साउन १९, काठमाडौं । साताको तेस्रो कारोबार दिन मंगलवार बजार खुलेको सवा दुई घण्टाको अवधिमा दुई ओटा कम्पनीको शेयरमूल्यमा सकारात्मक सर्किट लागेको छ ।
उक्त अवधिसम्ममा कारोबारमा आएका २२० ओटा कम्पनीमध्ये घलेम्दी हाइड्रो लिमिटेड र यूनियन लाइफ इन्स्योरेन्स कम्पनीको शेयरमूल्यमा सकारात्मक सर्किट लागेको हो ।
घलेम्दी हाइड्रोको शेयरमूल्य अघिल्लो कारोबार दिनको तुलनामा ९ दशमलव ९८ प्रतिशत र यूनियन लाइफ इन्स्योरेन्स कम्पनीको शेयरमूल्य ९ दशमलव ९८ प्रतिशतले वृद्धि भएको छ ।
यी दुबै कम्पनीको शेयरमा विक्रेताभन्दा क्रेता धेरै भएकाले शेयरमूल्य बढेको हो । घलेम्दीको शेयरमूल्य प्रतिकित्ता रू.४६७ दशमलव १० र यूनियन लाइफ इन्स्योरेन्सको रू. ३९९ पुगेको छ । उक्त अवधिसम्ममा यूनियन लाइफ इन्स्योरेन्स कम्पनीको शेयरमा सर्वाधिक १९ लाख ६ हजार ४६४ कित्ता शेयर खरीद माग रहेको छ ।