आधुनिक विकासको नाममा यो धर्ती नै थर्काउने, चन्द्रमामा वस्ती बसाउने सपना बोकेका वैज्ञानिक, विकासे र यिनका सारथि महापुरुषहरूको मनमा अहिले सामान्य आँखाले देख्न नसकिने अति सूक्ष्म जीवतत्व नयाँ भनिएको कोभिड १९ नाम दिइएको भाइरस कोरोनाले सबैका चमुटुमा ढ्यांग्रो ठोकेको छ । प्रकृतिको विनास र मानवीय मूुल्य मान्यताका सीमाहरूको पर्खाल भत्काएर गरिँदै गरेको तथाकथित विकासले विश्वमा भोगविलास, भोक र रोगको आहालमा बस्न र यसैमा रमाउने मानसिकतासँगै बाच्न बाध्य बनाएको छ ।