काठमाडौं (अस) । औद्योगिक प्रयोजनका लागि खपत हुने जैविक रसायन अल्कालोइड्सको आयातको वार्षिक औसत वृद्धिदर १५ दशमलव ९४ प्रतिशत रहेको छ । गत आर्थिक वर्षमा यो ६ करोड ४१ लाख रुपैयाँ बराबरको आयात भएको थियो । मुलुकमा औद्योगिक प्रयोजनका लागि खपत हुने जैविक रसायन उत्पादन नभएको अवस्थामा यस्ता उत्पादनको आयातमा वृद्धि हुनु मुलुकको आर्थिक क्षेत्रका लागि सकारात्मक सन्देश हो भने यस्ता वस्तुको आयातमा ह्रास आउनुले अर्थतन्त्रमा समस्या रहेको संकेत गर्दछ ।
