काठमाडौं। हायात होटल कर्पोरेशन र सिटी होटल लिमिटेडले काठमाडौंको सोल्टीमोडमा रहेको हायात प्लेस काठमाडौंलाई ‘हायात सेन्ट्रिक’को नामबाट रिब्राण्डिङ गर्ने सहमतिसहित सोको घोषणा गरेका छन् । हायात सेन्ट्रिकमा व्यवस्थित प्रवेशद्वार, स्काई बार, लङ लगायतका परिस्कृत सुविधा थप गरिएको बताइएको छ । होटलबाट छोटो दूरीमा रहेका विश्वसम्पदा सूचीमा परेका विभिन्न पर्यटकीय स्थल लगायतमा छोटो दूरीमै भ्रमण र अवलोकन गर्न पर्यटकका लागि थप सुविधा हुने अपेक्षा गरिएको छ । ‘काठमाडौंको केन्द्रमा अवस्थित होटलले पाहुनाका लागि सहयोग त पुग्छ नै, पहिलो हायात सेन्ट्रिक होटल नेपालमा सञ्चालनमा आउँदा दक्षिण र पश्चिम एसियामा हाम्रो पोर्टफोलियो बलियो बन्छ,’ हायातका भारत तथा दक्षिण पश्चिम उपाध्यक्ष धु्रव राठौरले भने । सिटी होटल लिमिटेडमा कार्यकारी निर्देशक अक्षय गोल्यानले ‘हायात सेन्ट्रिक’ले पाहुनाका अपेक्षा तथा आवश्यकता पूरा गर्न उपयुक्त विकल्पको रूपमा प्रस्तुत हुने बताए । होटलका महाप्रबन्धक वरुण तल्वारले रिब्राण्डिङपछि काठमाडौंको अग्रणी होटलको रूपमा स्थापित हुन थप बल पुगेको बताए । पाहुनालाई नयाँ अनुभूति दिन होटल प्रतिबद्ध रहेको उनको भनाइ छ ।
