मुक्तिनाथ बैंकको वितरणयोग्य नाफामा १५५ प्रतिशतले बृद्वि

निष्क्रिय कर्जा वृद्धिबाट विकास बैंकको नाफा प्रभावित: १६ विकास बैंकमध्ये तीनओटा नोक्सानीमा

Aarthik Abhiyan कार्तिक २०८०

१७ विकास बैंकमध्ये ११ मात्रै नाफामा, सबैभन्दा बढी मुक्तिनाथ र गरिमाको

काठमाडौं । गत आर्थिक वर्ष (आव)को ११ महीनामा १७ विकास बैंकमध्ये ११ ओटा बैंक मात्रै नाफामा छन् । नेपाल राष्ट्र बैंकले प्रकाशित गरेको तथ्यांक अनुसार गत आवको साउनदेखि जेठसम्ममा ११ विकास बैंक नाफामा छन् भने बाँकी ६ बैंक घाटामा छन् । नाफामा रहेका ११ बैंकले कुल रू. ५ अर्ब १० करोडभन्दा बढी नाफा कमाएका छन् । सर्वाधिक नाफा कमाउने विकास बैंकको सूचीमा शीर्षमा मुक्तिनाथ विकास बैंक छ । बैंकले जेठ मसान्तसम्ममा रू. १ अर्ब ९ करोडभन्दा बढी नाफा कमाएको हो । यो सूचीमा दोस्रोमा गरिमा विकास बैंक छ । बैंकले ११ महीनामा रू. ८२ करोड २ लाख नाफा कमाएको छ । त्यस्तै सबैभन्दा कम नाफा ग्रीन डेभलपमेन्ट बैंकले रू. ४९ लाख ५ हजार नाफा कमाएको छ । यस्तै, कर्णाली बैंक, सिन्धु विकास बैंक, सालपा विकास बैंक, नारायणी डेभलपमेन्ट बैंक, एक्सेल डेभलपमेन्ट बैंक र सप्तकोशी डेभलपमेन्ट बैंक घाटामा छन् । यी बैंकहरूमध्ये सबैभन्दा बढी सप्तकोशी डेभलपमेन्ट बैंक रू. २८ करोडभन्दा बढी घाटामा छ । सर्वाधिक घाटामा रहेका बैंकको सूचीमा दोस्रोमा एक्सेल डेभलपमेन्ट बैंक छ । उक्त बैंक रू. ८ करोड ९७ लाखभन्दा बढी घाटामा छ । कुन बैंक कति नाफा/नोक्सानमा ?

Aarthik Abhiyan आषाढ २०८०

१७ मध्ये पाँच विकास बैंक नोक्सानीमा, बढी नाफा कमाउने मुक्तिनाथ विकास बैंक

काठमाडौं । चालू आर्थिक वर्ष २०७९/८० को आठ महीनाको अवधिमा १७ ओटा विकास बैंकमध्ये १२ ओटाले मात्रै खुद नाफामा रहेको नेपाल राष्ट्र बैंकको तथ्यांकमा उल्लेख छ । तथ्यांकअनुसार चालू आर्थिक वर्षको साउनदेखि फागुनसम्म पाँच विकास बैंक भने खुद नोक्सानीमा छन् । सालपा विकास बैंक, नारायणी डेभलपमेन्ट बैंक, सिन्धु विकास बैंक, एक्सेल डेभलपमेन्ट बैंक र सप्तकोशी डेभलपमेन्ट बैंक नोक्सानीमा छन् । सप्तकोशी डेभलपमेन्ट बैंकले सबैभन्दा बढी रू. २५ करोड ७० लाख नोक्सानी व्यहोरेको छ । नाफामा रहेका १२ कम्पनीहरूमध्ये मुक्तिनाथ विकास बैंक सबैभन्दा अगाडि छ । यस कम्पनीले चालू आर्थिक वर्षको फागुन मसान्तसम्म रू. ८७ करोड ३६ लाख नाफा कमाएको हो । त्यस्तै दोस्रोमा गरिमा विकास बैंकले रू. ६६ करोड ३३ लाख नाफा कमाएको छ । यस अवधिमा शाइन रेसुङ्गा डेभलपमेन्ट बैंकले रू. ५५ करोड ७१ लाख नाफा कमाएको छ । नाफामा रहेका कम्पनीहरूमध्ये सबैभन्दा कम ग्रीन डेभलपमेन्ट बैंकले रू. ७६ लाख ३ हजार नाफा कमाएको छ ।

Aarthik Abhiyan चैत्र २०७९

राष्ट्रियस्तरका विकास बैंकको नाफा १६ प्रतिशतले वृद्धि

काठमाडौं । चालू आर्थिक वर्ष (आव) २०७८/७९ को दोस्रो त्रैमाससम्ममा राष्ट्रियस्तरका आठओटा विकास बैंकको नाफा १६ दशमलव ८७ प्रतिशतले वृद्धि भएको छ । विकास बैंकहरूले सार्वजनिक गरेको वित्तीय विवरणअनुसार राष्ट्रियस्तरका विकास बैंकहरू गरिमा, महालक्ष्मी, लुम्बिनी, मुक्तिनाथ, ज्योति, कामना सेवा विकास बैंक, साइन रेसुङ्गा, सांग्रिला डेभलपमेन्ट बैंकले चालू आवको दोस्रो त्रैमाससम्म रू. ३ अर्ब २० करोड १७ लाख नाफा कमाएका छन् । गतवर्षको सोही अवधिमा यी बैंकको नाफा रू. २ अर्ब ७३ करोड ९४ लाख रहेको थियो । यी ८ विकास बैंकको नाफामा वृद्धि भएको भए पनि वितरणयोग्य नाफामा भने कमी आएको छ । गतवर्षको दोस्रो त्रैमाससम्मको तुलनामा कामना, ज्योति र मुक्तिनाथको वितरणयोग्य नाफा उच्च दरले घटेकाले ८ विकास बैंकको वितरणयोग्य नाफामा कमी देखिएको हो । यी आठओटा विकास बैंकको गतवर्ष कुल रू. १ अर्ब ७४ करोड ८० लाख वितरणयोग्य नाफा भएकोमा यो वर्ष घटेर रू. १ अर्ब ६९ करोड ८६ लाखमा झरेको छ । यो गतवर्षको सोही अवधिको तुलनामा २ दशमलव ८२ प्रतिशतले कमी हो । टप १ मा रहेको मुक्तिनाथको नाफा घट्यो राष्ट्रिय स्तरका आठओटा विकास बैंकमध्ये सबैभन्दा बढी नाफा कमाउने पहिलो स्थानमा रहेको मुक्तिनाथ विकास बैंकको नाफा गतवर्षको तुलनामा घटेको छ । यो बैंकले चालू आवको दोस्रो त्रैमाससम्ममा रू. ६० करोड २४ लाख रुपैयाँ नाफा कमाएको छ । गतवर्षको सोही अवधिमा रू. ६१ करोड ५५ लाख नाफा कमाएको थियो । मुक्तिनाथले ८ विकास बैंकहरूको तुलनामा सबैभन्दा बढी नाफा कमाएको छ । तर, गतवर्ष कमाएको नाफाभन्दा चालू आवमा यो बैंकको नाफा २ दशमलव १४ प्रतिशतले घटेको छ । दोस्रोमा सबैभन्दा बढी नाफा कमाउनेमा गरिमा विकास बैंक रहेको छ । गरिमाले चालू आर्थिक वर्षको दोस्रो त्रैमाससम्म्मा रू. ४९ करोड २९ लाख नाफा कमाएको छ । गतवर्षको सोही अवधिमा यो बैंकको नाफा रू. ३९ करोड ३५ लाख रहेको थियो । गतवर्षको दोस्रो त्रैमासको तुलनामा चालू आवको दोस्रो त्रैमाससम्ममा बैंकको नाफा २५ दशमलव २५ प्रतिशतले वृद्धि भएको छ । महालक्ष्मीको नाफा ३१ प्रतिशतले वृद्धि महालक्ष्मी विकास बैंकको नाफा गत आव २०७७/७८ को दोस्रो त्रैमाससम्मको तुलनामा चालू आव २०७८/७९ को दोस्रो त्रैमाससम्ममा ३१ दशमलव ५५ प्रतिशतले वृद्धि भएको छ । गतवर्षको दोस्रो त्रैमाससम्ममा यो बैंकले रू. ३४ करोड ६८ लाख नाफा कमाएको थियो भने चालू आवको दोस्रो त्रैमाससम्ममा बैंकले रू. ४५ करोड ६२ लाख नाफा कमाएको छ । लुम्बिनी विकास बैंकको नाफा ३४ प्रतिशतले वृद्धि गत आव २०७७/७८ को दोस्रो त्रैमाससम्मको तुलनामा लुम्बिनी विकास बैंकको नाफा चालू आव २०७८/७९ को दोस्रो त्रैमाससम्ममा ३४ दशमलव ३१ प्रतिशतले वृद्धि भएको छ । गतवर्षको दोस्रो त्रैमाससम्ममा यो बैंकले रू. २६ करोड १८ लाख नाफा कमाएको थियो भने चालू आवको दोस्रो त्रैमाससम्ममा रू. ३५ करोड १७ लाख नाफा कमाएको छ । साइन रेसुङ्गा डेभलपमेन्ट बैंकको नाफा ३३ प्रतिशलते वृद्धि गत आव २०७७/७८ को दोस्रो त्रैमाससम्मको तुलनामा साइन रेसुङ्गा डेभलपमेन्ट बैंकको नाफा ३३ दशमलव ५९ प्रतिशतले वृद्धि भएको छ । गतवर्षको दोस्रो त्रैमाससम्ममा यो बैंकले रू. २६ करोड ११ लाख नाफा कमाएको थियो भने चालू आवको दोस्रो त्रैमाससम्ममा रू. ३४ करोड ८८ लाख नाफा कमाएको छ । ज्योति विकास बैंकको नाफा १२ प्रतिशतले वृद्धि गत आव २०७७/७८ को दोस्रो त्रैमाससम्मको तुलनामा ज्योति विकास बैंकको नाफा १२ दशमलव ५७ प्रतिशतले वृद्धि भएको छ । गतवर्षको दोस्रो त्रैमाससम्ममा यो बैंकले रू. ३० करोड ५५ लाख नाफा कमाएको थियो भने चालू आव २०७८/७९ को दोस्रो त्रैमाससम्ममा रू. ३४ करोड ४० लाख नाफा कमाएको छ । सांग्रिला डेभलपमेन्ट बैंकको नाफा ५८ प्रतिशतले वृद्धि गत आव २०७७/७८ को दोस्रो त्रैमाससम्मको तुलनामा सांग्रिला डेभलपमेन्ट बैंकको नाफा ५८ दशमलव ८७ प्रतिशतले वृद्धि भएको छ । गतवर्षको दोस्रो त्रैमाससम्ममा रू. १६ करोड ४८ लाख नाफा कमाएको बैंकले चालू आव २०७८/७९ को दोस्रो त्रैमाससम्ममा रू. २६ करोड १८ लाख नाफा कमाएको छ । कामना सेवा विकास बैंकको नाफा करीब १२ प्रतिशतले घट्यो कामना सेवा विकास बैंकको गत आव २०७७/७८ को दोस्रो त्रैमाससम्मको तुलनामा ११ दशमलव ८९ प्रतिशतले नाफा घटेको छ । गतवर्षको दोस्रो त्रैमाससम्ममा यो बैंकले रू. ३९ करोड ४७ हजार नाफा कमाएकोमा चालू आव २०७८/७९ को दोस्रो त्रैमाससम्ममा रू. ३४ करोड ३६ लाख नाफा कमाएको छ । महालक्ष्मी विकास बैंकको वितरणयोग्य नाफा १२० प्रतिशतले वृद्धि महालक्ष्मी विकास बैंकको वितरणयोग्य नाफा १२० दशमलव ५४ प्रतिशतले वृद्धि भएको छ । गतवर्षको दोस्रो त्रैमासम्म यो बैंकको वितरणयोग्य नाफा रू. १२ करोड ४७ लाख रहेकोमा चालू आवमा वृद्धि भएर रू. २७ करोड ५० लाख पुगेको छ । त्यसैगरी लुम्बिनी विकास बैंकको वितरणयोग्य नाफा ५२ दशमलव ५१ प्रतिशतले वृद्धि भएको छ । गतवर्षको दोस्रो त्रैमाससम्म रू. १६ करोड ३५ लाख वितरणयोग्य नाफा कमाएको बैंकले चालू आवको दोस्रो त्रैमाससम्ममा वृद्धि गरेर रू. २४ करोड ९४ लाख पुर्‍याएको हो । सांग्रिला डेभलपमेन्ट बैंकको वितरणयोग्य नाफा ११८ दशमलव ७० प्रतिशतले वृद्धि भएको छ । गतवर्षको दोस्रो त्रैमाससम्म रू. ८ करोड २४ लाख रुपैयाँ वितरणयोग्य नाफा भएकोमा चालू आवको दोस्रो त्रैमाससम्ममा वृद्धि भएर रू. १८ करोड ४ लाख पुगेको छ । साइन रेसुङ्गा डेभलपमेन्ट बैंकको वितरणयोग्य नाफा २८ दशमलव ३६ प्रतिशतले वृद्धि भएको छ । यो बैंकको गतवर्षको दोस्रो त्रैमाससम्म रू. १६ करोड ९८ लाख वितरणयोग्य नाफा भएकोमा यो वर्ष वृद्धि भएर रू. २१ करोड ८० लाख पुगेको छ । त्यसैगरी गरिमा विकास बैंकको वितरणयोग्य नाफा ४१ दशमलव १४ प्रतिशतले वृद्धि भएको छ । यो बैंकको गतवर्षको दोस्रो त्रैमाससम्म रू. २५ करोड २३ लाख वितरण योग्य नाफा भएकोमा यो वर्ष वृद्धि भएर रू. ३५ करोड ६१ लाख पुगेको हो । कामना सेवाको वितरणयोग्य नाफा धेरै घट्यो राष्ट्रियस्तरका आठओटा विकास बैंकमध्ये तीनओटाको वितरणयोग्य नाफा घटेको छ । चालू आवको दोस्रो त्रैमाससम्म मुक्तिनाथ विकास बैंक, ज्योति विकास बैंक र कामना सेवा विकास बैंक लिमिटेडको वितरणयोग्य नाफामा कमी आएको छ । उक्त अवधिसम्ममा सबैभन्दा बढी वितरणयोग्य मुनाफामा कमी आउनेमा कामना सेवा विकास बैंक रहेको छ । यो बैंकको गत आव २०७७/७८ को दोस्रो त्रैमाससम्मको तुलनामा वितरणयोग्य नाफा ६४ दशमलव ४१ प्रतिशतले घटेको छ । गतवर्षको दोस्रो त्रैमाससम्ममा यो बैंकको वितरणयोग्य नाफा रू. २७ करोड १९ लाख रहेकोमा चालू आवको दोस्रो त्रैमाससम्ममा घटेर रू. ९ करोड ६७ लाखमा सीमित भएको छ । त्यसैगरी मुक्तिनाथ विकास बैंकको वितरणयोग्य नाफा ५७ दशमलव ७२ प्रतिशतले घटेको छ भने ज्योति विकास बैंकको वितरणयोग्य नाफामा ३६ दशमलव २० प्रतिशतले कमी आएको छ । मुक्तिनाथ विकास बैंकको गतवर्षको दोस्रो त्रैमाससम्म वितरणयोग्य नाफा रू. ५२ करोड ५५ लाख रहेको थियो । चालू आवको दोस्रो त्रैमासमा यो बैंकको वितरणयोग्य नाफा घटेर रू. २२ करोड २१ लाखमा सीमित भएको छ । त्यसैगरी ज्योति विकास बैंकको गतवर्षको दोस्रो त्रैमाससम्ममा वितरणयोग्य नाफा रू. १५ करोड ७५ लाख थियो भने चालू आवको दोस्रो त्रैमाससम्ममा घटेर रू. १० करोड ५ लाखमा झरेको छ ।

Aarthik Abhiyan पौष २०७८

मुक्तिनाथ विकास बैंकको नाफा घट्यो

विकास बैंकहरू मध्येको शीर्ष स्थानमा रहन सफल मुक्तिनाथ विकास बैंकको नाफामा ब्रेक लागेको छ । बैंकको चालु आर्थिक वर्ष २०७८–७९ को दोस्रो त्रैमाससम्मको नाफा अघिल्लो वर्षको सोही अवधिको भन्दा २.१४ प्रतिशतले घटेको हो । बैंकले जारी गरेको चालु आर्थिक वर्षको पुस मसान्तसम्मको वित्तीय रिपोर्ट अनुसार सो अवधिमा बैंकले कुल ६० करोड २४ लाख रुपैयाँ खुद नाफा कमाएको छ । गत वर्ष बैंकले ६१ करोड ५५ लाख रुपैयाँ खुद नाफा कमाएको थियो । नाफा घटेसँगै यता बैंकको वितरण योग्य नाफामा समेत संकुचन आएको छ । रिपोर्ट

Ratopati पौष २०७८

मुक्तिनाथ विकास बैंकको नाफामा साढे १७ प्रतिशतको छलाङ, तीन महिनामा नै साढे ३४ करोड नाफा

बीजमांडू आश्विन २०७८

मुक्तिनाथ विकास बैंकको नाफामा उल्लेख्य सुधार, ईपीएस पनि बढ्यो

मुक्तिनाथ विकास बैंक Muktinath Bikas Bank Limited ले चालु आर्थिक वर्षको प्रथम त्रैमासमा ३४ करोड ५५ लाख खुद नाफा कमाएको छ । गत आर्थिक वर्षको यही अवधिमा बैंकले २९ करोड ४१ लाख खुद नामा कमाएको थियो । बैंकको वितरणयोग्य नाफा ९५ करोड ६३ लाख पुगेको छ । गत वर्ष यही अवधिमा ५९ करोड रहेको खुद ब्याज आम्दानी पनि बढेर ८३ करोड ७६ लाख पुगेको छ । बैंकको प्रतिसेयर आम्दानी (ईपीएस) २४.४५ रुपैयाँबाट २८.७३ रुपैयाँमा पुगेको छ ।यस अवधिमा बैंकले ९७ अर्ब १६ करोड निक्षेप संकलन गरी ८५ अर्ब ४ करोड कर्जा लगानी गरेको छ । गत वर्षको यो अवधिमा बैंकले ८६ अर्ब ९० करोड निक्षेप संकलन गरी ७२ अर्ब ८९ करोड कर्जा लगानी गरेको थियो ।गत वर्षको प्रथम त्रैमासमा ०.१२ प्रतिशत रहेको खराब कर्जा अनुपात बढेर ०.२३ प्रतिशत पुगेको छ ।

Bizpati आश्विन २०७८

एफपीओ निष्कासन गर्ने तयारीमा रहेको किसान लघुवित्तको नाफामा उल्लेख्य वृद्धि

भदौ १, काठमाडौं । किसान लघुवित्त वित्तीय संस्थाले गत आवको चौथो त्रैमासिक वित्तीय विवरण मंगलवार सार्वजनिक गरेको छ । उक्त वित्तीय विवरण अनुसार कम्पनीको खुद नाफा अघिल्लो आवको चौथो त्रैमासको तुलनामा गत आवको सोही अवधिमा उल्लेख्य मात्रामा वृद्धि भएको हो । कम्पनीले अघिल्लो आवमा रू. ७६ लाख १३ हजार नाफा कमाएकोमा गत आवमा वृद्धि भएर रू. १४ करोड ९० लाख ६६ हजार पुगेको हो । गत आवमा कम्पनीको खुद ब्याज आम्दानी ३१३ प्रतिशत, सञ्चालन नाफा ९२९ प्रतिशत र रू. ६ करोड ४१ लाख ६४ हजार खराब कर्जा उठाउन कम्पनी व्यवस्थापन सफल भएकाले नाफा बढ्नमा टेवा पुगेको हो । कम्पनीको चुक्तापूँजी रू. ३९ करोड २८ लाख रहेको छ भने जगेडामा रू. २४ करोड २५ लाख ९२ हजार सञ्चित गरेको हो । कम्पनीले एफपीओ निष्कासन गर्ने तयारीमा रहेको छ । एफपीओ निष्कासन गर्नका लागि नियामक निकाय नेपाल धितोपत्र बोर्डमा निवेदन दिएको छ । कम्पनीले १२ लाख ९८ हजार २५९ कित्ता एफपीओ निष्कासन गर्नका लागि असार २९ गते निवेदन दिएको हो । कम्पनीले प्रतिकित्ता रू. १२५ मा रू. १६ करोड २२ लाख ८२ हजार ४३६ दशमलव २५ बराबरको एफपीओ निष्कासन गर्न बोर्डमा निवेदन दिएको हो । विक्री प्रबन्धक मुक्तिनाथ क्यापिटल लिमिटेड रहेको छ । एफपीओ निष्कासन गरेपछि कम्पनीको चुक्तापूँजी रू. ५२ करोड २६ लाख पुग्नेछ । कम्पनीले सूचीकृत नभएका कम्पनीले गाभे पश्चात शेयर संरचना मिलाउनका लागि एफपीओ निष्कासन गर्न लागेको हो । एनआरएन लघुवित्त वित्तीय संस्थाले दिव्य लघुवित्त वित्तीय संस्था, किसान माइक्रोफाइनान्स लघुवित्त वित्तीय संस्थालाई गाभेपश्चात एनआरएन लघुवित्त वित्तीय संस्थाको नामबाट एकीकृत कारोबार शुरु भएको हो । पछि राष्ट्र बैंकको निर्देशन अनुसार कम्पनीकोे नाम परिवर्तन भई किसान लघुवित्त वित्तीय संस्था रहेको हो । कम्पनीले निष्कासन गर्ने एफपीओलाई केयर रेटिङ नेपालले बीबी माइनस रेटिङ प्रदान गरेको छ । यस्तो रेटिङले कम्पनीले समयमै वित्तीय दायित्व पूरा गर्ने सम्बन्धमा औषतमा मध्यम जोखिम रहेको संकेत गर्दछ । त्यसैगरी कम्पनीको प्रतिशेयर आम्दानी रू. ३७ दशमलव ९५, मूल्य आम्दानी अनुपात ४५ दशमलव ८५ र प्रतिशेयर नेटवर्थ रू. १६१ दशमलव ७९ रहेको छ । स्रोत : कम्पनीद्वारा प्रकाशित वित्तीय विवरण

Aarthik Abhiyan श्रावण २०७८

१० महीनासम्ममा राष्ट्रियस्तरका विकास बैंकको नाफा रू. ५ अर्ब

काठमाडौं । सरकारले कोभिडको दोस्रो लहर फैलिएसँगै निषेधाज्ञा गरेपछि अधिकांश क्षेत्र प्रभावित बने पनि राष्ट्रिय स्तरका विकास बैंकको खुद नाफामा भने असर परेको छैन । गत वैशाखको आधा महीना निषेधाज्ञा भए पनि उक्त महीना अधिकांश विकास बैंकले राम्रै मुनाफा गर्न सफल भएका छन् । सञ्चालनमा रहेका आठओटा राष्ट्रियस्तरका विकास बैंकले चालू आर्थिक वर्षको १० महीनासम्ममा समग्रमा खुद नाफा ५ अर्ब २ करोड २४ लाख रुपैयाँ हात पारेका छन् । यस अघिको चैत महीनासम्ममा ती बैंकहरूले खुद नाफा रू. ४ अर्ब ४९ करोड ९९ लाख गरेका थिए । एकै महीनाको अन्तरमा उक्त विकास बैंकहरूले ५२ करोड २४ लाख रुपैयाँ नाफा कमाएका छन् । यसअघि मासिक करीब ५० करोड रुपैयाँको हाराहारीमा नाफा गरेको देखिन्छ । समग्रमा बैंकहरूको नाफा राम्रै बढेको देखिए पनि केही बैंकले भने यसअघिको महीनाभन्दा कम नाफामा चित्त बुझाउनु परेको छ । पछिल्लो समयसम्म राष्ट्रियस्तरका विकास बैंकमा मुक्तिनाथ, गरिमा, ज्योति, कामना सेवा, साइन रेसुङ्गा, महालक्ष्मी, लुम्बिनी र सांग्रिला विकास बैंक सञ्चालनमा रहेका छन् । उक्त बैंकमध्ये चालू आवको वैशाखसम्ममा सबैभन्दा धेरै खुद नाफा मुक्तिनाथ विकास बैंकले गरेको छ । नेपाल राष्ट्र बैंकको तथ्यांकअनुसार उक्त अवधिसम्म यसले रू. १ अर्ब ११ करोड ६२ लाख रुपैयाँ नाफा कमाएको छ । यसअघि चैतसम्ममा अर्थात् तेस्रो त्रैमासमा रू. १ अर्ब ५६ लाख रुपैयाँको हाराहारीमा नाफा गरेको थियो । एकै महीनाको अन्तरमा उक्त बैंकले करीब ११ करोडको नाफा गरेको छ । तर, यो नाफा वृद्धि भने गत महीनाको भन्दा कम देखिन्छ । डेभलपमेन्ट बैंकर्स एशोसिएशन नेपालका अध्यक्ष तथा मुक्तिनाथ विकास बैंकका प्रमुख कार्यकारी अधिकृत प्रद्युम्न पोखरेल १० महीनाको बीचमा जम्मा आधा महीना मात्रै बन्द भएकाले बाँकी समय पूरै काम गर्न पाउँदा विकास बैंकहरूको नाफा वृद्धिमा खासै प्रभाव नपरेको बताउँछन् । कुल खुद नाफा कमाउने दोस्रो स्थानमा गरिमा विकास बैंक रहेको छ । यसले वैशाखसम्ममा ७५ करोड ४२ लाख रुपैयाँ नाफा गरेको छ । कुल खुद नाफा गर्ने तेस्रो स्थानमा रहेको ज्योति विकास बैंकले रू. ६८ करोड ३२ लाख रुपैयाँ आर्जन गरेको छ । यसले १ महीनामा थप ८ करोड नाफा बढाएको छ । कामना सेवा विकास बैंकले वैशाखसम्ममा ६४ करोड ५३ लाख रुपैयाँ नाफा गरेको छ । यसले गत चैत्रसम्ममा ५८ करोड ६१ लाख रुपैयाँ कमाएको थियो । यस बैंकले यस अवधिमा ५ करोड ९१ लाख रुपैयाँ नाफा बढाएको छ । साइन रेसुङ्गा डेभलपमेन्ट बैंकले वैशाखसम्ममा रू. ५० करोड ३० लाख रुपैयाँ नाफा कमाएको छ । निषेधाज्ञाको महीनामा राम्रो नाफा वृद्धि गर्नेमा महालक्ष्मी विकास बैंक देखिएको छ । गत तेस्रो त्रैमास अर्थात् चैतसम्ममा रू. ४० करोड ३६ लाख खुद नाफा गरेको उक्त बैंकले वैशाखमा रू.९ करोड ३८ लाख रुपैयाँले नाफा वृद्धि गरेर कुल नाफा रू. ४९ करोड ७४ लाख आर्जन गरेको छ । महालक्ष्मी विकास बैंकका प्रमुख कार्यकारी अधिकृत बोधराज देवकोटा अत्यावश्यक खालका रिटेल, मार्जिन प्रकृतिका कर्जाहरू गएका र यसबाट ब्याज आम्दानी भइरहेकाले निषेधाज्ञा भए पनि बैंकको नाफा वृद्धिमा कम प्रभाव परेको बताउँछन् । राष्ट्रियस्तरका लुम्बिनी र सांग्रिला डेभलपमेन्ट बैंकको कुल खुद नाफा बढे पनि मासिक वृद्धि भने घटेको छ । लुम्बिनी विकास बैंकले १० महीनामा रू.४६ करोड २८ लाख नाफा गरेको छ । यसले चैतमा रू.४२ करोड ३७ लाख नाफा गरेको थियो । यसबीच १ महीनामा थप रू. ३ करोड ९० लाख नाफा बढाएको छ । गत चैतसम्ममा रू. ३५ करोड १ लाख खुद नाफा गरेको सांग्रिला डेभलपमेन्ट बैंकले रू. ८४ लाखको हाराहारीमा मात्रै नाफा वृद्धि गरेर वैशाखमा रू. ३६ करोड १ लाख रुपैयाँ नाफा आर्जन गरेको छ ।

Aarthik Abhiyan बैशाख २०७८

मुक्तिनाथ बैंकको वितरणयोग्य नाफामा १५५ प्रतिशतले बृद्वि

सम्बन्धित सामग्री