कुमारी इक्वीटी फण्ड फागुनमा १ करोडभन्दा बढी नोक्सानीमा

कुमारी सामूहिक लगानी कोषका तीनओटै फण्डको न्याभ बढ्यो

काठमाडौं । कुमारी सामूहिक लगानी कोषअन्तर्गत सञ्चालित कुमारी इक्वीटी फण्ड, कुमारी सुनौलो लगानी योजना र कुमारी धनवृद्धि योजनाले मङ्सिर मसान्तको खुद सम्पत्ति मूल्य विवरण सार्वजनिक गरेका छन् । उक्त वित्तीय विवरण अनुसार यी तीनओटै फण्डको न्याभ कात्तिकको तुलनामा मङ्सिरमा वृद्धि भएको छ । कुमारी इक्वीटी फण्डको न्याभ कात्तिक मसान्तमा ९ रुपैयाँ ४१ पैसा रहेकोमा मङ्सिर मसान्तमा बढेर ९ रुपैयाँ ९९ पैसा पुगेको हो । कुमारी सुनौलो लगानी योजनाको न्याभ कात्तिक मसान्तमा १० रुपैयाँ ०७ पैसा रहेकोमा मङ्सिर मसान्तमा बढेर १० रुपैयाँ ६७ पैसा पुगेको हो । त्यस्तै कुमारी धनवृद्धि योजनाको न्याभ कात्तिक मसान्तमा ९ रुपैयाँ ९३ पैसा रहेकोमा मङ्सिर मसान्तमा बढेर १० रुपैयाँ ५२ पैसा पुगेको छ । यस फण्डको नोक्सानी घटेको छ । कात्तिक मसान्तमा फण्ड रू. ७ करोड २४ लाख नोक्सानीमा रहेकोमा मङ्सिर मसान्तमा घटेर रू. २ लाख ४७ हजार पुगेको हो । यस फण्डले मङ्सिर मसान्तसम्ममा सूचीकृत शेयरमा रू. ८३ करोड ९१ लाख लगानी गरेको छ । त्यस्तै कुमारी इक्वीटी फण्डले मङ्सिर मसान्तसम्ममा सूचीकृत शेयरमा रू. ७३ करोड ६५ लाख लगानी गरेको छ । यो लगानी कात्तिक मसान्तमा रू. ६८ करोड ५९ लाख थियो । यस फण्ड मङ्सिर मसान्तसम्ममा रू. ३५ लाख ९५ हजार नोक्सानीमा छ । कुमारी सुनौलो लगानी योजनाले मङ्सिर मसान्तमा सूचीकृत शेयरमा रू. २७ करोड ४७ लाखभन्दा बढी लगानी गरेको छ । यो लगानी कात्तिक मसान्तमा रू. २५ करोड ४१ लाख थियो । मङ्सिर मसान्तमा यस फण्डले रू. ८ लाख ७९ हजार नाफा कमाएको छ । कुमारी इक्विटीको रिपोर्ट हेर्न यहाँ क्लिक गर्नुहोस् कुमारी सुनौलो योजनाको रिपोर्ट हेर्न यहाँ क्लिक गर्नुहोस् कुमारी धनवृद्धि योजनाको रिपोर्ट हेर्न यहाँ क्लिक गर्नुहोस्

Aarthik Abhiyan मंसिर २०८०

कुमारी इक्वीटी फण्डको नोक्सानी भदौमा बढ्यो

काठमाडौं । कुमारी सामूहिक लगानीकोषअन्तर्गत सञ्चालित कुमारी इक्वीटी फण्ड भदौ मसान्तसम्म २ करोड ९५ लाख रुपैयाँभन्दा बढी नोक्सानीमा रहेको छ । साउन मसान्तसम्मको तुलनामा योजनाको नोक्सानीमा वृद्धि भएको हो । साउन मसान्तसम्म योजना २ करोड १७ लाख रुपैयाँभन्दा बढी मात्र नोक्सानीमा थियो । साउनको तुलनामा योजनाको खर्च बढेको र जम्मा आम्दानीको ऋणात्मक अवस्थामा समेत वृद्धि भएकाले खुद नोक्सानी बढेको हो । साउनमा १ करोड ९८ लाख रुपैयाँभन्दा बढी आम्दानी ऋणात्मक रहेकोमा भदौमा यो रकम २ करोड ६१ लाखभन्दा बढी ऋणात्मक देखिएको छ । त्यस्तै साउनमा १८ लाख ५३ हजार रुपैयाँ खर्च भएकोमा भदौमा ३३ लाख ७० हजार रुपैयाँ खर्च भएको छ । योजनाको प्रतिइकाई खुद मूल्यमा समेत कमी आएको छ । साउन मसान्तसम्म १० रुपैयाँ ८१ पैसा रहेको प्रतिइकाई खुद मूल्य भदौ मसान्तसम्म ९ रुपैयाँ ७३ पैसा कायम भएको छ । १० वर्षे अवधिको बन्दमुखी प्रकृतिको यस योजनाले १० करोड इकाई जारी गरेको थियो । धितोपत्र बजारमा लगानी गरी नाफा कमाउने उद्देश्यसहित सञ्चालित यस योजनाले भदौ मसान्तसम्म धितोपत्र र बैंक मुद्दती निक्षेपमा गरेको लगानीको परल मूल्य कमिसनसहित १ अर्ब १२ करोड १८ लाख रुपैयाँभन्दा बढी छ । करोड रुपैयाँ बैंक मुद्दती निक्षेपमा लगानी गरेको योजनाको कुल लगानीको मूल्य ८९ करोड २१ लाख ४९ हजार रुपैयाँ मात्र छ । योजनाले गरेको लगानीको लागत मूल्यभन्दा बजार मूल्य कम रहेको छ । रिपोर्ट हेर्न यहाँ क्लिक गर्नुहोस्

Aarthik Abhiyan भाद्र २०८०

कुमारी सामूहिक लगानी कोषका तीनओटै फण्डको न्याभ बढ्यो

काठमाडौं । कुमारी सामूहिक लगानी कोषअन्तर्गत सञ्चालित कुमारी इक्वीटी फण्ड, कुमारी धनवृद्धि योजना र कुमारी सुनौलो योजनाले असार मसान्तको खुद सम्पत्ति मूल्य विवरण सार्वजनिक गरेका छन् । उक्त वित्तीय विवरण अनुसार यी तीनओटै फण्डको न्याभ जेठ मसान्तको तुलनामा असार मसान्तमा बढेको छ । कुमारी इक्वीटी फण्डको न्याभ जेठ मसान्तमा १० रुपैयाँ ०१ पैसा रहेकोमा असार मसान्तमा १० रुपैयाँ ७२ पैसा पुगेको छ । त्यस्तै कुमारी धनवृद्धि योजनाको न्याभ असार मसान्तमा ११ रुपैयाँ १२ पैसा पुगेको छ । यस फण्डको न्याभ जेठ मसान्तमा १० रुपैयाँ ८५ पैसा थियो । कुमारी सुनौलो योजनाको न्याभ जेठ मसान्तमा १० रुपैयाँ ४३ पैसा रहेकोमा असार मसान्तमा बढेर १० रुपैयाँ ६५ पैसा पुगेको छ । न्याभसँगै यस फण्डको नाफा पनि वृद्धि भएको छ । फण्डले जेठ मसान्तसम्ममा रू. १ करोड ५९ लाख नाफा कमाएकोमा असार मसान्तमा रू. २ करोड ३८ लाख पुगेको छ । असारमा फण्डको आम्दानीमा वृद्धि भएकाले नाफा बढ्न टेवा पुगेको हो । असार मसान्तसम्ममा यस फण्डले सूचीकृत धितोपत्रमा रू. २८ करोडभन्दा बढी लगानी गरेको छ । त्यस्तै कुमारी धनवृद्धि योजनाले असार मसान्तसम्ममा रू. १३ करोड ९८ लाख नाफा कमाएको छ । जेठ मसान्तमा योजनाको नाफा रू. १० करोड ६६ लाख थियो । यस फण्डले जेठ मसान्तमा सूचीकृत शेयरमा रू. ६७ करोड ७२ लाख लगानी गरेकोमा असार मसान्तमा बढाएर रू. ८६ करोड २३ लाख पुर्‍याएको छ । त्यस्तै कुमारी इक्वीटी फण्डले पनि सूचीकृत शेयरमा लगानी बढाएको छ । जेठ मसान्तमा फण्डले सूचीकृत शेयरमा रू. ५८ करोड ४६ लाख लगानी गरेकोमा असार मसान्तमा बढाएर रू. ६८ करोड ३० लाख पुर्‍याएको हो । यस फण्डको नाफा जेठ मसान्तमा रू. ३ करोड २५ लाख ऋणात्मक रहेकोमा असार मसान्तमा रू. ३ करोड ८५ लाख धनात्मक भएको छ । असारमा फण्डको आम्दानीमा वृद्धि भएकाले नाफा भएको हो । कुमारी इक्वीटी फण्डको रिपोर्ट हेर्न यहाँ क्लिक गर्नुहोला कुमारी धनवृद्धि योजनाको रिपोर्ट हेर्न यहाँ क्लिक गर्नुहोला कुमारी सुनौलो योजनाको रिपोर्ट हेर्न यहाँ क्लिक गर्नुहोला

Aarthik Abhiyan आषाढ २०८०

कुमारी म्युचुअल फण्डका तीनओटै फण्डको न्याभ बढ्यो, अन्य सूचक कति ?

काठमाडौं । कुमारी सामूहिक लगानी कोषअन्तर्गत सञ्चालित कुमारी इक्वीटी फण्ड, कुमारी सुनौलो लगानी योजना र कुमारी धनवृद्धि योजनाले जेठको खुद सम्पत्ति मूल्य विवरण सार्वजनिक गरेका छन् । उक्त वित्तीय विवरण अनुसार तीनओटै फण्डको न्याभ वैशाखको तुलनामा जेठमा वृद्धि भएको छ । कुमारी इक्वीटी फण्डको न्याभ वैशाख मसान्तमा १० रुपैयाँ १ पैसा रहेकोमा जेठ मसान्तमा बढेर १० रुपैयाँ ७२ पैसा पुगेको छ । त्यस्तै कुमारी सुनौलो लगानी योजनाको न्याभ वैशाख मसान्तमा ९ रुपैयाँ ८३ पैसा रहेकोमा जेठ मसान्तमा बढेर १० रुपैयाँ ४३ पैसा पुगेको छ । कुमारी धनवृद्धि योजनाको न्याभ जेठ मसान्तमा १० रुपैयाँ ८५ पैसा पुगेको छ । यस फण्डको न्याभ वैशाख मसान्तमा १० रुपैयाँ २३ पैसा थियो । यस फण्डको न्याभसँगै नाफामा पनि उल्लेख्य वृद्धि भएको छ । फण्डले वैशाख मसान्तसम्ममा रू. ३ करोड ४ लाख नाफा कमाएकोमा जेठ मसान्तमा बढेर रू. १० करोड ६६ लाख पुगेको हो । जेठमा फण्डको आम्दानीमा वृद्धि भएसँगै नाफा बढेको हो । वैशाख मसान्तमा फण्डको जम्मा आम्दानी रू. ४ करोड ९२ लाख रहेकोमा जेठ मसान्तमा बढेर रू. १२ करोड ७६ लाख पुगेको हो । त्यस्तै यस फण्डले जेठ मसान्तसम्ममा सूचीकृत शेयरमा रू. ६७ करोड ७२ लाखभन्दा बढी लगानी गरेको छ । त्यस्तै कुमारी सुनौलो लगानी योजना वैशाख मसान्तमा रू. ६२ लाख ३३ हजार नोक्सानीमा रहेकोमा जेठ मसान्तमा भने रू. १ करोड ५९ लाख नाफा गर्न सफल भएको छ । जेठ मसान्तसम्ममा फण्डले सूचीकृत शेयरमा रू. १९ करोड ३४ लाख लगानी गरेको छ । यो लगानी वैशाख मसान्तमा रू. १० करोड ७७ लाख थियो । यस आधारमा फण्डले वैशाखको तुलनामा जेठमा सूचीकृत शेयरमा लगानी बढाएको छ । कुमारी इक्वीटी फण्डले जेठ मसान्तसम्ममा रू. ३ करोड ८५ लाख नाफा कमाएको छ । यो फण्ड वैशाख मसान्तसम्ममा भने रू. ३ करोड २५ लाख नाफामा थियो । यस फण्डले पनि सूचीकृत शेयरमा लगानी वैशाखको तुलनामा जेठमा बढाएको छ । फण्डले वैशाख मसान्तसम्ममा सूचीकृत शेयरमा रू. ५८ करोड ४६ लाख लगानी गरेकोमा जेठ मसान्तमा रू. ६८ करोड ३० लाख लगानी गरेको हो । कुमारी इक्वीटी फण्डको सूचना हेर्न यहाँ क्लिक गर्नुहोला कुमारी सुनौलो योजनाको सूचना हेर्न यहाँ क्लिक गर्नुहोला कुमारी धनवृद्धि योजनाको सूचना हेर्न यहाँ क्लिक गर्नुहोला

Aarthik Abhiyan जेष्ठ २०८०

चैत मसान्तसम्म कुमारी इक्वीटी फण्ड रू. ५४ लाख ४२ हजार नोक्सानीमा

काठमाडौं । कुमारी सामूहिक लगानी कोषअन्तर्गत सञ्चालित कुमारी इक्वीटी फण्डले चैत मसान्तसम्मको खुद सम्पत्ति मूल्य विवरण सार्वजनिक गरेको छ । विवरणअनुसार फण्ड चैत मसान्तसम्म रू. ५४ लाख ४२ हजार नोक्सानीमा रहेको छ । फण्ड फागुन मसान्तसम्म पनि नोक्सानीमा थियो । फागुन महीनाको तुलनामा चैत महीनामा फण्डको नोक्सानी केही घटेको छ । फागुन मसान्तसम्म फण्ड रू. १ करोडभन्दा बढी नोक्सानीमा थियो । चैत महीनामा फण्डको आम्दानीमा वृद्धि भएसँगै नोक्सानी घटेको हो । फागुन मसान्तसम्म फण्डको जम्मा आम्दानी रू. २२ लाख ५९ हजार रहेकोमा चैत मसान्तसम्म बढेर रू. ८८ लाख २२ हजार पुगेको छ । त्यस्तै फण्डको न्याभ फागुन महीनाको तुलनामा चैत महीनामा बढेको छ । फागुन मसान्तसम्म फण्डको न्याभ रू. १० दशमलव २३ रहेकोमा चैत मसान्तमा बढेर रू. १० दशमलव २८ पुगेको हो । त्यस्तै फण्डले चैत मसान्तसम्म सूचीकृत शेयरमा रू. ५८ करोड ४४ लाख लगानी गरेको छ । यो लगानी फागुन मसान्तसम्म रू. ५८ करोड ४१ लाख थियो । रिपोर्ट हेर्न यहाँ क्लिक गर्नुहोस्

Aarthik Abhiyan चैत्र २०७९

प्रभु सेलेक्ट फण्ड सहित पाँच धितोपत्रमा उच्च खरीद माग

वैशाख , काठमाडौं । साताको अन्तिम कारोबार दिन बिहिवार बजार खुलेको तिन घण्टा अवधिमा कारोबारमा आएका २२७ धितोपत्र मध्ये पाँच धितोपत्रमा उच्च खरीद माग रहेको छ । प्रभु सेलेक्ट फण्ड,सन्राइज ब्लूचिप फण्ड,कुमारी इक्वीटी फण्ड,लक्ष्मी उन्नति कोष र सानिमा इक्वीटी फण्डको धितोपत्रमा उच्च खरीद माग रहेको हो । यी पाँच धितोपत्र मध्ये सबैभन्दा बढी प्रभु सेलेक्ट फण्डको २ लाख ३५ हजार २५ इकाई खरीद माग रहेको छ । त्यसैगरी सन्राइज ब्लूचिप फण्डको २ लाख २२ हजार २ सय इकाई,कुमारी इक्वीटी फण्डको २ लाख १ हजार इकाई,लक्ष्मी उन्नति कोषको १ लाख ९९ हजार ९ सय इकाई र सानिमा इक्वीटी फण्डको १ लाख ५५ हजार ९० इकाई खरीद माग रहेको हो । यो समचार तयार पार्दा सम्म नेप्से परिसूचक ३२ दशमलव ९२ अंक घटेर २ हजार २७ दशमलव ५९ बिन्दूमा झरेको छ भने कूल रू. ९८ करोड ६३ लाख बराबरको शेयर खरीद विक्री भएको छ ।

Aarthik Abhiyan चैत्र २०७८

निफ्रासहित ५ ओटा धितोपत्रमा उच्च खरीद माग

चैत ३०, काठमाडौं । साताको तेस्रो कारोबार दिन बुधवार बजार खुलेको तीन घण्टाको अवधिमा कारोबारमा आएका २२२ ओटा धितोपत्रमध्ये पाँच ओटा धितोपत्रमा उच्च खरीद माग रहेको छ । उक्त अवधिसम्ममा प्रभु सेलेक्ट फण्ड,लक्ष्मी उन्नति कोष,कुमारी इक्वीटी फण्ड,सानिमा इक्वीटी फण्ड र नेपाल इन्फ्रास्ट्रक्चर बैंकको शेयरमा उच्च खरीद माग रहेको छ। ती पाँच ओटा धितोपत्रमध्ये सबैभन्दा बढी प्रभु सेलेक्ट फण्डको ३ लाख ३ हजार ८०० इकाई खरीद माग रहेको छ। त्यसैगरी लक्ष्मी उन्नति कोषको २ लाख ५० हजार ९ सय इकाई,कुमारी इक्वीटी फण्डको २ लाख ३९ हजार ४०० इकाई, सानिमा इक्वीटी फण्डको १ लाख ५ हजार ४५० र नेपाल इन्फ्रास्ट्रक्चर बैंकको १ लाख ५४ हजार ६२ कित्ता शेयर खरीद माग रहेको छ। यो समाचार तयार पार्दासम्म नेप्से परिसूचक २१ दशमलव ९ अंक बढेर २ हजार ४०६ विन्दुमा पुगेको छ । उक्त अवधिसम्ममा कुल रू. ९८ करोड ८६ लाख बराबरको शेयर खरीदविक्री भएको छ ।

Aarthik Abhiyan फाल्गुन २०७८

प्रभु सेलेक्ट फण्डसहित ५ ओटा धितोपत्रमा उच्च खरीद माग

चैत २९, काठमाडौं । साताको दोस्रो कारोबार दिन मंगलवार बजार खुलेको साढे तीन घण्टाको अवधिमा कारोबारमा आएका २३४ ओटा धितोपत्रमध्ये पाँच ओटा धितोपत्रमा उच्च खरीद माग रहेको छ । कुमारी इक्वीटी फण्ड,लक्ष्मी उन्नति कोष, एनआईसी एशिया ब्यालेन्स फण्ड,प्रभु सेलेक्ट फण्ड र सानिमा इक्वीटी फण्डको धितोपत्रमा उच्च खरीद माग रहेको हो । ती पाँच ओटा धितोपत्रमध्ये सबैभन्दा बढी कुमारी इक्वीटी फण्डको २ लाख ३८ हजार १५० इकाई खरीद माग रहेको छ । त्यसैगरी लक्ष्मी उन्नति कोषको २ लाख २ हजार १०० इकाई, एनआईसी एशिया ब्यालेन्स फण्डको १ लाख २९ हजार ३०० इकाई,प्रभु सेलेक्ट फण्डको १ लाख २० हजार २९८ इकाई र सानिमा इक्वीटी फण्डको १ लाख ६ हजार ३०० इकाई खरीद माग रहेको छ। यो समाचार तयार पार्दासम्म नेप्से परिसूचक ३८ दशमलव २४ अंक घटेर २ हजार ३८१ दशमलव ५५ विन्दुमा झरेको छ । त्यसैगरी कुल रू.१ अर्ब १२ करोड बराबरको शेयर किनबेच भएको छ ।

Aarthik Abhiyan फाल्गुन २०७८

कुमारी इक्वीटी फण्डसहित ५ ओटा धितोपत्रमा उच्च खरीद माग

चैत २२, काठमाडौं । साताको तेस्रो कारोबार दिन मंगलवार बजार खुलेको तीन घण्टाको अवधिमा कारोबारमा आएका २२४ धितोपत्रमध्ये पाँच ओटा धितोपत्रमा उच्च खरीद माग रहेको छ । उक्त अवधिसम्ममा लक्ष्मी उन्नति कोष,कुमारी इक्वीटी फण्ड, नेष्डो समृद्ध लघुवित्त वित्तीय संस्था,सानिमा इक्वीटी फण्ड र एनआइबिएल प्रगाति फण्डको इकाईमा उच्च खरीद माग रहेको हो । ती पाँच ओटा धितोपत्रमध्ये सबैभन्दा बढी लक्ष्मी उन्नति कोषको ५ लाख ४ हजार ६०० इकाई खरीद माग रहेको छ । त्यसैगरी कुमारी इक्वटी फण्डको ३ लाख ४५ हजार ६०० इकाई, नेष्डो समृद्ध लघुवित्तको १ लाख ३५ हजार ५०४ कित्ता,सानिमा इक्वीटी फण्डको १ लाख २९ हजार इकाई र एनआईबिएल प्रगति फण्डको १ लाख ११ हजार ६५० इकाई खरीद माग रहेको छ । यो समाचार पार्दासम्म नेप्से परिसूचक ५५ अंक घटेर २ हजार ४४३ दशलमव शून्य विन्दुमा झरेको छ भने कुल रू. १ अर्ब ९६ करोड बराबरको शेयर खरीदविक्री भएको छ ।

Aarthik Abhiyan फाल्गुन २०७८

कुमारी इक्विटी फण्डसहित ५ ओटा धितोपत्रमा उच्च खरीद माग

चैत १७, काठमाडौं । साताको अन्तिम कारोबार दिन बिहीवार बजार खुलेको सवा तीन घण्टाको अवधिमा कारोबारमा आएका २२० धितोपत्रमध्ये पाँच ओटा धितोपत्रमा उच्च खरीद माग रहेको छ । उक्त अवधिसम्ममा कुमारी इक्वीटी फण्ड,लक्ष्मी उन्नति कोष,एनएमबि फिप्टी ,नबिल इक्वीटी फण्ड र सिद्धार्थ इन्भेष्टमेण्ट ग्रोथ स्किम २ को इकाईमा उच्च खरीद माग रहेको छ । ती पाँच ओटा धितोपत्रमध्ये सबैभन्दा बढी कुमारी इक्वीटी फण्डको ३ लाख १ हजार ५६१ इकाई खरीद माग रहेको छ । त्यसैगरी लक्ष्मी उन्नति कोषको ३ लाख ८०० इकाई खरीद माग,एनएमबि फिप्टीको १ लाख ९३ हजार १०९ इकाई,नबिल इक्वीटी फण्डको १ लाख ७० हजार ३३३ इकाई र सिद्धार्थ इन्भेष्टमेण्ट ग्रोथ स्किम २ को १ लाख ६१ हजार ६०० इकाई खरीद माग रहेको छ। यो समाचार तयार पार्दासम्म नेप्से परिसूचक १५ दशलमव ३५ अंक घटेर २ हजार ५५२ दशलमव ९० विन्दुमा झरेको छ । उक्त अवधिसम्ममा कुल रू. १ अर्ब २ करोड बराबरको शेयर खरीदविक्री भएको छ ।

Aarthik Abhiyan फाल्गुन २०७८

कुमारी इक्वीटी फण्ड फागुनमा १ करोडभन्दा बढी नोक्सानीमा

सम्बन्धित सामग्री