काठमाडौं (अस) । बागलुङमा कार्यालय रहेको धौलागिरि लघुवित्त वित्तीय संस्थाले सनराइज क्यापिटल काठमाडौंलाई निष्कासन तथा बिक्री प्रबन्धकमा नियुक्त गरेको छ । कम्पनीले ३,००,००० कित्ता साधारण शेयर निष्कासन गर्न सन्राइज क्यापिटललाई जिम्मेवारी दिएको हो ।
सम्झौतामा धौलागिरि लघुवित्तका प्रमुख कार्यकारी अधिकृत मीनबहादुर बोहरा र सन्राइज क्यापिटलका प्रमुख कार्यकारी अधिकृत विजयलाल श्रेष्ठले हस्ताक्षर गरे ।
०७५ देखि वित्तीय कारोबार गर्दै आएको वित्तीय संस्थाले हाल २० जिल्लामा ४६ शाखा कार्यालयमार्फत ३४,४३८ सदस्यलाई लघुवित्त सेवा दिँदै आएको छ । हाल चुक्ता पुँजी ७ करोड रहेकामा सार्वजनिक शेयर निष्कासनपछि यस्तो पुँजी १० करोड पुग्नेछ ।
.jpeg)
