काठमाडौँ। कर्णाली प्रदेशका मुख्यमन्त्री महेन्द्रबहादुर शाहीको सरकार जोगाउन फ्लोर क्रस गर्ने तीनजना प्रदेशसभा सदस्य मन्त्री बनेका छन्। मुख्यमन्त्री शाहीले आज मन्त्रिपरिषद् पुनर्गठन गर्दै नन्दसिंह बुढालाई भूमि व्यवस्था, कृषि तथा सहकारीमन्त्री, अमरबहादुर थापालाई भौतिक पूर्वाधार विकासमन्त्री तथा कुर्मराज शाहीलाई उद्योग, पर्यटन, वन तथा वातावरण मन्त्री बनाएका छन्। शाही सरकार बचाउन तीनजनासहित प्रकाश ज्वालाले फ्लोर क्रस गरेका थिए।
