मोरङको दोस्रो ठुलो सहरको रूपमा विकास हुँदै गरेको सुन्दरहरैचा नगरपालिका क्षेत्र स्थित कोभिड१९ सङ्क्रमणको दोस्रो भेरिएन्टमा ७४० जना सङ्क्रमित रहेका छन्। जसमध्ये ५ महिला र १२ पुरुष गरी १७ जनाले ज्यान गुमाइसकेका छन् भने ६८ जना निको भइसकेका छन्। अझै सक्रिय सङ्क्रमितको रूपमा रहेका ६५५ जना होम आइसोलेसनमा रहेका छन्। यो महामारीको बीच सुन्दरहरैचा नगरपालिकाका नगरप्रमुख शिव प्रसाद ढकाल सङ्क्रमितको घरघरमा पुगेर नगरवासीको अवस्था बुझ्न व्यस्त छन्।
