नेपाल बार एसोसिएसनका अध्यक्ष चण्डेश्वर श्रेष्ठले प्रधानन्यायाधीश चोलेन्द्र शमशेर जबराले राजीनामा नदिएसम्म आन्दोलन नरोकिने बताएका छन् ।
राजीनामाका लागि आफूहरूले शुक्रवारसम्मको समयसीमा दिएको भन्दै उनले राजीनामा नगरे अझै सशक्त आन्दोलन गर्ने चेतावनी दिए ।
जबराले गरेका विवादित फैसला संकलन गरेर त्यसको छानबिन हुने उनको भनाइ छ । साथै उनले जबराको सम्पत्ति समेत छानबिन हुने बताए ।
अध्यक्ष श्रेष्ठले आँखामा छारो हाल्न मात्र वार्ताको प्रयास गरिएको जिकिर गरे ।
उनले आन्दोलन शुरू भएयता प्रहरी हस्तक्षेपमा ८ जना वकिल घाइते भइस...
