जनउत्थान सामुदायिक लघुवित्तको बोनस शेयर सूचीकृत, कहिलेबाट गर्न मिल्छ कारोबार ?

जनउत्थान सामुदायिक लघुवित्तले यस वर्ष लाभांश वितरण नगर्ने

काठमाडौं । जनउत्थान सामुदायिक लघुवित्त वित्तीय संस्था लिमिटेडले यस वर्ष लाभांश वितरण नगर्ने भएको छ । फागुन १२ गते बसेको कम्पनीको सञ्चालक समितिको बैठकले गत आर्थिक वर्ष ०७९/८० को मुनाफाबाट कुनै पनि लाभांश वितरण नगर्ने निर्णय गरेको हो । गत आर्थिक वर्षको वार्षिक प्रतिवेदन सहितका वित्तीय विवरण आगामी वार्षिक साधारण सभाबाट पारित गर्ने गरी नेपाल राष्ट्र बैंक समक्ष पेश गर्ने निर्णय पनि सोही बैठकले गरेको छ । विगतका वर्षहरूमा निरन्तर लाभांश वितरण गर्दै आएको यो कम्पनीले यस वर्ष भने लगानीकर्ताको हात खाली बनाएको हो । गत वर्ष कम्पनीले १५ प्रतिशत बोनस शेयर र कर प्रयोजन समेतका लागि शून्य दशमलव ७९ प्रतिशत नगद लाभांश वितरण गरेको थियो ।

Aarthik Abhiyan माघ २०८०

जनउत्थान सामुदायिक लघुवित्तले वितरण गर्‍यो १५ प्रतिशत बोनस शेयर

काठमाडौं । जनउत्थान सामुदायिक लघुवित्त वित्तीय संस्था लिमिटेडले यस वर्षको १५ प्रतिशत बोनस शेयर वितरण गरेको छ । कम्पनीले चैत २६ गते सम्पन्न १२औं वार्षिक साधारण सभाबाट पारित उक्त बोनस शेयर धितोपत्र दोस्रो बजारमा सूचीकृतपछि असार १७ गतेदेखि वितरण गर्न थालिएको हो । साधारण सभा प्रयोजनका लागि कम्पनीले चैत १० गते एक दिन बुक क्लोज गरेको छ । बुक क्लोजको आधारमा चैत ९ गतेसम्म कायम शेयरधनीहरूको हितग्राही खातामा बोनस शेयर जम्मा गरिएको हो । कम्पनीले गत आर्थिक वर्ष ०७८/७९ को मुनाफाबाट रू. १४ करोड ७९ लाख ६ हजारको आधारमा १५ प्रतिशत बोनस शेयर र कर प्रयोजनका लागि शून्य दशमलव ७९ प्रतिशत नगद लाभांश वितरण गर्ने निर्णय गरेको हो । यस वर्ष कम्पनीले गत वर्षभन्दा कम लाभांश प्रस्ताव गरेको हो । गत वर्ष कम्पनीले २५ प्रतिशत बोनस शेयर र कर प्रयोजनका लागि १ दशमलव ३२ प्रतिशत नगद लाभांश वितरण गरेको थियो । सूचना हेर्न यहाँ क्लिक गर्नुहोला

Aarthik Abhiyan जेष्ठ २०८०

जनउत्थान सामुदायिक लघुवित्तको शेयर मूल्य समायोजन

काठमाडौं । नेपाल स्टक एक्सचेन्ज (नेप्से) मा बिहीवार जनउत्थान सामुदायिक लघुवित्त वित्तीय संस्थाको शेयर मूल्य समायोजन भएको छ । साधारण सभा तथा लाभांश वितरण प्रयोजनार्थ कम्पनीले बुक क्लोज गरेसँगै नेप्सेले शेयर मूल्य समायोजन गरी नयाँ मूल्य निर्धारण गरेको हो । नेप्सेले कम्पनीकोे १५ प्रतिशत बोनस शेयर समायोजन गरेको हो । समायोजपश्चात् कम्पनीको शेयर मूल्य रू.९४७ दशमलव ८३ कायम भएको छ । नेप्सेले बिहीवारको कारोबारको अन्तिम मूल्यका आधारमा यस कम्पनीको शेयर मूल्य समायोजन गरेको हो । बिहीवार दोस्रो बजारमा कम्पनीको शेयर मूल्य प्रतिकित्ता रू. १ हजार ९० मा अन्तिम कारोबार भएको थियो । यही समायोजित मूल्यलाई आधार मानेर आइतवार देखि दोस्रो बजारमा कम्पनीकोे शेयर कारोबार खुल्नेछ ।

Aarthik Abhiyan फाल्गुन २०७९

जनउत्थान सामुदायिक लघुवित्तको लाभांश सुरक्षित गर्ने अन्तिम मौका आज

काठमाडौं । जनउत्थान सामुदायिक लघुवित्त वित्तीय संस्था लिमिटेडको लाभांश सुरक्षित गर्ने अन्तिम दिन आज रहेको छ । कम्पनीले साधारण सभा प्रयोजनको लागि चैत १० गते बुक क्लोज गरेसँगै आज चैत ९ गतेसम्म कायम शेयरधनीमात्र साधारण सभामा भाग लिन र लाभांश पाउन योग्य हुनेछन् । कम्पनीले गत आवको मुनाफाबाट शेयरधनीलाई १५ प्रतिशत बोनस शेयर र कर प्रयोजनको लागि शून्य दशमलव ७८ प्रतिशत नगद लाभांश वितरण गर्ने प्रस्ताव गरेको हो । यो प्रस्ताव पारितका लागि कम्पनीले चैत २६ गते साधारण सभा बोलाएको छ । सभा न्यू ईरा बुटवल उपमहानगरपालिका-९ कालिकापथ रुपन्देहीमा बिहान ११ बजे शुरू हुने कम्पनीले जानकारी दिएको छ ।

Aarthik Abhiyan फाल्गुन २०७९

जनउत्थान सामुदायिक लघुवित्तको वार्षिक साधारण सभा चैत २६ मा, बुक क्लोज कहिले ?

काठमाडौं । जनउत्थान सामुदायिक लघुवित्त वित्तीय संस्था लिमिटेडले १२औं वार्षिक साधारण सभा चैत २६ गते गर्ने भएको छ । सभा न्यू ईरा बुटवल उपमहानगरपालिका–९ कालिकापथ, रुपन्देहीमा बिहान ११ बजे शुरू गर्ने कम्पनीले जानकारी दिएको हो । सभामा गत आर्थिक वर्षको वार्षिक प्रतिवेदनका साथै प्रस्तावित १५ प्रतिशत बोनस शेयर र कर प्रयोजनको लागि शून्य दशमलव ७८ प्रतिशत नगद लाभांशसम्बन्धी प्रस्ताव प्रस्तुत गरिनेछ । त्यस्तै सभामा यस कम्पनीले एक वा एकभन्दा बढी उपयुक्त लघुवित्त वित्तीय संस्थाहरू गाभ्ने÷गाभिने प्रयोजनको लागि आवश्यक सम्पूर्ण कार्यहरू गर्ने अख्यितारी सञ्चालक समितीलाई प्रदान गर्ने प्रस्ताव पनि प्रस्तुत गरिनेछ । कम्पनीले साधारण सभा प्रयोजनको लागि चैत १० गते बुक क्लोज गर्ने जानकारी दिएको छ । यसको आधारमा चैत ९ गतेसम्म कायम शेयरधनीमात्र साधारण सभामा भाग लिन र लाभांश पाउन योग्य हुनेछन् ।

Aarthik Abhiyan माघ २०७९

लाभांश पारितका लागि जनउत्थान सामुदायिक लघुवित्तले बोलायो चैत २६ मा साधारण सभा, बुक क्लोज कहिले ?

Aarthik Abhiyan माघ २०७९

जनउत्थान सामुदायिक लघुवित्तद्वारा लाभांश घोषणा

काठमाडौं । जनउत्थान सामुदायिक लघुवित्त वित्तीय संस्था लिमिटेडले गत आर्थिक वर्ष २०७८/७९ को लाभांश प्रस्ताव गरेको छ । माघ २९ गते बसेको कम्पनीको सञ्चालक समितिको बैठकले गत वर्षको मुनाफाबाट हाल कायम चुक्तापूँजी रू. १४ करोड ७९ लाख ६ हजारको आधारमा १५ प्रतिशत बोनस शेयर र कर प्रयोजनका लागि शून्य दशमलव ७८९५ प्रतिशत नगद लाभांश वितरण गर्ने प्रस्ताव गरेको हो । कम्पनीको सञ्चालक समितिले प्रस्ताव गरेको लाभांश नेपाल राष्ट्र बैंकको स्वीकृतिपछि आगामी वार्षिक साधारण सभाले पारित गरेपश्चात् मात्र वितरण हुनेछ । यस वर्ष कम्पनीले गत वर्षभन्दा कम लाभांश प्रस्ताव गरेको हो । गत वर्ष कम्पनीले २५ प्रतिशत बोनस शेयर र कर प्रयोजनका लागि १ दशमलव ३२ प्रतिशत नगद लाभांश वितरण गरेको थियो ।

Aarthik Abhiyan पौष २०७९

लाभांश पारित गर्न जनउत्थान सामुदायिक लघुवित्तले बोलायो पुस ३० गते साधारण सभा

पुस ९, काठमाडौं । जनउत्थान सामुदायिक लघुवित्त वित्तीय संस्थाले पुस ३० गते साधारण सभा गर्ने भएको छ । कम्पनीले सभा होटल न्यू ईरा बुटवल उप महानगरपालिका वडा नम्बर ९ कालिकापथमा बिहान ११ बजे गर्ने जानकारी दिएको छ । सभाले २५ प्रतिशत बोनस शेयर र १ दशमलव ३१ प्रतिशत नगद लाभांश कर प्रयोजनको लागि वितरण गर्ने प्रस्ताव पारित गर्नेछ । साथै सभाले यस लघुवित्त वित्तीय संस्था र अन्य कुनै उपयुक्त लघुवित्त वित्तीय संस्थाहरु एकापसमा गाभ्ने गाभिने वा प्राप्ति गर्ने सम्बन्धी आवश्यक कार्यहरु गर्न सञ्चालक समितिलाई अख्तियारी प्रदान गर्ने प्रस्ताव पारित गर्नेछ । त्यसैगरी सभाले आव २०७७/ ७८ को वार्षिक प्रतिवेदन छलफल गरी पारित गर्ने र आव २०७८/ ७९ को लागि लेखापरिक्षकको नियुक्ती र निजको पारीश्रमिक निर्धारण गर्ने प्रस्ताव पनि पारित गर्नेछ । साधारण सभा प्रयोजनको लागि कम्पनीले शेयरधनी दर्ता पुस्तिका पुस २१ गते बन्द गर्ने जानकारी गराएको छ । यस आधारमा पुस २० गतेसम्म कायम शेयरधनीले साधारण सभामा भाग लिन र लाभांश पाउनेछन् । कम्पनीको पुस ८ गते बसेको सञ्चालक समितिको बैठकले साधारण सभा गर्ने निर्णय गरेको हो ।

Aarthik Abhiyan मंसिर २०७८

जनउत्थान सामुदायिक लघुवित्तले सम्पन्न गर्‍यो १० औं वार्षिक साधारण सभा

वैशाख ३१, काठमाडौं । जनउत्थान सामुदायिक लघुवित्त वित्तीय संस्थाको १० औं वार्षिक साधारण सभा बिहीवार सम्पन्न भएको छ । बुटवल उपमहानगरपालिका- ९ मा रहेको कालिकापथस्थित होटल न्यू ईरामा भर्चुअल माध्यमबाट गरिएको सभामा कम्पनीका पूर्व अध्यक्ष यम बहादुर बिके, पूर्व सञ्चालक डा मेग बहादुर विश्वकर्मा, संस्थापक शंकर प्रसाद पौडेल, हरी काफ्ले, यज्ञ विक्रम शाही, भिम कुँवर, नर बहादुर विश्वकर्मा लगायतले मन्तब्य राखेका थिए । सभाले सञ्चालक समितिको तर्फबाट अध्यक्षद्वारा प्रस्तुत वार्षिक प्रतिवेदनसहित आव २०७६/ ०७७ को वासलात, नाफा नोक्सान हिसाब र नगद प्रवाह विवरण लगायतका अनुसूचिहरु पारित गरेको छ । सभाले चुक्तापूँजी ७ करोड ९२ लाखको २ दशमलव ६० प्रतिशतले हुन आउने रकम २० लाख ५९ हजार २०० रुपैयाँ नगद लाभांश कर प्रयोजनका लागि वितरण गर्ने, चुक्तापूँजीको ४९ दशमलव ४० प्रतिशत बराबरको बोनस शेयर जारी गर्ने र कम्पनीको अधिकृत पूँजी वृद्धि गर्ने प्रस्ताव पनि पारित गरेको छ । सभाको अध्यक्षता सञ्चालक समितिका अध्यक्ष बाबुराम विश्वकर्माले गरेका थिए । कम्पनीले १९ ओटा जिल्लामा ३९ ओटा शाखा कार्यालयहरु मार्फत करीब ४५ हजार समुह सदस्यहरुलाई वित्तीय सेवा पुर्‍याइरहेको छ ।

Aarthik Abhiyan बैशाख २०७८

मूल्य समायोजन पछि जनउत्थान सामुदायिक लघुवित्तको शेयर मूल्य १० % ले वृद्धि

वैशाख २३, काठमाडौं । जनउत्थान सामुदायिक लघुवित्त वित्तीय संस्थाको शेयर मूल्य अघिल्लो कारोबार दिनको तुलनामा बिहीवार १० प्रतिशतले वृद्धि भएको छ । कम्पनीको शेयर मूल्य प्रतिकित्ता रू. ३ हजार ९७२ पुगेको हो । कम्पनीको बोनस शेयर बुधवार मूल्य समायोजन भएको थियो । बुधवार नेप्सेले कम्पनीको ४९ दशमालव ४० प्रतिशत बोनस शेयरको समायोजन गरेको थियो । समायोजन पछि कम्पनीको शेयर मूल्य नेप्सेले रू. ३ हजार ६११ तोेकेको हो । बिहीवार कम्पनीको शेयर रू. ३ हजार ७९१ मा खुला भएको हो । यो समाचार तयार पार्दाको समय ११ : ३२ बजेसम्ममा मार्केट डेप्थमा हेर्दा कम्पनीको शेयरमा खरीद माग १५ हजार ५१९ रहेको छ भने विक्रेता शून्य रहेको छ ।

Aarthik Abhiyan चैत्र २०७७

जनउत्थान सामुदायिक लघुवित्तको बोनस शेयर सूचीकृत, कहिलेबाट गर्न मिल्छ कारोबार ?

सम्बन्धित सामग्री