असोज ६, काठमाडौं । एनएमबि हाइब्रिड फण्ड एल-१ र एनएमबि फिफ्टीले नगद लाभांश (प्रतिफल) इकाईधनीहरुको बैंक खातामा जम्मा गर्ने भएको छ ।
एमएमबि हाइब्रिड फण्ड एल -१ ले आज अर्थात् बुधवारदेखि हितग्राही खातामा अद्यावधिक भएको बैंक खातामा आईपीएस मार्फत लाभांश जम्मा गर्ने भएको छ भने एनएमबि फिफ्टीले बिहीवारदेखि जम्मा गर्ने जानकारी दिएको छ ।
एमएमबि हाइब्रिड फण्ड एल-१ ले आर्थिक वर्ष २०७७/७८ को लागि योजनाका इकाईधनीहरुलाई करसहित २० प्रतिशतका दरले र एनएमबि फिफ्टीले करसहित ३० प्रतिशतका दरले लाभांश वितरण गर्ने घोषणा गरेका थिए ।
लाभांश वितरण प्रयोजनका लागि दुवै योजनाले भदौ १८ गते बुक क्लोज गरेका थिए । बुक क्लोजको आधारमा भदौ १७ गतेसम्मका कायम इकाईधनीहरुले मात्र लाभांश पाउनेछन् ।
