साउन ७, काठमाडौं । साताको अन्तिम कारोबार दिन बिहीवार बजार खुलेको पौने एक घण्टाको अवधिमा ङादी ग्रुप पावरको शेयरमूल्यमा सकारात्मक सर्किट लागेको छ ।
कम्पनीको शेयरमूल्य अघिल्लो कारोबार दिनको तुलनामा १० प्रतिशतले वृद्धि भएको हो । कम्पनीको शेयरमूल्य प्रतिकित्ता रू. ६९४ दशमलव १० पुगेको छ । कम्पनीको शेयरमा विक्रेताभन्दा क्रेता धेरै भएकाले शेयरमूल्य बढेको हो ।
मार्केट डेप्थमा हेर्दा कम्पनीको शेयरमा ५६ हजार २४८ कित्ता शेयर खरीद माग र विक्री ५ हजार ७७८ कित्ता रहेको छ ।
शेयरमूल्य वृद्धि भएसँगै उक्त कम्पनीको सर्वाधिक शेयर खरीदविक्री भएको छ । कम्पनीको रू. २० करोड ८७ लाख ४० हजार बराबरको शेयर खरीदविक्री भएको हो ।
