उपप्रधानमन्त्री ईश्वर पोखरेलले नेपालमा रहेका सबै भाषाको जगेर्ना हुन आवश्यक भएको बताउनुभएको छ ।
काठमाडौं महानगरपालिकाका प्रमुख विद्यासुन्दर शाक्य र उपप्रमुख हरिप्रभा खड्गीलाई नागरिक अभिनन्दन गरिएको कार्यक्रममा बोल्नुहुँदै उहाँ सो धारणा राख्नुभएको हो ।
काठमाडौं उपत्यकामा नेपालभाषा (नेवारी)मा पढाउने कार्य काठमाडौं महानगरपालिकाले ढिलै भए पनि शुरु गरेको बताउँदै उहाँले नेपाली भाषा माध्यम भाषा भए पनि स्थानीय भाषा पनि कामकाजको भाषाको रुपमा प्रयोग गर्न पाउने संविधानमा उल्लेख भएको बताउनुभयो ।
नेपालमा कुनै पनि जातिको बहुसंख्या नभएको बताउँदै अल्पसंख्यक बसोबास गर्ने देशमा सबैको भाषा र संस्कृतिको सम्मान गर्न आवश्यक भएको उपप्रधानमन्त्री पोखरेले जोड दिनुभयो ।
