काठमाडौं । मल्टीपर्पस फाइनान्स लिमिटेडले १० हजार कित्ता संस्थापक शेयर सर्वसाधारणमा जारी गरेको छ ।
पहिलो चरणमा विद्यमान संस्थापक शेयरधनीहरूले मात्र खरीद गर्न पाउने गरी विक्री खुला गर्दा वितरण हुन नसकेपछि कम्पनीले सर्वसाधारणले समेत खरीद गर्न पाउने गरी विक्री खुला गरेको हो ।
यो शेयर खरीद गर्न इच्छुक विद्यमान संस्थापक शेयरधनीसँगै अन्य व्यक्तिहरूले आगामी १५ दिनभित्र आवेदन पेश गर्नुपर्ने कम्पनीको भनाइ छ । तोकिएको अवधिमा के कति कित्ता वा मूल्यमा खरीद गर्ने हो त्यसको सम्पूर्ण विवरण खुलाई कम्पनी सचिवको कार्यालयमा गोप्य शिलबन्दी बोलपत्र पेश गर्नुपर्नेछ ।
