बुल्गेरियालाई रुसी तेल आयातमा छुट

भारतमा रुसी तेल आयात अहिलेसम्मकै उच्च, जनवरीमा ल्याइयो कुल खपतको २७ प्रतिशत

काठमाडौं । भारतमा रुसी तेल आयात यसअघि कहिले नदेखिएको स्तरमा उक्लिएको छ । जनवरीमा भारतले दैनिक ५० लाख ब्यारेलभन्दा धेरै कच्चा तेल किनेकोमा रुसबाट किनेको हिस्सा १४ लाख ब्यारेल छ । यो जनवरीमा गरिएको तेल आयातको २७ प्रतिशत हाे । मर्मतसम्भारका बेलामा प्रशोधन कारखाना बन्द गर्नुपर्ने भएकोले सरकारले तोकेको लक्ष्य पूरा गर्न सरकारी तेल प्रशोधन कम्पनीहरूले डिसेम्बर र जनवरीमा ठूलो परिमाणमा तेल आयात गरेको भारतीय सञ्चारमाध्यमले जनाएका छन् । भारत विश्वको तेस्रो ठूलो तेल आयातकर्ता र खपतकर्ता हो । रुसले भारी छूटमा तेल बेच्न थालेपछि भारतले रुसी तेलको आयात बढाएको हो । रुसको तेलमा पश्चिमा देशहरूले प्रतिबन्ध लगाएपछि उसले भारी छूटमा तेल बेच्न थालेको हाे । प्रतिबन्धअघि भारतले रुसबाट कुल खपतको १ प्रतिशत मात्रै तेल खरिद गर्थ्यो । गएको महीना शाखलिन १ बाट मात्रै रुसी बेञ्चमार्क सोकोलको आयात दैनिक १ लाख ९ सय ब्यारेलको उचाईमा उक्लिएको थियो । जनवरीमा भारतले क्यानडेली तेल आयात पनि दैनिक ३ लाख १४ हजार ब्यारेलमा पुगेको छ । जनवरीमा संयुक्त अरब इमिरेट्सपछि क्यानडा भारतको पाँचौ ठूलो तेल आपूर्तिकर्ता बनेको छ । इराकी तेल आयात पनि सात महीनाकै उच्च स्तरमा उक्लिएको छ । चालु आवको अप्रिलदेखि जनवरीसम्ममा इराक सबैभन्दा ठूलो तेल आपूर्तिकर्ता बनेको छ । रुस साउदी अरबलाई उछिनेर दोस्रो ठूलो तेल आपूर्तिकर्ता बनेको छ । रुसबाट तेल आयात धमाधम बढिरहँदा मध्य पूर्वबाट तेलको आयात घटेर कूलमा ४८ प्रतिशतमा ओर्लिएको छ । ओपेकको तेल आयात पनि कीर्तिमानी न्यून स्तरमा झरेको छ ।एजेन्सी

Aarthik Abhiyan माघ २०७९

ईयू नेताहरूबिच रुसी तेल आयात रोक्ने सहमति

काठमाडाैँ । युरोपेली सङ्घ (ईयू)का नेताहरुले मस्कोले युक्रेनमा आक्रमण गरेवापत सजाय दिन सन् २०२२ को उत्तरार्धदेखि आफूहरूबिच रुसी तेल आयात रोक्ने सहमति भएको जनाएका छन् । ईयूले रुसबाट समुद्र मार्ग हुँदै आउने तेलमाथि मात्रै प्रतिबन्ध लगाउन लागेको हो । हंगेरीको विरोध पश्चात् पाइपलाइनबाट आउने तेल भने यथावत चल्ने बताइएको छ । तर, पोल्यान्ड र जर्मनीले […]

Prashasan बैशाख २०७९

रुसी तेल आयातमा रोक लगाउन युरोपेली संघ सहमत

युरोपेली संघले रुसी तेल आयातको दुई तिहाइभन्दा बढीमा रोक लगाउने सम्झौता योजनामा सहमति जनाएको छ। हंगेरीले पूर्ण प्रतिबन्धको विरोध गरेपछि युरोपेली संघका नेताहरुले दुइ तिहाइ भन्दा बढीमा रोक लगाउन सहमति जनाएको बीबीसीले जनाएको छ।यो सम्झौताले रुसी युद्ध मेसिनको लागि वित्तको ठूलो स्रोत बन्द गरेको युरोपेली काउन्सिलका चाल्र्स मिसेलले बताए। यसले रसियालाई युद्ध अन्त्य गर्न अधिकतम दबाब दिएको उनको भनाइ छ। मिसेलका अनुसारयो प्रतिबन्ध ब्रसेल्समा भएको शिखर सम्मेलनमा अनुमोदन गरिएको प्रतिबन्धको छैटौँ प्याकेजक

थाहा खबर बैशाख २०७९

विदेशी मुद्राको कमीसँग जुधिरहेको श्रीलङ्काले रुसी तेल लिन थाल्यो

श्रीलङ्काले रुसी तेल लिन थालेको देशका उर्जा मन्त्री कन्चन विजेसेकेराले बताए । अहिले श्रीलङ्काले लिएको तेल एक महिनादेखि उसको समुद्र तटमा रहिरहेको थियो ।दुवईस्थित कोरल इनर्जीले ढुवानी गरेको तेलको पैसा श्रीलङ्काले तिर्न नसकेपछि सो तेल बन्दरगाहमै रोकिएको थियो । अहिलेको ९० हजार टन कच्चा तेलको लागि श्रीलङ्काले ७ करोड २६ लाख डलर तिर्नेछ ।९० हजार टनको ढुवानीपछि देशको एक मात्र तेल प्रशोधन केन्द्र पनि सुचारु हुने मन्त्री विजेसेकेराले बताए । देशले तेल किन्न नसकेपछि गत मार्च २५ देखि सो प्रशोधन केन्द्र बन्द

Ratopati बैशाख २०७९

रुसमाथि धमाधम प्रतिबन्ध लगाउँदा पनि इन्धनको कर आम्दानीमा ४५% वृद्धि, कहाँ जाँदैछ रुसी तेल ?

Aarthik Abhiyan बैशाख २०७९

‘ब्लड मनी’बाट युरोपेली देशले रुसी तेल किनिरहेका छन् : जेलेन्स्की

रुसी तेलका लागि ‘ब्लड मनी’ (रगतको पैसा) प्रदान गरिएको आरोप युक्रेनले लगाएको छ। युक्रेनका राष्ट्रपति भोलोडिमिर जेलेन्स्कीले युरोपका देशहरुमाथि रुसी तेल किन्न जारी राखेर ‘अरु मानिसको रगतबाट उनीहरुलाई पैसा कमाउन’ सहयोग गरिरहेको आरोप लगाएका छन् । बिबिसीसँगको अन्तर्वार्ताको क्रममा जेलेन्स्कीले जर्मनी र हंगेरीले रुसी इन्धनमाथि प्रतिबन्ध लगाउने प्रयासमा गरिरहेको अवरोध तर्फ संकेत गर्दै यस्तो आरोप […]

Desh Sanchar चैत्र २०७८

रुसी तेल भण्डारमा युक्रेनको हवाइ आक्रमण

आक्रमणका कारणल रुसी सीमा क्षेत्रदेखि झण्डै ४० किलोमिटरको दुरीमा रहेको बेलगोरोदको आवासीय क्षेत्र नजिककै तेल भण्डारमा भीषण आगलागी भएको छ ।

Image Khabar फाल्गुन २०७८

रणनीतिक तेल भण्डारणबाट दैनिक १० लाख ब्यारेल तेल निकाल्ने अमेरिकी राष्ट्रपति वाइडेनको घोषणा

उज्यालो अनलाइन फाल्गुन २०७८

भारतले सस्तोमा रुसी तेल लिने, चीनले पनि छुटमा तेल किन्ने

रुसले युक्रेनमा अतिक्रमण गरेपछि मार्चदेखि भारतमा हुने रुसी तेलको आपूर्तिमा वृद्धि भएको छ । नयाँ दिल्लीले मस्कोबाट अझै सस्तो तेल लिने भएको औद्योगिक अवलोकनकर्ताहरुले बताएका छन् । चीन पहिलेदेखि नै रुसी तेलको सबैभन्दा ठूलो एकल खरिदकर्ता हो । उसले पनि रुसबाट व्यापक छुट मूल्यमा धेरै तेल किन्ने अपेक्षा गरिएको उनीहरुले बताएका छन् । यसको अर्थ अन्य मुलुकमा कच्चा तेलको मूल्य उच्च हुन सक्छ । प्रमुख तेल आयातकर्ता मुलुकहरु भारत र चीन कच्चा तेलको उच्च मूल्यबाट प्रभावित भइरहेका छन् । मूल्य गत वर्षदेखि नै व

Ratopati फाल्गुन २०७८

पश्चिमी देशहरुले लगाए रुसी तेल र ग्याँसमा प्रतिबन्ध के होला यसको असर ?

फागुन २५, काठमाडौं। अमेरिका र बेलायतले रुसी तेल र ग्यासमाथि प्रतिबन्धको घोषणा गरेका छन् । बेलायतले सन् २०२२ को अन्त्यसम्ममा रुसी तेल र तेलजन्य उत्पादनको आयात बन्द गर्ने बताएको छ । यूरोपेली संघ (ईयू)ले पनि सन् २०३० सम्ममा रुसको जैविक इन्धनमाथिको आफ्नो निर्भरता निर्मूल पार्ने योजना बनाएको छ । यसको शुरुआत ग्यासबाट गरिनेछ । यसै वर्ष रुसी ग्यासमाथिको निर्भरता दुई तिहाई कम गर्ने योजना ईयूले सार्वजनिक गरेको छ । रुसी अर्थतन्त्रको मुख्य धमनीमा प्रहार गर्न यस्तो कदम चाल्न लागिएको बुधबार अमेरिकी राष्ट्रपती जो बाइडेनले बताएका छन् । रुसको आम्दानीको मुख्य स्रोत इन्धन निर्यात हो । युक्रेनमाथि रुसी हमलाको प्रतिकारमा उमाथि लगाइएको आर्थिक प्रतिबन्ध कसिलो बनाउने क्रममा रुसी तेल र ग्यासमा प्रतिबन्ध लगाउन लागिएको हो । तर यस कदमले रुसलाई त असर पार्छ नै यूरोपेली उपभोक्ताहरु पनि मारमा पर्नेछन् । द्वन्द्वको प्रभावका कारण अहिले अमेरिका र बेलायतमा पेट्रोलको भाउ कीर्तिमानी स्तरमा उक्लिसकेको छ । जापानलगायत अन्य बजारहरुमा पनि भाउ कयौं वर्षयताकै उच्च स्तरमा छन् । रुसी तेलमाथि पश्चिमी देशहरुले प्रतिबन्ध लगाएमा विश्व बजारमा विनाशकारी परिणामहरु उत्पन्न हुने चेतावनी मंगलबार रुसी उपप्रधानमन्त्री एलेक्सान्डर नोभाकले दिएका थिए । रुस युक्रेनबीचको तनावबीच पछिल्लो समय तेलको भाउ सन् २००८ यताकै उच्च स्तरमा छ । तेलको भाउमा भएको वृद्धिले चीन, इन्डोनेशिया, दक्षिण अफ्रिका र टर्की जस्ता ठूला तेल आयातकर्ता देशहरुको आर्थिक वृद्धिदर एक प्रतिशत अंकले घट्न सक्ने र विश्वको आर्थिक वृद्धिदरमा कमी आउन सक्ने विश्व बैंकका अधिकारीले चेतावनी दिएका छन् । कोरोना भाइरसको महामारीको प्रभावबाट पुनःबहाल भइरहेका र कर्जा देखि मँहगीसम्मका अनेकौं अनिश्चयसँग संघर्ष गरिरहेका उदीयमान अर्थतन्त्रलाई युद्धले अर्को झट्का दिने बताइएको छ । गएको एक महीनामा तेलको भाउ दोब्बर भन्दा धेरैले बढिसकेको छ । रुसी तेलमाथि प्रतिबन्धको घोषणासँगै बुधबार अन्तरराष्ट्रिय बजारमा ब्रेन्ट क्रुडको भाउ झन्डै ३ प्रतिशतले बढेर प्रतिब्यारेल १३० डलरमाथि उक्लिएका छ । युक्रेनी संकटका कारण विश्वले अहिलेसम्मकै ठूलो आपूर्ति झट्का बेहोर्न सक्ने चेतावनी गोल्डम्यान श्याख्सले दिएको छ । ब्रेन्ट क्रुडको भाउको प्रक्षेपण गोल्डम्यानले बढाएर ९८ डलरबाट १३५ डलरमा पुर्याएको छ । बार्कलेजले पनि अवस्था खराब भन्दा पनि खराब हुँदै भयो भने तेलको भाउ २०० डलर नाघ्न सक्ने बताएको छ । तर बार्कलेजले यस वर्षको ब्रेन्ट क्रुडको मूल्य प्रक्षेपण भने संसोधन गरेको छैन । विश्व बजारमा तेलको भाउ बढेसँगै हालैका दिनमा नेपालमा पनि पेट्रोलियम पदार्थको भाउ बढेर यस अघि कहिले नदेखिएको स्तरमा उक्लिएको छ । विश्व बजारमा कच्चा तेलको भाउमा हुने थप वृद्धिले नेपाली उपभोक्ताहरु झनै मारमा पर्नेछन् । एजेन्सीको सहयोगमा

Aarthik Abhiyan माघ २०७८

बुल्गेरियालाई रुसी तेल आयातमा छुट

सम्बन्धित सामग्री