महामारीका कारण बेलायत भित्रिने पर्यटक ५० वर्षयताकै न्यून

फेडले ब्याजदर बढाएर १६ वर्षकै उत्कर्षमा पुर्‍यायो

काठमाडौं । अमेरिकाको केन्द्रीय बैंक ‘फेडरल रिजर्भ’ (Fed) ले ब्याजदर बढाएको छ । बैंकले बुधबार सम्पन्न नीतिगत बैठकमा ब्याजदर २५ आधार विन्दुले बढाएको छ । यो गएको १४ महीनामा गरिएको १०औं ब्याजदर वृद्धि थियो । अहिलेको लागि यो अन्तिम ब्याजदर वृद्धि हुने संकेत फेडले गरेको छ । पछिल्लो वृद्धिसँगै अमेरिकामा प्रमुख ब्याजदर बढेर ५ प्रतिशतदेखि ५ दशमलव २५ प्रतिशतको बीच्मा पुगेको छ । २०२२ को मार्चमा ब्याजदर झन्डै शून्यको स्तर नजिक थियो । उच्च ब्याजदरका कारण कर्जाको लागत बढेको छ । घरजग्गा (Real Estate) जस्ता क्षेत्रमा सुस्ती देखिएको छ । हालैका महीनामा अमेरिकामा क्षेत्रीय स्तरका तीन ओटा बैंकहरू टाट पल्टिए । यसको कारण पनि फेडको ब्याजदर वृद्धि नै थियो । अहिलेको लागि आफूहरूले अतिरिक्त ब्याजदर वृद्धिको कल्पना नगरेको फेड अध्यक्ष जेरोम पावेलले भनेका थिए । आगामी आर्थिक तथ्यांकहरूले आफ्नो कदमको अनुसरण गर्ने उनको भनाइ छ । अमेरिकामा महँगी दशकौंयताकै तीव्र दरमा बढ्न थालेपछि फेडले गएको वर्षदेखि आक्रामक रूपमा ब्यादर बढाउन शुरू गरेको थियो । विश्वभर बेलायत, यूरोप लगायत कयौं केन्द्रीय बैंकहरूले दशकौंयताकै उत्कर्षमा उक्लिएको महँगीमा अंकुश लगाउन धमाधम ब्याजदर बढाइरहेका छन् । महँगी आकाशिएपछि खपत घटाएर भए पनि माग सुस्त बनाउन बैंकहरूले आक्रामक ब्याजदर वृद्धिको बाटो समातेका थिए । फेडको ब्याजदर वृद्धिको अभियान शुरू भएयता अमेरिकामा मूल्य वृद्धि सुस्ताएको देखिएको छ । मार्चमा मुद्रास्फीति दर ५ प्रतिशत थियो । यो झन्डै २ वर्षयताकै न्यून हो । महँगी भने हाल पनि फेडको लक्षित विन्दुभन्दा निकै माथि छ । आक्रामक ब्याजदर वृद्धिलाई खप्न नसकेर अमेरिकामा एकपछि अर्को गर्दै बैंकहरू ढलेर सोको संकट विश्वभर पोखिने चिन्ता मत्थर भइनसकेको अवस्थामा ब्याजदर (interest rates) बढाउन रोक्ने फेडको निर्णय विवेकपूर्ण भएको विश्लेषण गरिएको छ । अहिले पनि अर्थतन्त्रमा मन्दीको भय व्याप्तै छ । अहिले नै मुद्रास्फीति (Inflation) विरुद्धको युद्ध समाप्त भइसकेको भने छैन तर बिस्तारै महँगी घट्दै चाहिँ छ । फेडले बुधबार सर्वसम्मतिले ब्याजदर बढाएको थियो । पछिल्लो बैठकमा फेडले ब्याजदर बढाउने अधिकांश अर्थशास्त्री र वित्तीय बजार विश्लेषकहरूको अनुमान थियो । एजेन्सी

Aarthik Abhiyan चैत्र २०७९

वृद्धवृद्धाले यसरी नियन्त्रण गर्दैछन् अहिलेको उच्च महँगी, ब्याजदर कोभिडपूर्वकै स्तरमा आउने

Aarthik Abhiyan फाल्गुन २०७९

पाकिस्तानमा विप्रेषण आप्रवाह ३१ महीनायताकै न्यून स्तरमा

काठमाडौं । विदेशी मुद्रा सञ्चिति सुक्दै गइरहेको समयमा पाकिस्तानको दुःख झनै थपिएको छ । गएको महीना त्यहाँ विप्रेषण आप्रवाह २ खर्ब डलरमुनि झरेको छ । यो ३१ महीनाकै न्यून हो । विदेशमा काम गर्न गएका पाकिस्तानीहरूले जनवरीमा जम्माजम्मी १ अर्ब ८० करोड डलर बराबरको मात्रै विप्रेषण पठाएका छन् । विप्रेषण आप्रवाह सन् २०२० को मेयताकै न्यून हो । २०२२ को जनजरीको तुलनामा यो १३ प्रतिशत कम हो भने डिसेम्बरभन्दा १० प्रतिशत कम हो । अहिले पाकिस्तानलाई डलरको निकै खाँचो छ । निर्यातको तुलनामा विप्रेषणमाथिको आश धेरै भएको समयमा चालू आर्थिक वर्ष (आव)मा विप्रेषण आप्रवाह घट्दै गइरहेको छ । गएको आवको जुलाई-जनवरीमा पाकिस्तानमा कुल १७ अर्ब ९८ करोड ८० लाख डलर बराबरको विप्रेषण भित्रिएको थियो । चालू आवको सोही अवधिमा आप्रवाह १६ अर्ब डलर मात्रै छ ।अर्थात् यो चालू आवको पहिलो ७ महीनामा १ अर्ब ९८ करोड २० लाख डलर मूल्य बराबरको विप्रेषण आप्रवाह गुमेको छ । अहिले पाकिस्तान सरकार कर्जाको साँवा र ब्याज भुक्तानीमा असफल भएर डिफल्टमा जाने अवस्था रोक्न बहुपक्षीय कर्जादाता निकाय अन्तरराष्ट्रिय मुद्रा कोषसँग जसरी भएपनि वित्तीय उद्धारबापतको १ अर्ब २० करोेड डलर बराबरको किस्ता लिन संघर्षरत छ । विनिमय दरको कृत्रिम व्यवस्थापनका कारण विप्रेषण आप्रवाहमा त्यति ठूलो कमी आएको भन्दै अर्थशास्त्री र विश्लेषकहरूले स्टेट बैंक समेतको सरकारको वित्तीय टोलीलाई दोष दिइरहेका छन् । डलरको तुलनामा पाकिस्तानी रुपयाको भाउमा आएको तीव्र कमी रोक्न सरकारले सो कदम चालेको थियो । तर, यसका कारण खुला बजार र अन्तरबैंक बजारमा विनिमय दरमा ठूलो अन्तर हुँदा उल्टो असर देखियो । सबैभन्दा ठूलो विप्रेषण बजार साउदी अरबबाट चालू आवको पहिलो ७ महीनामा पाकिस्तानमा ३ अर्ब ८९ करोड २० लाख डलर विप्रेषण आएको छ । यो अघिल्लो वर्षको सोही अवधिको तुलनामा १५ दशमलव १ प्रतिशत कम हो । बेलायत र संयुक्त अरब इमिरेट्सबाट आउने विप्रेषण प्रवाह पनि क्रमशः ६ दशमलव ४ प्रतिशत र १५ दशमलव २ प्रतिशतले घटेको छ । खाडी देशहरू र ईयूको विप्रेषण आप्रवाह पनि समीक्षा अवधिमा क्रमशः ९ प्रतिशत र १० प्रतिशतले घटेको छ । समीक्षा अवधिमा अमेरिकाबाट आउने विप्रेषण मात्रै बढेको छ । त्यो वृद्धि पनि २ दशमलव ८ प्रतिशत मात्रै छ । एजेन्सी

Aarthik Abhiyan पौष २०७९

विदेशी मुद्रा आर्जन ४६% ले घटेर १३ अर्ब ५० करोडमा सीमित

जेठ १५, काठडमौं । सन् २०२१ मा विदेशी पर्यटकबाट प्राप्त हुने विदेशी मुद्रा आर्जन घटेको छ । आर्थिक सर्वेक्षण २०७८÷८९ का अनुसार सन् २०२१ मा विदेशी मुद्रा आर्जन ४६ प्रतिशतले घटेर रू. १३ अर्ब ५० करोड ११ लाख रहेको छ । कोभिड– १९ महामारीका कारण विदेशी पर्यटक आगमन संख्या न्यून हुँदा विदेशी मुद्रा आर्जन घटेको हो । उक्त वर्ष प्रति पर्यटकको औसत बसाइँ १५ दशमलव ५ दिन र प्रतिदिन प्रति पर्यटक खर्च ४८ डलर रहेको छ । यस्तो खर्च सन् २०२१ को तुलनामा २६ दशमलव १ प्रतिशत न्यून हो । अघिल्लो वर्ष सन् २०२० पनि पर्यटन क्षेत्रबाट आर्जन हुने विदेशी मुद्रामा करीब ७० प्रतिशतले कमी आएको आर्थिक सर्वेक्षण २०७७/७८ मा उल्लेख छ । सन् २०२० मा कूल पर्यटक आगमन संख्या दुई लाख ३० हजारमा सीमित रहन पुग्यो । उक्त वर्ष पनि कोभिड–१९ महामारीबाट पर्यटन क्षेत्र सबैभन्दा बढी प्रभावित बनेको थियो । सन् २०१९ मा विदेशी पर्यटक आगमन २ दशमलव १ प्रतिशतले बढेकामा सन् २०२० मा यस्तो आगमन ८० दशमलव ८ प्रतिशतले घटेको थियो । कोभिड–१९ महामारीका कारण सबैभन्दा बढी प्रभावित बनेको मुलुकको पर्यटन क्षेत्र विस्तारै लयमा फर्किदै गरेको छ । सन् २०२२ को सुरुआती चरणदेखि विदेशी पर्यटक आगमन दर निरन्तर उकालो लागिरहेको छ । नेपाल पर्यटन बोर्डले उपलब्ध गराएको तथ्यांक अनुसार अप्रिल महीनामा मात्रै ५८ हजार ३४८ विदेशी पर्यटक नेपाल भित्रिएका छन् जुन अघिल्लो वर्षको सोही महीनाको तुलनामा १६० प्रतिशतले वृद्धि हो । सन् २०२१ मा एक लाख ५० हजार ६९२ र सन् २०२० मा दुई लाख ३० हजार ८५ विदेशी पर्यटक नेपाल भित्रिएका थिए । सन् २०२१ मा नेपाल भित्रिएका पर्यटकमध्ये ६६ दशमलव ८ प्रतिशतले बिदा, मनोरञ्जन र यात्रा, १०।३ प्रतिशत पर्वतारोहण/साहसिक यात्रा/पदयात्रा, ७।४ प्रतिशतले तीर्थयात्रा र १५ दशमलव ५ प्रतिशतले अन्य उद्देश्यले नेपाल भ्रमण गरेका छन् । कुल पर्यटक आगमन संख्याको आधारमा सन् २०२१ मा सबैभन्दा बढी पर्यटक आउने ५ मुलुकमा क्रमशः भारत ४२ दशमलव ८३ प्रतिशत, संयुक्त राज्य अमेरिका १५ दशमलव १३, बेलायत ५ दशमलव ७४, चीन ४ दशमलव १० र बंगलादेश ३ दशमलव ३४ प्रतिशत छन् । नेपालको भ्रमण गर्नेमा भारतीय पर्यटकको संख्या सबैभन्दा बढी रहेको छ । झण्डै दुई वर्ष विदेशी पर्यटक आगमन खुम्चिँदा विदेशी मुद्रा आर्जन गर्ने मुख्य स्रोतको रुपमा रहेको पर्यटन क्षेत्र शिथिल बन्दा समग्र देशको अर्थतन्त्र र यसमा आवद्ध व्यवसायी र मजदूर मर्कामा परेका छन् । रासस

Aarthik Abhiyan बैशाख २०७९

तीन हप्तायता पहिलो पटक सय डलरभन्दा मुनि आयो तेलको भाउ

लन्डन (बेलायत) । अन्तरराष्ट्रिय बजारमा कच्चा तेलको भाउ घट्ने क्रम जारी छ । आपूर्तिमा अवरोध आउने चिन्ता अलि मत्थर भएको र चीनमा २ वर्षयताकै उच्च कोरोना भाइरसको संक्रमण देखिएको खबरले झन्डै तीन हप्तामा पहिलो पटक मंगलबार कच्चा तेलको भाउ सय डलरभन्दा तल झरेको हाे । मंगलबारको कारोबारमा ब्रेन्ट क्रुडको भाउ प्रतिब्यारेल ९७ डलर ४४ सेन्टसम्म आएको थियो । यो समाचार तयार गर्दा साँझ साढे बजे अासपास ब्रेन्ट क्रुडकाे मूल्य ५ दशमलव ९ प्रतिशतले को कमी अाइ प्रतिब्यारेल ९९ डलर ५६ सेन्टमा थियो । मंगलबारको कारोबारमा अमेरिकी बेञ्चमार्क प्रतिब्यारेल ९३ डलर ५४ सेन्टसम्म आएको थियो । यो फेब्रुअरी २५ यताकै न्यून हो । यो सामाचार तयार गर्दा डब्ल्यूटीआई प्रतिब्यारेल ६ दशमलव १ प्रतिशतको कमीसहित ९६ डलर ६६ सेन्टमा थियो । मस्को सन् २०१५ को इरानी परमाणु सम्झौता सम्भव भएसम्म छिटै पुनः सुचारु गर्न तयार रहेको रुसी विदेशमन्त्री सेर्गी लाभ्रोभले बताएपछि तेलको भाउमा कमी आएको अन्तरराष्ट्रीय सञ्चारमाध्मयले उल्लेख गरेका छन् । यसअघि रुसी मागका कारण सो सम्झौता ब्यूताउने विषयमा वार्ता अड्किएको थियो । अघिल्लो दिन चीनमा कोभिडको दैनिक संक्रमण बढेको खबरका कारण तेलको भाउमा ५ प्रतिशतको कमी आएको थियो । अन्तरराष्ट्रीय सञ्चारमाध्यमका अनुसार रुस र युक्रेनबीच युद्धबिरामसम्बन्धी वार्ताले पनि तेल बजारमा कमी आएको हो । मार्च ७ मा १४ वर्षयताकै उच्च स्तरमा पुगेको ब्रेन्टको भाउ अहिले करीब ४० डलर घटिसकेकाे छ । डब्ल्यूटीआईको भाउ पनि ३० डलरभन्दा धेरैले घटिसकेको छ । तर आधारभूत अवस्थामा खासै धेरै परिवर्तन नआएको, युक्रेनी युद्धसम्बन्धी तनाव र अनिश्चय उच्च नै भएको अवस्थामा तेलको भाउमा यति धेरै कमी आउनु आश्चर्यजनक भएको जुलियस बेयरका विश्लेषक नोर्बोर्ट रकर बताउँछन् । एजेन्सी

Aarthik Abhiyan फाल्गुन २०७८

बेलायती अर्थतन्त्र ०.६ % ले बढ्यो

कात्तिक २५, लन्डन (बेलायत) । बेलायतको अर्थतन्त्र सेप्टेम्बरमा शून्य दशमलव ६ प्रतिशतले बढेको छ । योसँगै अर्थतन्त्र सन् २०२० को फेब्रुअरीमा कोभिडका कारण पहिलो लकडाउन लगाउनु अघिको तुलनामा शून्य दशमलव ६ प्रतिशत सानो छ । पछिल्लो तथ्यांकले बेलायती अर्थतन्त्रले लकडाउन हटेपछिको लय गुमाएको छर्लङ पारेको छ । विश्वमा आपूर्ति श्रृंखलामा देखिएको समस्यालगायत कारणले गर्दा बेलायतको आर्थिक वृद्धिदर प्रभावित भएको छ । जुलाईमा अर्थतन्त्र शून्य दशमलव २ प्रतिशतले घटेको राष्ट्रिय तथ्यांक कार्यालयले बताएको छ । यो यसअघि अनुमान गरिएको शून्य दशमलव १ प्रतिशतको कमीभन्दा धेरै हो । सेप्टेम्बरमा स्वास्थ्य क्षेत्रको उत्पादनमा भएको वृद्धिले आर्थिक वृद्धिदरमा टेवा दिएको हो । महामारी घटेपछि मानिसहरु पुनः डाक्टरकहाँ जान थालेका छन् । यसका कारण सेवा क्षेत्र अगष्टको तुलनामा शून्य दशमलव ७ प्रतिशतले बढेको छ । तर ग्यास वितरण लगातार चौथो महीना पनि खुम्चिएपछि औद्योगिक उत्पादनमा भने शून्य दशमलव ४ प्रतिशतको कमी आएको छ । तेस्रो त्रैमासमा अर्थतन्त्र १ दशमलव ३ प्रतिशतले बढेको छ । यो यस वर्षको शुरुमा बेलायत लकडाउनमा भएको बेलायताकै न्यून हो । सेप्टेम्बरसम्मको तीन महीनामा अर्थतन्त्र १ दशमलव ५ प्रतिशतले बढ्ने बैंक अफ इंगल्यान्ड र रोयटर्सको जनमत सर्वेक्षणमा संलग्न अर्थशास्त्रीहरुले बताएका थिए । एजेन्सी

Aarthik Abhiyan आश्विन २०७८

बेलायतमा मुद्रास्फीति ५ प्रतिशतमा पुग्ने सम्भावना

कात्तिक ६, लन्डन (बेलायत) । बेलायतमा मुद्रास्फीति आगामी वर्षको शुरुमा ५ प्रतिशतमा पुग्ने वा सो भन्दा माथि उक्लिन सक्ने चेतावनी केन्द्रीय बैंकका नवनियुक्त प्रमुख अर्थशास्त्रीले दिएका छन् । बैंक अफ इंगल्यान्ड (बीओई)का प्रमुख अर्थशास्त्री हुव पिलले फाइनान्सियल टाइम्ससँग गरेको कुराकानीमा यस्तो बताएका हुन् । सन् २०२० को मार्चयता बेलायतमा ब्याजदर शून्य दशमलव १ प्रतिशतको ऐतिहासिक न्यून स्तरमा छ । नोभेम्बर ४ मा बस्ने ब्याजदर निर्धारण बैठकमा बैंकले ‘लाइभ’ निर्णय गर्ने पिलले बताएका छन् । हालैको तथ्यांकअनुसार बेलायतमा सेप्टेम्बरसम्मको एक वर्षमा मुद्रास्फीति ३ दशमलव १ प्रतिशतमा सुस्ताएको छ । यद्यपि, ऊर्जाको लागतमा भएको वृद्धि कीर्तिमानी स्तरमा रिक्त भएको कर्मचारीको पदपूर्तिका लागि कायम गरिएको उच्च तलब र आपूर्ति शृंखलामा देखिएको अवरोधका कारण मुद्रास्फीति बढ्ने बैंकको अनुमान छ । आगामी महीनामा मुद्रास्फीति ५ प्रतिशतमा पुग्यो वा सो भन्दा माथि उक्लियो भने पनि आफू अचम्भित नहनुे पिलले बताएका छन् । बैंकले मुद्रास्फीति २ प्रतिशतमा सीमित गर्ने लक्ष्य राखेको थियो । मुद्रास्फीति सो स्तरमा पुुग्ने बैंकका लागि निकै असहज हुने उनले बताएका छन् । एजेन्सी

Aarthik Abhiyan आश्विन २०७८

आपूर्ति अभाव बीच लगातार छैठौं दिन पनि बढ्यो तेलको भाउ

असोज १२, लन्डन (बेलायत) । अन्तरराष्ट्रिय बजारमा मंगलबार कच्चा तेलको भाउ बढेको छ । योसँगै अघिल्ला दिनहरुमा तेलको भाउमा भएको कमी उल्टिएको छ । यो समाचार तयार पार्दाखेरि नेपाली समयअनुसार साँझ ६ : ५५ बजे लन्डनस्थित आईसीई एक्सेञ्जको कोमेक्स डिभिजनमा ब्रेन्ट क्रुडको भाउ प्रतिब्यारेल शून्य दशमलव ५७ प्रतिशतले बढेर ८० डलर शून्य १ सेन्टमा पुगेको थियो । मंगलवारको कारोबारमा ब्रेन्टको भाउ अधिकतम प्रतिब्यारेल ८० डलर ७५ सेन्टसम्म पुगेको थियो । यो सन् २०१८ को अक्टोबर यताकै उच्च हो । सोमवार ब्रेन्टको भाउ १ दशमलव ८ प्रतिशतले बढेको थियो । सोही समयमा न्यूयोर्क मर्कन्टाइल एक्सचेञ्जको कोमेक्स डिभिजनमा पनि वेष्ट टेक्सस इन्टरमिडियट (डब्ल्यूटीआई) को भाउ पनि शून्य दशमलव ५४ प्रतिशतले बढेर प्रतिब्यारेल ७५ डलर ८१ सेन्ट कायम भएको थियो । सोमवारको कारोबारमा डब्ल्यूटीआईएको भाउ प्रतिब्यारेल ७६ डलर ५१ सेन्टसम्म पुग्यो यो जुलाई ६ यताकै उच्च हो। सोमवार डब्ल्यूटीआईको भाउमा २ प्रतिशतको वृद्धि भएको थियो । अमेरिकामा समुद्री आँधीहरुले आपूर्तिमा अपेक्षा गरिएभन्दा लामो समयसम्म अवरोध उत्पन्न भएपछि लगानीकर्ताहरु बुलिश देखिएका छन् । न्यून लगानी र मर्मतसम्भारमा समस्याका कारण शीर्ष तेल निर्यातकर्ता देशहरु नाइजेरिया र अंगोलाले ओपेकले तय गरेको कोटाअनुसार कम्तिमा पनि आगामी वर्षसम्म आफ्नो उत्पादन बढाउन संघर्ष गर्नुपर्ने अवस्था आएको छ । एजेन्सी

Aarthik Abhiyan भाद्र २०७८

बेलायतमा कारको उत्पादन १९५६ यताकै न्यून स्तरमा

भदौ ११, लन्डन (बेलायत) । गत महीना बेलायतमा कारको उत्पादन सन् १९५६ यताकै न्यून स्तरमा ओर्लिएको छ । विश्वभर चिपको अभावबीच उत्पादन प्रभावित भएको हो । जुलाईमा ५३ हजार ४३८ थानसवारी साधन उतपादन भएको बेलायतका मोटर उत्पादक तथा व्यवसायीहरुको संगठन (एसएमएमटी) को तथ्यांकले देखाएको छ । यो सन् २०२० को जुलाईको तुलनामा ३७ दशमलव ६ प्रतिशत कम हो । समीक्षा अवधिको उत्पादन दर सन् १९५६ मा एसएमएमटीले सवारी साधन उत्पादन सम्बन्धी तथ्यांक राख्न थालेयताकै खराब हो । विश्वभर चिपको अभावबाहेक कोरोना भाइरसको महामारी कारण कारखाना बन्द र कर्मचारीहरुको अनुपस्थिति लगायत कारणले गर्दा पनि उत्पादन प्रभावित भएको हो । जुलाईमा उत्पादन घटेको भएपनि गत वर्षको सोही अवधिको तुलनामा यस वर्ष शुरु भएदेखि जुलाईसम्ममा भने कारको उत्पादन १८ दशमलव ३ प्रतिशत माथि रहेको छ । जनवरीयता बेलायतमा करीब ५ लाख ५२ हजार ३६१ थान कार उत्पादन भएका छन् । यो सन् २०१९ को महामारी पूर्वको स्तरभन्दा चाँहि २८ दशमलव ९ प्रतिशत कम हो । एजेन्सी

Aarthik Abhiyan श्रावण २०७८

बेलायतको मुद्रास्फीति दोब्बरभन्दा धेरै

जेठ ५, लन्डन (बेलायत) । गत महीना बेलायतको वार्षिक मुद्रास्फीति दोब्बरभन्दा धेरै भएको छ । ऊर्जा र लत्ताकपडाको भाउमा भएको वृद्धिका कारण महँगी बढेको हो । मार्चमा शून्य दशमलव ७ प्रतिशत रहेको उपभोक्ता मूल्य अप्रिलमा बढेर १ दशमलव ५ प्रतिशतमा पुगेको छ । यो वृद्धि सन् २०२० को मार्चमा महामारी शुरु हुन थालेयताकै उच्च हो । गत वर्षको सोही अवधिमा मुद्रास्फीति न्यून रहेकोले पनि अहिले वृद्धि धेरै देखिएको राष्ट्रिय तथ्यांक कार्यालयले बताएको छ । अप्रिल १२ देखि कोरोना भाइरसको संक्रमण फैलिन नदिन लगाइएको लकडाउन खुकुलो बनाएको र पसलहरु खुल्न थालेसँगै मुद्रास्फीति बढेको बताइएको छ । फेब्रुअरीमा भने लत्ता कपडा र जुत्ताको भाउ अप्रत्याशित रुपमा घटेको थियो । उता पेट्रोल र बिजुलीको भाउ पनि ह्वात्तै बढेको छ । विश्व अर्थतन्त्र महामारीका कारण उत्पन्न कमीबाट पुनःबहाली हुन थालेसँगै यस वर्ष मुद्रास्फीति बढ्ने र केन्द्रीय बैंकहरुले पुनः ब्याजदर बढाउने हो कि भन्ने चिन्ता गर्न थालिएको छ । एजेन्सी

Aarthik Abhiyan बैशाख २०७८

महामारीका कारण बेलायत भित्रिने पर्यटक ५० वर्षयताकै न्यून

सम्बन्धित सामग्री