न्यूबिज स्टार्टअप समिट एन्ड अवार्ड्स : यी हुन् अवार्ड्स पाउने ८ कम्पनी

काठमाडौं । न्यू बिजनेश एज प्रालिद्वारा आयोजित ‘न्यूबिज स्टार्टअप समिट एन्ड अवार्डस’ मा सहभागी भएकामध्ये ५ कम्पनीलाई 'बेष्ट स्टार्ट अप अफ द इयर' अवार्ड्समार्फत सम्मान गरिएको छ । डक्टरस अन कल, अनामनगर, काठमाडौं, ईडिजिटल नेपाल, तीनकुने, काठमाडौं, फोकस वन (मोको) कालीमाटी काठमाडौं, सजिलो सेवा, झम्सिखेल, ललितपुर तथा इन्ग्रेल्स (वेद) धोवीघाट, ललितपुर बेस्ट स्टार्ट अप अफ द इयर २०२३ बाट सम्मानित भएका हुन् । त्यस्तै इमरजिङ स्टार्ट अप अफ द इयरबाट डेलिस डेरी (ग्रीक योगर्ट), भरतपुर, चितवन, इन्सपाइरिङ वुमन लिड अफ द इयरबाट डिजिटल एज नेपाल, ताहाचल, काठमाडौं र स्टार्टअप स्केल अवार्डबाट फूडमान्डू, नक्साल, काठमाडौं सम्मानित भएका छन् । उनीहरूलाई स्वतन्त्र निर्णायक मण्डलले कम्पनीको मिसन, भिजन, भ्यालू प्रोपोजिसन र बजार पहिचान, टिम कम्पोजिसन, क्यालिवर, इन्नोभेसन/यूएसपी/डिस्ट्रप्सन, ट्रयाक्सन टू डेट, स्केलएबिलिटी र प्रतिस्पर्धी रणनीति, सूचनाप्रविधिको प्रयोग तथा क्रियशनलगायतको मूल्यांकनको आधारमा छनोट गरेको हो । डक्टरस अन कल घरघरमा पुगेर बिरामीको उपचार गर्ने कम्पनी हो । त्यस्तै ई-डिजिटलले गुणस्तरीय शिक्षाका लागि डिजिटलाइजेशनको काम गर्छ । फोकस वन पेमेन्ट वालेट कम्पनी हो । जसले भुक्तानी सहजीकरणमा काम गर्छ । सजिलो सेवाले सेवाग्राहीलाई आवश्यक पर्ने सूचना, सेवा उपलब्ध गराउँछ । वेदले शैक्षिक संस्थालाई आवश्यक पर्ने प्रविधिको विकास गरेको छ । इमरजिङ स्टार्ट अप अफ द इयरबाट सम्मानित डेलिस डेरीले दही, मोही उत्पादन गरेर उपभोक्तासमक्ष पुर्‍याउने गर्छ । त्यस्तै इन्सपाइरिङ वुमन लिड अफ द इयरबाट सम्मानित डिजिटल एज नेपाल वित्तीय सेवा प्रदायक कम्पनी हो भने स्टार्ट अप स्केलअप अवार्डबाट सम्मानित फूडमान्डूले उपभोक्ताको घरघरमा अर्डर बमोजिमका खानेकुरा डेलिभरी गर्दै आएको छ ।

पूर्ण विवरण

सम्बन्धित सामग्री

न्यूबिज स्टार्टअप समिट एन्ड अवार्ड्स : विज्ञका नजरमा स्टार्टअप

स्टार्टअपलाई संस्कृतिको रूपमा अघि बढाउन जरुरी छ डा. स्वर्णिम वाग्ले सांसद् तथा अर्थविद् विश्व जगत्मा हेर्ने हो भने सबैको ध्यान स्टार्टअपतिर रहेको देखिन्छ । स्टार्टअपमा नेपालको पनि भविष्य छ । तर हामीले जसरी सोचेका छौं, त्यति सहज तवरले अघि बढ्न सकेको छैन । राजनीतिक परिवेशदेखि देशमा स्टार्टअपको संस्कृति विकास नहुनु त्यसको कारण हो । नेपाललाई २०–२५ वर्षमा मध्यम आययुक्त मुलुक बनाउन सकिने माध्यम स्टार्टअपदेखि डिजिटलाइजेशन नै हो । हामीले धेरै वस्तु निर्यात गर्न सक्ने सम्भावना छैन । त्यसैले डिजिटलाइजेशनबाटै फड्को मार्नुपर्छ । हामीहरू विगत र भविष्यबीचको खाडल पूरा गर्ने भूमिकामा लाग्यौं भने स्टार्टअपमा धेरै राम्रो गर्न सकिन्छ । सरकारले स्टार्टअप संस्कृतिको विकास गर्न जरुरी छ । विकसित मुलुकलाई हेर्ने हो भने उनीहरूले स्टार्टअपलाई संस्कृतिकै रूपमा अघि बढाएको देखिन्छ । नेपाल पनि सोहीअनुसार अघि बढ्नुपर्छ । स्टार्टअपको सफलताका लागि नवप्रवर्तन, पूर्वाधारलगायत विभिन्न अवस्थालाई ध्यानमा राख्नुपर्छ । स्टार्टअपको विकास गर्न अनुसन्धान थप प्रभावकारी बनाउनेदेखि सोहीअनुसारको पूर्वाधारसमेत तयार पार्नुपर्र्ने अहिलेको अवश्यकता हो । नेपालमा स्टार्टअपसम्बन्धी विभिन्न कानूनको पनि खाँचो छ । अहिले यससम्बन्धी कानून हुँदै नभएका होइनन्, केही बनेका छन् । तर तिनको कार्यान्वयनमा समस्या देखिएको छ । कर्मचारीतन्त्रदेखि राजनीतिसम्म रहेको विकृत पक्ष सुधारेर जानुपर्ने छ । स्टार्टअपमा देखिएका समस्या सम्बोधन हुनुपर्छ । ‘स्टार्टअपलाई अघि बढाउन ठूलो लगानी आवश्यक छ’ टिम गोचर ओबीई संस्थापक तथा प्रमुख कार्यकारी अधिकृत, डोल्मा फन्ड म्यानेजमेन्ट नेपालमा स्टार्टअपको सम्भावना प्रशस्त छ । यसको विकास तथा विस्तार गर्न जरुरी छ । यसमा अर्बौं लगानी आवश्यक पर्छ । यतिबेला विश्वव्यापी मन्दी छ । मन्दीका बीचमा हुँदाहुँदै पनि हामीले चार नेपाली कम्पनीमा २० मिलियन डलर लगानी गरेका छौं । डोल्मा फन्ड म्यानेजमेन्टको लगानी समितिले हालसालै उपाय कार्गाेका लागि मात्र २ मिलियन अमेरिकी डलर लगानी स्वीकृत गरेको छ । नेपालले दोहोरो अंकको आर्थिक वृद्धिदरको लक्ष्य राख्ने गरेको छ । यो लक्ष्य प्राप्त गर्न नेपालले धेरै काम गर्नुपर्छ । नेपाललाई ठूलो लगानीको आवश्यकतासमेत देखिन्छ । स्टार्टअप र डिजिटाइजेशनमा लगानी गरेर नेपालले द्रुत रूपमा आर्थिक विकास गर्न सक्छ । नेपालमा लगानी गर्न कतिपय कानूनी अड्चन छ । यसमा राज्यले सहजीकरण गर्नुपर्छ । त्यसो त नेपाल धितोपत्र बोर्ड (सेबोन)ले नेपालमा लगानी आकर्षित गर्न निजी इक्विटी फन्डलाई लाइसेन्स दिने पहल गरेको छ । यो प्रशंसनीय छ । डोल्मा फन्ड म्यानेजमेन्टले आइएमई ग्रूपले जस्ता विभिन्न निजी कम्पनीसँग सहकार्य गरी नेपालमा स्टार्टअपलगायत विभिन्न कम्पनीमा लगानी गरेको छ । आगामी दिनमा पनि लगानी विस्तार गर्दै जाने लक्ष्य छ । थप लगानी विस्तार गर्न सरकारले सहयोग गर्न जरुरी छ । लगानी गर्दा क्षणिक लाभ नहेरौं अमुन थापा सहसंस्थापक, सस्तोडिल डटकम रू. ५० हजार लगानीबाट सस्तोडिल डटकम शुरू भएको हो । अमेरिकाबाट मार्केटिङ पढेर सन् २०११ मा फर्किएपछि पसलहरूमा किनमेल गर्दाको हैरानी भोगेपछि दिमागमा अनलाइन व्यापारको खाका बन्यो । त्यसैबेला सस्तोडिलको परिकल्पना गरिएको थियो । लगानीका लागि धेरै रकम थिएन । थोरै लगानीबाट शुरू भएको सस्तोडिल डटकम आएपछि अहिले यो किनमेलको राम्रो माध्यम बनेको छ । इन्टरनेटको पहुँच र अनलाइन पेमेन्ट सजिलै हुँदै गएपछि अन्य प्लाटफर्म जस्तै सस्तोडिलले पनि व्यवसाय फराकिलो बनाउँदै गएको हो । सस्तोडिलमा अन्तरराष्ट्रिय प्राइभेट इक्विटी फन्ड डोल्मा इम्प्याक्ट फन्डले समेत लगानी गरेको छ । नेपालमा अनलाइन किनमेल बढे पनि यस्ता प्लाटफर्महरूमा सरसामानको विविधता धेरै छैन । तर, सस्तोडिलले विविधता दिने प्रयास गरेको छ । अहिले पनि स्टार्टअपको खासै विकास हुन सकेको छैन । सरकारले आफ्नो आय वृद्धि गर्न स्टार्टअपहरू आउने वातावरण सहज बनाइदिनुपर्छ । व्यापार, उद्योग, व्यवसाय सञ्चालनमा आएपछि उनीहरूले कर तिर्छन् । त्यसबाटै सरकारको आय बढ्ने हो । देशमा उद्योग, व्यवसाय नै सञ्चालन भएनन् भने सरकारको आयस्रोत खुम्चिन्छ । सरकारले स्टार्टअप व्यवसायलाई विशेष सहुलियत दिनुपर्छ । संघर्षरत स्टार्टअपलाई प्रोत्साहन राज रिमाल जनरल म्यानेजर, शिखर इन्स्योरेन्स हामीले नयाँ नयाँ स्टार्टअपलाई अघि बढ्न प्रोत्साहन गरेको कमै देख्ने गरेका छौं । सधैं ठूला कम्पनी, घरनालाई सम्मान गर्ने गरेको पाइन्छ । तर, न्यू बिजनेश एजले ‘न्यूबिज स्टार्टअप समिट एन्ड अवार्ड्स’मार्फत संघर्षरत स्टार्टअप कम्पनीलाई सम्मान गरेको छ, जसकारण उनीहरूलाई अघि बढ्न धेरै प्रोत्साहन मिलेको छ । कार्यक्रममा आइडिया पिच गर्न पाउँदा उनीहरूलाई झन् ठूलो राहत मिलेको छ । नयाँ नवीनतम सोचका साथ नयाँ कम्पनीहरू आइरहेका छन् । यस्ता कार्यक्रमबाट अघि बढ्न उनीहरूलाई धेरै ठूलो सहयोग मिल्नेछ । निजीक्षेत्र अनुकूल इको–सिस्टम आवश्यक रमेश हमाल अध्यक्ष, नेपाल धितोपत्र बोर्ड (सेबोन) सन् २०३० सम्ममा नेपाली अर्थतन्त्रको आकार बढेर १ खर्ब डलर पुग्ने सम्भावना छ । सरकारको मात्रै लगानी र प्रयासले यो सफल हुँदैन । निजीक्षेत्रसँगको साझेदारी र सहकार्यबाट उक्त लक्ष्य प्राप्त गर्न सकिन्छ । यसका लागि देशभित्र व्यवसाय र उद्यमशीलता फस्टाउन सक्ने वातावरण बनाउनुपर्छ । निजीक्षेत्र अनुकूल इको–सिस्टम र उपयुक्त मञ्चहरूको सृजनाका लागि हामी सरकारी निकायहरूले काम गरिरहेका छौं । व्यवसाय गर्ने निजीक्षेत्रले हो । त्यसका लागि सरकारले छिटोछरितो रूपमा उपयुक्त इको–सिस्टम र नीतिनियम तर्जुमा गरिदिनुपर्छ । नेपालको परम्परा र संस्कृति अनौठो खालको छ । तर, आर्थिक वृद्धिका लागि विश्वको व्यापार र व्यवसायको तालमा ताल मिलाएर हिँड्न सकिएको छैन । त्यसैले हामी पछि परिरहेका छौं । त्यस खालको वातावरण तयार गर्नुपर्ने चुनौती हाम्रासामु छ । व्यावसायिक वृद्धिमा सघाउन सरकारले विदेशीलाई आकर्षित गर्ने सहज र उपयुक्त संयन्त्र बनाउनुपर्ने आवश्यकतासमेत देखिन्छ । हामी पनि विश्वकै बराबरी हुन जरुरी छ । प्रत्यक्ष विदेशी लगानी (एफडीआई) आकर्षित गर्न यहाँ भित्रिने मात्र होइन, बाहिरिने संयन्त्र पनि हुनुपर्छ । थप लगानी आकर्षित गर्न हामी नीतिनियम परिवर्तन गरिरहेका छौं । सेबोनले साना तथा मझौला उद्यम (एसएमई) मञ्चका लागि मस्यौदा तयारसमेत पारेको छ । यसलाई कानूनी रूप दिन पारितका लागि अनुमति माग्दै मन्त्रिपरिषद्को कार्यालयमा पठाइएको छ । चुक्तापूँजी २५ करोड रुपैयाँ भएको कुनै पनि कम्पनी एसएमई मञ्चमा दर्ता हुन सक्नेछ । सेबोनले केही शर्त वा आवश्यकता खुकुलो बनाएर एसएमईहरूलाई प्रोत्साहन दिनेछ । स्टार्टअपहरूको वृद्धि कम भयो भनेर मात्रै पनि हुँदैन । हामीले उनीहरूलाई अघि बढ्ने वातावरण बनाउनसमेत जरुरी छ । व्यवसाय वृद्धिका लागि स्टार्टअपहरूलाई स्रोत जुटाइदिनुपर्छ । यसको महत्त्व र आवश्यकता बुभ्mन एप्पल, गूगलजस्ता विश्वका ठूला प्रविधि कम्पनीको उदाहरण हेर्न सकिन्छ । उनीहरूको देशमा सरकारले बनाइदिएको वातावरण, लगानी नेपालमा समेत सोही रूपमा बनाउन जरुरी छ । स्टार्टअप संस्कृतिको विकास र स्टार्टअप सफल हुन सरकार, निजीक्षेत्र र लगानीकर्ताबीच सहकार्य हुनुपर्छ । देशलाई ‘स्टार्टअप नेशन’का रूपमा चिनाउन सक्नुपर्छ मदन लम्साल अध्यक्ष, न्यू बिजनेश एज स्टार्टअप उद्यमशीलताको लहर संसारभरि पैmलिएको छ । नेपालमा पनि यसले विस्तारै जरा गाड्दै छ । शुरुआतका केही स्टार्टअप हाल सफल व्यवसायका रूपमा स्थापित भइसकेका छन् । यस प्रक्रियामा सहयोग पुर्‍याउनु पनि यो कार्यक्रमको उद्देश्य हो । यस्ता सफल स्टार्टअपलाई पुरस्कृत गर्न पाउँदा यस्ता उद्यमीलाई मात्र होइन, अन्य युवालाई उद्यमी बन्न र त्यसमार्फत देशको अर्थतन्त्रमा पनि सघाउ पुग्छ भन्ने हाम्रो बुझाइ हो । सरकार, बैंक तथा वित्तीय क्षेत्र, अन्तरराष्ट्रिय संस्थाहरू, डोल्मा इन्प्याक्ट फन्ड, नेपाल उद्योग वाणिज्य महासंघलगायत थुपै्र संघसंस्थाले स्टार्टअपप्रवर्द्धनका लागि विभिन्न प्रयास गरिरहेका छन् । ती प्रयास धेरै हदसम्म सफल पनि भएका छन् । पुरस्कृत हुनुभएका स्टार्टअपको छनोट उपलब्ध हुन सकेका जानकारीका आधारमा स्वतन्त्र निर्णायक मण्डलले निश्चित प्यारामीटरमा रहेर गरेको हो । निर्णायक मण्डलमा स्टार्टअपमा लामो समयको अनुभव भएका विज्ञहरू हुनुहुन्थ्यो । उहाँहरूले निष्पक्ष तवरले छनोट गर्नुभएको हो । त्यो परिश्रम र साथका लागि उहाँहरूप्रति आभार प्रकट गर्छु । यस प्रक्रियामा कतिपय राम्रा कम्पनीहरू छुटेका पनि हुन सक्छन् । किनभने हामीले सार्वजनिक रूपमा तथा प्रत्यक्ष रूपमा टेलिफोन, ईमेलमार्फत सूचित गर्दा कतिपय कम्पनीबाट जानकारी पाउन कठिन भयो । पारदर्शिता र स्टार्टअपको परिभाषाको मामिलामा पनि धेरै स्टार्टअप पछाडि परेको पायौं । यसमा स्टार्टअपले आफूलाई सुधार्नुपर्ने देखिन्छ । न्यू बिजनेश एजले सन् २०१७ देखि नै स्टार्टअपहरू छनोट गरेर सम्मान गर्न थालेको हो । तर, स्टार्टअप उद्यमशीलताको बढ्दो महत्त्व र विशिष्टतालाई दृष्टिगत गर्दै सन् २०२१ देखि यसलाई भिन्नै कार्यक्रमका रूपमा शुरू गरिएको हो । स्टार्टअपमा फड्को मार्न नवप्रवर्तनमा लाग्नैपर्नेछ डा. तोया ज्ञवाली उद्योग सचिव विश्वव्यापी रूपमा नवप्रवर्तनका सूचकहरू निस्कने गरेका छन् । त्यसमा नेपाल अलि पछि छ । स्टार्टअपका लागि सबैभन्दा पहिलो शर्त नवप्रवर्तन हो भन्ने मलाई लाग्छ । स्टार्टअपमा लगानीको विषय पनि खट्किने रहेछ । त्यसपछि अलि फरक तवरका पूर्वाधार, निकाय आवश्यक पर्ने रहेछन् । पाँचओटा आईलाई राज्यले प्राथमिकतामा राखेर अघि बढ्न सके निजीक्षेत्रसँग अलि छिटो काम गर्न सकिन्छ भन्ने मलाई लागेको छ । स्टार्टअपको सन्दर्भमा धेरै प्रयास नतीजासम्म नपुग्ने गरेको पाइन्छ । यसमा ध्यान दिन जरुरी छ । म आफ्नै उदाहरण दिन चाहन्छु । बिहान मर्निङ वाक गर्ने सन्दर्भमा रक्तचाप बढे जस्तो लाग्यो । मलाई नजिकैको अस्पतालमा जान मन लाग्यो । त्यहाँको डाक्टरले ‘तपाईं अलि आत्तिनु पनि हुँदो रहेछ, औषधि खानुस्’ भन्नुभयो । उहाँले निद्रा लाग्ने औषधि दिनुभयो । त्यसपछि म अर्को हस्पिटल गए । त्यहाँ रगत परीक्षण गर्नुपर्ने र त्यसको रिपोर्ट आउन ३ घण्टा लाग्ने बताइयो । म त्यो पनि छाडेर अर्को अस्पताल गएँ । अर्को अस्पताल गएको १० मिनेटभित्र मलाई अप्रेशन थिएटरमा लैजानुभयो । जे गर्नु थियो, त्यो भयो । मैले भन्न खोजेको घरमै डाक्टरसँग कनेक्ट हुन पाएको भए मेरो समयदेखि सबै बचत हुने थियो । मलाई अर्जेन्टसमेत हुने थिएन । मानवको जीवनसँग जोडिएका महत्त्वपूर्ण सवालहरूमा स्टार्टअपले काम गर्न जरुरी छ । स्टार्टअपको सन्दर्भमा राज्यले गर्ने तीनओटा विषय मैले प्राथमिकतामा राख्ने गरेको छु । खासगरी एउटा लिगल पे्रmमवर्क हो, जसलाई हामीले ऐनबाटै नियमन गर्न जरुरी छ । केही देशले ऐनसमेत बनाइसकेका छन् । १५ ओटा देशले ऐन बनाइसकेका र केहीले प्रक्रियामा लगेका छन् । अफ्रिकी देशहरू पनि लिगल फ्रेमवर्कमा लागेका छन् । हाम्रो जस्तो देश पनि ऐन बनाउनेतर्फ लाग्नुपर्छ । स्टार्टअप कम्युनिटीलाई कसरी एकै ठाउँमा ल्याएर एउटै किसिमको समझदारी बनाएर अघि बढ्ने भन्ने चुनौती हामीमाझ छ । कम्युनिटीमा खासगरी सरकार, त्यस क्षेत्रमा काम गर्ने कम्पनी र स्टार्टअपको विकासमा लाग्नेहरू, रिसर्च गर्नेहरू एकै ठाउँमा आउन जरुरी छ । त्यस किसिमको नेटवर्क हुन सक्यो भने छलफल गर्न धेरै सहज हुन्छ । तेस्रोमा समग्रमा हाम्रो इकोसिस्टमलाई अनुकूल बनाउनुपर्छ । हाम्रो अर्थराजनीतिले यस्ता अभियान सफल बनाउँछ वा बनाउँदैन भन्ने पक्षलाई राज्यले हेर्नुपर्छ । स्टार्टअपहरूमा विश्वव्यापी रूपमै ५८ प्रतिशत इजिनीयरिङ पढेकाहरूको झुकाव रहेको मैले अध्ययन गर्दा पाएँ । त्यसैगरी बिजनेश पढेका ३० प्रतिशतभन्दा बढी रहेको देखिन्छ । मानविकी पढ्ने ४ प्रतिशत र बाँकी अन्य क्षेत्रका हुँदा रहेछन् । समग्रमा हेर्दा स्टार्टअपको भविष्य छ । यसको विकासमा सबै जुट्न जरुरी छ ।

Aarthik Abhiyan बैशाख २०८०

न्यूबिज स्टार्टअप समिट एन्ड अवार्ड्स : विजेता स्टार्टअपहरूको प्रतिक्रिया

अवार्डले वेदलाई थप उचाइमापुर्‍याउन प्रोत्साहन निर्देश द्वा प्रमुख कार्यकारी अधिकृत, इन्ग्रेल्स (वेद) हामीलाई ‘बेष्ट स्टार्टअप अफ द इयर २०२३’ बाट सम्मान गरेकोमा आयोजक संस्था न्यू बिजनेश एजप्रति धेरै आभारी छौं । अवार्डले हामीलाई मात्र नभई अन्य स्टार्टअप कम्पनीलाई समेत अघि बढ्न प्रोत्साहन मिल्नेछ । नेपालमा नयाँ स्टार्टअप कम्पनीलाई सम्मान गर्ने चलन निकै कम छ । यस्तोमा संस्थाले हामीलाई उत्कृष्ट स्टार्टअपको रूपमा सम्मान गर्दा गौरवको महसूस भएको छ । सेवालाई अझै बृहत् स्तरमा लैजानेछौं मनोहर अधिकारी फूडमान्डु न्यू बिजनेश एजले हामीलाई ‘स्टार्टअप स्केल अवार्ड’बाट सम्मान गरेको छ । यसबाट हामी निकै उत्साहित भएका छौं । यसले हामीजस्ता स्टार्टअप र आगामी दिनमा अघि बढ्न खोज्ने स्टार्टअप उद्यमीलाई निकै प्रोत्साहन गर्ने लिएको छु । आगामी दिनमा लगानी विस्तार गर्दै हाम्रो सेवालाई अझै बृहत् बनाएर लैजानेछौं । व्यावसायिक लक्ष्यमा दृढतापूर्वक लागिपर्नेछौं । स्तरवृद्धिका योजना बनाउँदै छौं डा. सुयश कार्की सहसंस्थापक तथा प्रमुख कार्यकारी अधिकृत, डक्टर्स अन कल न्यू बिजनेश एजले हामीलाई ‘बेस्ट स्टार्टअप द इयर २०२३’ बाट सम्मान गरेको छ । यसबाट हामीले गरेको नवीनतम कामको उच्च मूल्यांकन भएको महसूस गरेका छौं । सम्मानले हामीलाई आगामी दिनमा अझै बृहत् रूपमा अघि बढ्न प्रेरित गरेको छ । नेपालमा केही गरौं भनेर बसेका अन्य स्टार्टअपलाई समेत यस्तो कार्यक्रमले उत्साहित बनाउनेछ । आगामी दिनमा विभिन्न मञ्चहरूमा आइडिया पीच गर्ने सोच बनाएका छौं । सेवा र क्षमताको स्तरवृद्धिका लागि पनि विभिन्न योजना बनाउँदै छौं । उदीयमान स्टार्टअपका लागियो कार्यक्रम प्रेरणा हो कविसभक्त श्रेष्ठ सहसंस्थापक, सजिलो सेवा इमर्जिङ स्टार्टअपका लागि यो कार्यक्रम प्रेरणा हो । अहिले पनि नेपालमा स्टार्टअप उद्यमका लागि त्यति राम्रो वातावरण छैन । यस्तो खालको कार्यक्रमले स्टार्टअपको वातावरण बनाउन सघाउ पुग्छ । कम्पनीलाई सम्मानित गर्दा थप उत्साह मिल्छ । अझै राम्रो काम गर्न उत्प्रेरित गर्छ । हामी आपैm पनि स्टार्टअप उद्यममा नयाँ नै छौं । पर्याप्त गृहकार्य, अनुसन्धान गरेर मात्र स्टार्टअपमा आउनुपर्छ । आफ्नो रुचिको क्षेत्रमा धैर्यपूर्वक काम गर्न सक्नुपर्छ । समग्रमा यो कार्यक्रम राम्रो छ । कार्यक्रमलाई थप प्रतिस्पर्धी बनाउनुपर्छ वसन्त गुप्ता संस्थापक, ईडिजिटल नेपाल स्टार्टअप शुरू भएको ५ वर्षमा हामीले ८०० भन्दा बढी विद्यालयलाई डिजिटलाइज्ड गरिसकेका छौं । सन् २०१७ मा शुरू भएको स्टार्टअप हो । यस्तो अवार्डले थप राम्रो कार्यका लागि प्रेरित गरेको छ । अब आगामी ५ वर्षमा शिक्षाक्षेत्रलाई कसरी अघि बढाउने भन्ने विषयमा योजना बनाइनेछ । उक्त अवधिमा थप १० प्रतिशत विद्यालयलाई डिजिटलाइज्ड गरिनेछ । यो अवार्डले ऊर्जा दिएको छ । हामी उत्साहित छौं । कार्यक्रमलाई थप प्रतिस्पर्धी बनाउनुपर्छ भने प्यारामिटर पनि धेरै राखिनुपर्छ । स्टार्टअप शुरू गर्नु खेलाँची होइन दिव्येश्वरी दली प्रबन्ध निर्देशक, डिजिटल एज नेपाल न्यू बिजनेश ऐजले गरेको स्टार्टअप सम्मेलनले हामीजस्ता स्टार्टअप कम्पनीलाई हौसला प्रदान गरेको छ । साथै यसबाट हाम्रो प्रचारप्रसार पनि भएको छ । समाज र देशका लागि के गर्न सक्छौं भन्ने विषयमा हाम्रो जिम्मेवारी बढेको महसूससमेत गरेका छौं । अर्काेतर्फ यो क्षेत्रबाट समाजमा योगदान पुर्‍याउन उत्साह र जाँगर बढेको छ । स्टार्टअप व्यवसायमा केही गरौं भन्ने छ । अझै पनि केही गाह्रो त छ । तर, इच्छाशक्ति राखेर निरन्तर लागिपरेमा सफल हुन सकिने विश्वास छ । हाम्रो कम्पनीले ‘एन्टी मनी लाउन्डरिङ सलुसन’ बनाएको छ । यसमा सम्पत्ति शुद्धीकरणमा हुन सक्ने सम्भावनालाई ट्र्याक गरेर, शंकास्पद कारोबारलाई पहिचान गरेर प्रतिवेदन बनाइन्छ । स्टार्टअप शुरू गर्नु खेलाँची होइन । अवार्डले व्यावसायिक यात्रामा ऊर्जा थपेको छ प्रणय राजभण्डारी फोकस वन (मोको) पेमेन्ट वालेट कम्पनी न्यू बिजनेश एजले ‘बेस्ट स्टार्टअप अफ दी इयर २०२३’ बाट सम्मान गर्दा एकदमै खुशी छौं । हामीले गरेको अथक मेहनतको साँच्चै प्रतिफल मिलेको अनुभूत गरेका छौं । हामीजस्ता स्टार्टअप कम्पनीको व्यावसायिक विकास, विस्तारमा यस्तो अवार्ड कार्यक्रम एकदमै सहयोग हुन्छ । अवार्डले हाम्रो यात्रामा थप ऊर्जा प्रदान गरेको महसूस भएको छ । आगामी दिनमा अघि बढ्न यसले निश्चय नै सघाउ पुग्नेछ । स्टार्टअपलाई सम्मान गर्ने यो कार्यक्रमले आगामी दिनमा पनि निरन्तरता पाओस् । लगानी बढाएर कम्पनीलाई थप उचाइमा पुर्‍याउँछौं सूर्य कार्की सहसंस्थापक तथा सेल्स एण्ड मार्केटिङ डाइरेक्टर डेलिस डेरीज (ग्रीक योगर्ट), भरतपुर, चितवन नेपालको सन्दर्भमा न्यू बिजनेश एजले गरेको स्टार्टअप समिट नयाँ थियो । ‘इमर्जिङ स्टार्टअप अफ द इयर’बाट डेलिस डेरी (ग्रीक योगर्ट) सम्मानित भएकोमा आयोजक न्यू बिजनेश एजप्रति धेरै आभारी छौं । समग्रमा यसले हामी जस्ता स्टार्टअप कम्पनीलाई अघि बढ्न निकै मद्दत पुर्‍याउनेछ । आगामी अवार्ड कार्यक्रम गर्दा निर्णायक मण्डलले कार्यक्रममै सम्बन्धित कम्पनीको मूल्यांकन गर्ने व्यवस्था भएमा थप प्रभावकारी हुनेछ । नेपालमा स्टार्टअपको क्षेत्रमा कमै आयोजकले समयमै यसरी कार्यक्रम गर्न सक्छन् । राम्रा स्टार्टअप छनोटर गरेर अवार्ड कार्यक्रम गर्नु साधारण काम होइन । स्टार्टअप छनोटका आधार र विजेताहरू उत्कृष्ट स्टार्टअप छनोटका लागि तीन जनाको नेतृत्वमा स्वतन्त्र निर्णायक मण्डल बनाइएको थियो । निर्णायक मण्डलमा टेन्जेन वेभ्सका संस्थापक सुमन शाक्य, ब्लिट्ज मिडियाका सहसंस्थापक एवं प्रबन्ध निर्देशक जुना माथेमा र टीम भेञ्चर्स प्रालिका संस्थापक तथा प्रमुख कार्यकारी अधिकृत तेन्जिन सोनाम गोन्सर थिए । उक्त निर्णायक मण्डलले मिसन, भिजन, भ्यालू प्रपोजिशन, बजार पहिचान, टीम कम्पोजिशन, क्यालिबर, इन्नोभेशन/यूएसपी, ट्र्याक्सन टु डेट, स्केलएबिलिटी, प्रतिस्पर्धी रणनीति, सूचनाप्रविधिको प्रयोग, क्रियशनलगायतको मूल्यांकनको आधारमा स्टार्टअप छनोट गरेको हो । न्यूबिज स्टार्टअप समिट एन्ड अवार्ड्सका जुरी मेम्बर टेन्जेन वेभ्सका संस्थापक शाक्यका अनुसार कम्पनीहरूमा समस्या छ कि छैन, समस्याको समाधान कसरी गरिएको छ, कम्पनी कति स्थिर छ भन्ने पक्षलाई विशेष रूपमा हेरिएको बताए । कम्पनीलाई कसरी अघि बढाइएको छ भन्ने पक्षसहित सुशासन, पारदर्शिता र वृद्धिदरलाई समेत आधार बनाइएको थियो । साथै हाल सरकारले गरेको स्टार्टअपसम्बन्धी परिभाषा, क्षेत्र, दायरामा रहेर मूल्यांकन गरिएको थियो । प्रमुख चार आधार कम्पनीको मिशन, भिजन, भ्यालू प्रपोजिशन र बजार पहिचान । टीम कम्पोजिशन, क्यालिबर, इन्नोभेशन/यूएसपी, ट्र्याक्सन टु डेट, स्केलएबिलिटी र प्रतिस्पर्धी रणनीति । सूचनाप्रविधिको प्रयोग तथा क्रियशन स्टार्टअपसम्बन्धी परिभाषा, क्षेत्र, दायरामा परे/नपरेको । ‘बेस्ट स्टार्टअप अफ द इयर २०२३’ डक्टर्स अन कल, अनामनगर, काठमाडौं इडिजिटल नेपाल, तीनकुने, काठमाडौं फोकस वन (मोको) कमलादी काठमाडौं सजिलो सेवा, झम्सिखेल, ललितपुर इन्ग्रेल्स (वेद) धोबीघाट, ललितपुर ‘इमर्जिङ स्टार्टअप अफ द इयर २०२३’ डेलिस डेरीज (ग्रीक योगर्ट) भरतपुर, चितवन ‘इन्स्पायरिङ वुमन लिड अफ द इयर २०२३’ डिजिटल एज नेपाल, ताहाचल, काठमाडौं ‘स्टार्टअप स्केल अप अवार्ड’ फूडमान्डू, नक्साल, काठमाडौं कार्यक्रमका सहयोगी संस्थाहरू अवार्ड्स कार्यक्रमलाई सस्तोडिल डटकम, लक्ष्मी बैंक, शिखर इन्स्योरेन्स, सिटिजन लाइफ इन्स्योरेन्स, नेशनल लाइफ इन्स्योरेन्स, रिगो, नेक्सन ईभी म्याक्स, अल्फा प्लस भेन्चर्स र सिटी एक्सप्रेसले सघाएका थिए । त्यस्तै नेपाल राष्ट्र बैंक, नेपाल उद्योग वाणिज्य महासंघ, नेपाल बीमा प्राधिकरण, नेपाली पात्रो र डिसहोम फाइबर नेटले पनि कार्यक्रमलाई सहयोग गरेका थिए ।

Aarthik Abhiyan बैशाख २०८०

सरकारले गरेको परिभाषालाईसमेत हेरेर स्टार्टअप अवार्ड्स छनोट गरिएको हो : शाक्य

काठमाडौं । न्यूबिज स्टार्टअप समिट एन्ड अवार्ड्सका जुरी मेम्बर सुमन शाक्यले सरकारले गरेको परिभाषालाई हेरेर अवार्ड विजेता छनोट गरिएको बताएका छन् । सबैभन्दा बढी जोड समस्या छ कि छैन, समस्याको समाधान कसरी गरिएको छ ? कम्पनी कति स्थिर छ ? त्यसलाई हेरिएको उनले बताए । कम्पनीलाई कसरी अघि बढाइएको छ ? त्यसलाई मापन गरेर अवार्ड छनोट गरिएको उनले प्रस्ट पारे । कम्पनीको सुशासन, परदर्शीता र वृद्धिदरतालाई समेत हेरिएको उनले बताए ।

Aarthik Abhiyan बैशाख २०८०

न्यू बिज स्टार्टअप समिट एण्ड अवार्ड्स कार्यक्रम शुरु

काठमाडौं । न्यू बिजनेश एजले आयोजना गरेको न्यूबिज स्टार्टअप समिट एन्ड अवार्ड्स कार्यक्रम शुरु भएको छ । कार्यक्रमलाई न्यू बिजनेश एजका अध्यक्ष मदन लम्साल र डोल्मा इम्प्याक्ट फण्डका टिम गोचर ओबीईले उद्घाटन गरेका छन् । कार्यक्रमको उद्घाटन गर्दै अध्यक्ष लम्सालले नेपालमा पनि स्टार्टअपले जरा गाड्दै गइरहेको बताए । केही स्टार्टअपहरू सर्वसाधारणमा शेयर जारी गर्ने हैसियतमा पुग्दै छन् । यसले देशको अर्थतन्त्रमा ठूलो योगदान दिएको छ । उनले भने । दैनिक ३३ सय युवा विदेशी रहेको अवस्थामा तिनलाई रोक्नको लागि पनि यो अवार्ड कार्यक्रम आयोजना गरिएको लम्सालले बताए । डोल्म इम्प्याक्ट फण्ड लगायतका संस्थाले पनि स्टार्टअपलाई सहयोग गरिरहेको भन्दै स्वतन्त्र निर्णायक मण्डलबाट छानिएर पुरस्कृत गरिएको जानकारी दिए । कतिपय राम्रा स्टार्टअपहरू हाम्रो सम्पर्कमै आउन सकेनन् । आएका मध्येबाट उत्कृष्ट स्टार्टअपहरूलाई सम्मान गरिदै छ । उनले भने । २०१७ देखि हामिले यसरी स्टार्टअपलाई सम्मान गरिरहेका छौ । यो कार्यक्रमभन्दा अघि हामिले स्टार्टअपका लागि तालिम पनि दिएका थियौ । सबैको उत्साहजनक सहभागित रहेको थियो । राजधानीमा एक विशेष समारोहकाबीच भइरहेको कार्यक्रमलाई सांसद् तथा अर्थविद् डा. स्वर्णिम वाग्लेले सम्बोधन गर्ने कार्यक्रम छ भने ‘टुवार्डस स्टार्ट अप नेशन’ विषयमा छलफल भइरहेको छ । कार्यक्रममा सातै प्रदेशबाट आवेदन माग गरिएको थियो । देशभरका २ हजारभन्दा बढी स्टार्टअप उद्यमीले अवार्ड्स कार्यक्रममा सहभागिताका लागि आवेदन दिएका थिए । यस वर्षको अवार्ड्स तथा सम्मानको थिम ‘टुवार्डस स्टार्ट अप नेशन’ रहेको छ । यसवर्ष आठ स्टार्ट अप कम्पनीलाई अवार्ड प्रदान गरिँदै छ । अवाड्र्स कार्यक्रमलाई सस्तोडिल डट कम, लक्ष्मी बैंक, शिखर इन्स्योरेन्स, रिगो, नेक्सन ईभी, म्याक्स र सिटी एक्सप्रेसले सघाएका छन् । त्यस्तै नेपाल राष्ट्र बैंक, नेपाल उद्योग वाणिज्य महासंघ, नेपाल बीमा प्राधिकरण, सिटिजन लाइफ इन्स्योरेन्स, नेशनल लाइफ इन्स्योरेन्स, नेपाली पात्रो र डिसहोम फाइबर नेटले पनि अवार्ड्स तथा सम्मान कार्यक्रमलाई सहयोग गरेका छन् । न्यू बिजनेश एजले विगतमा पनि विभिन्न अवार्ड कार्यक्रम गर्दै आएको छ । कम्पनीले सन २०१३ देखि उत्कृष्ट व्यवस्थापन कलेज तथा कम्पनी छनोट गरी पुरस्कृत गर्दै आएको छ । सन २०१९ देखि कम्पनीले महिला उद्यमीलाई सम्मान गर्दै आएको छ । कम्पनीले पछिल्लोपटक गत मङ्सिरमा न्यू बिज बिजनेश कनक्लेभ एन्ड अवार्ड्स कार्यक्रम आयोजना गरेको थियो ।

Aarthik Abhiyan बैशाख २०८०

न्यूबिज स्टार्टअप समिट एण्ड अवार्ड्स : प्यानल डिस्कसन शुरु

काठमाडौं । न्यूबिज स्टार्टअप समिट एण्ड अवार्ड्स कार्यक्रमअन्तर्गत प्यानल डिस्कसन शुरु भएको छ । ‘टुवार्ड्स स्टार्टअप नेशन’ थिममा भइरहेको प्यानल डिस्कसनमा उद्योग विभागका महानिर्देशक बाबुराम गौतम, आर एण्ड डी इन्नोभेटिभ सोलुसन प्रालिकी फाउन्डर सुनिता न्हेमाफुकी, उपायका को–फाउन्डर राहुल मल्ल ठकुरी वक्ताका रूपमा छन् । यसको सहजीकरण भिकासा टेकका को–फाउन्डर एवं हेड अफ अपरेशन अस्मोद कार्कीले गरिरहेका छन् । न्यू बिजनेश एजको आयोजना गरेको उक्त कार्यक्रमको उद्घाटन कम्पनीका अध्यक्ष मदन लम्साल र डोल्मा फण्ड म्यानेजमेन्टका फाउन्डर र सीईओ टिम गोचर ओबीईले गरेका थिए । कार्यक्रमअन्तर्गत चार विधामा ८ स्टार्टअप कम्पनीलाई अवार्ड पनि दिइँदैछ, जसअन्तर्गत पाँच कम्पनीले ‘बेस्ट स्टार्टअप्स अफ दि इयर–२०२३’ अवार्ड पाउनेछन् । यस्तै, एक–एक कम्पनीलाई ‘इन्सपाइरिङ वुमेन–लिड स्टार्टअप अफ दि इयर’, ‘इमर्जिङ स्टार्टअप अफ दि इयर’ र ‘स्टार्टअप स्केल अप अवार्ड’ दिइन लागिएको आयोजक न्यू बिजनेश एजले जानकारी दिएको छ । उक्त अवार्ड्स कार्यक्रममा सहभागिताका लागि सातै प्रदेशबाट आवेदन माग गरिएको थियो, जसमा देशभरका २ हजारभन्दा बढी स्टार्टअप उद्यमीले आवेदन दिएको आयोजक न्यू बिजनेश एजले जानकारी दिएको छ । अवार्ड्स कार्यक्रमलाई सस्तोडिल डट कम, लक्ष्मी बैंक, शिखर इन्स्योरेन्स, सिटिजन लाइफ इन्स्योरेन्स, नेशनल लाइफ इन्स्योरेन्स, रिगो, नेक्सन ईभी म्याक्स र सिटी एक्सप्रेसले सघाएका छन् । त्यस्तै नेपाल राष्ट्र बैंक, नेपाल उद्योग वाणिज्य महासंघ, नेपाल बीमा प्राधिकरण, नेपाली पात्रो र डिसहोम फाइबर नेटले पनि कार्यक्रमलाई सहयोग गरेका छन् । न्यू बिजनेश एजले विगतमा पनि विभिन्न अवार्ड कार्यक्रम गर्दै आएको छ । कम्पनीले सन् २०१३ देखि उत्कृष्ट व्यवस्थापन कलेज तथा कम्पनी छनोट गरी पुरस्कृत गर्दै आएको छ । सन् २०१९ देखि कम्पनीले महिला उद्यमीलाई सम्मान गर्दै आएको छ । कम्पनीले पछिल्लोपटक गत मङ्सिरमा न्यूबिज बिजनेश कनक्लेभ एन्ड अवार्ड्स कार्यक्रम आयोजना गरेको थियो । कार्यक्रमको वत्ताहरूमा राष्ट्रिय स्वतन्त्र पार्टी (रास्वपा)का सांसद डा. स्वर्णिम वाग्ले, नेपाल धितोपत्र बोर्ड (सेबोन)का अध्यक्ष रमेश हमाल र डोल्मा फण्ड म्यानेजमेन्टका फाउन्डर र सीईओ टिम गोचर ओबीई छन् ।

Aarthik Abhiyan बैशाख २०८०

स्टार्टअपहरूले देशको अर्थतन्त्रमा ठूलो योगदान पुर्‍याएका छन् : लम्साल

काठमाडौं । न्यू बिजनेश एजका अध्यक्ष मदन लम्सालले स्टार्टअपहरूले देशको अर्थतन्त्रमा ठूलो योगदान पुर्‍याएको बताएका छन् । न्यूबिज स्टार्टअप समिट एण्ड अवार्ड्स २०२३ को कार्यक्रमको उद्घाटन गर्दै अध्यक्ष लम्सालले नेपालमा पनि स्टार्टअपले जरा गाड्दै गइरहेको बताए । 'केही स्टार्टअपहरू सर्वसाधारणमा शेयर जारी गर्ने हैसियतमा पुग्दै छन् । यसले देशको अर्थतन्त्रमा ठूलो योगदान दिएको छ ।' उनले भने । दैनिक ३३ सय युवा विदेशी रहेको अवस्थामा तिनलाई रोक्नको लागि पनि यो अवार्ड कार्यक्रम आयोजना गरिएको लम्सालले बताए । डोल्म इम्प्याक्ट फण्ड लगायतका संस्थाले पनि स्टार्टअपलाई सहयोग गरिरहेको भन्दै स्वतन्त्र निर्णायक मण्डलबाट छानिएर पुरस्कृत गरिएको जानकारी दिए । 'कतिपय राम्रा स्टार्टअपहरू हाम्रो सम्पर्कमै आउन सकेनन् । आएका मध्येबाट उत्कृष्ट स्टार्टअपहरूलाई सम्मान गरिँदै छ ।' उनले भने । २०१७ देखि हामिले यसरी स्टार्टअपलाई सम्मान गरिरहेका छौ । यो कार्यक्रमभन्दा अघि हामिले स्टार्टअपका लागि तालिम पनि दिएका थियौ । सबैको उत्साहजनक सहभागित रहेको थियो । राजधानीमा एक विशेष समारोहकाबीच भइरहेको कार्यक्रमलाई सांसद् तथा अर्थविद् डा. स्वर्णिम वाग्लेले सम्बोधन गर्ने कार्यक्रम छ भने ‘टुवार्डस स्टार्ट अप नेशन’ विषयमा छलफल भइरहेको छ । कार्यक्रममा सातै प्रदेशबाट आवेदन माग गरिएको थियो । देशभरका २ हजारभन्दा बढी स्टार्टअप उद्यमीले अवार्ड्स कार्यक्रममा सहभागिताका लागि आवेदन दिएका थिए । यस वर्षको अवार्ड्स तथा सम्मानको थिम ‘टुवार्डस स्टार्ट अप नेशन’ रहेको छ । यसवर्ष आठ स्टार्ट अप कम्पनीलाई अवार्ड प्रदान गरिँदै छ । अवाड्र्स कार्यक्रमलाई सस्तोडिल डट कम, लक्ष्मी बैंक, शिखर इन्स्योरेन्स, रिगो, नेक्सन ईभी, म्याक्स र सिटी एक्सप्रेसले सघाएका छन् । त्यस्तै नेपाल राष्ट्र बैंक, नेपाल उद्योग वाणिज्य महासंघ, नेपाल बीमा प्राधिकरण, सिटिजन लाइफ इन्स्योरेन्स, नेशनल लाइफ इन्स्योरेन्स, नेपाली पात्रो र डिसहोम फाइबर नेटले पनि अवार्ड्स तथा सम्मान कार्यक्रमलाई सहयोग गरेका छन् । न्यू बिजनेश एजले विगतमा पनि विभिन्न अवार्ड कार्यक्रम गर्दै आएको छ । कम्पनीले सन २०१३ देखि उत्कृष्ट व्यवस्थापन कलेज तथा कम्पनी छनोट गरी पुरस्कृत गर्दै आएको छ । सन २०१९ देखि कम्पनीले महिला उद्यमीलाई सम्मान गर्दै आएको छ । कम्पनीले पछिल्लोपटक गत मङ्सिरमा न्यू बिज बिजनेश कनक्लेभ एन्ड अवार्ड्स कार्यक्रम आयोजना गरेको थियो ।

Aarthik Abhiyan बैशाख २०८०

न्यूबिज स्टार्टअप समिट एण्ड अवार्ड्स आज, चार विधामा आठ स्टार्टअप कम्पनीलाई अवार्ड

Aarthik Abhiyan बैशाख २०८०

स्टार्टअप समिट अवार्ड्स विशेष-२

प्रशिक्षण कार्यक्रम स्टार्टअपहरूका लागि लाभदायी अमित अग्रवाल संस्थापक तथा निर्देशक, खल्ती डिजिटल वालेट समग्रमा यो कार्यक्रमबाट हामी स्टार्टअपहरूका लागि निकै लाभ भयो । आशुतोष तिवारी, रञ्जित आचार्य, महावीर पुन जस्ता हस्तीहरूबाट धेरै कुरा सिक्न पाइयो । तर विज्ञहरूको कुरा सुनेर मात्र सफल भइने होइन । आफैले काम गर्न थालेपछि मात्र सिकाइ पक्का हुन्छ । स्टार्टअप व्यवसाय भनेको चेस खेले जस्तै हो । अर्काले चालेको चाल नै दोहोर्‍याएर चेस जितिँदैन । आफ्नै भिन्ने चाल चाल्नुपर्छ । यस क्रममा असफल पनि भइन्छ, चुनाैती सामना गर्ने हिम्मत बढछ् र सिकिन्छ पनि । सफलताको एउटै मन्त्र छैन । आफै मेहनेत गर्न पर्छ । अहिले सबैजसो स्टार्टअपलाई सही र प्रतिबद्ध सहकर्मी पाउन सबैभन्दा ठूलो चुनौती रहेको छ । यस्ता कार्यक्रमले निरन्तरता पाउनुपर्छ रञ्जित आचार्य अध्यक्ष, स्टार्टअप तथा इन्नेभेशन समिति, नेपाल उद्योग वाणिज्य महासंघ यो तालीम कार्यक्रम सफल रह्यो । हाइब्रिड विधिले सञ्चालन भएको यो कार्यक्रममा भौतिक रूपमा तथा इन्टरनेटको माध्यमबाट धेरैले सहभागी हुन पाउनुभयो । कतिपय स्टार्टअप उद्यमीहरूले विज्ञहरूसँग सोझै सम्पर्क गर्न पाउनुभयो । उहाँहरूलाई आफ्ना प्रश्न र संशयहरूको निवारण गर्ने अवसर मिल्यो । स्टार्टअप करको दायरा बढाउने एजेन्ट हो सुमन रायमाझी प्रबन्ध निर्देशक, उपाय सिटी कार्गाे बेस्ट स्टार्टअप २०२१ यो कार्यक्रम हाम्रा लागि फलदायी सम्मानित हुने सोचेका पनि थिएनौं । यसले मलाई मात्रै नभई हाम्रो टिमलाई नै अर्काे तहमा पु¥याएको छ । साँच्चिकै नेपाली युनिकर्न बन्न प्रेरित गरेको छ । १ बिलियन डलर नभए पनि युनिकर्न बन्ने रणनीति र योजना बनाउन हामीलाई यो कार्यक्रमले प्रेरित गरेको छ, जुन पहिलो खुड्किलो हो । हाम्रो स्टार्टअप शुरू भएको २ वर्ष भइसकेको छ । यसबीचमा आम्दानी र फण्ड जोड्न सकिएको छ । अझ बढी गर्नु छ । स्टार्टअप बिजनेशमा केही अस्पष्ट नीति छन् । नेपाल उद्योग वाणिज्य महासंघ, नेपाल उद्योग परिसंघमा पनि स्टार्टअपका विषयमा कुरा भइरहेका छन् । हाम्रो चाहना के भने पछिल्लो समय टुटलमाथि करको विषयलाई लिएर जे भए, त्यो नहोस् भन्ने हो । धेरै मेहनत गरेर यो स्थानसम्म आइसकेका छौं । सरकारले अहिले पनि अनौपचारिक क्षेत्रलाई जसरी औपचारिक बनाउँदा पुरानै कर प्रणाली लागू गर्न खोजेको छ, त्यसले उल्लेख्य घाटा बेहोर्नुपर्छ । यसका लागि सरकारले २/३ वर्षको अवधिलाई संक्रमणकालीन समय मानेर सोही किसिमले व्यवहार देखाउने र करमा पनि हेरफेरको नीति लिनुपर्छ । अनौपचारिक मानिएको यो व्यवसायलाई औपचारिक क्षेत्रमा ल्याउँदा करका दरमा हेरफेर गर्नैपर्छ । स्टार्टअप भनेको सरकारको करको दायरा बढाउने एजेन्ट हो । यो व्यवसाय र बिजनेश बढ्दो अवस्थामा हुन्छ । सम्मानले उत्साहित भएका छौं रविन बञ्जरा प्रोजेक्ट म्यानेजर, एडमाना टेक्नोलोजी प्रालि, उत्कृष्ट पाँचमा परेको कम्पनी एडमाना इनहाउस सफ्टवेयर कम्पनी हो । न्यू बिजनेश एजले १ हजार ५०० स्टार्टअपलाई सर्टलिस्ट गर्दा टप ५ मा पर्नु हाम्रा लागि ठूलो उपलब्धि भएको ठान्छु । हामी अहिले बढ्दो क्रममा छौं । बिजनेश र इनोभेसनमा थप काम गर्नु छ । यसले अबको पुस्ता तथा स्टार्टअपमा आउने उद्यमीलाई प्लार्टफमका साथै सिकाइ मिलेको छ । बैंक तथा सरकारी तवरबाट पनि साना उद्यमी तथा स्टार्टअप लक्षित सहुलियत आउने र एसएमईज्लाई राम्रो प्लाटफर्म बनाइदिने हो भने धेरै परिर्वतन देखिन सक्छ । सरकार भाषणमा मात्रै नभएर कार्यान्वयनमा गए मात्र एउटा स्र्टाटअप स्टार्टअपकै रूपमा मात्रै नभई कर्पाेरेट लेभलमा पुग्न सक्छ । अर्काेतर्फ हामीले आइडिया पिच गर्दा लगानीकर्ताले नबुझ्ने प्रचलन छ । यसले गर्दा पनि थप आइडिया बुष्ट हुने मौका पाउँदैनन् । आइडियाले सम्मान पाउँछ भन्ने उदाहरण हो स्वाभिमान आचार्य को–फाउन्डर, लिफ प्लस प्रालि, दोस्रो सर्वोत्कृष्ट स्टार्टअप २०२१ पक्कै पनि यस्ता कार्यक्रमले स्टार्टअपलाई उत्साह र प्रेरणा मिल्न सक्छ । आफूले गरेका एवं आफ्नो आइडिया सम्मानित र मान्यता पाउँदा निकै उत्साहित छौं । स्टार्टअप बिजनेशमा लागेकालाई यस्ता कार्यक्रमले आफूले गरेका कामको मूल्यांकन बजारले गरिरहेको छ र सम्मान पनि पाउँछ भन्ने उदाहरण स्थापित गरेको छ । स्टार्टअपमा लागेकालाई यो कार्यक्रमले प्रेरणा दिएको छ । स्टार्टअपले धेरै बाधा–अड्चन सामना गर्नुपर्छ नै । कतिपय सरकारी नीतिका कारण हुन सक्छ । व्यवसाय दर्तादेखि नै समस्या सामना गर्नुपर्छ । तर, त्यसलाई छिचोलेर अघि बढ्नुपर्छ । बिजनेस सुरु गर्दा प्रक्रियागत विषय त्यति धेरै थाहा हुँदैन । नीतिगत तथा नियामक निकायमा धेरै समस्या देखाइन्छ । यो हामीले मात्रै नभई नेपालभरको स्टार्टअप इकोसिस्टमले नै सामना गरिरहेको छ । यसको सुधारका लागि सरोकारवालाले विषय उठान गरिरहेकाले छिटै समाधान हुने अपेक्षा छ ।

Aarthik Abhiyan कार्तिक २०७८

स्टार्टअप समिट अवार्ड्स विशेष

क्षेत्रीय कार्यक्रम भएको भए थप रोचक हुन्थ्यो पवित्र गौतम सीईओ एवम् सह–संस्थापक, कारखाना प्रालि हामीहरूले स्र्टाटअपका लागि वातावरण बनाउनेबारे कुराकानी गरिरहेको समय भएकोले कार्यक्रम अलि रोचक नै थियो । यस्ता खालका कार्यक्रमले आफ्नै व्यवसाय शुरू गर्नेबारे विचार गरिरहेका मानिसलाई प्रेरणा दिन्छ । भर्खरै व्यवसाय शुरु गरेकाहरूलाई पनि प्रोत्साहन मिल्नेछ । यस्ता कार्यक्रमले बेञ्चमार्क सृजना गर्नेछ । त्यसैले यो राम्रो थियो । यस्ता खालका अवार्डले हामीहरूलाई प्रेरित गर्नुका साथै कठोर मेहनत गर्न जागरुक बनाउँछ । यस्ता कार्यक्रम स्थानीयस्तरमा भयो भने झनै राम्रो हुन्छ भन्ने मेरो दृढ विश्वास छ । अधिकांश कार्यक्रम अनि हरेक कुरा काठमाडौंमा आधारित हुन्छ । मलाई लाग्छ, क्षेत्रीय कार्यक्रमहरु गरिँदा साँच्चै रुचिकर हुन सक्छ । स्टार्टअपका लागि उत्साहजनक र प्रेरणादायी पुष्पराज तिवारी प्रबन्ध निर्देशक, नेपाल एग्रो इनपुट्स मार्केटिङ एण्ड आन्ट्रप्रेनरशिप सर्भिस प्रालि (नेम्स) म दुईओटा कार्यक्रममा आफ्नै कामले गर्दा सहभागी हुन सकिनँ । तर आयोजकहरूले मसँग सम्पर्क राखे र फलोअप गरिरहे । आयोजकको यो व्यवहार मलाई निकै मन प¥यो । आजको कार्यक्रम मेरो जस्तो स्टार्टअप अनि अन्यका लागि समेत निकै उत्साहजनक र प्रेरणादायी थियो । मलाई लाग्छ, न्यूबिजले भर्खरै स्थापित भएका व्यवसायसम्बन्धी तथ्यांक उद्योग विभाग र साना तथा घरेलु उद्योगबाट लिन सक्ने हो भने हिजोआज मानिसले खोजिरहेका टन्नै डेटाहरू पाइन्छ । फलोअपपछि यस्ता कार्यक्रममा थप स्टार्टअपको सहभागिता हुनेछ र उनीहरूले प्रेरणा पाउनेछन् । अवार्डले प्रोत्साहित गर्‍योे गीता लामिछाने अध्यक्ष, आमा एग्रो प्रडक्ट प्रालि समग्रमा कार्यक्रम निकै राम्रो रह्यो । हामी जस्ता स्टार्टअपहरूले वक्ताहरूको अनुभवबाट धेरै कुरा सिक्ने अवसर पायौं र यसले निकै उत्साह पनि थपेको छ । हामीहरू संघर्षकै चरणमा छौं । यो अवार्डले हामीलाई प्रोत्साहन तथा उत्प्रेरणा पनि थपेको छ । कुनै समय हामीले गरेको संघर्ष पहिचान हुनेछ भन्ने मलाई महसूस भइरहेको छ । यो कार्यक्रमबाट सिकेका कुराहरूले पक्कै पनि हामीलाई टेवा दिनेछ । भविष्यमा पनि उत्साह थप्नेछ । यस्ता कार्यक्रम हामी जस्ता स्टार्टअपका लागि निकै महŒवपूर्ण छन् । किनकि कहिलेकाँही समाज, परिवार र साथीभाइमै नेपालमा केही गर्न सकिँदैन भन्ने धारणा सुन्दा हामी काम गर्न हतोत्साहित समेत हुने गरेका छौं । तर यस्ता कार्यक्रमले त्यस्ता खालका धारणा परिवर्तन गर्न मद्दत गर्नुका साथै हामीलाई पनि उत्प्रेरित गरेको छ । मैले अपेक्षा गरे भन्दा बाहिरको थियो विनीता पोखरेल सीईओ, प्योर जोय प्रालि, महिला स्टार्टअप सम्मान कार्यक्रम वास्तवमा मैले अपेक्षा गरेभन्दा बाहिरको थियो । कार्यक्रम यति ठूलो होला भनेर मैले आशा नै गरेको थिइनँ । म विविध कार्यक्रममा मनोनीत भएको छु । अनि यिनीहरूमा सहभागी पनि भएको छु । तर आजको अवार्ड कार्यक्रमबाटै निकै घनीभूत भए । कार्यक्रमका प्रशिक्षकहरूको अनुभव प्रेरणादायी छ रमेश शर्मा प्रबन्ध निर्देशक, शर्मा एण्ड कम्पनी स्टार्टअप बिजनेश सम्बन्धी यस्तो अन्तरक्रियात्मक प्रशिक्षण कार्यक्रम हुन सकिरहेको थिएन, जुन न्यू बिजनेश एजले आयोजना ग¥यो । यसबाट धेरै सिक्ने अवसर पाएको छु । खासगरी राष्ट्रिय आविष्कार केन्द्रका अध्यक्ष डा. महावीर पुन, खल्ती डिजिटल वालेटका सहसंस्थापक एवं निर्देशक अमित अग्रवालको प्रस्तुति साँच्चै प्रेरणादायी थियो । उहाँहरूबाट धेरै कुरा सिक्न सकिन्छ । स्टार्टअप बिजनेशबाट शुरूमै पैसा कमाउने उद्देश्य राखियो भने सफल नहुने रहेछ ।

Aarthik Abhiyan कार्तिक २०७८

स्टार्टअप समिट अवार्ड्स विशेष-१

स्टार्टअप अहिलेको आवश्यकता हो गोविन्दप्रसाद ढकाल प्रमुख कार्यकारी अधिकृत, गरिमा विकास बैंक यो कार्यक्रमलाई अझै केही वर्ष निरन्तता दिनुपर्छ । स्टार्टअप अहिले नेपालको आवश्यकता हो । पत्रकारिता क्षेत्रबाट यस किसिमको कार्यक्रम हुनु आफैंमा ठूलो उपलब्धि भएको ठान्छु । यसलाई अब सरकार तथा सरोकारवाला निकायले बुझ्न जरुरी छ । यसरी अघि बढ्दा केही परिवर्तन हुन सक्छ भन्नेमा हामी आशावादी छौं । अहिले एउटा समस्या कहाँनिर छ भने स्टार्टअप तथा नवउद्यमी निकै उत्साहका साथ आउनुहुन्छ । तर, उहाँहरू थोरै असफल हुँदा पनि निरुत्साहित बनेर फर्किने प्रवृत्ति छ, यसलाई अन्त्य गर्नुपर्छ । सबै बिजनेश सफल हुँदैनन् । स्टार्टअप भनेको नयाँ भिजन र आइडिया लिएर आउने कुरा हो । नयाँ कुरा आउँदा सबै सफल हुन्छन् भन्ने हुँदैन । यति भन्दैमा असफल भइयो भनेर पछि हट्नुहुँदैन । यसमा बैंक सहयोग गर्न तयार छ । अहिले एउटा बिजनेस ल्याउने तर त्यसलाई दीर्घकालीन नबनाउँदै अर्काे बिजनेशमा हाम फाल्दा पनि समस्या देखिएको छ । बैंक तथा वित्तीय संस्थाका पनि समस्या होलान् । कतिपय कुरा नियामक निकायको निर्देशनमा बसेर काम गर्दा सहयोग नभएको पनि हुन सक्छ । बैंक तथा वित्तीय संस्थाले अप्ठेरो पार्ने नियत राख्दैनन् । स्टार्टअप एक लेभल ‘ग्रो’ भएपछि बैंक आउने हो मनोज ज्ञवाली नायब महाप्रबन्धक, नबिल बैंक स्टार्टअप के हो भन्ने विषयमा धेरै मानिस स्पष्ट नभएको अवस्थामा यो कार्यक्रमले यसबारे सचेतना जगाइदिएको छ । यो कार्यक्रमले मानिसलाई स्टार्टअपका विषयमा झक्झकाउने काम गरेको छ । स्टार्टअपमा जोखिम जहिले पनि हुन्छ भने इनोभेसन जोखिम हो । यसमा बैंक तथा वित्तीय संस्थाभन्दा पनि नीतिगत रूपमा सरकारले सघाउनुपर्छ । अर्काेपल्ट कार्यक्रम गर्दा असफल भएका स्टार्टअप तथा तिनका कथाहरू पनि समावेश गरिनुपर्छ । असफल भएकालाई पनि ल्याउँदा त्यसमा सरकार, बैंक तथा वित्तीय क्षेत्र कसले सहयोग गर्न सक्छन् भन्ने विषयमा जानकारी हुन्छ । स्टार्टअपलाई बैंक तथा वित्तीय क्षेत्रले कर्जा प्रवाह गरेका छैनन् । किनभने, स्टार्टअपमा जोखिम छ, बैंकमा बसेर बिजनेस रिक्स लिन सकिँदैन । अन्तर्राष्ट्रिय अभ्यासमा पनि एन्जल इन्भेस्टर, रियल इन्भेस्टर, प्राइभेट इक्विटी इन्भेस्टरहरू स्टार्टअपमा सामेल भएका हुन्छन् । जोखिम भएका क्षेत्रमा लगानीकर्ताले लगानी गर्ने हो, फाइनान्सियल क्षेत्रले होइन । बैंकिङले सहयोग गरेर स्टार्टअप सफल भएको छैन । फाइनान्स क्षेत्रले एक लेभल माथि आएपछि मात्रै कर्जा दिने हो । सुरुमा एञ्जल, भेञ्चर क्यापिटल आउनुपर्छ । दोस्रो चरणमा मात्रै बैंकले सहयोग गर्ने हो । कार्यक्रमले स्टार्टअप व्यवसायमा लाग्न प्रोत्साहन ईश्वर गुरुङ प्रमुख, एसएमई डिपार्टमेन्ट, कुमारी बैंक लिमिटेड ‘न्यूबिज स्टार्टअप समिट एण्ड अवार्डस’ कार्यक्रमको प्रमुख प्रायोजक बन्न पाउँदा हामीलाई धेरै खुशी लागेको छ । अहिले स्टार्टअप बिजनेशलाई प्रोत्साहन गर्नेगरी राज्यले नीति लिइरहेको छ । बैंकहरूले समेत सोही अनुसार कर्जा प्रवाह गर्नुपर्ने अवस्था छ । तर स्टार्टअपबारे धेरैले बुझिरहनुभएको छैन । त्यसबारे बुझाउन पनि यस्तो खालको कार्यक्रम महŒवपूर्ण भएकाले कुमारी बैंकले यो कार्यक्रमलाई मुख्य प्रायोजन गरेको हो । गत शुक्रवार सम्पन्न अन्तरक्रियात्मक प्रशिक्षण कार्यक्रम निकै प्रभावकारी थियो । यसले नवउद्यमीहरूलाई स्टार्टअप व्यवसायमा लाग्न ठूलो प्रोत्साहन मिल्नेछ । स्टार्टअप बिजनेश गर्दा पैसा वा आइडिया मात्रै भएर नहुने प्रशिक्षकहरूको प्रस्तुतिबाट देखियो । खासगरी पूँजीको कसरी जोहो गर्ने र आइडियालाई कसरी प्रयोग गर्ने भन्नेबारे प्रशिक्षकहरूले खुलस्त पार्नुभएको छ । त्यसकारण पनि यो कार्यक्रम आफ्नो उद्देश्य पूर्तिमा सफल भएको छ । निर्यातमूलक स्टार्टअपलाई सरकारले प्राथमिकता दिनुपर्छ अशोकमान कपाली, हिमालयन लस इन्डष्ट्रिज, झापा इमर्जिङ स्टार्टअप कम्पनी, प्रदेश १ यस कार्यक्रमले हामीलाई व्यावसायिक रूपमा अगाडि बढ्न हौसला गरेको छ । हामीले झापामा सुपारीको पातबाट प्लेट बनाउने काम गर्दै आएका छौं । हामीले आफ्नो उत्पादन निर्यात समेत गर्दै आएका छौं । अब स्टार्टअप व्यवसाय प्रवद्र्धन गर्न निर्यातमूलक कम्पनीलाई सरकारले प्राथमिकतामा राख्नुपर्छ । नयाँ स्टार्टअप उद्यमीका लागि जानकारीमूलक आशिष शाह नमस्ते रिसाइकल ट्रेडर्स, जनकपुर इमर्जिङ स्टार्टअप कम्पनी, प्रदेश २ पछिल्लो समय स्टार्टअप उद्यममा धेरैजना आएका छन् । आउन खोजेका पनि छन् । तर, उनीहरूलाई यस सम्बन्धमा सरकारी नीति लगायत विषयमा जानकारी छैन । यस अवस्थामा यो कार्यक्रम उनीहरूका लागि जानकारीमूलक भएको छ । साथै, प्रेरणादायी पनि रह्यो । म पनि यस कार्यक्रमबाट थप प्रोत्साहित भएको छु । साथै, इमर्जिङ स्टार्टअप कम्पनीको रूपमा सम्मानित हुदाँ खुशी पनि लागेको छ । स्टार्टअपले इकोसिस्टमलाई उजागर गरेको छ अजय पाण्डे आइटी म्यानेजर, ग्लोकल प्रालि इमर्जिङ स्टार्टअप, बागमती प्रदेश उदाउँदो स्टार्टअपको अवार्ड पाउँदा निकै उत्साहित छौं । अर्काेतर्फ यो अवार्डले आफूले गरिरहेको क्षेत्रमा काम गर्न थप हौसला मिलेको अनुभूति गराएको छ । हामीले गरिरहेको कामलाई न्यु बिजनेशको कार्यक्रमले सम्मान गर्दा उत्साहित छौं । स्टार्टअप आइडियाले सम्मान पाएको छ । ग्लोकल प्रालिले २०१५ देखि समाजमा सकारात्मक काम गर्नेलाई सम्मान गर्दै आएको छ भने भारत र श्रीलंकामा फ्रेन्चाइज बेच्ने हामी पहिलो नेपाली स्टार्टअप कम्पनी हौं । कार्यक्रममा आउनुभएका सरकारी तथा निजीक्षेत्रका जिम्मेवार पदाधिकारीले उठान गरेका विषयले नेपालमा स्टार्टअपले इकोसिस्टमलाई उजागर र प्राथमिकता दिएजस्तो देखिएको छ । सरकारबाट व्यक्त विचार निकै राम्रा भए पनि कार्यान्वयनमा सधैं समस्या देखिन्छन् । अहिले भएका नीति नियमबाट जसले फण्ड जुटाउन सक्दैन, काठमाडौंमा आएर केही गर्न खोज्नेलाई निकै गाह्रो छ । केही राम्रो भइरहे पनि यो सुस्त गतिमा छ । यसलाई तीव्रताका साथ अघि बढाउन लाग्नुपर्छ । स्टार्टअपलाई प्रोत्साहन मिलेको छ निराजन घिमिरे एक कल होम सोलुसन्स प्रालि इमर्जिङ स्टार्टअप, गण्डकी प्रदेश यो कार्यक्रमले स्टार्टअपलाई प्रोत्साहन मिलेको छ । प्रोत्साहनले थप काम गर्न ऊर्जा दिएको छ । स्थानीय तहमा काम गर्दा निकै चुनौती सामना गर्नुपर्छ । अहिले पनि धेरै स्टार्टअप बाहिर नदेखिएका होलान् । यस्ता कार्यक्रमले तिनलाई पनि थप प्रेरणा मिलेको हुनुपर्छ । काम गरेपछि केही सफलता मिल्छ भन्ने सन्देश यो कार्यक्रमबाट जान्छ । स्टार्टअप बिजनेस सुरु गर्दा कानुनी अड्चन धेरै सामना गर्नुपर्छ । अहिले श्रम कानुनअनुसार भएको व्यवस्थाले केही समस्या पारेको छ । सिक्ने अवसर पनि भयो रमेश क्षेत्री, निन्जा इन्फोसिस प्रालि, नेपालगञ्ज इमर्जिङ स्टार्टअप कम्पनी, लुम्बिनी प्रदेश यो कार्यक्रमबाट सम्मान हुन पाउँदा उत्साह र प्रेरणा पनि मिलेको छ । हामीे शुरुआती चरणको उद्यमी हौं । हामीलाई उद्यमशीलताको विषयमा धेरै जानकारी पनि थिएन । यहाँ आएर यससम्बन्धी धेरै सिक्ने अवसर मिल्यो । अब अझै बलियो भएर अगाडि बढ्ने आँट आएको छ । कार्यक्रमले विषयगत ज्ञान बढाइदिएको छ चन्द्रबहादुर खड्का, ज्वाला कृषि तथा पशुपालन उद्योग, दैलेख इमर्जिङ स्टार्टअप कम्पनी, कर्णाली प्रदेश हामी मुलुकको संघीय राजधानीभन्दा धेरै टाढा आफ्नो व्यवसाय सञ्चालन गरिरहेका छौं । हामीलाई व्यवसायको बजारीकरण कसरी गर्ने भन्ने विषयमा पर्याप्त ज्ञान थिएन । यस कार्यक्रमले हाम्रो व्यावसायिक क्षमता बढाएको छ । साथै, सम्मानित हुन पाउँदा व्यवसायमा अझै सफल रूपमा अघि बढ्न आत्मविश्वास पनि मिलेको छ । टिम नै निकै उत्साहित छ चन्द्रप्रकाश साउद, फारवेस्ट इन्फोटेक एन्ड रिसर्च सेन्टर इमर्जिङ स्टार्टअप, सुदूरपश्चिम प्रदेश इमर्जिङ स्टार्टअपको रूपमा पुरस्कृत हुँदा टिम नै निकै उत्साहित छ । हाम्रो आइडिया र इनोभेसन देशलाई परिवर्तन गर्न एक चरण माथि उठ्न सफल भएको ठान्छु । २०७६ साउनदेखि बिजनेस शुरू गरेका हौं । हाम्रो समूह चार जनाको छ । हामीले अहिले बिजनेशका साथै ई–गभर्नेन्समा अनुसन्धान र डिजिटल साक्षरता लक्षित कार्यक्रम गरिरहेका छौं । केन्द्रमा हाइटेक प्रविधि छ । हामी आफ्नो ठाउँमा ग्रामीण क्षेत्रमा प्रविधिको भरपूर प्रयोग गर्दै छौं । आइटी कम्पनी भएकाले यसमा ६ लाख रुपैयाँ लगानी गरेका छौं । प्रविधि र डिजिटल साक्षरतामा पछि परेको सुदूरपश्चिम प्रदेशको धनगढीबाट हाम्रो प्रतिनिधित्व भएको हो । हामीले त्यहाँ प्रविधिको विकासलाई नै प्राथमिकता दिएका छौं । इन्टरनेटको पहुँच नभएका २ स्थानमा निःशुल्क इन्टरनेट जोडिएको छ । स्थानीय तहका पदाधिकारीसँगको सहकार्यमा डिजिटल साक्षरताका विषयमा पनि काम गरिरहेका छौं । कर्मचारीलाई साइबर अपराध र डिजिटल साक्षरताका विषयमा तालिम दियौं । कम्पनीले सफ्टवेयर विकास र खासगरी ग्रामीण क्षेत्रलाई लक्षित गरेर प्रविधिको सहज पहुँच पु¥याएर स्थानीय बजारमा यसको प्रयोगका विषयमा सचेतना जगाउने काम गर्छ । जिम्मेवारी बढेको छ विनय खड्का सीईओ, जानकी टेक्नोलोजी (खल्ती) स्टार्टअप सक्सेस सम्मानप्राप्त कम्पनी कार्यक्रमबाट सफल स्टार्टअप कम्पनीको रूपमा सम्मानित हुँदा खुशी लागेको छ । यसका लागि आयोजक संस्थालाई धन्यवाद व्यक्त गर्दछौं । यो सम्मानले हामीलाई उत्साहसँगै कम्पनीलाई राम्रो बनाउने जिम्मेवारी पनि बढेको महसूस भएको छ । स्टार्टअप व्यवसायको क्षेत्रमा हामी पनि युनिकर्न बन्न चाहन्छौं । सोहीअनुसार हामी अगाडि बढ्छौं ।

Aarthik Abhiyan कार्तिक २०७८