कोरोना भाइरसको ‘जीन सिक्वेन्सिङ’ नेपालमै शुरूआत गरिएको छ ।
राष्ट्रिय जनस्वास्थ्य प्रयोगशालाकी निर्देशक डा. रुणा झाले सोमवार एक जानकारी प्रकाशित गर्दै नेपालमै पहिलोपटक ‘जीन सिक्वेन्सिङ’ गरिएको जानकारी दिइन् ।
त्रिभुवन विश्वविद्यालयको जैविक प्रविधि केन्द्रीय विभागमा १६ र राष्ट्रिय जनस्वास्थ्य प्रयोगशालामा २६ वटा नमूनाहरू गरी ४२ नमूनाको सिक्वेन्सिङ गरिएको जनाइएको छ ।
जसमध्ये ४१ वटा नमूनामा डेल्टा भेरियन्ट देखिएको र एउटामा अल्फा भेरियन्ट देखिएको निर्देशक झाले जनाएकी छन् ।
