पुस ८, काठमाडौं । साताको अन्तिम कारोबार दिन बिहिवार बजार खुलेको तीन घण्टाको अवधिमा शिखर इन्स्योरेन्सको शेयरमूल्यमा सकारात्मक सर्किट लागेको छ ।
कारोबारमा आएका २२४ ओटा धितोपत्रमध्ये उक्त कम्पनीकोे धितोपत्र मूल्यमा सकारात्मक सर्किट लागेको हो । कम्पनीको शेयरमूल्य अघिल्लो कारोबार दिनको तुलनामा यो दिन १० प्रतिशत वृद्धि भएसँगै सकारात्मक सर्किट लागेको हो ।
कम्पनीको शेयरमूल्य प्रतिकित्ता रू. १ हजार ६८८ दशमलव ५० पुगेको छ । कम्पनीको शेयरमा विक्रेताभन्दा क्रेता धेरै भएकाले शेयरमूल्य बढेको हो । कम्पनीले ३० प्रतिशत अर्थात् १० : ३ अनुपातमा हकप्रद शेयर निष्कासन गर्ने तयारी गरेकाले शेयरमा लगानीकर्ताको आकर्षण परेको देखिन्छ ।
