मंसिर मसान्तमा एनआईबिएल सहभागिता फण्डको एनएभी घट्यो

पुस १३, काठमाडौं । एनआइबिएल म्युचुअल फण्ड अन्तर्गत सञ्चालित एनआइबिएल सहभागिता फण्डले मंसिर मसान्तसम्मको खुद सम्पत्ति मूल्य विवरण मंगलवार सार्वजनिक गरेको छ ।  उक्त वित्तीय विवरण अनुसार फण्डको एनएभी कात्तिक मसान्तको तुलनामा मंसिर मसान्तमा घटेको छ ।   फण्डको एनएभी कात्तिक मसान्तसम्ममा रू. १२ दशमलव ३३ रहेकोमा मंसिर मसान्त सम्ममा रू. ११ दशमलव ३४ मा झरेको हो । त्यसैगरी फण्डको नोक्सानी पनि कात्तिक महीनाको तुलनामा मंसिर महीनामा बढेको छ ।  फण्डले कात्तिक मसान्तसम्ममा रू. ६६ लाख ८५ हजार नोक्सानी ब्यहोरेकोमा मंसिर मसान्तसम्ममा बढेर रू. ४ करोड ५१ लाख २१ हजार पुगेको हो ।  त्यसैगरी फण्डको सूचीकृत शेयरमा लगानी घटेको छ । कात्तिक मसान्तसम्ममा सूचीकृत शेयरमा रू. २३ करोड ७५ लाख ७९ हजार लगानी गरेको उक्त फण्डको लगानी मंसिर मसान्तसम्ममा घटेर रू. २१ करोड २० लाख ३३ हजारमा झरेको हो । मंसिर महीनामा लगानी गरेका कम्पनीको शेयरमूल्य घटेसँगै समग्र सूचीकृत शेयरमा फण्डको लगानी पनि घटेको छ ।