फागुन ५, काठमाडौं । मेरो माइक्रोफाइनान्स लघुवित्त वित्तीय संस्थाले शेयरधनीको हितग्राही खातामा बोनस शेयर जम्मा भएको छ ।
कम्पनीले मंसिर २४ गते सम्पन्न वार्षिक साधारण सभाबाट पारित २० प्रतिशत बोनस शेयर शेयरधनीको डिम्याट खातामा जम्मा गरिदिएको हो । बुक क्लोजको समयमा डिम्याट खातामा शेयर धारण गरेका शेयरधनीहरुको हकमा हितग्राही खातामा जम्मा गरिदिएको जानकारी गराएको हो ।
साथै, हालसम्म पनि शेयर अभौतिकीकरण नगरेका शेयरधनीले यथाशिघ्र शेयर अभौतिकीकरण गरेपछि सम्बन्धित शेयरधनीको हितग्राही खातामा बोनस शेयर शेयरधनीको हितग्राही खातामा जम्मा हुने जानकारी गराएको छ ।
हालसम्ममा बाँडफाँट परेको शेयर प्राप्त नगरेका शेयरधनीले कम्पनीको शेयर रजिष्ट्रार ग्लोबल आइएमई क्यापिटल लिमिटेड, नक्सानलमा गइ बाँडफाँटमा परेको शेयर अभौतिक रुपमा प्राप्त गर्न निवेदन दिन सक्नेछन् ।
