वैशाख १७, काठमाडौं । यो साता धितोपत्र दोस्रो बजारका सबै महत्वपूर्ण सूचकहरु सकारात्मक बनेका छन् ।
गत साताको तुलनामा यो साता महत्वपूर्ण सबै सूचकहरु बढेका हुन । गत साताको तुलनामा यो साता नेप्से परिसूचक ३० दशमलव ७२ अंक माथी उक्लिएको छ ।
गत साताको अन्तिम कारोबार दिन २ हजार ३२५ दशमलव ४५ विन्दुमा रहेको नेप्से परिसूचक यो साता २ हजार ३५६ दशमलव १७ विन्दुमा पुगेको हो । साताको पाँच कारोबार दिनमा यो साता दुई दिन बजार बढेको छ भने तीन दिन घटेको छ ।
साताको पहिलो कारोबार दिन नेप्से परिसूचक ९५ दशमलव ५२ अंकले बढेको थियो । पहिलो दिन उच्च अंकले बढेको नेप्से दोस्रो ३४ दशमलव ९० अंकले, तेस्रो दिन १५ दशमलव शून्य २ अंकले घटेको थियो भने चौथो दिन ५ दशमलव १७ अंकले बढेको थियो । साताको अन्तिम दिन भने नेप्से २० अंकले घटेर बन्द भएको हो ।
यो साता कारोबार रकम भने गत साताभन्दा रू. ८१ करोड ९५ लाखभन्दा बढी भएको छ । गत साता रू. ७ अर्ब ३८ करोड ६१ लाखभन्दा बढीको धितोपत्र खरीदविक्री भएकोमा यो साता रू. ८ अर्ब २० करोड ५७ लाखभन्दा बढीको धितोपत्र खरीदविक्री भएको छ। कारोबार कित्ता पनि यो साता ४५ लाख ८ हजार २२६ कित्ता बढी भएको छ ।
गत साता १ करोड ८० लाख ५७ हजार ८३४ कित्ता धितोपत्र कारोबार भएकोमा यो साता २ करोड २५ लाख ६६ हजार ६० कित्ता धितोपत्र कारोबार भएको हो । यो साता सकारात्मक बनेको बजारको पूँजीकरण पनि गत साताभन्दा रू. ४३ अर्ब ७१ करोड ६४ लाखले बढेको छ ।
गत साताको अन्तिम कारोबार दिन रू. ३३ खर्ब ७ अर्ब ९२ करोड ६८ लाख रहेको कुल बजार पूँजीकरण यो साताको अन्तिम कारोबार दिन रू. ३३ खर्ब ५१ अर्ब ६४ करोड ३३ लाख कायम भएको छ ।
लामो समयदेखि घट्दो क्रममा रहेको नेप्सेले स्थानीय चुनाबको माहोलका कारण गति लिने विश्वास जानकारहरुको छ । वित्तीय प्रणालीमा तरलता अभाव भइरहेको अवस्थामा चुनाबी खर्च वित्तीय प्रणालीमार्फत हुने र त्यसले तरलतामा केहि सहजता ल्याउने विश्वास उनीहरुको छ । साथै ब्रोकरमार्फत प्रवाह हुने मार्जिन कर्जालाई सहज बनाउने बातावरण बनेमा बजारले गति लिनेमा जानकारहरु विश्वस्त रहेका छन् ।
वित्त समूहको परिसूचक सर्वाधिक बढ्यो
यो साता वित्त समूहका लगानीकर्ताहरुले सर्वाधिक कमाएका छन् । गत साताको तुलनामा वित्त समूहको परिसूचक सर्वाधिक ५ दशमलव शून्य १ प्रतिशतले बढेको हो ।
त्यस्तै यो साता म्युचुअल फण्ड समूहको ३ दशमलव ७३ प्रतिशत, जलविद्युत समूहको ३ दशमलव ४४ प्रतिशत, विकास बैंकको ३ दशमलव ३४ प्रतिशत, होटल्स तथा पर्यटन समूहको ३ दशमलव १९ प्रतिशत, निर्जीवन बीमाको १ दशमलव ६५ प्रतिशत, लगानी समूहको १ दशमलव ३३ प्रतिशतले घटेको छ ।
त्यसैगरी उत्पादन तथा प्रशोधन समूहको १ दशमलव २१ प्रतिशत, अन्य समूहको १ दशमलव शून्य ९ प्रतिशत, लघुवित्त समूहको १ प्रतिशत र बैंकिङ समूहको शून्य दशमलव ७२ प्रतिशत परिसूचक बढेको छ ।
यो साता शून्य दशमलव १४ प्रतिशत र व्यापारिक समूहको १ दशमलव ५८ प्रतिशत परिसूचक घटेको छ । व्यापारिक समूहका लगानीकर्ताहरुले यो साता सर्वाधिक गुमाएका छन् ।
