको हो । गणपुरक संख्या नपुगेपछि साधारण सभा रोकिएको कम्पनीका अध्यक्ष कुमार पाण्डेले जानकारी दिएका छन् । कम्पनीले सञ्चालक समितिमार्फत १८ दशलमव ५२ प्रतिशत बोनस शेयर र शून्य दशलमव ९७ प्रतिशत नगद लाभांश कर प्रयोजनको लागि वितरण गर्ने प्रस्ताव सभामा पेश गर्ने योजना बनाएको थियो । त्यसैगरी बोनस शेयर वितरण पछि कायम हुने चुक्तापूँजीको ५० प्रतिशत हकप्रद शेयर निष्कासन गर्ने प्रस्ताव पनि थियो । त्यसैगरी अन्य प्रस्तावमा नेशनल हाइड्रोपावर कम्पनीले सुनकोशी हाइड्रोपावरलाई प्राप्ति गर्ने रहेको छ ।

Aarthik Abhiyan फाल्गुन २०७८

अरुणभ्याली हाइड्रोपावरको १०% बोनस शेयर नेप्सेमा सूचीकृत

पुस २०, काठमाडौं । अरुणभ्याली हाइड्रोपावर डेभलपमेण्ट कम्पनी लिमिटेडले १० प्रतिशत बोनस शेयर नेपाल स्टक एक्सचेञ्ज (नेप्से) मा सूचीकृत गरेको छ । कम्पनीले मंगलवार उक्त बोनस शेयर वापतका १५ लाख ७२ हजार ३५९ कित्ता शेयर सूचीकृत गराएको हो । बुधवारदेखि कारोबारयोग्य हुने यो शेयर सम्बन्धित शेयरधनीहरुले भने आफ्नो हितग्राही खातामा जम्मा भएपछि मात्र कारोबार गर्न सक्नेछन् । कम्पनीले साधारण सभा र लाभांश प्रयोजनका लागि असोज ११ गते एक दिन बुक क्लोज गरेको थियो । बुक क्लोजको आधारमा असोज १० गतेसम्म कायम शेयरधनीहरुले मात्र यो बोनस शेयर प्राप्त गर्नेछन् । कम्पनीले १० प्रतिशत बोनस शेयर पश्चात ५० प्रतिशत हकप्रद शेयर विक्रीको प्रस्ताव पनि सोही सभाबाट पारित गरेको छ । हकप्रद शेयर भने विद्युत् नियमन आयोग र नेपाल धितोपत्र बोर्डबाट अनुमति पाएपछि मात्र निष्कासनमा आउनेछ ।

Aarthik Abhiyan मंसिर २०७८

अरुण काबेली पावरको सभाले पारित गर्‍यो लाभांश र हकप्रद शेयर

भदौ २७, काठमाडौं । अरुण काबेली पावर कम्पनीले ११ औं वार्षिक साधारण सभा सम्पन्न गरेको छ । सभा शनिवार भदौ २६ प्रधान कार्यालय ट्रेड टावर थापाथलीमा सम्पन्न भएको हो । सभाले १७ प्रतिशत बोनस शेयर र शून्य दशमलव ८९ प्रतिशत नगद लाभांश कर प्रयोजनको लागि वितरण गर्ने प्रस्ताव पारित गरेको छ । साथै १७ प्रतिशत बोनस शेयर वितरणपछि कम्पनीको चुक्तापूँजी रू.१ अर्ब ८५ करोड ५२ लाख पुग्नेछ । यही पूँजीको आधारमा शतप्रतिशत अर्थात् १ : १ अनुपातमा हकप्रद शेयर निष्कासन गर्ने प्रस्ताव पनि पारित भएको हो । साधारण सभा र लाभांश वितरण प्रयोजनको लागि कम्पनीले शेयरधनी दर्ता पुस्तिका भदौ १५ गते देखि २५ गतेसम्म बन्द गरेको थियो । यस आधारमा भदौ १४ गतेसम्म कायम शेयरधनीले लाभांश पाएका छन् ।

Aarthik Abhiyan श्रावण २०७८

अपि पावरको १८औं साधारण सभा सम्पन्न

काठमाडौं, २७ भदौ । अपि पावर कम्पनी लिमिटेडको १८औं साधारण सभा सम्पन्न भएको छ । कम्पनीले भदौ २५ गते भर्चुअल माध्यमबाट लाभांश तथा हकप्रद शेयर निष्कासनको प्रस्ताव पारित गर्दै सभा सम्पन्न गरेको हो । सभाले आर्थिक वर्ष २०७७/७८ को सञ्चित मुनाफाबाट १० दशमलव ५ प्रतिशत बोनस शेयर वितरण र सोको कर प्रयोजनार्थ ० दशमलव ५५ […]

Reporters Nepal श्रावण २०७८

ङादी ग्रुप पावरको २० % बोनस शेयर सुरक्षित गर्ने अन्तिम दिन बिहीवार सम्म

भदौ १६, काठमाडौं । ङादी ग्रुप पावर लिमिटेडको २० प्रतिशत बोनस शेयर सुरक्षित गर्ने अन्तिम दिन बिहीवारसम्म रहेको छ । कम्पनीले लाभांश वितरण प्रयोजन र साधारण सभा प्रयोजनको लागि आगामी भदौ १८ गते बुक क्लोज गरेसँगै बिहीवारसम्म कायम शेयरधनीले लाभांश पाउनेछन् । कम्पनीले आव २०७७/ ७८ को मुनाफाबाट शेयरधनीलाई २० प्रतिशत बोनस शेयर र १ दशमलव ०५ प्रतिशत नगद लाभांश कर प्रयोजनको लागि वितरण गर्ने प्रस्ताव गरेको छ । साथै कम्पनीले २० प्रतिशत बोनस शेयर वितरण पछि कायम चुक्तापूँजीको २०० प्रतिशत हकप्रद शेयर निष्कासन गर्ने पनि प्रस्ताव गरेको छ । उक्त प्रस्ताव पारित गर्नका लागि कम्पनीले आगामी असोज ३ गते साधारण सभा बोलाएको छ । कम्पनीले सभा बिहान ९ बजे क्विन्स क्याफे अनामनगर, काठमाडौंमा साधारण सभा बोलाएको छ ।

Aarthik Abhiyan श्रावण २०७८

सिनर्जी पावर डेभलपमेण्टको वार्षिक साधारण सभा भदौ ८ गते

साउन २७, काठमाडौं । सिनर्जी पावर डेभलपमेण्ट लिमिटेडले वार्षिक साधारण सभा भदौ ८ गते गर्ने भएको छ । कम्पनीले सभा कम्पनीको रजिष्टर्ड कार्यालयमा कामनपा वडा नं ४ स्थित बालुवाटारमा भर्चुअल माध्यमबाट गर्ने बताएको छ ।सभाले कम्पनीले १० प्रतिशत बोनस शेयर र शून्य दशमलव ५२ प्रतिशत नगद लाभांश कर प्रयोजनको लागि वितरण गर्ने प्रस्ताव पारित गर्नेछ । साथै कम्पनीले १० प्रतिशत बोनस शेयर वितरण पछि कायम हुने चुक्तापूँजीको ५० प्रतिशत अर्थात् २ बरावर १ अनुपातमा हकप्रद शेयर निष्कासन गर्ने प्रस्ताव पनि पारित गर्नेछ । हाल कम्पनीको चुक्तापूँजी ७३ करोड ३२ लाख ५० हजार रहेको छ । १० प्रतिशत बोनस शेयर वितरणपछि कम्पनीको पूँजी रू. ८० करोड ६५ लाख ७५ हजार पुग्नेछ । सोही पूँजीको आधारमा कम्पनीले हकप्रद शेयर जारी गर्ने योजना बनाएको छ । साधारण सभा प्रयोजनको लागि शेयरधनीदर्ता पुस्तिका भदौ ४ गतेदेखि १८ गतेसम्म बन्द रहनेछ । यस आधारमा भदौ ३ गतेसम्म कायम शेयरधनीले लाभांश पाउनेछन् । कम्पनीको साउन २६ गते बसेको सञ्चालक समितिको बैठकले साधारण सभाको मिति तय गरेको हो ।

Aarthik Abhiyan आषाढ २०७८

राधी विद्युत् कम्पनीको साधारण सभा मंगलवार हुँदै

असार २८, काठमाडौं । राधी विद्युत् कम्पनी लिमिटेडको साधारण सभा मंगलवार हुँदैछ । सभा कमपनीको कार्यालय त्रिपुरेश्वरमा बिहान ११ बजे गर्ने जानकारी गराएको हो । सभाले ३६ दशमलव ५ प्रतिशत बोनस शेयर (कर बाहेक) वितरण गर्ने प्रस्ताव पारीत गर्नेछ । बोनस शेयर वितरण पश्चात कायम हुने चुक्ता पूँजीको १४७ दशमलव ५२ प्रतिशत हकप्रद शेयर निष्कासन गर्ने प्रस्ताव पनि पारित गर्नेछ । साधारण सभा र लाभांश वितरण प्रयोजनको लागि शेयरधनीदर्ता पुस्तिका असार १५ गतेदेखि २९ गतेसम्म बन्द रहको जानकारी गराएको हो । यस हिसाबमा असार १४ गतेसम्म कायम शेयरधनीले लाभांश र साधारण सभामा भाग लिन सक्नेछन् ।

Aarthik Abhiyan जेष्ठ २०७८

आइएमई जनरल इन्स्योरेन्सको सभाले पारित गर्‍यो ७ % बोनस शेयर

वैशाख १२, काठमाडौं । आइएमई जनरल इन्स्योरेन्स लिमिटेडले २३ औं वार्षिक साधारण सभा सम्पन्न गरेको छ । भर्चुअल माध्यमबाट केन्द्रीय कार्यालय नक्सालमा आयोजित सभाले सभाले ७ प्रतिशत बोनस शेयर र शून्य दशमलव ३७ प्रतिशत नगद लाभांश वितरण गर्ने प्रस्ताव पारित गरेको हो । साथै सभाले ७ प्रतिशत बोनस शेयर वितरण पछि कायम हुने चुक्तापूँजीको ४० प्रतिशत हकप्रद शेयर निष्कासन गर्ने प्रस्ताव पनि पारित गरेको छ । हकप्रद शेयर निष्कासन गर्ने प्रस्ताव साधारण सभाबाट पारित भएपछि कम्पनीले नेपाल धितोपत्र बोर्डमा निवेदन दिएर स्वीकृती पाएपछि निष्कासन गर्नेछ । सभाले हाल कायम रहेको कम्पनीको शेयर स्वामित्व संस्थापक समूहतर्फ ६० प्रतिशत र सर्वसाधारण शेयरधनीको ४० प्रतिशत रहेकोमा संस्थापकको ५१ प्रतिशत र सर्वसाधारण समूहको ४९ प्रतिशत कायम गर्ने प्रस्ताव पनि पारित गरेको छ । ७ प्रतिशत बोनस शेयर वितरण पछि कम्पनीको चुक्तापूँजी रू. १ अर्ब १५ करोड ७५ लाख ८६ हजार पुगेको छ । सोही पूँजीको आधारमा कम्पनीले ४० प्रतिशत हकप्रद शेयर निष्कासन गर्नेछ ।

Aarthik Abhiyan चैत्र २०७७

अरुण भ्यालीको साधारण सभा असोज २४ गते, बोनस शेयर र हकप्रद शेयर प्रस्ताव

सम्बन्धित सामग्री