भुवन नगरकोटीले सूर्य नेपाल गल्फ टुरअन्तर्गत सिजनको तेस्रो प्रतियोगिता सूर्य नेपाल च्यालेन्जमा लगातार तेस्रो दिनसम्म अग्रता कायम राखेका छन्।
भुवनले रोयल नेपाल गल्फ क्लबमा बुधबार तेस्रो दिन १ अन्डर ६७ खेल्दै दोस्रो स्थानका धनबहादुर थापामाथि ९ स्ट्रोकको अग्रता कायम गरेका हुन् । तीन दिनमा ५४ होलको खेल सकिँदा भुवनको समग्र स्कोर १० अन्डर १ सय ९४ छ । बुधबार ४ अन्डर खेलेका धनबहादुरको स्कोर भने १ अन्डर २ सय ३ छ।
