नामिबियाको कीर्तिमानी जितसँगै नेपाललाई घाटा

एक तिहाईले घट्यो बंगलादेशको विदेशी मुद्रा सञ्चिति, आर्थिक अवस्था थप खराब हुन सक्ने चेतावनी

Aarthik Abhiyan चैत्र २०७९

एक हप्तामा दुई ओटा बैंक धराशायी बनेपछि बैंकिङ क्षेत्रमा कीर्तिमानी स्तरमा कर्जा प्रवाह गर्दै फेड

Aarthik Abhiyan फाल्गुन २०७९

लगातार चौथो महीना पनि ओरालोमा कच्चा तेलको भाउ

काठमाडौं । विश्व बजारमा कच्चा तेलको भाउ लगातार घटिरहेको छ । फेब्रुअरीमा पनि त्यो क्रम रोकिएको छैन । इन्भेस्टिङडटकमका अनुसार गत नाेभेम्बरमा प्रतिब्यारेल ८८ दशमलव ३७ डलर रहेकाे कच्चा तेलको भाउ साे महीनाको अन्त्यमा ८० दशमलव ५६ डलरमा झरेको थियो । त्यसको एक महीनापछि डिसेम्बरको अन्त्यमा कच्चा तेलको मूल्य भने झिनो अंकमा घटेर ८० दशमलव ४७ डलर कायम भएको थियो । जनवरीमा पनि भाउ घट्ने क्रम रोकिएन । जनवरीको अन्त्यमा यसको मूल्य ७८ दशमलव ८७ डलर कायम हुँदा फेब्रुअरीको अन्तिम दिन कच्चा तेलको भाउ प्रतिब्यारेल ७६ दशमलव ९० कायम भएको छ । लगानीकर्ता हतोत्साहित हुँदा कच्चा तेलको लगातार भाउ घटिरहेको छ । अमेरिकाले महँगी नियन्त्रण गर्न मौद्रिक नीति कसिलो बनाउँदा लगानीकर्ताहरू चिन्तामा छन् । सबैभन्दा धेरै कच्चा तेल आयातकर्ता चीनले कोभिडका कारण लगाएको सबै प्रतिबन्धहरू खारेज गरेपछि त्यहाँ तेलको माग बढ्ने आशा गरिएको भए पनि अमेरिकामा कच्चा तेलको सञ्चिति बढेको खबरले लगानीकर्ताहरू हतोत्साहित भएका हुन् । यसले गर्दा बजारमा दबाब देखिएको छ । मंगलवारको कारोबारमा अमेरिकी बेञ्चमार्क वेष्ट टेक्सस इन्टरमिडियट (डब्ल्यूटीआइ)को भाउ प्रतिब्यारेल १ प्रतिशतले बढेर ७६ डलर ४६ सेन्टमा पुगेको थियो । आजको कारोबारमा भाउ बढेको भए पनि यो महीनाभर डब्ल्यूटीआई झन्डै ४ प्रतिशतले घट्ने क्रममा छ । मंगलवारको कारोबारमा तेलको अन्तरराष्ट्रिय बेञ्चमार्क ब्रेन्ट क्रुडको भाउ पनि शून्य दशमलव ६७ प्रतिशतले बढेर प्रतिब्यारेल ८२ डलर ८१ सेन्टमा पुगेको थियो । फेडले व्यापक ब्याजदर वृद्धि गर्दा पनि अमेरिकामा महँगी टसको मस नभएको तथ्यांकले ब्याजदर वृद्धि जारी रहने अनुमान बलियो हुँदा कच्चा तेलमाथि दबाब बढेको छ । डलरको भाउमा भएको वृद्धिले पनि डलरमा किनबेच हुने कमोडिटीलाई घाटा भइरहेको छ । अमेरिकामा कच्चा तेलको भन्डार बढिरहेको खबरले पनि तेलको भाउ घटेको छ । अहिले अमेरिकाको कच्चा तेल भन्डारण सन् २०२१ को मेयताकै उचाइमा उक्लिएको छ । चीनले कोभिड विरुद्धको शून्य सहनशीलताको नीति खारेज गर्दै वर्षको अन्त्यतिर सीमा खुलाएको अनि तेलको माग बढ्ने संकेत देखिए पनि यसको भाउ यो वर्ष सुस्ताएको छ । यो वर्षको उत्तरार्द्धमा विश्वव्यापी तेलको माग कीर्तिमानी स्तरमा उक्लिन सक्ने एउटा अनुमान देखाएको छ । यो वर्षको अहिलेसम्म तेलको भाउ रातोमै रहेपछि बैंकहरूले तेलको मूल्य प्रक्षेपण घटाउन थालेका छन् ।

Aarthik Abhiyan माघ २०७९

बिट्क्वाइनको भाउ घटेर ३० हजार डलर मुनि

वैशाख २७, टोकियो (जापान) । भर्चुअल मुद्रा बिट्क्वाइनको भाउ घटेर सन् २०२१ को जुलाईयता पहिलो पटक ३० हजार डलरभन्दा मुनि आएको छ । अमेरिकाले आक्रामक रुपमा मौद्रिक नीति कसिलो बनाइरहेको अवस्था र महँगीमा भइरहेको वृद्धि बीच लगानीकर्ताहरु त्रस्त बनेसँगै क्रिप्टोकरेन्सी बजार मंगलबार ओरालो लागेको छ । मंगलवार कारोबारमा बिट्क्वाइनको भाउ प्रतिगोटा २९ हजार ७६४ डलरसम्म आएको छ । नोभेम्बरको कीर्तिमानी स्तर यता बिट्क्वाइनको भाउ झन्डै आधाले घटिसकेको छ । अमेरिकी केन्द्रीय बैंक फेडरल रिजर्भले दशकौं यताकै उच्च स्तरमा उक्लिएको महँगी नियन्त्रण गर्न धमाधम ब्याजदर बढाइरहेको अवस्थामा लगानीकर्ताहरुले प्रविधिको शेयर जस्ता तीव्र उतारचढाव आउने शेयर र बिट्क्वाइनलगायत अन्य डिजिटल मुद्रामा रहेको लगानी झिकिरहेका छन् । वालस्ट्रिटमा सेल–अफ बन्द नहुने संकेतबीच बिट्क्वाइन मुख्य प्राविधिक टेवा स्तरभन्दा तल आएको विश्लेषण गरिएको छ । गत वर्ष आफूले बिट्क्वाइनमा गरेको लगानीमा संस्थागत लगानीकर्ताहरुले घाटा बेहोरेका छन् । यस्तोमा धेरैले बिट्क्वाइन र यसमा गरिएको लगानीलाई नजिकबाट नियालिरहेका छन् । सोमवार अमेरिकी शेयर बजारमा तीव्र कमी आएपछि क्रिप्टोमा पनि यसको प्रभाव देखिएको छ । सोमवार बजार बन्द हुँदा नास्डाक ४ दशमलव ३ प्रतिशत तल आएको थियो । एसएन्डपी ३ दशमलव २ प्रतिशतले घट्दा दाउ जोन्समा पनि २ प्रतिशतको कमी आएको थियो । एजेन्सी

Aarthik Abhiyan चैत्र २०७८

पेटीएमको शेयरमूल्यमा ७० % ले गिरावट : संस्थापकलाई झट्का, अर्बपतिको सूचिबाट पनि बाहिर

Aarthik Abhiyan फाल्गुन २०७८

घाटामा चलिरहेको आयल निगमको १५ दिनमा थप अढाई अर्ब रुपैयाँ घाटा व्यहोर्ने निर्णय !

Aarthik Abhiyan माघ २०७८

मस्कले अमेरिकालाई तिर्नु पर्ने कर ११ अर्ब डलर, टेस्लाको शून्य

फागुन १, सन फ्रान्सिस्को (अमेरिका) । अमेरिकी अर्बपति व्यापारी एनल मस्कले सन् २०२१ को लागि आफूले अमेरिकालाई करीब ११ अर्ब डलर कर तिर्ने बारम्बार बताएका छन् । हुनत उनले यसो भन्दा धेरै कर तिर्नुपर्यो भनेर गुनासो गरेको पनि हुन सक्छ । यो अमेरिकाको संघीय सरकारलाई कुनै व्यक्तिले तिरेको अहिलेसम्मकै धेरै कर हुने दाबी उनले गरेका छन् । मस्कले कीर्तिमानी स्तरमा कर तिर्दा उनको कम्पनी विद्युतीय सवारी साधन निर्माता कम्पनी टेस्लाले भने संघीय सरकारलाई एक सेन्ट पनि नतिर्ने देखिएको छ । संघीय सरकारलाई कर बुझाउने योजना टेस्लाको निकट भविष्यमा समेत कुनै योजना नभएको देखिएको छ । कम्पनीले हालै गत वर्ष टेस्लाको लागि अहिलेसम्मकै धेरै मुनाफा मुलक भएको तथ्यांक सार्वजनिक गरेको छ । सन् २०२१ मा टेस्लाको खूद मुनाफा ५ अर्ब ५० करोड डलर थियो । समायोजनपछिको आम्दानी ७ अर्ब ६० करोड डलर छ । कम्पनीले हालै अमेरिकाको सेक्युरिटिज एन्ड एक्सचेञ्ज कमिशन (सेक) मा बुझाएको वार्षिक वित्तीय फाइलिङको फूटनोटमा भने अमेरिकी व्यवसायमा कम्पनीलाई गत वर्ष १३ करोड डलर घाटा भएको बताइएइको छ । कुल विक्रीको ४५ प्रतिशत अमेरिकी बजारमा भएको भएपनि कम्पनीको कर पूर्वको सारा मुनाफा सबै विदेशमा भएको व्यवसायबाट आएको बताइएको छ । विदेशमा टेस्लाको कर ८३ करोड ९० लाख रहेको फूटनोटमा बताइएको छ । राज्यलाई तिुर्न पर्ने कर ९० लाख डलर छ भने संघीय करको आकार शून्य छ। कम्पनीको अमेरिकी व्यवसायले घाटा बेर्होनुमा अमेरिकी बहुराष्ट्रिय कम्पनीहरुबीचको साझा अभ्यासका कारण भएको हुन सक्ने अमेरिकी कर विज्ञ ट्याक्स एनालिष्टका प्रमुख अर्थशास्त्री मार्टिन सुलिभान बताउँछन् । कर योग्य आम्दानी थोरै देखाउन वा कर नै नतिर्न अमेरिकी बहुराष्ट्रिय कम्पनीहरुमा विदेशमा सहायक कम्पनीहरु खोल्ने प्रवृत्ति देखिएको छ । उदाहरणका लागि कम्पनीले कुनै बौद्धिक सम्पत्ति विदेशमा रहेकामध्ये कुनै एउटा सहायक कम्पनीलाई दिन्छन्, अनि अमेरिकी व्यवसायलाई भने सोको प्रयोग बापत शुल्क तिराउँछन् । यस्तै खालका व्यवहारका कारण विदेशका व्यवसाय निकै नाफामा चल्दा पनि अमेरिकी व्यवसाय भने घाटामा चल्ने वा थोरै मात्रै नाफा कमाउने अवस्था सृजना हुन्छ । यस्तो नगर्नु अमेरिकी बहुराष्ट्रिय कम्पनीको हकमा कुरिती हुने सुलिभान बताउँछन् । अमेरिकाका बहुराष्ट्रिय कम्पनीहरुको ६१ प्रतिशत अन्तरराष्ट्रिय मुनाफा टयाक्स हेभेन देशहरु बर्मुडा, क्येमन्स, आयरल्यान्ड, लक्जेम्बर्ग, नेदरल्यान्ड स्वीटजरल्यान्ड र सिंगापुरमा भएको हालै अमेरिकी अर्थमन्त्रालयले सार्वजनिक गरेको प्रतिवेदनले देखाएको छ । कर प्रणालीमा भएको छिद्रको प्रयोग गरेर वा कर तिर्नबाट टेस्लालगायत ठूला अमेरिकी कम्पनीहरु बच्ने गरेको भन्दै पछिल्लो समय आलोचकहरुले बताइरहेका छन् । यसरी मुनाफा र जागिर विदेशपार लैजाने प्रवृत्तिमा अन्त्य गर्ने प्रयास पनि भइरहेको छ । तर अहिलेसम्म अमेरिकाको संसद यसो गर्न असफल भइरहेको छ । कम्पनीले फाइलिङमा कुन देशमा टेस्लाले नाफा कमाइरहेको छ भनेर पनि भनेको छैन । यसबारे सोधिएको प्रश्नको उत्तर पनि दिएको छैन । कम्पनीले विगतमा भएको घाटा देखाएरै पनि अहिलेको आम्दानीमा तिर्नु पर्ने करबाट पनि बच्ने देखिन्छ । ‘क्यारी फवार्ड’ हुने खूद सञ्चालन घाटा देखाएर पनि कम्पनी कर तिर्नबाट सजिलै बच्न सक्ने विश्लेषकहरुले बताएका छन् । टेस्लाले एक दशकसम्म घाटा मात्रै बेहोरेको थियो सन् २०२० मा पहिलो पटक यसले नाफा कमाएको थियो । मस्कको दूर्लभ कर हामी सर्वसाधारणहरुले त हरेक वर्ष आफ्नो वर्षभरिको आम्दानीमा कर बुझाउँछौं । विश्वका अति धनाढ्यहरुले त झन् कति धेरै कर तिर्लान् भन्ने प्रश्न तपाईहरुको मनमा पनि बारम्बार आएको हुन सक्छ । तर यिनीहरुले झन आय कर नै नतिरेको सुन्दा तपाईहरुलाई अचम्म लाग्न सकछ । जेफ बेजोस, माइक्ल ब्लुम्बर्ग, वारेन बफेट र एलन मस्क लगायत सबैभन्दा धनीहरुले कयौं वर्ष अमेरिकाको संघीय सरकारलाई आय कर नै नतिरेको भन्दै गत वर्ष एउटा समाचार सार्वजनिक भएको थियो । सन् २०१८ मा यिनीहरु मध्ये कसैले पनि अमेरिकाको संघीय सरकारलाई एक सेन्ट पनि आय कर तिरेनन् । मस्कको कुरा गर्नु पर्दा उनले टेस्लाबाट तलब नै लिदैंनन् । तलबको सट्टा उनले कम्पनीको प्रदर्शनका आधारमा बेच्न मिल्ने शेयर पाउँछन् । ती शेयर नचलाउँदा वा नबेच्दा सम्म उनले सरकारलाई कर तिर्नु पर्दैन । सन् २०२२ को अगष्टमा म्याद सकिन लागेका २ करोड २९ लाख कित्ता स्टक अप्शन मस्कले किन्नु पर्नेछ । गत वर्ष अतिरिक्त शेयर किन्न मस्कले ती अप्शनहरु चलाउन शुरु गरे । मस्कले २३ अर्ब ६० करोड डलर बराबरको शेयर किन्न १४ करोड २६ लाख डलर खर्च गरेका छन् । योसँगै सन् २०२१ को लागि उनको कर योग्य आय २३ अर्ब ५० करोड डलरमा पुगेको छ । अमेरिकामा संघीय करको कर ४१ प्रतिशत छ । मस्कले आफूसँग पहिला नै भएको अतिरिक्त शेयरमध्ये केही शेयर पनि बेचेका थिए । यसमा पनि उनले पूँजीगत लाभ कर तिर्नु पर्छ । यी सबैले गर्दा सन् २०२१ मा मस्कले तिर्न पर्ने संघीय आय कर ११ अर्ब डलर पुगेको हो । मस्कले गएको वर्ष थप ८४ लाद कित्ता स्टक अप्शन पाएका छन् । योसँगै उनीसँग कूल ६ करोड ७५ लाख स्टक अप्शन छ । तर यी स्टक अप्सनको म्याद सन् २०२८ मा मात्रै गुज्रिनेछ । यी शेयर चलाउन उनीसँग अझै पाँच वर्षको समय छ । एजेन्सीको सहयोगमा

Aarthik Abhiyan पौष २०७८

जुलाईमा भारतको निर्यात कीर्तिमानी उचाईमा

साउन १९, नयाँ दिल्ली (भारत) । गत महीना भारतको निर्यातले नयाँ उचाई छोएको छ । जुलाईमा भारतले ३५ अर्ब २० करोड डलर मूल्य बराबरको वस्तु निर्यात गरेको छ । निर्यातको यो आकार अहिलेसम्मकै उच्च हो । यसले भारतको मुख्य पश्चिमी बजारहरुमा तीव्र आर्थिक पुनर्बहाली भइरहेको र यसले भारतीय वस्तुको माग बढाएकोतर्फ संकेत गरेको छ । वाणिज्य मन्त्रालयले सार्वजनिक गरेको प्रारम्भिक तथ्यांकअनुसार सो अवधिमा आयात पनि बढेर ४६ अर्ब ४० करोड डलरमा पुगेको छ । यो अहिलेसम्मकै दोस्रो उच्च हो । सो अवधिमा बाँकी विश्वसँगको व्यापारमा भारतलाई ११ अर्ब २० करोड डलर घाटा भएको छ । अमेरिका, संयुक्त अरब इमिरेट्स (यूएई) र बेसिल्जयमतर्फको निर्यातमा सबैभन्दा धेरै वृद्धि देखिएको छ । मलेशिया, इरान र तान्जानियातर्फको निर्यातमा भने उच्च कमी आएको छ । यूएई, इराक र स्वीटजरल्याण्डबाट आयातमा उच्चतम् वृद्धि देखिँदा फ्रान्स, जर्मनी र काजकस्तानबाट हुने आयात सबैभन्दा धेरै घटेको छ । जुलाईमा सबैभन्दा धेरै पेट्रोलियम प्रडक्ट, इञ्जिनियरिङ गूड्ज र धातु तथा गरगहना निर्यात भएका छन् । शीर्ष आयातित वस्तुमा कच्चा तेल, सुन तथा बहुमूल्य धातु र वनस्पति तेल रहेका छन् । एजेन्सी

Aarthik Abhiyan आषाढ २०७८

अमेरिकी व्यापार घाटा कीर्तिमानी उचाईमा

वैशाख २२, वाशिङटन डीसी (अमेरिका) । अमेरिकाको व्यापार घाटा बढेर मार्चमा नयाँ उचाईमा पुगेको छ । सरकारले कोरोना भाइरसको महामारीबाट राहत दिन नगद वितरण गरेसँगै उपभोक्ताहरु माझ विदेशमा बनेका सामानको माग बढ्दा घाटा चुलिएको हो । मार्चमा बाँकी विश्वसँगको व्यापारमा अमेरिकालाई ७४ अर्ब ४० करोड डलर घाटा भएको वाणिज्य मन्त्रालयले सार्वजनिक गरेको तथ्यांकले देखाएको हो । घाटाको यो आकार सन् १९९२ को जनवरी यताकै उच्च हो । घाटा गत वर्षको सोही अवधिको तुलनामा भने ५७ दशमलव ६ प्रतिशत धेरै हो । समीक्षा अवधिमा चीनसँगको व्यापार असन्तुलन २२ प्रतिशतभन्दा धेरैले बढी ३६ अर्ब ९० करोड डलरमा पुगेको छ । मेक्सिकोसँगको घाटा पनि२३ दशमलव ५ प्रतिशतको वृद्धिसहित ८ अर्ब ४० करोड डलरमा उक्लिएको छ । स्टिमुलसका कारण अमेरिकीहरुले महामारीमा पनि खर्च गरिरहेको तर उच्च सम्पर्क उद्योगमा प्रतिबन्धले गर्दा उपभोक्ताहरुले घरेलुस्तरमा उत्पादित सामानको सट्टा आयातित सामानमा खर्च गइरहेको पीएनसीमा वरिष्ठ अर्थशास्त्री बिल एडम्सले भने । समीक्षा अवधिमा निर्यात ६ दशमलव ६ प्रतिशतले बढेर २ खर्ब डलरमा पुगेको भएपनि आयातमा भएको ६ दशमलव ३ प्रतिशतको वृद्धिका कारण यो ओझेलमा पर्‍यो । समीक्षा अवधिमा अमेरिकाको आयात २ खर्ब ७४ अर्ब ५० करोड डलरको थियो । एजेन्सी

Aarthik Abhiyan चैत्र २०७७

अमेरिकाको व्यापार घाटा अझै बढ्यो

फेबु्रअरीमा अमेरिकाको व्यापार घाट अझै फराकिलो भएको छ । अन्तर्राििष्ट्रय व्यापार मासिक कीर्तिमानी पुगेसँगै व्यापार घाटामा पनि अझै वृद्धि भएको हो । उक्त महिनामा अमेरिकाले ५७.६ अर्ब डलरको घाटा बेहोरेको छ । सामान र सेवाको आयात र निर्यातबीचको अन्तर २००८ देखिकै बढी भएको वाणिज्य विभागले जनाएको छ ।

कारोबार दैनिक फाल्गुन २०७४

नामिबियाको कीर्तिमानी जितसँगै नेपाललाई घाटा

सम्बन्धित सामग्री