नेपाल धितोपत्र बोर्डले लामो समयदेखि आईपिओ निष्काशनको लागि अनुमति प्रदान नगरेपछि जलविद्युत कम्पनीका प्रतिनिधिहरुले बोर्डसँग छलफल गर्ने भएका छन् । स्वतन्त्र उर्जा उत्पादकहरुको संस्था इप्पानको संयोजकत्वमा आइपिओको पाइपलाइनमा रहेका आयोजनाका प्रतिनिधिहरुले आगामी आइतबार बोर्डसँग छलफल गर्ने भएका हुन् । नेपाल सरकारले धितोपत्र बोर्डका अध्यक्ष भिष्म ढुंगानालाई बर्खास्त गरेपछि बोर्ड नेतृत्व बिहिन छ । बोर्ड नेतृत्व बिहिन हुँदा बोर्डले आईपिओ निष्काशनको लागि अनुमति प्रदान गरेको छैन । बोर्डले गत साउन १४ गते साहस उर्जा र बुद्धभूमि हाइड्रोलाई आईपिओ निष्काशनको अनुमति दिएको थियो। त्यसपछि कुनै कम्पनीले आईपिओ निष्काशनको लागि स्वीकृति पाएका छैनन् ।हाल बोर्डको आईपिओ पाईपलाइनमा २९ कम्पनी रहेका छन् । जस मध्ये १९ वटा जलविद्युत कम्पनी रहेका छन् । बोर्डले शेयर निष्काशनको अनुमति नदिंदा यी कम्पनीले आईपिओ निष्काशन गरेर आयोजनाकोलागि आवश्यक पुँजी जुटाउन सकेका छैनन् ।यी हुन् आईपिओ निष्काशनको अनुमति दिएर अनुमतिको पर्खाइमा बसेका १९ जलविद्युत कम्पनी : मोलुङखोला हाइड्रो, थ्री स्टार हाइड्रो, स्वेतगंगा हाइड्रो, मन्दाकिनी हाइड्रो, सिक्लेस हाइड्रो, सुपर माई हाइड्रो, सान्जेन हाइड्रो, इस्टर्न हाइड्रो, एसियन हाइड्रो, रिभर फल्स पावर, सयपत्री हाइड्रो, राप्ति हाइड्रो एण्ड कन्स्ट्रक्सन, बिन्ध्यवासिनी हाइड्रो, हिमालयन हाइड्रो, बलेफी हाइड्रो, गरिन भेन्चर्स लिमिटेड, दोर्दी खोला जलविद्युत, अपर सोलु हाइड्रो, अपर हेवाखोला हाइड्रो
