काठमाडौं । सिद्धार्थ म्युचुअल फण्डअन्तर्गत सञ्चालित सिद्धार्थ इन्भेष्टमेन्ट ग्रोथ स्किम–२ साउन मसान्तसम्म २ करोड ७३ लाख रुपैयाँभन्दा बढी नोक्सानीमा रहेको छ । असार मसान्तसम्म ८ करोड १५ लाख रुपैयाँभन्दा बढी नाफामा रहेको कम्पनी साउनमा भने नोक्सानीमा गएको हो ।
साउनमा योजनाको आम्दानी ऋणात्मक बन्दा नोक्सानी व्यहोर्नु परेको हो । असार मसान्तसम्म १० करोड ३८ लाख रुपैयाँभन्दा बढी जम्मा आम्दानी गरेको योजनाको यो आम्दानी साउन मसान्तसम्म भने २ करोड ५२ लाख रुपैयाँभन्दा बढी ऋणात्मक छ । खर्च रकम भने उल्लेख्य मात्रामा घटेको छ । असार मसान्तसम्म २ करोड २२ लाख रुपैयाँभन्दा बढी खर्च गरेको योजनाले साउन मसान्तसम्म भने २१ लाख रुपैयाँभन्दा बढी मात्र खर्च गरेको हो । बन्दमुखी प्रकृतिको यस योजनाले १२ करोड इकाई जारी गरेको थियो ।
साउन मसान्तसम्म योजनाको प्रतिइकाई खुद मूल्य १० रुपैयाँ ४७ पैसा छ । असार मसान्तसम्म यो मूल्य १० रुपैयाँ ६९ पैसा थियो । यस अवधिसम्म योजनाले धितोपत्र र बैंक मुद्दती निक्षेपसमेत धितोपत्र दलाल कमिसनसहित गरेको लगानीको परल मूल्य १ अर्ब २१ करोड ३२ लाख रुपैयाँभन्दा बढी छ । योजनाको धितोपत्रमा भएको लगानी मूल्य भने ८ करोड ३० लाख रुपैयाँ बैंक मुद्दती निक्षेपसमेत १ अर्ब ८ करोड ९८ लाख रुपैयाँ मात्र छ ।
