सानिमा रिलायन्स लाइफले विलम्ब शुल्क छुटसहित बीमा लेख नवीकरण गर्ने

सानिमा रिलायन्स लाइफकाे संस्थापक र सर्वसाधारणको शेयर स्वामित्व परिमार्जन हुने

काठमाडौं । सानिमा रिलायन्स लाइफ इन्स्योरेन्सले संस्थापक र सर्वसाधारणको शेयर स्वामित्व परिमार्जन गर्ने प्रक्रिया अगाडि बढाएको छ । कम्पनीले मंगलवार एक सूचना प्रकाशित गरी संस्थापक शेयर सर्वसाधारण शेयरमा परिवर्तन गर्न नचाहने शेयरधनीलाई निवेदन दिन अनुरोध गरेको हो । यसका लागि कम्पनीले ७ दिनभित्र काठमाडौंको नयाँ बानेश्वरस्थित कम्पनीको प्रधान कार्यालय वा काठमाडौंको नक्सालस्थित सानिमा क्यापिटलमा निवेदन दिन कम्पनीले अनुरोध गरेको छ । तोकिएको समयसीमाभित्र संस्थापक शेयरधनीबाट कुनै निवेदन नपरेको खण्डमा संस्थापक शेयर सर्वसाधारण शेयरमा परिणत गर्न सहमति भएको मानिने कम्पनीले स्पष्ट पारेको छ । हाल कम्पनीमा संस्थापकको ७० प्रतिशत र सर्वसाधारणको ३० प्रतिशत शेयर स्वामित्व रहेको छ । बीमकको संस्थापक शेयर कारोबारसम्बन्धी निर्देशिकामा संस्थापक शेयर स्वामित्व कम्तीमा ५१ प्रतिशत हुने गरी बाँकी शेयर सर्वसाधारणमा परिणत गर्न सक्ने व्यवस्था छ । सोहीबमोजिम कम्पनीले १९ प्रतिशत संस्थापक शेयर सर्वसाधारणमा परिणत गर्न नेपाल बीमा प्राधिकरणबाट स्वीकृति लिई गत वर्ष फागुन १२ गते सम्पन्न पाँचौं वार्षिक साधारणसभाबाट समेत अनुमोदन भइसकेको छ ।

Aarthik Abhiyan कार्तिक २०८०

सानिमा रिलायन्स लाइफ इन्स्योरेन्सको नाफामा वृद्धि

काठमाडौं । सानिमा रिलायन्स लाइफ इन्स्योरेन्स कम्पनी लिमिटेडले चालू आर्थिक वर्ष (आव)को पहिलो त्रैमासिक वित्तीय विवरण सार्वजनिक गरेको छ । उक्त वित्तीय विवरण अनुसार कम्पनीको खुद नाफा गत आवको पहिलो त्रैमासको तुलनामा चालू आवको सोही अवधिमा १२८ प्रतिशत वृद्धि भएको छ । गत आवमा कम्पनीले रू. ४ करोड ८५ लाख नाफा कमाएकोमा चालू आवमा बढेर रू. ११ करोड ८ लाख पुगेको छ । चालू आवमा कम्पनीको आम्दानीमा वृद्धि भएसँगै नाफा पनि बढेको हो । गत आवको तुलनामा चालू आवमा कम्पनीको कुल आम्दानी १६५ प्रतिशत वृद्धि हुँदा गत आवमा कम्पनीको कुल आम्दानी रू. ६८ करोड ६३ लाख रहेकोमा चालू आवमा बढेर रू. १ अर्ब ८२ करोड पुगेको छ । कम्पनीको चुक्ता पूँजी रू. ४ अर्ब १८ करोड छ । पहिलो त्रैमाससम्ममा कम्पनीले रिटेन्ड अर्निङमा रू. ८२ करोड ४६ लाख र महाविपत्ति कोषमा रू. १० करोड ७५ लाख सञ्चिति गरेको छ । सो अवधिमा कम्पनीको जीवन बीमा कोषमा रू. ११ अर्ब ८२ करोड छ । त्यस्तै कम्पनीको नाफामा वृद्धि भएसँगै प्रतिशेयर आम्दानी पनि वृद्धि भएको छ । गत आवमा कम्पनीको प्रतिशेयर आम्दानी ९ रुपैयाँ ७१ पैसा रहेकोमा चालू आवमा बढेर १० रुपैयाँ ६० पैसा पुगेको छ । चालू आवमा कम्पनीको मूल्य आम्दानी अनुपात ३९ दशमलव ९१ गुणा र प्रतिशेयर नेटवर्थ १२२ रुपैयाँ ७६ पैसा छ । रिपोर्ट हेर्न यहाँ क्लिक गर्नुहोस्

Aarthik Abhiyan आश्विन २०८०

सानिमा रिलायन्स लाईफ इन्स्योरेन्सले साविक रिलायन्स लाईफका विमितलाई ७५ रुपैयाँसम्म बोनस दिने

Aarthik Abhiyan आश्विन २०८०

सानिमा रिलायन्सका एजेन्सी म्यानेजरहरु सिंगापुर प्रस्थान

काठमाडाैं- सानिमा रिलायन्स लाईफ ईन्स्योरेन्सले आ.व.२०७९/८० मा उत्कृस्ट जीवन बीमा व्यवसाय गरेर एमडीआरटी हासिल गर्ने ६ जना एजेन्सी म्यानेजरहरु विस्वव्यापी सम्मेलनमा भाग लिन सिंगापुर प्रस्थान गरेका छन् । सम्मेलनमा भाग लिन जानेमा अभिकर्ताहरु नमिता न्यौपाने, श्याम गुरुङ, भावना तिम्सिना, हिमालदेवी गुरुङ, सिता भट्टराई र कल्पना बिष्ट रहेका छन् । कम्पनीले एक कार्यक्रमको आयोजना गरेर एमडीआरटी […]

कारोबार दैनिक श्रावण २०८०

हाम्रो बहुउद्देश्यीय सहकारीका सदस्यहरूको बीमा सानिमा रिलायन्स लाईफ इन्स्योरेन्सले गर्ने

Aarthik Abhiyan जेष्ठ २०८०

नेपाल कृषि सहकारी संघ र सानिमा रिलायन्स लाइफ इन्स्योरेन्सबीच सम्झौता

नेपाल कृषि सहकारी केन्द्रीय संघ र सानिमा रिलायन्स लाइफ इन्स्योरेन्सबीच बीमा सम्बन्धी सम्झौतापत्रमा हस्ताक्षर भएको छ । सम्झौताअन्तर्गत देशभर रहेको नेपाल कृषि सहकारी केन्द्रीय संघको सदस्यता प्राप्त कृषि तथा साना किसान कृषि सहकारी संस्थाका विपन्न तथा साना किसान सदस्यलाई म्यादी जीवन बीमा सेवा प्रदान गर्ने योजना रहेको छ । म्यादी बीमा एक प्रकारको लागत प्रभावी […]

कारोबार दैनिक बैशाख २०८०

सानिमा लाइफ र रिलायन्स लाइफको एकीकृत कारोबार शुरू

काठमाडौं । सानिमा लाइफ इन्स्योरेन्स र रिलायन्स लाइफ इन्स्योरेन्स कम्पनीको मर्जरपछि एकीकृत कारोबार शुरू भएको छ । मर्जरपछि सानिमा रिलायन्स लाइफ इन्स्योरेन्सको नामबाट बिहीवारदेखि एकीकृत कारोबार गरिएको हो । दुवै इन्स्योरेन्स १:१ शेयर स्वाप अनुपातमा मर्ज भएका हुन् । सानिमा लाइफ र रिलायन्स लाइफ इन्स्योरेन्सलाई नेपाल बीमा प्राधिकरणले फागुन १८ गते मर्जरसम्बन्धी अन्तिम स्वीकृति दिएको थियो । यस्तै कम्पनी रजिष्ट्रारको कार्यालयले फागुन २९ गते स्वीकृति प्रदान गरेको थियो । संयुक्त मर्जर समितिको चैत ५ गते बसेको बैठकले मर्जर सम्बन्धी निर्णय गरेको थियो । एकीकृत बनेको कम्पनीको चुक्तापूँजी ४ अर्ब १८ करोड रुपैयाँ पुगेको छ । मर्जरअघि सानिमा लाइफ इन्स्योरेन्सको चुक्तापूँजी २ अर्ब रुपैयाँ र रिलायन्स इन्स्योरेन्सको चुक्तापूँजी २ अर्ब १० करोड रुपैयाँ थियो ।

Aarthik Abhiyan फाल्गुन २०७९

मर्जर सम्झौताको ९ महीनापछि एकीकृत कारोबार शुरू गर्दै सानिमा र रिलायन्स लाईफ

काठमाडौं । सानिमा लाइफ इन्स्योरेन्स र रिलायन्स लाईफ इन्स्योरेन्स चैत ९ गतेदेखि एकीकृत कारोबार शुरू गर्दै छन् । गत असार २९ गते मर्जरका लागि प्रारम्भिक सम्झौता गरेका यी कम्पनीहरूले मर्जर सम्झौता गरेको ९ महीनापछि एकीकृत कारोबार शुरू गर्न लागेका हुन् । दुवै कम्पनीले गत फागुन १२ गते सम्पन्न वार्षिक साधारण सभाबाट मर्जर प्रस्ताव पारित गरेका थिए । नेपाल बीमा प्राधिकरणबाट फागुन १८ गते कम्पनी रजिष्ट्रारको कार्यालयबाट र फागुन २९ गते मर्जरका लागि अन्तिम स्वीकृति प्राप्त भएसँगै यी कम्पनी एक हुन लागेका हुन् । दुई कम्पनी एक भई सानिमा रिलायन्स लाईफ इन्स्योरेन्सको नामबाट एकीकृत कारोबार शुुरु गर्न लागेका हुन । मर्जरपछि कम्पनीको प्रधान कार्यालय नयाँ वानेश्वर, काठमाडौंमा रहने कम्पनीहरूले जानकारी दिएका छन् । यी दुई कम्पनी एक बराबर एक शेयर आदानप्रदान गर्दै मर्जरमा गएका हुन् । हाल सानिमा लाईफको चुक्तापूँजी रू. २ अर्ब र रिलायन्स लाईफको चुक्तापूँजी रू. २ अर्ब १० करोड रहेको छ । मर्जरपछि बन्ने कम्पनीको चुक्तापूँजी रू. ४ अर्ब १० करोड कायम हुनेछ । पूँजी वृद्धि अभियानका लागि कायम गरेको चुक्तापूँजीको व्यवस्था बमोजिम सानिमा रिलायन्स लाइफको चुक्तापूँजी रू. ५ अर्ब पुग्नुपर्नेछ । अघिल्लो आर्थिक वर्ष २०७७/७८ को सञ्चित मुनाफाबाट यस वर्ष दुबै कम्पनीले शेयरधनीहरूलाई लाभांश वितरण गरेका छैनन् । दुबै कम्पनीको शेयर संरचना हाल संस्थापकतर्फ ७० प्रतिशत र सर्वसाधारणतर्फ ३० प्रतिशत रहेको छ । हाल कायम शेयर संरचना परिवर्तन गरी संस्थापक तर्फको १९ प्रतिशत शेयर सर्वसाधारणमा परिणत गर्ने कम्पनीले जानकारी दिएको छ । शेयर संरचना परिवर्तनको प्रस्ताव समेत कम्पनीहरूले वार्षिक साधारण सभाबाट पारित गराईसकेका छन् । दुबै कम्पनी धितोपत्र दोस्रो बजारमा सूचीकृत कम्पनी रहेकाले एकीकृत कारोबारको दिनदेखि बढीमा १५ कारोबार दिन शेयर कारोबार रोक्का हुनेछ । मर्जर तथा प्राप्ति सम्बन्धि व्यवस्था बमोजिम एकीकृत कारोबार भएको दिनदेखि बढीमा १५ कारोबार दिन शेयर कारोबार रोक्का गर्नुपर्ने व्यवस्था रहेको छ ।

Aarthik Abhiyan फाल्गुन २०७९

मर्जर प्रस्ताव पारितका लागि सानिमा र रिलायन्स लाईफले बोलाए साधारण सभा

काठमाडौं । सानिमा लाईफ इन्स्योरेन्स र रिलायन्स लाइफ इन्स्योरेन्सले मर्जर प्रस्ताव पारितका लागि एकै दिन वार्षिक साधारण सभा बोलाएका छन् । दुवै कम्पनीले फागुन १२ गते वार्षिक साधारण सभा बोलाएका हुन् । रिलायन्स लाइफले लिसारा रिसेप्सन्स, नक्साल, काठमाडौं र सानिमा लाईफले कुण्डलीनी दरबार बैंक्वेट, धुम्बाराही, काठमाडौंमा सभा गर्न लागेका हुन् । यी दुई कम्पनी एक बराबर एक शेयर आदानप्रदान गर्दै मर्जरमा जान लागेका हुन् । मर्जरका लागि सहमति भएको शेयर स्वाप रेसियोलाई दुवै कम्पनीले सभामार्फत स्वीकृति दिनेछन् । दुवै कम्पनीको सञ्चालकहरूको कार्यकाल साधारण सभाको दिनसम्म कायम रहेकाले नेपाल बीमा प्राधिकरणको स्वीकृतिबमोजिम एकीकृत कारोबार हुनुअघिसम्मको लागि थप गर्ने प्रस्तावसमेत सभाले पारित गर्नेछन् । दुवै कम्पनीको शेयर संरचना हाल संस्थापक तर्फ ७० प्रतिशत र सर्वसाधारणतर्फ ३० प्रतिशत रहेकोमा उक्त शेयर संरचना परिवर्तन गरी संस्थापक तर्फको १९ प्रतिशत शेयर सर्वसाधारणमा परिणत गर्ने प्रस्ताव पनि सभाका लागि तय भएको छ । उल्लेखित प्रस्तावहरूसँगै गत आर्थिक वर्षको वार्षिक प्रतिवेदन सहितका वित्तीय विवरणहरू समेत सभाले पारित गर्नेछ । दुवै कम्पनीले साधारण सभा प्रयोजनका लागि माघ २९ गते बुक क्लोज गर्ने भएका छन् । बुक क्लोजका आधारमा माघ २६ गतेसम्म कायम शेयरधनीहरू मात्र सभामा भाग लिन सक्नेछन् ।

Aarthik Abhiyan पौष २०७९

सानिमा लाईफ इन्स्योरेन्स र रिलायन्स लाईफ इन्स्योरेन्स मर्ज हुने

सानिमा लाईफ इन्स्योरेन्स लिमिटेड र रिलायन्स लाईफ इन्स्योरेन्स लिमिटेड मर्ज हुने भएका छन्। २ कम्पनी बीच आज बिहान मर्जर सम्बन्धि सम्झौता भएको हो । समझदारीपत्रमा सानिमा लाइफ कम्पनीको तर्फबाट सञ्चालक घनश्याम थापा तथा रिलायन्स लाईफ इन्स्योरेन्सको तर्फबाट सञ्चालक भरत कुमार तोदीले हस्ताक्षर गरेका छन्। दुवै कम्पनी मर्जर सम्झौता गरेसंगै नेप्सेमा दुवै कम्पनीको शेयर कारोबार रोक्का हुने भएको छ । बीमा समितिले बीमा कम्पनीहरुले पुँजी वृद्धि गर्ने नीति ल्याएपछि बीमा कम्पनीहरुले धमाधम मर्जरको लागि सम्झौता गरिरहेका छन् । बीमा समितिले आगामी चैत मसान्तभित्र जीवन बीमा कम्पनीले ५ अर्ब चुक्ता पुँजी पुर्याउनु पर्ने निर्देशन जारी गरेको छ । त्यस्तै निर्जीवन बीमा कम्पनीले २ अर्ब ५० करोड पुँजी पुर्याउनु पर्न छ ।

Bizpati जेष्ठ २०७९

सानिमा रिलायन्स लाइफले विलम्ब शुल्क छुटसहित बीमा लेख नवीकरण गर्ने

सम्बन्धित सामग्री