काठमाडौं (अस) । गत आर्थिक वर्ष २०७७/७८ मा नेपालमा रू. ६ करोड ४३ लाख बराबरको यौगिककृत रबर आयात भएको छ । विगत १३ वर्षको तथ्यांक हेर्दा यौगिककृत रबरको आयातमा औसत वार्षिक वृद्धिदर १५ दशमलव ९४ प्रतिशत देखिन्छ । आयातको यस प्रवृत्तिले मुलुकभित्र यौगिककृत रबर उद्योग सञ्चालनको सम्भावना देखिएको छ । रबर खेतीको विस्तार तथा रबरमा आधारित उद्योगको स्थापना, स्तरोन्नति, उद्योगलाई कर छूट, प्रोत्साहन तथा उद्योगमैत्री वातावरण सृजना गर्ने हो भने यौगिककृत रबर उत्पादनमा मुलुक केही समयभित्र आत्मनिर्भर हुने देखिन्छ ।
