बागलुङ । बागलुङको बडिगाड गाउँपालिका वडा नं. २ सिमलचौरमा माछा मार्न बम निर्माणको क्रममा बिस्फोट हुँदा दुई जना सख्त घाइते भएका छन् । घाइते हुनेमा बडिगाड गाउँपालिका वडा नं. २ सिमलचौरका वर्ष ३१ का मित्रबहादुर राना र हाडिखोलाका वर्ष २८ का अरुण पुन छन् ।उनीहरुको उपचारको लागि पाल्पा पठाइएको जिल्ला प्रहरी कार्यालय बागलुङका प्रमुख प्रहरी उपरीक्षक कृष्णबहादुर पल्ली मगरले जानकारी दिए । स्थानीय दुर्गाबहादुर भुजेलको घरमा बम बनाइरहेको समयमा बम पड्किएको थियो । घटनाबारे थप अनुसन्धान भैरहेको प्रहरीले जनाएको छ ।
