निशान थापा र चन्द्रमा थापा क्षेत्री पारा राष्ट्रिय खेलकुदअन्तर्गत उपत्यकाव्यापी पारा एथलेटिक्स प्रतियोगितामा हाेचा पुड्कातर्फ पहिलो हुनुभएको छ । त्रिपुरेश्वरस्थित दशरथ रंगशालामा मंगलबार भएको प्रतियोगितामा निशानले पुरुष दुई सय मिटर दौड र चन्द्रमाले महिला एक सय मिटर दौडमा स्वर्ण पदक जित्नुभएको हो । पुरुषतर्फ देवराज घिमिरे दोस्रो र मानबहादुर श्रेष्ठ तेस्रो हुनुभयो । महिला एक सय मिटरतर्फ सिर्जना सेन्चुरी दोस्रो र छोरीमाया थापा तेस्रो हुनुभयो ।
