स्कटल्याण्डको यूरो कप फुटबल २०२० को यात्रा समाप्त भएको छ । समूह चरणको अन्तिम खेलमा क्रोएशियाबाट हार बेहोर्दा स्कटल्याण्ड समूह चरणबाटै बाहिरिएको हो । समूह डी को गए राति अबेर सम्पन्न खेलमा क्रोएशियाले स्कटल्याण्डमाथि ३–१ को जित हात पारेको हो ।
ग्लासगोस्थित राष्ट्रिय रङशालामा सम्पन्न खेलमा दुबै टोलिका लागि नकआउट चरणमा प्रबेशको सम्भाबना जिवित राख्न जित आवश्यक थियो । पहिलो हाफसम्म १–१ को बराबरी खेलेपनि दोस्रो हाफमा क्रोएशियाले दुई गोल थप्दै स्कटल्याण्डमाथि जित सम्भब बनायो । १७ औं मिनेटमा निकोला भ्लासिकले गोल गर्दै विश्वकप फुटबलका उपविजेता क्रोएशियालाई १–० को अग्रता दिलाउनुभयो ।