भारत र दक्षिण अफ्रिका विरुद्धको दोस्रो टी–२० खेलमा रोचक घटना भएको छ । खेलको दौरान मैदानमा सर्प प्रवेश गरेपछि खेल केहीबेर रोक्नु परेको थियो ।खेलमा भारतीय इनिङ्सको क्रममा आठौं ओभरमा सर्प मैदानमा प्रवेश गरेको थियो । जसका कारण खेल केही मिनेट रोकिएको थियो । त्यतिबेला रोहित शर्मा र केएल राहुल ब्याटिङ गरिरहेका थिए । केशव महाराज आठौं ओभरको सुरुमा बलिङ गर्न आएका थिए। ओभर सुरु हुनुअघि दक्षिण अफ्रिकाका केही खेलाडीहरू मैदानमा सर्प रहेको जानकारी दिएका । त्यसपछि ग्राउन्ड स्टाफलाई फिल्डमा बोलाइयो ।
