सिरहा जिल्ला गोलबजार नगरपालिका–३, जम्दहकी जानकीदेवी पासवानको १३ वर्षको उमेरमा विवाह भयो। दुई छोरी जन्मिएपछि श्रीमान् देवनारायण पासवानले छोरा चाहियो भन्दै कुटपिट र शारीरिक यातना दिन थाल्नुभयो। सासू र श्रीमान्ले बारम्बार कुट्ने र घरबाट निकाल्ने गर्दै आउनुभयो। जानकीदेवीबाट छोरा नभएको भन्दै देवनारायणले अर्को विवाह गर्नुभयो। छोराका लागि चारवटा विवाह गर्नुभएका देवनारायणले कान्छी श्रीमतीबाट एक छोरा र एक छोरी भएपछि हाल सिरहा सदरमुकाममा बस्दै आउनुभएको छ। जानकीदेवी जम्दहस्थित घरमा बस्नुहुन्छ।
