चाडपर्वको मौका छोपी भारतबाट अवैध रूपमा जिउँदो कुखुरा भित्र्याउने समूह फेरि सक्रिय भएको छ । प्रहरीको मिलेमतोमा भारतीय सीमा बलैगाउँबाट बढदैयाताल गाउँपालिका हुँदै तस्करले अवैध कुखुरा नेपाल भित्र्याउने गरेका हुन् ।
बिर्तामोड– भारतीय माछाका भुरा तस्करी बढेको छ । माछाका भुरा सहज रुपमा उपलब्ध गराउन सक्षम भएपनि भारतीय माछाका भुरा तस्करी गरी ल्याउने क्रम बढेसँगै झापाका किसान समस्यामा परेका हुन् । आफूहरुले माछाका भुरा उत्पादन गरेपनि भारतीय माछाका भुरा तस्करी गरी ल्याउने क्रम बढेसँगै आफूहरु समस्यामा परेको बिर्तामोडस्थित हेवन वाटर पार्कका सञ्चालक ध्रुव शिवाकोटी बताउँछन् । […]
सर्लाही । सर्लाहीको सागरनाथ वन परियोजनाको जंगलमा काठ तस्करी बढेको छ । पछिल्लो समय यस परियोजना क्षेत्रको जङ्गलमा दैनिकजसो काठ तस्करी हुन थालेको हो । सयौं साल तथा मसलाका रुख तस्करको निसानामा परेका छन् । यस क्षेत्रको जंगलमा अहिले तस्करले काटेको रुखका ठुटा यत्रतत्र छरिएको अवस्थामा पाइएको छ । आयोजनाका कर्मचारी गत ११ महिनादेखि विभिन्न […]
वीरगञ्ज – पछिल्लो एक महिनाको अवधिमा मधेस प्रदेशमा नक्कली नेपाली नोट र प्रतिबन्धित भारतीय नोटको तस्करी बढेको छ। प्रदेशका आठवटै जिल्ला भारतसित सिमाना जोडिएका छन्। खुला सिमानाकै कारण विभिन्न सामान भारतबाट नेपालमा तस्करी हुँदै आएको छ। तर, पछिल्लो एक महिनाको अवधिमा भने प्रदेशका जिल्लामा नक्कली नेपाली नोट र प्रतिबन्धित भारतीय नोटको भारतबाट तस्करी हुने क्रम […]
रौतहट : रौतहटको भारतीय सीमानाकामा चोरी तस्करी बढेको छ। भारतीय बजारसँग सिमाना जोडिएको रौतहटमा संगठित तथा पोके तस्करहरूले व्यापक रुपमा तस्करी गरिरहेका हुन्।रौतहटको सीमाक्षेत्रमा साना पोके तस्करदेखि ठूला संगठित तस्करहरूको सक्रिय छन्। प्रहरी प्रशासनकै मिलेमतोमा रौतहटका मुख्य नाकाहरूबाट अवैध रुपमा समान ओसारपसार भइरहेको पाइएको छ।भारतीय सामान रौतहट छिर्ने मुख्य नाका गौर भन्सार, लक्ष्मीपुर बेलबिछवा र महादेवपट्टीमा रहेका नेपाल प्रहरी र सशस्त्र प्रहरीका युनिटले तस्करहरूबाट मासिक रकम लिएर अवैध का
आगामी मंसिर ४ मा हुन लागेको प्रतिनिधिसभा र प्रदेशसभाको निर्वाचनमा सरकार केन्द्रित भएको मौका छोपी मुलुकका विभिन्न नाकाहरूबाट चोरी–तस्करी बढेको छ । भारतीय सीमासँग जोडिएका पूर्वदेखि पश्चिमसम्मका तराईका अधिकांश छोटी भन्सार नाकाहरू र अन्य खुला क्षेत्रबाट चोरी–तस्करी बढेको हो ।कारोबारका स्थानीय संवाददाताहरूका अनुसार आम निर्वाचनको तरल राजनीतिक अवस्थालाई दुरुपयोग गर्दै चोरी–तस्करीमा संलग्न विभिन्न गिरोह अहिले […]
काँग्रेसका प्रभावशाली नेता एवं अहिलेका गृहमन्त्री वालकृष्ण खाणको निर्वाचन क्षेत्र रुपन्देहीको सिद्धार्थ नगरपालिका, शुद्धोधन गाउँपालिका, ओमसतिया, सियारी लगायतका स्थानहरूमा चोरी तस्करी बढ्दो छ । नेपाल र भारतको सीमा क्षेत्रमा पर्ने रुपन्देहीको दक्षिणी इलाकामा चोरी तस्करी झन् बढेको भन्दै गत आइतबार भैरहवाका उद्योगी व्यवसायीले पत्रकार सम्मेलन नै गरेका थिए ।व्यवसायीहरूले खुला सिमानाको कारण चोरी तस्करी झन् बढेकोले आफ्नो व्यवसाय धरापमा परेको भन्दै चोरी तस्करी रोक्न प्रहरी प्रशासनसँग आग्रह गरेका थिए । उनी
पछिल्लो समय नेपालबाट भारततर्फ सुपारी तस्करी हुने क्रम बढेको छ ।प्रहरीले एकपछि अर्को गरी अवैध रुपमा भारततर्फ लैजाँदै गरेको सुपारी बरामद गर्न थालेसँगै नेपालबाट भारततर्फ सुपारी तस्करी हुने क्रम बढेको पाइएको हो । इलाका प्रहरी कार्यालय काँकडभिट्टाबाट खटिएको प्रहरीको टोलीले मेचीनगर–६ दुर्गा मन्दिरमा भारततर्फ अबैध रुपमा लैजाँदै गरेको ८७ हजार ५ सय मूल्य बराबरको सुपारी […]
नवलपरासी । पश्चिम नवलपरासीमा सीमा नाकाबाट नेपालतर्फ चिनीको तस्करी बढेको छ । विगत केही दिनदेखि तस्करी मौलाए पनि नियन्त्रणका लागि प्रहरीले बेवास्ता गरेको स्थानीको आरोप छ । सीमा क्षेत्रमा प्रहरीका युनिटहरु तैनाथ भएपनि चिनी तस्करमार्फत सहज रुपमा भित्रिने गरेको छ । भन्सार छलेर भारतबाट दैनिक १० देखि १२ ट्रक चितवन, हेटौंडा, पोखरालगायतका प्रमुख शहरहरुमा जाने […]
विराटनगर : मोरङको पूर्वी नाका हुँदै भारतदेखि अवैधरुपमा खुलेआम तस्करी हुने गरेको पाइएको छ। खुला सीमाको फाइदा उठाउँदै रंगेली नगरपालिकाको धनापट्टी, रतुवामाई नगरपालिको सिक्टी, आमतोला, धनपालथान गाउँपालिका दक्षिण क्षेत्रको मायागञ्ज र खैरबना नाकादेखि खाद्यवस्तु तस्करी हुने गरेको पाइएको हो।सशस्त्र प्रहरीको बोर्डर आउट पोस्ट (बिओपी) रंगेलीको टोलीले शुक्रबार ठूलो परिमाणमा तस्करीको चिनीसहित ट्रक नियन्त्रण गरेको छ। सशस्त्र प्रहरीका प्रहरी निरीक्षक कमल अधिकारीको कमाण्डमा खटिएको टोलीले रंगेली-५ धनापट्टी टोलबाट
