नेप्से १ प्रतिशत माथिले वृद्धि हुँदा करिब १ अर्ब ७२ करोडको कारोबार

१ मंसिर, काठमाडौं । साताको अन्तिम कारोबार दिन बिहीबार सेयर बजारमा दोहोरो अंकले वृद्धि भएको छ । बिहीबार बजार परिसूचकसँगै कारोबार रकम पनि बढेको छ । बिहीबार नेप्से २५.५७ अंक (१.३४ प्रतिशत)ले वृद्धि भएर १९३६.८३ अंकमा बन्द भएको छ । नेप्सेसँगै सबै उपसूचकमा वृद्धि हुँदा हाइड्रोपावर उपसूचक सर्वाधिक ३.१४ प्रतिशतले बढेको छ । बिहीबार कारोबार […]

सम्बन्धित सामग्री

१८६०.२० विन्दुमा नेप्से, १ अर्ब ३४ करोड बराबरको शेयर कारोवार

काठमाडौं । साताको अन्तिम कारोबार दिन बिहीवार नेप्से परिसूचक ९ दशमलव ८७ अंक बढेर बन्द भएको छ । यससँगै परिसूचक १ हजार ८६० दशमलव २० विन्दुमा पुगेको हो । बुधवार बजार २० दशमलव ६७ अंक बढेर बन्द भएको थियो । बजार बढ्दा कारोबार रकम पनि बढेको छ । यसरी हेर्दा बजारमा लगानीकर्ताको सक्रियता बढेको देखिन्छ । २९२ धितोपत्रको ४४ लाख २० हजार ५१८ कित्ता शेयर ४८ हजार ४९३ पटकमा रू. १ अर्ब ३४ करोड बराबरको कारोबार भएको छ । लामो समयदेखि घटेको बजारमा अधिकांश कम्पनीहरूको शेयर मूल्य तल्लो विन्दुमा झरेको छ । यस कारण पनि बजारमा क्रेता सक्रिय हुने जानकारहरू बताउँछन् ।  यस दिन सेन्सेटिभ इन्डेक्स शून्य दशमलव ७८ प्रतिशत, फ्लोट इन्डेक्स शून्य दशमलव ५४ प्रतिशत र सेन्सेटिभ फ्लोट इन्डेक्स शून्य दशमलव ८७ प्रतिशत वृद्धि भएको छ ।  बिहीवार कारोबारमा आएका धितोपत्रमध्ये बुद्धभूमि नेपाल हाइड्रोपावरको शेयर मूल्य सबैभन्दा बढी ९ दशमलव ९७ प्रतिशत वृद्धि भएको छ । यससँगै कम्पनीको शेयर मूल्य प्रतिकित्ता रू. ३४८ दशमलव ५० पुगेको छ । त्यस्तै थ्री स्टार हाइड्रोपावरको शेयर मूल्य ८ दशमलव ५८ प्रतिशत बढेर रू. ३८१ दशमलव १० पुगेको छ ।  बिहीवार सबैभन्दा बढी नबिल बैंकका शेयरधनीले गुमाएका छन् । यस कम्पनीको शेयर मूल्य ८ दशमलव २० प्रतिशत घटेको छ । यससँगै कम्पनीको शेयर मूल्य प्रतिकित्ता रू. ५१५ मा झरेको छ । गत आवको मुनाफाबाट यस कम्पनीले शेयरधनीलाई ११ प्रतिशत नगद लाभांश मात्रै वितरण गर्ने प्रस्ताव गरेपछि विक्रेता हाबी भएका हुन् । त्यस्तै दोस्रोमा किसान लघुवित्त वित्तीय संस्थाको शेयर मूल्य ५ दशमलव ७८ प्रतिशत घटेर रू. ६६७ मा कायम भएको हो ।  यस दिन सर्वाधिक शेयर खरीदविक्री पनि नबिल बैंकको भएको छ । यस कम्पनीको रू. १३ करोड १० लाख बराबरको शेयर कारोबार भएको छ । सर्वाधिक शेयर खरीदविक्री हुने दोस्रोमा सोनापुर मिनरल्स एण्ड आयल लिमिटेड छ । कम्पनीको रू. ९  करोड ५८ लाख बराबरको शेयर खरीदविक्री भएको हो ।  कारोबारमा आएका १३ समूहगत परिसूचकमध्ये तीन समूहको परिसूचक घटेको छ भने बाँकी सबै समूहगत परिसूचक बढेका छन् । सबैभन्दा बढी जीवन बीमा समूहको परिसूचक ३ दशमलव ३७ प्रतिशत बढेको छ । सबैभन्दा बढी बैंकिङ्ग समूहको परिसूचक शून्य दशमलव  ७२ प्रतिशत घटेको छ ।

सामान्य अंक बढ्यो नेप्से, १ अर्ब ७८ करोड बराबरको शेयर कारोबार

काठमाडौं । साताको अन्तिम कारोबार दिन बिहीवार नेप्से परिसूचक ३ अंक बढेर २ हजार ८९ दशमलव ८४ विन्दुमा पुगेको छ । दिनभर उतावचढाव देखिएको परिसूचक उच्च विन्दु २ हजार १०९ दशमलव २९ विन्दुमा पुगे पनि अन्त्यमा भने २ हजार ८९ दशमलव ८४ विन्दुमा कायम भएको छ । लगानीकर्ताहरू अझै 'पर्ख र हेर'को अवस्थामा रहेकाले बजारमा उच्च वृद्धि र कमी नदेखिएको विज्ञ बताउँछन् । र, सोही कारण कारोबार रकम प्रभावित भएको उनीहरूको भनाइ छ ।   छोटो समयमै प्रोफिट बुक गरी बसेका लगानीकर्ताले सक्रियरूपमा लगानी नगर्दा र धेरै दिन बजार घटेकाले लगानीकर्ताको मनोविज्ञान सकारात्मक नहुँदा यस्तो असर देखिएको विज्ञको भनाइ छ । यद्यपि आगामी दिनमा भने बजार सकारात्मक बन्ने विज्ञहरू अनुमान गर्छन् । सूचीकृत कम्पनीहरूले अहिले वित्तीय विवरण सार्वजनिक गर्न थालेका छन् । वित्तीय विवरण सार्वजनिक गरेपछि कम्पनीले लाभांश घोषणा गर्नेछन् । त्यसपछि बजार सकारात्मक बाटो समात्ने उनीहरूको अनुमान छ ।   यस दिन सेन्सेटिभ इन्डेक्स शून्य दशमलव ३१ प्रतिशत, फ्लोट इन्डेक्स शून्य दशमलव १४ प्रतिशत र सेन्सेटिभ फ्लोट इन्डेक्स शून्य दशमलव ४१ प्रतिशत वृद्धि भएको छ ।  बिहीवार २६२ धितोपत्रको ५१ लाख ३० हजार ५२० कित्ता शेयर ४० हजार ७७४ पटकमा रू. १ अर्ब ७८ करोड बराबरको कारोबार भएको छ ।  यस दिन कारोबारमा आएका धितोपत्रमध्ये दुई धितोपत्रको मूल्यमा सकारात्मक सर्किट लागेको छ । सर्पोट माइक्रोफाइनान्स लघुवित्त वित्तीय संस्था र एनआईबिएल ग्रोथफण्डको मूल्यमा सकारात्मक सर्किट लागेको हो । बिहीवार सबैभन्दा बढी प्रोग्रेशिभ फाइनान्सको शेयर मूल्य ५ दशमलव १९ प्रतिशत घटेको छ । यससँगै कम्पनीको शेयर मूल्य रू. ३६५ मा झरेको छ । शेयर मूल्य घट्ने कम्पनीको सूचीमा दोस्रोमा गणपति लघुवित्त वित्तीय संस्था छ । कम्पनीको शेयर मूल्य ४ दशमलव १६ प्रतिशत घटेर रू. ६९६ कायम भएको छ । यस कम्पनीले गत आवको चौथो त्रैमासिक वित्तीय विवरण सार्वजनिक गरेको छ । उक्त वित्तीय विवरण अनुसार कम्पनीको नाफा उल्लेख्य घटेको छ । यसकारण पनि कम्पनीको शेयरमा विक्रेता हाबी भएका हुन् ।  यस दिन सर्वाधिक शेयर खरीदविक्रीको हिस्सा शिवम् सिमेन्ट्सले ओगटेको छ । कम्पनीको रू. ९ करोड २३ लाख बराबरको शेयर कारोबार भएको हो । कम्पनीको शेयर मूल्य प्रतिकित्ता रू. ६०४ दशमलव ७० कायम भएको छ । सर्वाधिक कारोबार हुने कम्पनीको सूचीमा दोस्रोमा सिइडीबि हाइड्रोपावर डेभलपमेन्ट कम्पनी छ । कम्पनीको रू. ५ करोड ५४ लाख बराबरको कारोबार भएको हो ।  कारोबारमा आएका १३ समूहगत परिसूचकमध्ये पाँच समूहको परिसूचक घटेको छ भने बाँकी सबैको बढेको हो । समूहगत परिसूचक सर्वाधिक घट्नेमा वित्त समूहको परिसूचक छ । उक्त समूहको परिसूचक १ दशमलव ५२ प्रतिशत घटेको छ । यस्तै व्यापार समूहको परिसूचक १ दशमलव ८१ प्रतिशत बढेको छ ।

२२०० को मनोवैज्ञानिक विन्दुमा नेप्से, १ अर्ब ३६ करोड बराबरको शेयर खरीदविक्री

जेठ ९, काठमाडौं । साताको पहिलो कारोबार दिन सोमवार नेप्से परिसूचक ३४ दशमलव २१ अंक घटेको छ । परिसूचक २ हजार २०० दशमलव ८८ विन्दुमा झरेको हो ।  यस अवधिमा कारोबारमा आएका २२४ ओटा धितोपत्रको ३९ लाख १७ हजार ६५५ कित्ता शेयर २८ हजार ५०६ पटकमा रू. १ अर्ब ३६ करोड ९५ लाख १३  हजार १९१ दशमलव ५० बराबरको शेयर खरीदविक्री भएको छ । नेप्से परिसूचक दिनहुँ घट्दो क्रममा रहेको छ । शुक्रवार पनि परिसूचक १५ दशलमव ८२ अंक घटेको थियो । सोमवार नेप्से परिसूचक २ हजार २०० विन्दुको मनोवैज्ञानिक विन्दुमा आएको छ । यस भन्दा अगाडि पनि २ हजार २०० को वरिपरिबाट बजार फर्किएको थियो । पुनः दोस्रो पटक सोही विन्दुमा आएको छ ।  पछिल्लो समय वित्तीय प्रणालीमा तरलता अभाव लगायत नीतिगत सु्धार हुन नसक्दा नराम्रोसँग प्रभावित भएको छ । विशेषगरी शेयरधितो कर्जामा ४-१२ करोडको सीमा लागू र बैंकलाई अल्पकालिन रुपमा शेयर कारोबारमा बन्देज लगाएसँगै बजार प्रभावित भएको हो ।  अब मौद्रिक नितिको तेस्रो त्रैमासिक समीक्षा र बजेट सार्वजनिक हुने दिन नजिकिएका छन् । यसले गर्दा केही नीतिगत सुधार भएमा पूँजी बजारमा सकारात्मक प्रभाव पर्ने देखिन्छ । यद्धपि शेयर बजार घटबढ हुने गर्दछ । लगानीकर्ताले लगानी गर्नुपूर्व कम्पनीको आधारभूत पक्ष र प्राविधिक पक्ष राम्रो सँग केलाएर लगानी गरेमा राम्रो प्रतिफल हुने देखिन्छ ।   कारोबारमा आएका २२४ ओटा धितोपत्रमध्ये सबैभन्दा बढी गुँरास लघुवित्त वित्तीय संस्थाको शेयरमूल्य ६ दशमलव २० प्रतिशत वृद्धि भएको हो । कम्पनीको शेयरमूल्य प्रतिकित्ता रू. १ हजार १३७ दशमलव ५० पुगेको छ । त्यसैगरी दोस्रोमा प्रभु लाइफ इन्स्योरेन्स कम्पनीको शेयरमूल्य ५ दशमलव २६ प्रतिशत वृद्धि भएर रू. ४४२ दशमलव १० पुगेको छ ।  सोमवार सबैभन्दा बढी मिथिला लघुवित्त वित्तीय संस्थाको शेयरधनीले गुमाएका छन् । यस कम्पनीको शेयरमूल्य अघिल्लो कारोबार दिनको तुलनामा ५ दशमलव ८९ प्रतिशत घटेसँगै धेरै गुमाएका हुन् । कम्पनीको शेयरमूल्य प्रतिकित्ता रू. १ हजार ३४० मा झरेको हो । त्यसैगरी दोस्रोमा विन नेपाल लघुवित्त वित्तीय संस्थाको शेयरमूल्य ५ दशमलव ८७ प्रतिशत घटेर रू. १ हजार १२३ कायम भएको हो ।  सर्वाधिक शेयर खरीदविक्री नबिल बैंकको भएको छ । कम्पनीको रू. ४ करोड १५ लाख बराबरको शेयर खरीद विक्री भएको हो । शेयरमूल्य प्रतिकित्ता रू. ८९९ कायम भएको हो । त्यसैगरी सर्वाधिक शेयर खरीदविक्री हुने दोस्रो कम्पनीमा अरुण भ्याली हाइड्रोपावर कम्पनीको रू. ३ करोड ८७ लाख बराबरको भएको छ ।  कारोबारमा आएका १३ ओटै समूहगत परिसूचक घटेसँगै समग्र नेप्से परिसूचक घटेको हो । समूहगत परिसूचक घट्नेमा सबैभन्दा बढी जीवन बीमा समुहको परिसूचक २ दशलमव ६२ प्रतिशत घटेको छ ।  त्यसैगरी, बैंकिङ समूहको १ दशमलव १६ प्रतिशत, विकास बैंक समूहको १ दशलमव ९७ प्रतिशत, वित्त समूहको २ दशमलव शून्य ४ प्रतिशत, होटल एण्ड टुरिजम समूहको २ दशमलव ४४ प्रतिशत, हाइड्रोपावर समूहको २ दशमलव शून्य ८ प्रतिशत, लगानी समूहको २ दशमलव शून्य १ प्रतिशत, उत्पादन तथा प्रशोधन समूहको १ दशमलव ३५ प्रतिशत, लघुवित्त समूहको १ दशमलव ८४ प्रतिशत, म्युचुअल फण्ड समूहको शून्य दशलमव ९२ प्रतिशत, निर्जीवन बीमा समूहको १ दशमलव ७२ प्रतिशत, अन्य समूहको शून्य दशमलव २४ प्रतिशत र व्यापार समूहको समूहगत परिसूचक १ दशमलव १३ प्रतिशतका दरले घटेको हो ।

२३.५१ अंक घटेर २२५०.९१ विन्दुमा नेप्से, १ अर्ब ३० करोड बराबरको शेयर खरीदविक्री

जेठ ५, काठमाडौं । साताको तेस्रो कारोबार दिन बिहीवार नेप्से परिसूचक २३ दशमलव ५१ अंक घटेको छ । परिसूचक २ हजार २५० दशमलव ९१ विन्दुमा झरेको हो ।  यो दिन कारोबारमा आएका २१९ ओटा धितोपत्रको ३७ लाख ९८ हजार २६३ कित्ता शेयर २३ हजार ५६९ पटकमा रू. १ अर्ब ३० करोड ९ लाख ८१ हजार ९९६ दशमलव ४४ मा खरीदविक्री भएको छ । कारोबारमा आएका ती धितोपत्रमध्ये सबैभन्दा बढी जनरल इन्स्योरेन्स कम्पनीको शेयरमूल्य ७ दशमलव ४५ प्रतिशत वृद्धि भएको हो । कम्पनीको शेयरमूल्य प्रतिकित्ता रू. ५१९ पुगेको छ ।  त्यसैगरी, दोस्रोमा मैलुङखोला जलविद्युत् कम्पनीको शेयरमूल्य २ दशमलव ९४ प्रतिशत वृद्धि भएर रू. ५२५ पुगेको हो । बिहीवार सबैभन्दा बढी लुम्बिनी जनरल इन्स्योरेन्स कम्पनीका शेयरधनीले गुमाएका छन् । कम्पनीको शेयरमूल्य अघिल्लो कारोबार दिनको तुलनामा ७ दशमलव शून्य ८ प्रतिशत घटेसँगै सर्वाधिक गुमाएका हुन् । कम्पनीको शेयरमूल्य प्रतिकित्ता रू. ५२५ मा झरेको हो । त्यसैगरी शेयरमूल्य घट्ने दोस्रोमा युनियन हाइड्रोपावरको शेयरमूल्य ५ दशमलव ३० प्रतिशत घटेर रू. २५० कायम भएको छ ।  सर्वाधिक शेयर खरीदविक्री हुनेमा प्रभु बैंकको संस्थापक शेयरको भएको हो । कम्पनीको रू. १२ करोड ८१ लाख बराबरको शेयर खरीदविक्री भएको छ । कम्पनीको शेयरमूल्य प्रतिकित्ता रू. १४५ कायम भएको हो । त्यसैगरी दोस्रोमा एनआईसी एशिया लघुवित्त वित्तीय संस्थाको संस्थापक शेयरको रू. ५ करोड ७ लाख बराबरको खरीद विक्री भएको हो ।  कारोबारमा आएका १३ ओटा समूहगत परिसूचकमध्ये म्युचुअल फण्ड समूहको परिसूचक शून्य दशमलव ११ प्रतिशत वृद्धि भएको छ भने बाँकी सबै समूहको समूहगत परिसूचक समग्र घटेसँगै नेप्से परिसूचक घटेको हो ।  समूहगत परिसूचक घट्नेमा बैंकिङ समूहको समूहगत परिसूचक शून्य दशमलव ४२ प्रतिशत, विकास बैंक समूहको २ दशमलव शून्य ९ प्रतिशत, वित्त समूहको २ दशमलव ४५ प्रतिशत,होटल एण्ड टुरिजम समूहको शून्य दशमलव ७२ प्रतिशत, हाइड्रोपावर समूहको १ दशमलव ७१ प्रतिशत, लगानी समूहको १ दशमलव ४१ प्रतिशत, जीवन बीमा समूहको १ दशमलव ५४ प्रतिशत,उत्पादन तथा प्रशोधन समूहको शून्य दशमलव ८२ प्रतिशत, लघुवित्त समूहको १ दशमलव ११ प्रतिशत, निर्जीवन बीमा समूहको १ दशमलव ४६ प्रतिशत, अन्य समूहको १ दशमलव शून्य ६ प्रतिशत र व्यापार समूहको परिसूचक १ दशमलव २५ प्रतिशतका दरले घटेको हो ।