भक्तपुर नगरपालिकाको आयोजनामा फागुन ८ गतेदेखि १२ गतेसम्म हुने अन्तरनगर एथ्लेटिक्स प्रतियोगिताको तयारी पूरा भएको नगरपालिकाले जनाएको छ। मंगलबार भएको पत्रकार भेटघाट कार्यक्रममा नगर प्रमुख एवं प्रतियोगिता मूल समितिका संयोजक सुनिल प्रजापतिले प्रतियोगिताको अन्तिम तयारी पूरा भएको बताए। निर्वाचनको समयमा जनताबीच व्यक्त प्रतिवद्धता पूरा गर्ने सिलसिलास्वरुप नगरपालिकाले हरेक वर्ष खेलकुद प्रतियोगिताको आयोजना गर्दै आएको उनले बताए।