आजदेखि बढ्यो अमेरिकी भिसाशुल्क, अमेरिकी सरकारलाई २७ करोड डलर आम्दानी हुने अपेक्षा

सन् २०२४ मा विश्वका वायुसेवा कम्पनीको नाफामा उच्च वृद्धि हुने

विश्वका वायुसेवा कम्पनी एयरलाइन्स ले सन् २०२४ मा करिब पाँच अर्ब यात्रु बोक्ने अपेक्षा गरेको छ । यो सङ्ख्या कोभिड–१९ महामारी अघिको उच्च रेकर्डभन्दा पनि बढी भएको अन्तर्राष्ट्रिय हवाइ यातायात सङ्घ आईएटीए ले जनाएको छ । आईएटीएले यस वर्ष विश्वका वायुसेवा कम्पनीहरुले ३० अर्ब अमेरिकी डलर आम्दानी गर्ने अपेक्षा गरेको छ । आईएटीएका महानिर्देशक विली […]

khasokhas.com 26 दिन पहिले

२०२८ सम्म ट्विटरको आम्दानी ५ गुणामा पुर्‍याउन खोज्दै मस्क, वार्षिक २६ अर्ब ४० करोड डलर कमाउने लक्ष्य

Aarthik Abhiyan चैत्र २०७८

लगातार तेस्रो त्रैमासमा पनि गूगल सर्च इन्जिनको आम्दानीमा नयाँ रेकर्ड, शेयरलाई २० भागमा टुक्याउने

Aarthik Abhiyan पौष २०७८

चिप उत्पादन गर्ने ताइवानी कम्पनीले ३ महीनामै कमायो १५ अर्ब डलर, खुद नाफा नै ६ अर्ब डलर माथि

Aarthik Abhiyan पौष २०७८

इरानको तेल कर्जा चियापत्तिबाट तिर्दै श्रीलंका

पुस ८, कोलम्बो (श्रीलंका) । श्रीलंकाले इरानबाट विगतमा आयातित तेलको बक्यौता महसुल चियापत्तिबाट तिर्ने योजना बनाएको छ । श्रीलंकाली सरकारका एक मन्त्रीले बताएको भन्दै बुधवार बीबीसीले समाचार छापेको हो । इरानको २५ करोड १० लाख डलर चुक्ता गर्न श्रीलंकाले मासिक ५० लाख डलर बराबरको चियापत्ति इरानतर्फ पठाउने रमेश पाथिरानाले बताएका छन् । अहिले चरम कर्जा र विदेशी विनियम सञ्चिति संकटको सामना गरिरहेको छ । कोरोना भाइरसको महामारीबीच पयर्टकहरुबाट हुने आम्दानी गुमेपछि अवस्था झनै खराब बनेको छ । विदेशी कर्जा भुक्तानी गर्न पैसाको सट्टामा चियापत्ति दिन थालिएको यो पहिलो पटक भएको त्यहाँको चियापत्ति समितिका एक सदस्यले बताएका छन् । भुक्तानीको यस तरिकाले संयुक्त राष्ट्र संघ वा अमेरिकाले इरानमाथि लगाएको प्रतिबन्धको उल्लंघन पनि नहुने पाथिरानाको भनाइ छ । ‘तेल खरीदबापत विगत चार वर्षदेखि इरानलाई तीर्न बाँकी रकम भुक्तानीका लागि हरेक महीना ५० लाख डलर बराबरको चियापत्ति पठाउने अपेक्षा हामीले गरेका छौं,’ रोयटर्ससँगको कुराकानीका क्रममा उनले भने । श्रीलंकाले वर्षेनी ३४ करोड किलो चिया उत्पादन गर्दै आएको छ । गत वर्ष यसले २६ करोड ५५ केजी चिया निर्यात गरेको थियो । चिया निर्यातको आम्दानी सन् २०२० मा १ अर्ब २४ करोड डलर रहेको थियो । एजेन्सी

Aarthik Abhiyan मंसिर २०७८

एप्पललाई उछिनेर माइक्रोसफ्ट बन्यो विश्वकै सर्वाधिक मूल्यवान कम्पनी

कात्तिक १३, सन फ्रान्सिस्को (अमेरिका) । अमेरिकी बहुराष्ट्रिय प्रविधि कम्पनी माइक्रोसफ्ट कर्पोरेशन घरेलु बहुराष्ट्रिय प्रविधि कम्पनी एप्पल इंकलाई उछिनेर सबैभन्दा मूल्यवान कम्पनी बनेको छ । शुक्रवारको कारोबारमा माइक्रोसफ्टको बजार पूँजीकरण करीब २४ खर्ब ९० अर्ब डलरमा पुगेर बन्द भएको छ । एप्पलको बजार पूँजीकरण सोही अवधिमा २४ खर्ब ६० अर्ब डलर रहेको थियो । कम्पनीको आम्दानी चालू आर्थिक वर्षको चौंथो त्रैमासमा अपेक्षा गरिएभन्दा कम भएको बिहीबार एप्पलले बताएको थियो । बजार पूँजीकरण १० खर्ब डलर र २० खर्ब डलर नाघ्ने एप्पल पहिलो कम्पनी थियो । गतवर्ष बजार पूँजीकरणमा साउदी अराम्कोलाई उछिनेर यो विश्वको सबैभन्दा मूल्यवान सार्वजनिक रुपमा शेयर किनबेच हुने कम्पनी पनि बनेको छ । माइक्रेसफ्टले यसअघि बजार पूँजीकरणम ाएप्पललाई सन् २०२० मा उछिनेको थियो । यसको बजार पूँजीकरण २० खर्ब ८० माथि भने गएको जुनमा आएको थियो । यस वर्षको अहिलेसम्मको अवधिमा माइक्रोसफ्टको शेयरमूल्य ४८ प्रतिशतले बढिसकेको छ । सोही अवधिमा एप्पलको शेयर मूल्यमा करीब १३ प्रतिशतको वृद्धि भएको छ । एजेन्सी

Aarthik Abhiyan आश्विन २०७८

फेसबुकको मुनाफा ९ अर्ब डलर

कात्तिक ९, सन फ्रान्सिस्को (अमेरिका) । सामाजिक सञ्जाल फेसबुकले अपेक्षा गरिएभन्दा धेरै मुनाफा कमाएको छ । आन्तरिक दस्तावेजहरु चुहिएर कम्पनी दबाबमा आएको भएपनि तेस्रो त्रैमासमा कम्पनीले अपेक्षा गरेभन्दा धेरै मुनाफा कमाएको छ । सेप्टेम्बर त्रैमासमा कम्पनीले ९ अर्ब डलर मुनाफा गरेको छ । गत वर्षको सोही अवधिमा यस्तो मुनाफा ७ अर्ब ८० करोड डलर रहेको थियो । अनलाइन विज्ञापनमा भएको वृद्धिका कारण समीक्षा अवधिमा कम्पनीको आम्दानी पनि ३५ प्रतिशतले बढेर २९ अर्ब १ करोड डलरमा पुगेको छ । सेप्टेम्बर ३० सम्मको १२ महीनामा कम्पनीको मासिक यूजर बेस ६ प्रतिशतले बढेर २ अर्ब ९१ करोडमा पुगेको छ । एजेन्सी

Aarthik Abhiyan आश्विन २०७८

सोनीको आम्दानी कीर्तिमानी उचाईमा

साउन २१, टोकियो । जापानी विद्युतीय सामाग्री निर्माता कम्पनी सोनी ग्रुपले जुनसम्मको तीन महीनामा कीर्तिमानी आम्दानी गरेको छ । कोरोना भाइरसको महामारी बीच घरमै बसेर काम गर्ने मानिसहरुबाट सुदृढ मागका कारण कम्पनीको आम्दानीले नयाँ उचाई छोएको हो । कम्पनीले आगामी वर्षको मार्चमा सकिने क्रममा रहेको चालू आर्थिक वर्षको लागि मुनाफा प्रक्षेपण पनि बढाएको छ । कम्पनीका अनुसार गत त्रैमासमा सोनीको विक्री २२ खर्ब येन (२० अर्ब डलर) माथि रहेको छ । येनका आधारमा यो गत वर्षको सोही अवधिको तुलनामा १५ प्रतिशत धेरै हो । समीक्षा अवधिमा सञ्चालन मुनाफा पनि २६ प्रतिशतले बढेर २ खर्ब ८० अर्ब येन (२ अर्ब ५० करोड डलर) मा पुगेको छ । अप्रिल–जुन त्रैमासको विक्री र सञ्चालन मुनाफा दुबै अहिलेसम्मकै उच्च हो । संक्रमणबाट बच्न मानिसहरु घरमै बस्ने क्रम बढ्दा टिभी, भिडियो गेम उपकरण र म्युजिक स्ट्रिमिङ सेवाको विक्री बढेको छ । एक वर्ष अघिको तुलनामा डिजिटल क्यामराको विक्रीमा सुधार आएको कम्पनीले बताएको छ । कम्पनीले सञ्चालन मुनाफा प्रक्षेपण ५ प्रतिशतले बढाएर ९ खर्ब ८० अर्ब येन (९ अर्ब डलर) मा पुर्‍याएको छ । केही समयसम्म कम्पनीको उत्पादन र सेवाको माग सुदृढ रहने अपेक्षा गरिएको छ । एजेन्सी

Aarthik Abhiyan आषाढ २०७८

आम्दानी बढेसँगै फेसबुकको त्रैमासिक मुनाफा १० अर्ब डलरमाथि

साउन १४, सन फ्रान्सिस्को (अमेरिका) । सामाजिक सञ्जाल कम्पनी फेसबुकको मुनाफा दोब्बर भएको छ । विज्ञापनबाट हुने आम्दानीमा व्यापक वृद्धिका कारण यस वर्षको दोस्रो त्रैमासमा कम्पनीको मुनाफा आकाशिएको हो । यद्यपि यस वर्षको दोस्रो अर्धवार्षिक अवधिमा भने मुनाफा यही दरमा निरन्तर नबढ्ने अनुमान कम्पनीको छ । अप्रिल–जुन त्रैमासमा फेसबुकले १० अर्ब ३९ करोड डलर मुनाफा कमाएको छ । मुनाफाको आकार प्रतिकित्ता शेयरमा २ डलर ६१ सेन्ट हुन आउँछ । गत वर्षको सोही अवधिमा फेसबुकको मुनाफा ५ अर्ब १८ करोड डलर अर्थात् प्रतिकित्ता शेयरमा १ डलर ८० सेन्ट थियो । समीक्षा अवधिमा आम्दानी पनि गत वर्षको सोही अवधिको तुलनामा ५६ प्रतिशतले बढी २८ अर्ब ५८ करोड डलरमा पुगेको छ । यो दुबै अपेक्षा गरिएभन्दा धेरै हो । फ्याक्टसेटले गरेको सर्वेक्षणमा संलग्न विश्लेषणहरुले समीक्षा अवधिमा कम्पनीको मुनाफा प्रतिकित्ता ३ डलर शून्य ४ सेन्ट हुने र आम्दानी २४ डलर ८५ सेन्ट रहने बताएका थिए । रासस/ एपी

Aarthik Abhiyan आषाढ २०७८

हुवावेई कम्पनी एप्पल सरह शक्तिशाली : क्वालकम सीईओ

असार १९, बार्सिलोना । अमेरिकी चिप निर्माता कम्पनी क्वालकम इंकको नयाँ सीईओ क्रिस्टियानो एमोनले हुवावेई कम्पनी एप्पल सरह शक्तिशाली रहेको बताएका छन् । हालैमात्र कम्पनीको सीईओ नियुक्त भएका उनले स्मार्टफोनको बजारमा एप्पलजस्तै हुवावेई पनि उक्तिकै शक्तिशाली रहेको बताएका हुन् । उनले चिनियाँ बजारमा समेत क्वालकमलाई बलियो बनाएर अझ धेरै आम्दानीको स्रोत निर्माण गर्ने अपेक्षा रहेको बताए । उनले जुन रुपमा आज हुवावेईको बजारमा ठूलो असर परेको छ, त्यसले स्मार्टफोनको बजारमा एउटा ‘ग्याप’ सृजना भएको बताए । उनले हाई–इन्ड स्मार्टफोनमा हुवावेईका लागि राम्रो अवसर रहेको र त्यसैबाट पनि एप्पलको जस्तै ठूलो बजार स्थापित गर्नसक्ने बताए । उनले चिनियाँ ब्राण्डमा लगाइएको प्रतिबन्धका कारण कम्पनीको आम्दानीमा समेत असर परेको उल्लेख गरेका छन् । गत वर्ष मात्रै कम्पनीले चिपसेटको विक्रीबाट १६ दशमलव ५ बिलियन डलर आम्दानी गरेको थियो जसमा १२ दशमलव ८ बिलियन डलर आम्दानी मोबाइल फोनबाटै भएको थियो । स्मार्टफोनको बजारमा कम्पनीलाई अझ बढी प्रभावकारी बनाउँदै लाने योजना रहेको उनले सुनाए । हालैमात्र २६ वर्षदेखि कार्यरत क्वालकमका सीईओ स्टीभ मोलेन्कोफले अवकाश पाएका थिए । कम्पनीले फाइभजी नेटवर्क प्रविधिको तीव्र खालको संस्करणको विकास गर्न ४० भन्दा धेरै मोबाइल सेवा प्रदायक र दूरसञ्चार उपकरण निर्माता प्रदायकहरुसँग मिलेर काम गर्ने बताएको छ । एजेन्सी

Aarthik Abhiyan जेष्ठ २०७८

आजदेखि बढ्यो अमेरिकी भिसाशुल्क, अमेरिकी सरकारलाई २७ करोड डलर आम्दानी हुने अपेक्षा

सम्बन्धित सामग्री