कात्तिक ९, सन फ्रान्सिस्को (अमेरिका) । सामाजिक सञ्जाल फेसबुकले अपेक्षा गरिएभन्दा धेरै मुनाफा कमाएको छ ।
आन्तरिक दस्तावेजहरु चुहिएर कम्पनी दबाबमा आएको भएपनि तेस्रो त्रैमासमा कम्पनीले अपेक्षा गरेभन्दा धेरै मुनाफा कमाएको छ । सेप्टेम्बर त्रैमासमा कम्पनीले ९ अर्ब डलर मुनाफा गरेको छ ।
गत वर्षको सोही अवधिमा यस्तो मुनाफा ७ अर्ब ८० करोड डलर रहेको थियो । अनलाइन विज्ञापनमा भएको वृद्धिका कारण समीक्षा अवधिमा कम्पनीको आम्दानी पनि ३५ प्रतिशतले बढेर २९ अर्ब १ करोड डलरमा पुगेको छ ।
सेप्टेम्बर ३० सम्मको १२ महीनामा कम्पनीको मासिक यूजर बेस ६ प्रतिशतले बढेर २ अर्ब ९१ करोडमा पुगेको छ । एजेन्सी
