चर्चित लोक गायक पशुपति शर्मा र अमृता लामिछानेको सुमधुर स्वरमा नयाँ गीत 'हजुरले पो वास्तै गर्नुहुन्न' सार्वजनिक भएको छ ।
अमृता लामिछाने युट्युव च्यानलमार्फत शनिवार सो गीतको भिडियो सार्वजनिक गरिएको हो ।
गीतमा शिव हमालको शब्द सिर्जना रहेको छ भने संगीत पनि उनी आफैंले दिएका छन् ।
गीतको भिडियोमा गायक शर्मा, बबिन ठकुरी सबिन आचार्य, अमृता लामिछाने लगायत कलाकारहरूको अभिनय छ ।
भिडियो निर्देशन प्रकाश भट्टले गरेका छन् ।
