८७ अंक बढ्यो नेप्से, डेढ दर्जन कम्पनीको मूल्यमा १० प्रतिशत वृद्धि

घटेको बजारमा क्रेता सक्रिय भएसँगै अन्तिम समयमा बढ्यो नेप्से, ९.२५ अंकको वृद्धि

काठमाडौं । बुधवार उतारचढाव देखिएको नेप्से परिसूचक ९ दशमलव २५ अंक अर्थात् शून्य दशमलव ४४ प्रतिशत बढेको छ । घटेको बजारमा दिनको कारोबार सकिनुअघि क्रेता सक्रिय भएपछि परिसूचक बढेको हो । बुधवार परिसूचक २ हजार ८६ दशमलव ८४ विन्दुमा पुगेको हो । यस दिन नेप्से परिसूचक न्यून विन्दु २ हजार ६२ सम्म झरेको थियो । मौद्रिक नीति सार्वजनिक भएपछि लगातार पाँच दिन (गत आइतवार)सम्म घटेकाे बजार सोमवार ५ अंक बढेको थियो । गत मंगलवार भने नेप्से परिसूचक २८ अंक घटेको थियो । बुधवार सेन्सेटिभ इन्डेक्स शून्य दशमलव ३९ प्रतिशत, फ्लोट इन्डेक्स शून्य दशमलव ४८ प्रतिशत र सेन्सेटिभ फ्लोट इन्डेक्स शून्य दशमलव ४३ प्रतिशत वृद्धि भएको छ । २६९ धितोपत्रको ९३ लाख ६१ हजार ७८६ कित्ता शेयर ३५ हजार ८३५ पटकमा रू. १ अर्ब ८१ करोड बरावरको कारोबार भएको छ । कारोबारमा आएका धितोपत्रमध्ये आरविवि म्युचुअल फण्डको इकाई मूल्य सबैभन्दा बढी ४ दशमलव १४ प्रतिशत वृद्धि भएको छ । यससँगै फण्डको इकाई मूल्य रू. ७ दशमलव ८० पुगेको हो । त्यस्तै स्ट्याण्डर्ड चार्टर्ड बैंकको शेयर मूल्य ४ दशमलव ०३ प्रतिशत बढेर रू. ५६८ पुगेको छ । बुधवार प्रभु स्मार्ट फण्डको इकाई मूल्यमा नेगेटिभ सर्किट लागेको छ । फण्डको इकाई मूल्य अघिल्लो कारोबार दिनको तुलनामा आज १० प्रतिशत घटेसँगै नेगेटिभ सर्किट लागेको हो । यससँगै फण्डको इकाई मूल्य रू. ८ दशमलव ३७ मा झरेको छ । त्यस्तै एनआईबिएल समृद्धि फण्ड २ को इकाई मूल्य ४ दशमलव ५८ प्रतिशत घटेर रू. ७ दशमलव ३० कायम भएको छ । यस दिन सर्वाधिक शेयर खरीदविक्रीको हिस्सा शिवम् सिमेन्ट्सले ओगटेको छ । कम्पनीको रू. ११ करोड १९ लाख बराबरको शेयर कारोबार भएको हो । यस कम्पनीको शेयर मूल्य प्रतिकित्ता रू. ५९६ कायम भएको छ । सर्वाधिक शेयर खरीदविक्री हुने दोस्रोमा रहेको सानिमा बैंकको प्रमोटर शेयरको रू. ८ करोड ९० लाख बराबरको कारोबार भएको छ । यस दिन कारोबारमा आएका १३ समूहगत परिसूचकमध्ये हाइड्रोपावर समूहको परिसूचक शून्य दशमलव २४ प्रतिशत, लघुवित्त समूहको परिसूचक शून्य दशमलव २८ प्रतिशत र व्यापार समूहको परिसूचक शून्य दशमलव ०६ प्रतिशत घटेको छ भने बाँकी सबै समूहको परिसूचक बढेको छ । समूहगत परिसूचक बढ्नेमा सबैभन्दा बढी वित्त समूहको परिसूचक छ । उक्त समूहको परिसूचक १ दशमलव ६९ प्रतिशत बढेको छ ।

Aarthik Abhiyan आषाढ २०८०

लगातार तीन दिन बढ्यो नेप्से, यस कारण सक्रिय हुन थाले लगानीकर्ता ?

काठमाडौं । लगातार तीन दिनसम्म नेप्से परिसूचक बढेर बन्द भएको छ । बजार बढ्न थालेसँगै लगानीकर्ताहरू सक्रिय हुन थालेका छन् । सोही कारण परिसूचसँगै कारोबार रकम बढेको छ । मंगलवार नेप्से परिसूचक ९ दशमलव ९१ अंक बढेर २ हजार १५४ दशमलव ०७ विन्दुमा पुगेको हो । वित्तीय प्रणालीमा अधिक मात्रामा तरलता रहेपछि त्यसको सकारात्मक प्रभाव शेयर बजारमा परेको देखिएको छ । अधिक तरलताकै कारण महँगो ब्याजदर पनि घटिरहेको छ । यस कारण पनि आगामी दिनमा शेयर बजारमा सकारात्मक प्रभाव पर्ने जानकारहरू बताउँछन् । त्यस्तै वित्तीय प्रणालीमा अधिक तरलता भएकाले राष्ट्र बैंकले कर्जा प्रवाह हुने गरी केही लचक मौद्रिक नीति ल्याउने अपेक्षामा पनि लगानीकर्ता सकारात्मक भएको देखिन्छ । मंगलवार कारोबारमा आएका २५५ धितोपत्रको ८६ लाख ७६ हजार ४३८ कित्ता शेयर ५६ हजार ४७६ पटकमा रू. ३ अर्ब ५४ करोड बराबरको शेयर कारोबार भएको छ । यस दिन सेन्सेटिभ इन्डेक्स शून्य दशमलव ७५ प्रतिशत, फ्लोट इन्डेक्स शून्य दशमलव ४७ प्रतिशत र सेन्सेटिभ फ्लोट इन्डेक्स शून्य दशमलव ६२ प्रतिशत वृद्धि भएको हो । कारोबारमा आएका धितोपत्रमध्ये सबैभन्दा बढी बिपिडब्लु लघुवित्त वित्तीय संस्थाको शेयर मूल्य १० प्रतिशत बढेको छ । शेयर मूल्य प्रतिकित्ता रू. १ हजार ३५५ दशमलव २० पुगेको छ । शेयर मूल्य बढ्ने कम्पनीको सूचीमा दोस्रोमा युनाइटेड अजोड इन्स्योरेन्स कम्पनी छ । कम्पनीको शेयर मूल्य ९ दशमलव ९९ प्रतिशत बढेर रू. ५९२ दशमलव २० पुगेको छ । मंगलवार सबैभन्दा बढी सानिमा लार्ज क्याप फण्डको इकाई मूल्य ५ दशमलव १४ प्रतिशत घटेको छ । कम्पनीको इकाई मूल्य रू. ७ दशमलव ९३ मा झरेको छ । यस्तै, ग्लोबल आइएमई ब्यालेन्सड फण्ड १ को इकाई मूल्य ४ दशमलव ६३ प्रतिशत घटेर रू. ८ दशमलव ६५ कायम भएको छ । यस दिन सर्वाधिक शेयर खरीदविक्रीको हिस्सा स्वावलम्बन लघुवित्त वित्तीय संस्थाले ओगटेको छ । कम्पनीको रू. २१ करोड ७७ लाख बराबरको शेयर कारोबार भएको हो । यस कम्पनीको शेयर मूल्य प्रतिकित्ता रू. ८७५ कायम भएको छ । त्यस्तै सर्वाधिक शेयर खरीदविक्री हुने दोस्रोमा शिवम् सिमेन्ट्स छ । कम्पनीको रू. १७ करोड ९८ लाख बराबरको शेयर खरीदविक्री भएको छ । मंगलवार कारोबारमा आएका १३ समूहगत परिसूचमध्ये ६ समूहको परिसूचक घटेको छ भने बाँकी समूहको परिसूचक बढेको छ । समूहगत परिसूचकमध्ये निर्जीवन बीमा समूहको १ दशमलव ५५ प्रतिशत वृद्धि भएको छ । यस्तै, होटल एण्ड टुरिजम समूहको परिसूचक १ दशमलव ४५ प्रतिशत घटेको छ ।

Aarthik Abhiyan आषाढ २०८०

साताको पहिलो कारोबार दिन १.३८ % बढ्यो नेप्से, अपर तामाकोशीको शेयर मूल्य सर्वाधिक घट्यो

Aarthik Abhiyan जेष्ठ २०८०

८.१४ अंकले बढ्यो नेप्से, कारोबार रकम भने केही घट्यो

काठमाडौं । घटेको बजारमा खरीदकर्ता सक्रिय भएसँगै मंगलवार नेप्से परिसूचक ८ दशमलव १४ अंक बढेर बन्द भएको छ । नेप्से परिसूचक २ हजार १७३ दशमलव २४ विन्दुमा पुगेको छ । आज बजार खुलेको केही समय परिसूचक २ हजार १४० विन्दुसम्म झरेको थियो । घटेको बजारमा खरीदकर्ता आकर्षित भएपछि अन्त्यमा बढेर बन्द भयो । २२०० सम्म पुगेको नेप्से हाल २ हजार १७३ अंकमा छ । बढेको बजारमा प्रोफिट बुक गर्नेहरू सक्रिय भएछि पुनः बजार केही ओरालो लागे पनि बिस्तारै शेयर खरीदमा कारोबारीहरूको आकर्षण बढेको एक लगानीकर्ता बताउँछन् । यद्यपि पछिल्लो समय वित्तीय प्रणालीमा तरलता सहज हुन थालेको छ भने सिडी रेशियो र अन्तर बैंक ब्याजदर घट्दो छ । यसले पनि बजारको आगामी यात्रा सकारात्मक रहने जानकाहरूको भनाइ छ । यस दिन कारोबारमा आएका २४८ धितोपत्रको ८३ लाख १८७ कित्ता ५२ हजार ४६० पटकमा रू. ३ अर्ब ३२ लाख बराबरको शेयर खरीदविक्री भएको छ । कारोबार रकम अघिल्लो दिनको तुलनामा केही घटेको छ । कारोबारमा आएका धितोपत्रमध्ये सानिमा जिआईसी इन्स्योरेन्सको शेयर मूल्यमा सकारात्मक सर्किट लागेको छ । कम्पनीको शेयर मूल्य अघिल्लो कारोबार दिनको तुलनामा आज १० प्रतिशत वृद्धि भएको छ । शेयर मूल्य प्रतिकित्ता रू. ४४४ दशमलव ६० पुगेको छ । त्यस्तै सूर्योदय वोमी लघुवित्त वित्तीय संस्थाको शेयर मूल्य ९ दशमलव ७७ प्रतिशत बढेर रू. १ हजार पुगेको छ । त्यस्तै मंगलवार सबैभन्दा बढी मैलुङ्ग खोला जलविद्युत कम्पनीका शेयरधनीले गुमाएका छन् । यस कम्पनीको शेयर मूल्य अघिल्लो कारोबार दिनको तुलनामा आज ५ दशमलव ४८ प्रतिशत घटेको छ । शेयर मूल्य प्रतिकित्ता रू. ५०९ मा झरेको छ । दोस्रोमा एनएमबि हाईब्रिड फण्ड एल–१ को इकाई मूल्य ५ दशमलव २४ प्रतिशत घटेर रू. ९ दशमलव ७७ कायम भएको छ । यस दिन नेपाल दूरसञ्चार कम्पनीको सर्वाधिक शेयर खरीदविक्री भएको छ । कम्पनीको रू. १२ करोड ९१ लाख बराबरको शेयर खरीदविक्री भएको छ । त्यस्तै दोस्रोमा शिवश्री हाइड्रोपावरको रू. १० करोड ४१ लाख बराबरको शेयर खरीदविक्री भएको छ । कारोबारमा आएका १३ समूहगत परिसूचकमध्ये बैंकिङ समूहको परिसूचक शून्य दशमलव १५ प्रतिशत, लगानी समूहको शून्य दशमलव ६४ प्रतिशत, उत्पादन तथा प्रशोधन समूहको शून्य दशमलव शून्य ७ प्रतिशत र म्युचुअल फण्ड समूहको परिसूचक २ दशमलव १० प्रतिशत घटेको छ भने बाँकी सबै समूहको परिसूचक बढेको छ । सबैभन्दा बढी वित्त समूहको परिसूचक ३ दशमलव ८८ प्रतिशत वृद्धि भएको छ ।

Aarthik Abhiyan पौष २०७९

आज पनि दोहोरो अंकले बढ्यो नेप्से सूचक, ४ अर्ब ९७ करोडको कारोबार

बिहिबार शेयर परिसूचक नेप्से बढेको छ । आज नेप्से सूचक १५.४४ अंकले बढेर २१२७.४२ को बिन्दुमा पुगेर रोकिएको छ । आज कारोबारमा आएका २२१ कम्पनीका १ करोड १९ लाख ५५ हजार ७६ कित्ता शेयर खरिद बिक्रिबाट ४ अर्ब ९७ करोड ६४ लाख ३३ हजार १ सय ५ रुपैयाँ ३ पैसाको कारोबार भएको छ । जस मध्ये अरुण काबेली पावरको १७ करोड ९६ लाख, शिवम सिमेन्टको १५ करोड ८६ लाख, अपर तामाकोशीको १४ करोड १७ लाख, अपि पावरको १३ करोड ४८ लाख तथा नागरिक लगानी कोषको १३ करोड १७ लाख बराबरको कारोबार भएको छ ।आज कारोबारमा आएका निर्जीवन बीमा समुह, उत्पादन तथा प्रशोधन समुह, र अन्य समुह बाहेकका सबै समुहगत उपसुचक बढेका छन् । जस मध्ये फाइनान्स समुह सबैभन्दा धेरै ३.२७ प्रतिशत, लगानी समुह २.९३ प्रतिशत, तथा विकास बैंक समुह २.२२ प्रतिशतले बढेको छ । आज बिन्धवासिनी हाइड्रोको शेयर मूल्य सर्वाधिक १० प्रतिशत, राष्ट्र उत्थान लघुवित्तको शेयर मूल्य ९.९८ प्रतिशत, एक्सेल डेभलपमेन्ट बैंकको ९.८९ प्रतिशत तथा हिमालयन पावर पार्टनरको शेयर मूल्य ९.७८ प्रतिशतले बढेको छ ।आज राधी विद्युतको शेयर मूल्य सर्वाधिक ३.९१ प्रतिशत, बलेफी हादिरोको ३.८५ प्रतिशत, तथा ग्रिन भेन्चर्सको ३.८४ प्रतिशतले घटेको छ।

Bizpati आषाढ २०७९

सोमवार दोहोरो अंकले बढ्यो नेप्से, नेपाल दूरसञ्चार कम्पनीको सर्वाधिक शेयर किनबेच

वैशाख २६, काठमाडौं । साताको दोस्रो कारोबार दिन सोमवार नेप्से परिसूचक दोहोरो अंक अर्थात् १२ दशमलव २७ अंक बढेको छ । नेप्से परिसूचक २ हजार २६८ दशमलव ८४ विन्दुमा पुगेको हो । यस अवधिमा कारोबारमा आएका २२२ ओटा धितोपत्रको ३३ लाख २४ हजार ८२२ कित्ता शेयरको २८ हजार ६७५ पटकमा रू. १ अर्ब ३९ करोड ६ लाख ७ हजार ७०१ बराबरको शेयर खरीद विक्री भएको छ । कारोबारमा आएका २२२ धितोपत्रमध्ये जाल्पा सामुदायिक लघुवित्त वित्तीय संस्थाको शेयरमूल्यमा सकारात्मक सर्किट लागेको छ । कम्पनीको शेयरमूल्य अघिल्लो कारोबार दिनको तुलनामा १० प्रतिशत वृद्धि भएसँगै सकारात्मक सर्किट लागेको हो । कम्पनीको शेयरमूल्य प्रतिकित्ता रू. १ हजार ८३९ दशमलव ८० पुगेको छ । त्यसैगरी दोस्रोमा महुली लघुवित्त वित्तीय संस्थाको शेयरमूल्य ७ दशमलव ७७ प्रतिशत वृद्धि भएर रू. १ हजार २९० पुगेको हो । सोमवार हिमालयन उर्जा विकास कम्पनीको शेयरमूल्य सबैभन्दा बढी ३ दशमलव ७८ प्रतिशत घटेको छ । कम्पनीको शेयरमूल्य प्रतिकित्ता रू. २९५ मा झरेको हो । त्यसैगरी शेयरमूल्य घट्ने दोस्रोमा स्वरोजगार लघुवित्त वित्तीय संस्थाको शेयरमूल्य ३ दशमलव २४ प्रतिशत घटेर रू. ८९५ कायम भएको छ । सोमवार सर्वाधिक शेयर खरीदविक्री नेपाल दूरसञ्चार कम्पनीको भएको छ । कम्पनीको रू. ७ करोड ८३ लाख बराबरको शेयर खरीदविक्री भएको हो । कम्पनीको शेयरमूल्य प्रतिकित्ता रू. १ हजार २० कायम भएको छ । त्यसैगरी सर्वाधिक शेयर खरीदविक्री हुने दोस्रोमा एनआईसी एशिया बैंकको रू. ५ करोड ४ लाख बराबरको भएको हो । कारोबारमा आएका १३ समूहगत परिसूचकमध्ये विकास बैंक समूहको शून्य दशमलव ५३ प्रतिशत, होटल एण्ड टुरिजम समूहको शून्य दशमलव ८८ प्रतिशत, लगानी समूहको शून्य दशमलव शून्य ९ प्रतिशत र जीवन बीमा समूहको शून्य दशमलव ७० प्रतिशत घटेको हो भने बाँकी सबै समूहको समूहगत परिसूचक बढेको हो । समूहगत परिसूचक बढ्नेमा बैंकिङ समूहको परिसूचक शून्य दशमलव ९६ प्रतिशत, वित्त समूहको शून्य दशमलव १० प्रतिशत, हाइड्रोपावर समूहको शून्य दशमलव ५० प्रतिशत, उत्पादन तथा प्रशोधन समूहको शून्य दशमलव ५१ प्रतिशत, लघुवित्त समूहको १ दशमलव ३३ प्रतिशत, म्युचुअल फण्ड समूहको शून्य दशमलव ५५ प्रतिशत र निर्जीवन बीमा समूहको समूहगत परिसूचक शून्य दशमलव ५७ प्रतिशतका दरले बढेको हो ।

Aarthik Abhiyan चैत्र २०७८

५३.३० अंकले बढ्यो नेप्से परिसूचक, हाइड्रोपावरका लगानीकर्ताले सर्वाधिक कमाए

फागुन ३, काठमाडौं । साताको तेस्रो कारोबार दिन मंगलवार नेप्से परिसूचक अघिल्लो कारोबार दिनको तुलनामा ५३ दशमलव ३० अंकले बढेको छ । यो दिन नेप्से परिसूचक २ हजार ७५४ दशमलव २८ विन्दुमा पुगेको हो । यो दिन कारोबारमा आएका २२४ ओटा धितोपत्रको ६३ लाख ४३ हजार २२८ कित्ता शेयर ४३ हजार ५१९ पटकमा रू. ३ अर्ब २३ करोड ३३ लाख १८ हजार ६१४ दशमलव ४८ मा खरीदविक्री भएको छ । कारोबारमा आएका २२४ ओटा धितोपत्रमध्ये न्यादी हाइड्रोपावरको शेयरमूल्यमा सकारात्मक सर्किट लागेको छ । कम्पनीको शेयरमूल्य अघिल्लो कारोबार दिनको तुलनामा मंगलवार १० प्रतिशत वृद्धि भएसँगै सकारात्मक सर्किट लागेको हो । कम्पनीको शेयरमूल्य प्रतिकित्ता रू. ४८९ दशलमव ५० पुगेको छ । त्यसैगरी दोस्रोमा तेह्रथुम पावर कम्पनीको शेयरमूल्य ८ दशमलव ७० प्रतिशत बढेर रू. ६०० पुगेको छ । मंगलवार सबैभन्दा बढी घट्नेमा एनआईसी एशिया ब्यालेन्स फण्ड इकाई रहेको छ । फण्डको इकाई मूल्य अघिल्लो कारोबार दिनको तुलनामा ३ दशमलव १४ प्रतिशत घटेर प्रतिइकाई रू. १० दशमलव ८० कायम भएको हो । त्यसैगरी दोस्रोमा एनआईसी एशिया ग्रोथ फण्डको इकाई मूल्य १ दशमलव ८६ प्रतिशत घटेर रू. १२ दशमलव ११ कायम भएको छ । त्यसैगरी, सर्वाधिक शेयर खरीदविक्री हुनेमा हिमालयन डिष्टिलरी रहेको छ । कम्पनीको रू. २२ करोड ७७ लाख बराबरको शेयर खरीदविक्री भएको छ । कम्पनीको शेयरमूल्य प्रतिकित्ता रू. ४ हजार ३४२ कायम भएको छ । सर्वाधिक शेयर खरीदविक्री गर्ने दोस्रोमा नेशनल हाइड्रोपावर कम्पनीको रू.१८ करोड ५३ लाख बराबरको कारोबार भएको हो । कारोबारमा आएका १३ ओटा समूहकै परिसूचक बढेसँगै समग्र नेप्से परिसूचक बढेको हो । मंगलवार सबैभन्दा बढी हाइड्रोपावर समूहका लगानीकर्ताले कमाएका छन् । उक्त समूहको परिसूचक ४ दशमलव ३२ प्रतिशत वृद्धि भएसँगै सर्वाधिक कमाएका हुन् । समूहगत परिसूचक बढ्नेमा बैंकिङ समूहको परिसूचक शून्य दशमलव ८४ प्रतिशत, व्यापार समूहको परिसूचक १ दशमलव ३५ प्रतिशत, होटल एण्ड टुरिजम समूहको १ दशमलव ६३ प्रतिशत, विकास बैंक समूहको २ दशमलव ७१ प्रतिशत, वित्त समूहको २ दशमलव ५ प्रतिशत, निर्जीवन बीमा समूहको १ दशलमव ४९ प्रतिशत, उत्पादन तथा प्रशोधन समूहको शून्य दशमलव ५४ प्रतिशत, अन्य समूहको ३ दशमलव ३ प्रतिशत, लघुवित्त समूहको २ दशमलव ८२ प्रतिशत, जीवन बीमा समूहको १ दशमलव २५ प्रतिशत, म्युचुअल फण्ड समूहको शून्य दशमलव २ प्रतिशत र लगानी समूहको परिसूचक २ दशमलव ४९ प्रतिशत वृद्धि भएको छ । केहि दिनदेखि लगातार घटेको बजार मंगलवार भने सुधारिएको छ । घटेको बजारमा खरीदकर्ता हाबी हुँदा बजार बढेको हो । बजार बढेपनि कारोबार रकम भने बढेको छैन । लगानीकर्ताहरुलाई २ हजार ७०० विन्दुबाट तल जान्छ कि माथि जान्छ भन्ने अन्योल रहेकाले पनि कारोबार रकममा कमी आएको देखिन्छ ।

Aarthik Abhiyan माघ २०७८

३.८० % बढ्यो नेप्से, ६ अर्ब ३२ करोड बराबरको शेयर खरीदविक्री

माघ १६, काठमाडौं । साताको पहिलो कारोबार दिन आइतवार नेप्से परिसूचक ३दशमलव ८० प्रतिशत अर्थात् १०५ दशलमव ५५ अंकले बढेको छ । यो दिन नेप्से परिसूचक २ हजार ८८५ दशमलव ५३ विन्दुमा पुगेको हो । यो दिन कारोबारमा आएका २३१ ओटा धितोपत्र १ करोड २१ लाख ५५ हजार ४३२ कित्ता शेयर ८१ हजार ७०६ पटकमा रू. ६ अर्ब ३२ करोड ४२ लाख ७४ हजार ३८ दशमलव ५७ मा खरीदविक्री भएको छ । यो दिन कारोबारमा आएका ती धितोपत्रमध्ये पाँच ओटा धितोपत्रको मूल्यमा सकारात्मक सर्किट लागेको छ । विन नेपाल लघुवित्त वित्तीय संस्था,लिवर्टी इनर्जी कम्पनी,शिवश्री हाइड्रोपावर,नेपाल इन्फ्रास्ट्रक्चर बैंकको शेयरमूल्य अघिल्लो कारोबार दिनको तुलनामा १० प्रतिशत र बुद्धभुमि नेपाल हाइड्रोपावरको शेयरमूल्य ९ दशलमव ९९ प्रतिशतका दरले वृद्धि भएसँगै सकारात्मक सर्किट लागेको हो । यो दिन मञ्जुश्री फाईनान्सको ९ दशमलव ५ प्रतिशत मञ्जुश्री फाईनान्स डिबेञ्चर २०८५ को मूल्य सबैभन्दा बढी ३ दशमलव २३ प्रतिशतले घटेको छ । डिबेञ्चर मूल्य प्रतिकित्ता रू. ९०० कायम भएको छ । त्यसैगरी दोस्रोमा एनआईसी एशिया सेलेक्ट फण्ड ३० को इकाई मूल्य २ दशमलव २३ प्रतिशतले घटेर प्रतिइकाई रू. ९ दशमलव १९ मा झरेको छ । यो दिन सर्वाधिक शेयर खरीदविक्री अपि पावर कम्पनीको भएको छ । कम्पनीको रू. २६ करोड १५ लाख बराबरको शेयर खरीदविक्री भएको हो । कम्पनीको शेयरमूल्य प्रतिकित्ता रू. ५४६ कायम भएको छ । यसैगरी दोस्रोमा नेपाल दुरसञ्चार कम्पनीको रू. २३ करोड ६२ लाख बराबरको शेयर खरीदविक्री भएको छ । कारोबारमा आएका १३ ओटा समूहकै परिसूचक समग्र बढेसँगै नेप्से परिसूचक बढेको छ । कारोबारमा आएका ती समूहमध्ये सबैभन्दा बढी विकास बैंक समूहको परिसूचक ६ दशमलव ५६ प्रतिशतले वृद्धि भएको छ । त्यसैगरी बैंकिङ समूहको परिसूचक २ दशमलव ६ प्रतिशत, व्यापार समूहको ४ दशमलव ९८ प्रतिशत,होटल एण्ड टुरिजम समूहको ४ दशमलव ५८ प्रतिशत,हाइड्रोपावर समूहको ५ दशमलव ६३ प्रतिशत,वित्त समूहको ६ दशमलव ३४ प्रतिशत,निर्जीवन बीमा समूहको ३ दशमलव ३६ प्रतिशत,उत्पादन तथा प्रशोधन समूहको २ दशमलव ७२ प्रतिशतले वृद्धि भएको छ । यस्तै अन्य समूहको ३ दशमलव ८७ प्रतिशत,लघुवित्त समूहको ३ दशमलव २५ प्रतिशत,जीवन बीमा समूहको ३ दशमलव ४ प्रतिशत र म्युुचुअल फण्ड समूहको परिसूचक १ दशमलव ७५ प्रतिशतका दरले वृद्धि भएको छ । स्थानिय निकायको निर्वाचन आगामी जेठ महीनाभित्रै सम्पन्न गर्न गठबन्धन समूहका दलहरु सहमत भएसँगै शेयर बजारमा सकारात्मक प्रभाव परेको जस्तो देखिएको छ । केहि दिनदेखि लगातार बजार घटेको र घटेको बजारमा खरीदकर्ता हाबी भएकाले पनि यो दिन बजार बढेको देखिन्छ । चुनावका बेला राजनीतिक गतिविधि बढ्दा खर्च बढ्ने भएकाले बजारमा तरलता बढ्ने अनुमानका आधारमा लगानीकर्ताहरु सक्रिय भएका कारण पनि यो दिन शेयर बजारमा सकारात्मक प्रभाव परेको जस्तो देखिएको छ ।

Aarthik Abhiyan पौष २०७८

साताको अन्तिम कारोबार दिन १ % बढ्यो नेप्से, सर्वाधिक कारोबार एनसीसी बैंकको

वैशाख १६, काठमाडौं । साताको अन्तिम कारोबार दिन बिहीवार नेप्से परिसूचक १ प्रतिशत बढेको छ । यो दिन २५ दशमलव ८२ अंक बढेर नेप्से परिसूचक २ हजार ६११ दशमलव १० विन्दुमा पुगेर बन्द भएको हो । बुधवार १३ दशमल ७९ अंकले घटेर २ हजार ५८५ दशमलव २८ विन्दुमा बन्द भएको बजार बिहीवार २ हजार ६०१ दशमलव २१ विन्दुदेखि खुला भएको हो । यसदिन २ हजार ५९८ विन्दुसम्म बजार झरेको थियो ।उपत्यकामा जारी निषेधाज्ञाका कारण शेयर कारोबारका लागि अनलाईन कारोबार प्रणाली अनिवार्य गरिएको छ । बजार सम्बद्ध निकायहरुले अनलाईन कारोबार र रकम भुक्तानी गर्न नसक्ने लगानीकर्ताहरुलाई कारोबार नगर्नसमेत आग्रह गरेका छन् । बिहीवार रू. ४ अर्ब ३५ करोड ७० लाख १९ हजार बराबरको ९८ लाख १८ हजार ४६ कित्ता शेयर कारोबार भएको छ । २१७ ओटा कम्पनीको ५० हजार ६७३ पटकको व्यापारमा उक्त रकम बराबरको शेयर कारोबार भएको हो । बुधवारको तुलनामा यसदिन कारोबार रकम बढी भएको हो । बुधवार रू. ३ अर्ब ९९ करोड ४ लाख ३१ हजार बराबरको ८९ करोड ६५ लाख ५८८ कित्ता शेयर कारोबार भएको थियो । यो दिन कुल कारोबारमा सर्वाधिक रकमको हिस्सा एनसीसी बैंकले ओगटेको छ । उक्त कम्पनीको रू. ३० करोड ९६ लाख ९४ हजार बराबरको शेयर कारोबर भएको हो । सर्वाधिक रकमको कारोबार भएको यो दिन एनसीसी बैंकको शेयरमूल्य प्रतिकित्ता रू. १२ ले बढेर अन्तिम मूल्य रू. ३५२ कायम भएको छ । यसदिन होटल्स तथा पर्यटन समूह र लगानी समूहको परिसूचक घटेको छ भने बाँकी समूहको बढेको छ । यो दिन व्यापारिक समूहको परिसूचक सर्वाधिक ३ दशमलव ४८ प्रतिशत बढेको छ भने जलविद्युत् समूहको ३ दशमलव ४८ प्रतिशत बढेको छ । त्यस्तै, बैंकिङ्गको शून्य दशमलव ४३ प्रतिशत, विकास बैंकको शून्य दशमलव ९८ प्रतिशत, वित्तको शून्य दशमलव ४२ प्रतिशत, निर्जीवन बीमाको शून्य दशमलव ९८ प्रतिशत, उत्पादन तथा प्रशोधनको १ दशमलव ८४ प्रतिशत बढेको छ । यसैगरी अन्यको २ दशमलव ५४ प्रतिशत, लघुवित्तको शून्य दशमलव ८६ प्रतिशत, जीवन बीमा समूहको शून्य दशमलव ८५ प्रतिशत र म्युुचुअल फण्डको शून्य दशमलव शून्य ९ प्रतिशत परिसूचक बढेको छ । बिहीवार महिला लघुवित्त वित्तीय संस्था र सिंगटी हाइड्रो इनर्जी लिमिटेडको शेयरमूल्य १० प्रतिशत बढेको छ भने विशाल बजार कम्पनीको ९ दशमलव ९९ प्रतिशत बढेको छ । महिला लघुवित्त वित्तीय संस्थाको प्रतिकित्ता रू. २८४ ले बढेर अन्तिम मूल्य रू. ३ हजार १२५ र सिंगटी हाइड्रो इनर्जीको प्रतिकित्ता रू. ३३ ले बढेर अन्तिम मूल्य रू. ३६३ पुगेको हो । सिंगटी हाइड्रो इनर्जीको बिहीवार धितोपत्र बजारमा दोस्रो कारोबार दिन रहेको छ । पहिलो कारोबार दिन ७ दशमलव ८४ प्रतिशत बढेको उक्त कम्पनीको शेयरमूल्य बिहीवार उच्च दरमा बढेको हो । यसदिन श्री इन्भेष्टमेण्ट एण्ड फाइनान्सको २ दशमलव ८२ प्रतिशत र नेपाल हाइड्रो डेभलोपरको शेयरमूल्य २ दशमलव ३० प्रतिशत घटेको छ । श्री इन्भेष्टमेण्ट एण्ड फाइनान्सको प्रतिकित्ता रू. ७ ले घटेर अन्तिम मूल्य रू. २४१ र नेपाल हाइड्रो डेभलोपरको प्रतिकित्ता रू. ८ ले घटेर अन्तिम मूल्य रू. ३४० कायम भएको हो ।

Aarthik Abhiyan चैत्र २०७७

३.६९ % बढ्यो नेप्से परिसूचक, जलविद्युत् कम्पनीको शेयरप्रति लगानीकर्ताको बढी आकर्षण

Aarthik Abhiyan चैत्र २०७७

८७ अंक बढ्यो नेप्से, डेढ दर्जन कम्पनीको मूल्यमा १० प्रतिशत वृद्धि

सम्बन्धित सामग्री