पेट्रोललाई ईभी बनाइएका ३ चिनियाँ इलेक्ट्रीक एसयूभी, कुनमा कस्ता विशेषता ?

टोयोटाको ४ ब्याट्री टेक्नोलोजी, कुनमा कस्तो विशेषता ?

काठमाडौं । जापनीज अटोमोवाइल कम्पनी टोयोटा ईभी रेसमा अहिले निकै पछाडि रहेपनि सन् २०२६ सम्ममा थुप्रै नयाँ मोडलका ईभी लन्च गर्ने योजना सार्वजनिक गरिसकेको छ । टोयोटाले आफ्नो ईभीमा प्रयोग हुने ‘नेक्स्ट जेनेरेशन एड्भान्स ब्याट्री’को बारेमा पूर्ण जानकरी सार्वजनिक गरेको हो । कम्पनीले ३ थरिको नयाँ लिक्विड इलेक्ट्रोलाइट ब्याट्री टेक्नोलोजी र एउटा सोलिड स्टेट ब्याट्री […]

Meroauto भाद्र २०८०

‘नामी-१’ कार सार्वजनिक, सोलिड स्टेट ब्याट्री र कम मूल्य विशेषता

काठमाडौं । चीनको ठूलो मध्यको एक अटोमोवाइल कम्पनी डोङफेङ मोटरले साना ईभीको बजारमा प्रतिस्पर्धा गर्न नामी ब्राण्डमा ईभी उत्पादन गर्ने भएको छ । कम्पनीले बढ्दो साना कारको बजारमा आफुलाई अग्रस्थानमा राख्न साना ईभीको लागि डेडिकेटेड प्लटफर्म निर्माण गरेर ईभी मात्रै उत्पादन गर्न लागेको हो । कम्पनीले नामी ब्राण्डमा साना साइजका ईभी उत्पादनमा मात्रै फोकस गर्ने […]

Meroauto श्रावण २०८०

नेपाली बजारमा ईभीप्रति बढ्दो आकर्षण, यस्ता छन नेपालमा उपलब्ध १० इलेक्ट्रिक गाडी

चालू आवको साउनदेखि वैशाख मसान्तसम्म ८ अर्ब ४१ करोड रुपैयाँ बराबरको २ हजार ९५५ ओटा चारपांग्रे विद्युतीय सवारीसाधन आयात भएको छ । गत आवको सोही अवधिमा ४ अर्ब ५२ करोड रुपैयाँको १ हजार ५५१ विद्युतीय चारपांग्रे गाडी आयात भएको थियो । काठमाडौं । नेपालमा पछिल्लो समय विद्युतीय सवारीसाधनको आकर्षण बढ्दो छ । आर्थिक वर्ष (आव) २०७८/७९ को १० महीनाको तुलनामा २०७९/८० को सोही अवधिमा विद्युतीय सवारीसाधनको आयात झन्डै दोब्बर पुगेको छ । भन्सार विभागका अनुसार नेपालमा चालू आवको साउनदेखि वैशाख मसान्तसम्म ८ अर्ब ४१ करोड रुपैयाँ बराबरको २ हजार ९५५ ओटा चारपांग्रे विद्युतीय सवारीसाधन आयात गरिएको छ । गत आवको १० महीनामा नेपालले ४ अर्ब ५२ करोड रुपैयाँको १ हजार ५५१ विद्युतीय चारपांग्रे गाडी आयात गरेको थियो । नेपाली बजारमा अहिले दर्जनभन्दा बढी ब्रान्डका विद्युतीय सवारीसाधन पाइन्छ । यसले ग्राहकलाई सवारीसाधन किन्ने बेला अन्योलमा पनि पारेको पाइन्छ । विद्युतीय सवारीसाधन किन्दा विशेषगरी मूल्य, माइलेज, ब्याट्री क्षमता, वारेन्टीलगायत पक्षको अध्ययन आवश्यक हुन्छ । नेपाली बजारमा चर्चित १० विद्युतीय सवारीसाधन र तिनका विशेषता अल न्यू ई–६ अल न्यू ई–६ को नेपालको आधिकारिक विक्रेता साइमेक्स इंक हो । यसको ब्याट्रीको क्षमता ७१ दशमलव ७ किलोवाट आवर र अधिकतम स्पीड क्षमता १३० किलोमीटर प्रतिघण्टा रहेको कम्पनीको भनाइ छ । टर्क क्षमता १८० एनएम रहेको अल न्यू ई–६ एकपटकको फुल चार्जमा ५२२ किलोमीटर कुद्छ । यसको ब्याट्रीमा ८ वर्षको वारेन्टी छ । मोटरको पावर ७० किलोवाटको छ । कम्पनीका अनुसार ३० मिनेटमा कारलाई ८० प्रतिशत चार्ज गर्न सकिन्छ । गाडीको ग्राउन्ड क्लियरेन्स १७५ एमएम छ । नेपाली बजारमा अल न्यू ई–६ विभिन्न ४ रङमा उपलब्ध छ । कम्पनीका अनुसार यसको मूल्य ५९ लाख रुपैयाँ पर्छ । आयोनिक–५ नेपालमा आयोनिक–५ को आधिकारिक विक्रेता लक्ष्मी इन्टरकन्टिनेन्टल प्रालि हो । यसमा ५८ किलोवाट आवरको लिथियम आयन ब्याट्री छ । कम्पनीका अनुसार फुल चार्जमा आयोनिक ५ अधिकतम ३७५ किलोमीटरसम्म चल्न सक्छ । गाडीको अधिकतम टर्क ३५० एनएम छ । आयोनिक ५ को अधिकतम स्पीड १८५ किलोमीटर प्रतिघण्टा हो । ब्याट्रीमा ८ वर्षको वारेन्टी छ । यसको ग्राउन्ड क्लियरेन्स १५० एमएम छ । यसले शून्यदेखि १०० किलोमीटर प्रतिघण्टाको स्पीड समात्न ५ दशमलव २ सेकेन्ड लिन्छ । नेपाली बजारमा आयोनिक–५ विभिन्न ९ रङमा उपलब्ध छ । कम्पनीका अनुसार यसको मूल्य १ करोड ३ लाख रुपैयाँ तोकिएको छ । आयोनिक ५ ले वल्र्ड कार अफ द इयर, वल्र्ड इलेक्ट्रिक भेइकल अफ द इयर, वल्र्ड कार डिजाइन अफ द इयरजस्ता उपाधि पनि पाएको छ । एटो थ्री एटो थ्रीको नेपालको आधिकारिक विक्रेता साइमेक्स इंक हो । सन् २०२२ मा साइमेक्सले नेपाली बजारमा एटो थ्री सार्वजनिक गरेको थियो । यसमा ६० दशमलव ४८ किलोवाट आवरको ब्याट्री छ । कम्पनीका अनुसार फुल चार्जमा एटो थ्री अधिकतम ४२० किलोमीटरसम्म चल्न सक्छ । गाडीको टर्क क्षमता ३१० एनएम छ । कम्पनीले एटो थ्रीको ब्याट्रीमा ८ वर्षको वारेन्टी दिएको छ । गाडीको मोटरको पावर १०० किलोवाट छ । कम्पनीका अनुसार ८० किलोवाटको चार्जरबाट कारलाई फुल चार्ज गर्न ४५ मिनेट लाग्छ । शून्यदेखि १०० किलोमीटरको गति लिन ९ दशमलव ७ सेकेन्ड लाग्ने यो गाडीको ग्राउन्ड क्लियरेन्स १७५ एमएम छ । नेपाली बजारमा एटो थ्री विभिन्न चार रङमा उपलब्ध छ । कम्पनीका अनुसार यसको मूल्य ६५ लाख रुपैयाँ पर्छ । एमजी जेडएस ईभी एमजी जेडएस ईभीको आधिकारिक विक्रेता प्यारामाउन्ट मोटर्स प्रालि हो । यसमा ५१ किलोवाट आवरको ब्याट्री छ । कम्पनीका अनुसार एमजी जेडएस ईभीले एकपटकको फुल चार्जमा ३२० किलोमीटरभन्दा बढी माइलेज दिन्छ । यसको अधिकतम टर्क २८० एनएम छ । कम्पनीले ब्याट्रीमा ८ वर्षको वारेन्टी दिएको छ । कम्पनीका अनुसार फास्ट चार्जरबाट कारलाई ८० प्रतिशत चार्ज गर्न ३० मिनेट लाग्छ । यस्तै गाडीले शून्यदेखि १०० किलोमीटर प्रतिघण्टाको स्पीड समात्न ८ दशमलव ५ सेकेन्ड लिन्छ । नेपाली बजारमा एमजी जेडएस ईभी विभिन्न ५ रङमा उपलब्ध छ । कम्पनीका अनुसार गाडीको शुरुआती मूल्य ४८ लाख ४९ हजार रुपैयाँ छ । नेपालमा एमजी जेडएस ईभी डिलक्स, कम्फर्ट र लङ रेन्ज गरी तीन ओटा डिजाइनमा उपलब्ध छ । किया निरो किया निरोको नेपालको आधिकारिक विक्रेता कन्टिनेन्टल ग्रूप हो । यसमा ६४ किलोवाट आवरको लिथियम आयन ब्याट्री छ । कम्पनीका अनुसार फुल चार्जमा किया निरो अधिकतम ४६० किलोमीटरसम्म कुद्न सक्छ । यसले अधिकतम ३९५ एनएमसम्म टर्क उत्पादन गर्छ । किया निरोको अधिकतम गति १६७ किलोमीटर प्रतिघण्टा छ । कम्पनीका अनुसार रेगुलर चार्जरबाट यसलाई फुल चार्ज गर्न ९ देखि १० घण्टा लाग्छ । यसले शून्यदेखि १०० किलोमीटर प्रतिघण्टाको स्पीड समात्न ७ दशमलव ८ सेकेन्ड लिन्छ । नेपाली बजारमा किया निरो विभिन्न ६ रङमा उपलब्ध छ । कम्पनीले निरोको मूल्य ७० लाख रुपैयाँ तोकेको छ । कोना इलेक्ट्रोनिक नेपालमा कोना इलेक्ट्रोनिकको आधिकारिक विक्रेता लक्ष्मी इन्टरकन्टिनेन्टल प्रालि हो । नेपालमा अहिले एउटा मात्र १०० किलोवाट क्षमताको कोना इलेक्ट्रोनिक उपलब्ध छ । कम्पनीका अनुसार गाडीले फुल चार्जमा ३९५ किलोमीटरसम्म माइलेज दिन्छ । कोना इलेक्ट्रोनिकमा लिथियम आयन ब्याट्री प्रयोग गरिएको छ । ब्याट्रीको क्षमता ३९ दशमलव २ किलोवाट आवर हो । ब्याट्रीलाई १०० किलोवाट डीसी फास्ट चार्जरले ५४ मिनेटमा ८० प्रतिशत चार्ज गर्न सकिन्छ । ब्याट्रीमा ८ वर्षको वारेन्टी छ । कोनाको अधिकतम स्पीड १५५ किलोमीटर प्रतिघण्टा हो । शून्यदेखि १५५ किलोमीटर प्रतिघन्टाको स्पीडमा पुग्न यसलाई ९ दशमलव ९ सेकेन्ड लाग्छ । नेपाली बजारमा कोना सात रङमा उपलब्ध छ । कम्पनीका अनुसार नेपाली बजारमा कोना एनएसको मूल्य ६१ लाख, कोना जीएलको ६२ लाख र कोना जीएलएसको ६४ लाख ५६ हजार रुपैयाँ पर्छ । टाटा टिगोर ईभी एक्सई टाटाकै टिगोर ईभीको नेपालको आधिकारिक विक्रेता सिप्रदी ट्रेडिङ प्रालि हो । यसमा २६ किलोवाट आवरको लिथियम आयन ब्याट्री छ । कम्पनीका अनुसार फुल चार्जमा यो गाडी ३०६ किलोमीटर कुद्न सक्छ । गाडीको अधिकतम टर्क १७० एनएम छ । कम्पनीले गाडीको ब्याट्री र मोटरमा ८ वर्षको वारेन्टी दिएको छ । कम्पनीका अनुसार २५ किलोवाटको फास्ट डिसी चार्जरबाट कारलाई ६५ मिनेटमा फुल चार्ज गर्न सकिन्छ । यो गाडीलाई शून्यदेखि ६० किलोमीटर प्रतिघण्टाको स्पीड लिन ५ दशमलव ७ सेकेन्ड लाग्छ । ग्राउन्ड क्लियरेन्स १७२ एमएम छ । नेपाली बजारमा टिगोर ईभी दुईथरी रङमा उपलब्ध छ । कम्पनीका अनुसार टिगोर ईभी एक्सईलाई ३० लाख रुपैयाँ, टिगोर ईभी एक्सएमलाई ३१ लाख ४९ हजार रुपैयाँ, टिगोर ईभी एक्सजेड प्लसलाई ३३ लाख रुपैयाँ र टिगोर ईभी एक्सजेड प्लस डिटीलाई ३३ लाख ४९ हजार रुपैयाँ पर्ने बताइएको छ । टाटा नेक्सन ईभी टाटा नेक्सन ईभीको नेपालको आधिकारिक विक्रेता सिप्रदी ट्रेडिङ प्रालि हो । यसमा ३० दशमलव २ किलोवाट आवरको लिथियम आयन ब्याट्री छ । यसमा १०० किलोवाटको मोटर छ । कम्पनीका अनुसार फुल चार्जमा यो अधिकतम ३१२ किलोमीटरसम्म चल्न सक्छ । कम्पनीले ब्याट्रीमा ८ वर्षको वारेन्टी दिएको छ । यो गाडीलाई १ घण्टामा ८० प्रतिशतसम्म चार्ज गर्न सकिन्छ । यसको ग्राउन्ड क्लियरेन्स २०५ एमएम छ । नेपालमा नेक्सन ईभी ३ रङमा उपलब्ध छ । कम्पनीका अनुसार नेक्सन एक्सएमको मूल्य ३९ लाख रुपैयाँ, नेक्सन एक्सजेड प्लसको ४१ लाख रुपैयाँ र नेक्सन एक्जेट प्लस लक्सको मूल्य ४३ लाख रुपैयाँ पर्छ । निसान लिफ निसान लिफको नेपालको आधिकारिक विक्रेता पायोनियर मोटो कर्प प्रालि हो । जापानबाट आयात हुने यो पहिलो विद्युतीय सवारीसाधन हो । पायोनियर मोटो कर्पले नेपालमा सन् २०२२ देखि निसान लिफ विक्री गरिरहेको छ । यसमा ४० किलोवाट आवरको लिथियम आयन ब्याट्री छ । ७ घण्टामा फुल चार्ज हुन्छ । यसको अधिकतम टर्क ३२० एनएम छ । निसान लिफलाई घरमै ३ दशमलव ४ किलोवाटको एसी चार्जर र ५० किलोवाटको डिसी चार्जरले चार्ज गर्न सकिन्छ । निसान लिफको अधिकतम गति १५५ किलोमीटर प्रतिघण्टा छ । ब्याट्रीमा ८ वर्षको वारेन्टी छ । ग्राउन्ड क्लियरेन्स १५० एमएम रहेको गाडीले शून्यदेखि १०० किलोमीटरको स्पीड समात्न ७ दशमलव ९ सेकेन्ड लिन्छ । निसान लिफ विभिन्न ११ रङमा उपलब्ध छ । कम्पनीका अनुसार गाडीको मूल्य ६५ लाख रुपैयाँ रहेको छ । नेटा भी नेपालका लागि नेटा भीको आधिकारिक विक्रेता चौधरी ग्रूपअन्तर्गतको सीजी मोटर्स रहेको छ । सन् २०२२ देखि सीजीले नेपालमा नेटा भी आधिकारिक रूपमा विक्री गरिरहेको छ । यसमा ३८ दशमलव ५ किलोवाट आवरको ब्याट्री छ । सीजीका अनुसार नेटा भीले एकपटकको फुल चार्जमा ३८० किलोमीटरभन्दा बढी माइलेज दिन्छ । यसको अधिकतम गति १०१ किलोमीटर प्रतिघण्टा रहेको छ । कम्पनीले गाडीको ब्याट्री र मोटरमा ८ वर्षको वारेन्टी दिएको छ । कम्पनीका अनुसार रेगुलर चार्जरबाट कारलाई फुल चार्ज गर्न ६ देखि ८ घण्टा लाग्छ । यसले ३ दशमलव ९ सेकेन्डमा शून्य देखि ५० किलोमीटरको गति लिन सक्छ । नेटा भीका प्रत्येक क्रेतालाई १ वर्षको बीमाको सुविधा नि:शुल्क दिएको सीजी मोटर्सको भनाइ छ । नेपाली बजारमा नेटा भी विभिन्न ५ रङमा उपलब्ध छ । कम्पनीका अनुसार यसको मूल्य ३८ लाख रुपैयाँ तोकिएको छ । सीजी मोटर्सले नेटा यू प्रो र नेटा एस पनि ल्याउने तयारी गरेको छ । १० महीनामा ८ अर्बको विद्युतीय गाडी आयात नेपालमा विद्युतीय सवारीसाधनको माग बढेसँगै चालू आर्थिक वर्ष (आव) को १० महीनामा ८ अर्ब रुपैयाँभन्दा बढीको गाडी आयात भएको छ । भन्सार विभागका अनुसार नेपालले चालू आवको साउनदेखि वैशाख मसान्तसम्ममा ८ अर्ब ४१ करोड रुपैयाँ बराबरको विद्युतीय चारपांग्रे गाडी आयात गरेको छ । गत आवको १० महीनाको तुलनामा चालू वर्षको सोही अवधिमा विद्युतीय चारपांग्रे आयात रकम ८६ प्रतिशत र परिमाण ९० प्रतिशतले बढेको हो । गत आवको १० महीनामा नेपालले ४ अर्ब ५२ करोड रुपैयाँको १ हजार ५५१ विद्युतीय चारपांग्रे गाडी आयात गरेको थियो । नेपालमा १० महीनामा २ हजार ९५५ ओटा चारपांग्रे गाडी भित्रिएको हो । सबैभन्दा धेरै १०० किलोवाटसम्मका चारपांग्रे आयात भएको देखिन्छ । उक्त अवधिमा १०० किलोवाटसम्मका गाडी ८ अर्ब ९ करोड रुपैयाँको २ हजार ८८२ ओटा आयात भएको छ । त्यसैगरी १०० किलोवाटभन्दा बढी २०० किलोवाटभन्दा कमको २७ करोड ५८ लाख रुपैयाँको ६६ ओटा चारपांग्रे आयात भएको छ । त्यस्तै २०० देखि ३०० किलोवाटसम्मको ४ करोड ६ लाख रुपैयाँको सातओटा चारपांग्रे आयात भएको छ । नेपालमा चीन, फ्रान्स, भारत, कोरिया, संयुक्त राज्य अमेरिका, जापानलगायत देशबाट विद्युतीय चारपांग्रे गाडी आयात हुने गरेको छ । नेपालमा विद्युतीय गाडीको बजार राम्रो : थापा नाडा अटोमोबाइल्स एशोसिएशन अफ नेपालका अध्यक्ष ध्रुव थापा नेपालमा अहिले अन्य सवारीसाधनको तुलनामा विद्युतीय सवारीसाधनको बजार राम्रो भएको बताउँछन् । थापाका अनुसार विद्युतीय सवारीसाधनमा साउथ एशियन मुलुकमध्ये सबैभन्दा राम्रो बजार नेपालको छ । नेपालमा अहिले ग्राहकमाझ १०० किलोवाट क्षमताको विद्युतीय सवारीसाधन लोकप्रिय रहेको थापाले बताए । ‘विद्युतीय सवारीसाधनको क्षेत्रमा अहिले मुख्य दुई चुनौती रहेको पाइन्छ । दक्ष जनशक्ति र चार्जिङ स्टेशन,’ थापा भन्छन्, ‘अहिले हामी निजीक्षेत्रले दक्ष जनशक्ति तयार गरिसकेको अवस्था छ । तर, चार्जिङ स्टेशनका लागि निजीक्षेत्रले मात्र गर्न सम्भव छैन । त्यसैले चार्जिङ स्टेशन निर्माण गर्न निजीक्षेत्रलाई सरकारले सहयोग गर्नुपर्छ ।’ मुलुकभर नै पर्याप्त चार्जिङ स्टेशन नहुँदा विद्युतीय सवारी साधन दुर्गम क्षेत्रमा पुग्न नसकेको थापाले बताए । नीतिगत अस्थिरताका कारण विद्युत् सवारीसाधन आयात गर्ने व्यावसायी मर्कामा पर्दै आएको थापाले बताए । विद्युतीय सवारीसाधनको करको दर पटकपटक फेरबदल हुँदा व्यवसायी मात्र नभएर ग्राहक पनि मर्कामा पर्ने गरेको थापा बताउँछन् ।

Aarthik Abhiyan बैशाख २०८०

नेपाली माटो सुहाउँदो ग्रन्थ विद्युतीय स्कुटर सार्वजनिक हुँदै, यस्ता छन् विशेषता

आउँदो वैशाख २३ गते ग्रन्थ ईभी स्कुटर सार्वजनिक हुने भएको छ । नेपाली डिजाइनमा चीनमा एसेम्बल भएको उक्त स्कुटर एफडी मोटर्सले सार्वजनिक गर्ने भएको हो । ग्रन्थ विद्युतीय स्कुटर नेपाली माटो सुहाउँदो रहेको कम्पनीका सीईओ सुजन ढुंगेलले जानकारी दिए । एफडी मोटर्सले नेपालमा एसेम्बल उद्योग निर्माण अन्तिम चरणमा पुर्‍याएको छ । पहिलो चरणमा एफडी मोटर्सले डिजाइन गरेर चीनमा...

ICT Samachar चैत्र २०७९

ग्रन्थ ईभीले माग्यो डिलरसीपका लागि आवेदन

ग्रन्थ इलेक्ट्रिक भेहिकल (ईभी) ले डिलरसीपको लागि आवेदन खुला गरेको छ । ग्रन्थ ब्राण्डको विद्युतीय स्कुटरको डिलरसीप लिन चाहनेका लागि ग्रन्थ ईभीले आवेदन खुला गरेको हो । डिलरसीप लिन कम्पनी दर्ता र प्यान दर्ताको कागजात आवश्यक पर्नेछ । ग्रन्थ ईभीका सीईओ सुजन ढुंगेलले ग्रन्थ इलेक्ट्रिक स्कुटरमा भएको विशेषता बारे ज्ञान हुने फर्मलाई विशेष प्राथमिकता दिइने बताए । डिलरसीप लिन...

ICT Samachar माघ २०७९

हुण्डाइको लक्जरियस आयोनिक–५ : नाडा इभी एक्सपोको ‘हट केक’

नेपाली बजारमा विद्युतीय गाडीहरू बढ्दै छन् । विभिन्न कम्पनीहरुले आफ्ना नयाँ नयाँ मोडल ल्याउँदैछन् । सँगै, ‘लक्जरियस इलेक्ट्रिक भेहिकल’ पनि भित्रिने क्रम जारी छ ।यस्तै मध्येको एउटा हो, गाडीहरुलाई ‘फुल डोज’ लक्जरियस ‘फील’ गराउने हुण्डाईको ‘आईओनिक–५’ । सन् २०२२ को सुरुवातबाट हुन्डाईको आधिकारीक वितरक लक्ष्मी इन्टरकन्टिनेन्टलले नेपाल भित्र्याएको ‘आईओनिक–५’ हालसम्मकै लक्जरियस इलेक्ट्रिक गाडी हो ।‘नेचुरल ईभी’कोरियामा सन् १९७५ मा पोनी (PONY) गाडी निकालिएको थियो । निकै आकर्षक डिजाइनको उक्त गाडीको झल्को दिने गरी कोरियन कम्पनी हुण्डाईले ‘आईओनिक–५’को डिजाइन गरेको छ । अझ यसमा निकै आधुनिक फिचरहरु थपिएका छन् ।पूरानो र कलात्मक डिजाइनमा आधुनिक प्रविधिको मिश्रण गराएर ईजीएमपी (इलेक्ट्रिक ग्लोबल मोडुलर प्लेटफर्म)मा आधारित भएर यो गाडीको डिजाइन गरिएको छ । सुरुबाटै यसको डिजाइन इलेक्ट्रिक डिजाइन हो ।यो गाडीमा ब्याट्री बाहिर राखिएको नभई यसमा डिजाइन गर्दै च्यासिसभित्रै जडान गरिएको हुन्छ । त्यसैले यो गाडी ‘नेचुरल ईभी’ हो भन्न सकिन्छ । अत्याधिक विशेषता र लक्जरियसआइओनिक–५ मा निकै विशेषता छन् । यसको डिजाइनिङ र स्टाइल निकै आधुनिक र लक्जरियस छ । यसमा प्यारामेट्रिक पिक्सल हेडल्याम्प, पिक्सेल टेल लाइट, ३६० डिग्रीको क्यामेरा पाउन सकिन्छ । ‘ब्लाइन्ड स्पट मोनिटरिङ’ ले ५० डिग्रिमा दृश्य देखाउँछ । सामान्य अरु गाडीहरुले ऐनाबाट २५ डिग्रीमा मात्रै देखाउँछन् । सिटहरु इलेक्ट्रिक सिस्टमले ‘सेट’ गर्न सकिन्छ । ड्राइभर र ड्राइभर छेउका २ वटा सिटमा पनि फरक फरक ‘स्पिड’का एसी लगाउन सकिने विशेषता छ । जस्तो, ड्राइभर सिटमा एसी २० लगाईएको छ भने छेउको सिटमा १७ मात्रै लगाउन पनि सकिन्छ । स्टेरिङको छेउमा १२.२५ इन्चका २ वटा डिस्प्ले छन् । हुण्डाईका अरु गाडीमा भन्दा यसमा गजबको फरक के छ भने स्टेरिङमा ‘एच’ लेखिएको छैन । ‘मोर्स कोड’ अनुसार ४ वटा ‘डट’ (थोप्ला’ हुन्छन् । मोर्स कोडमा ४ वटा डट भनेको ‘एच’ हो । ड्राइभर साइट र अर्को छेउकै सिटको बीचमा हुने ‘सेन्ट्रल कन्स्लोभ’ ‘मुभ’ हुन्छ । त्यसलाई सारेर त्यहीँबाट ओहोरदोहोर गर्न सकिन्छ ।छेउको हात राख्ने ठाउँ र स्पिकर भएको ठाउँ रातीको समयमा लाइटले लक्जरियस देखिन्छ । आई–पेडल मोड र भी२एल (भेहिकल टू लोड) यसका अर्का विशेषता हुन् । यसमा एउटा गाडीबाट अर्को गाडीमा चार्ज गर्न मिल्छ । चार्ज गर्नु परेन भने रहेको चार्जले टिभि चलाउन मिल्छ, फ्रिज र वाशिङ मेशिन जस्ता विद्युतीय उपकरण चलाउन सकिन्छ । वातावरणमैत्री पनि‘लक्जरियस ईभी’ ‘आईओनिक–५’ले एकातिर नेपालको आफ्नै बिजुलीको खपत बढाएर इन्धनमा बाहिरिने रकम बचत गर्न योगदान गर्छ भने अर्कोतिर यो वातावरणमैत्री पनि छ । विद्युतीय गाडी आफैँमा वातावरणमैत्री हुन्छन् । तर, यो यसमा पनि ‘एडभान्स’ छ । यस भित्र डिजाइन गरिँदा ब्याट्री र अरु उपकरणबाहेक सबै ‘रिसाइकल आइटम’बाट सजावट गरिएको छ ।‘फ्ल्याक्स सीड्स’, रिसाइकल प्लास्टिकहरु प्रयोग गरिएको छ । १२५ किलोवाट मोटर क्षमता र ५८.९ किलोवाट आवर ब्याट्री क्षमता भएको यो ईभीको डीकी बटमबाटै खोलिन्छ । अगाडीको बोनेट पनि ‘अटो’ अडिन्छ ।उच्च सुरक्षा मापदण्डआईओनिक–५ सुरक्षाका दृष्टिकोणले पनि निकै मजबुत मानिन्छ । ‘युरो एनकेप’ले गरेको ‘र्याङ्किङ’मा यो गाडीले ‘फाइभ स्टार’ पाएको थियो । फाइभ स्टार भनेको सबैभन्दा उच्चतम् अंक हो ।यसको अगाडी र पछाडीको टायरको दुरी ३ हजार मिलिमिटर छ । ४ हजार ६३५ मिटर लम्बाइ भएको यो गाडी सोलार रुफ र भिजन रुफ २ भेरियन्टमा पाइन्छ । यसको अर्को महत्वपूर्ण विशेषता भनेको ग्राउण्ड क्लियरेन्स हो । १६० मिलिमिटरको ग्राउण्ड ग्राउण्ड क्लियरेन्स छ । यसमा कसैलाई ‘अफ रोड’ कुदाउन शंका लागे १ इन्चसम्म बढाउन सकिन्छ । कम्पनीले नै बढाइदिने सुविधा छ ।सोलार रुफमा सोलार प्यानल नै जडान गरिएको हुन्छ । त्यसबाट पनि अटोमेटिक चार्ज हुन्छ ।एक पटकको फूल चार्जमा सोलार रुफमा ४५० किलोमिटरसम्म (प्रयोगकर्ताको अनुभवका आधारमा) र भिजन रुफमा ३७५ किलोमिटरसम्म कुद्न सक्ने यो गाडीको खरिदमा ‘लेभल वान’ चार्ज हुने ‘वायर लेस’ चार्जर पाइन्छ । लेभल–२ र लेभल–३ बाट छिटो चार्ज हुन्छ । लेभल–३ चार्जर भनेको डीसी चार्जर हो । यसबाट १८ मिनेटमै फूल चार्ज हुन्छ । १८ मिनेट चार्ज गर्दा ५ सयभन्दा केही बढी शुल्क लाग्छ । भिजन रुफमा एक पटक फूल चार्ज गरेपछि ३७५ किलोमिटर कुद्ने दाबी गरिएको र सोलार रुफमा सोलारबाट पनि चार्ज हुने भएकाले ४४० देखि ४५० किलोमिटर कुदेको अनुभव प्रयोगकर्ताबाटै आएको हुण्डाईका सेल्स कन्सल्टेन्ट बताउँछन् ।स्पेयर पार्टस्मा समस्या नहोस् भनेर कोरियाबाटै १९ इन्चको ‘ह्वील’ ल्याइएको छ ।विभिन्न ९ फरक रङ्गहरुमा उपलब्ध यो गाडीको मूल्य १ करोड १६ लाख ९६ हजार पर्छ । नाडाले नेपालमै पहिलोपटक आयोजना गर्न लागेको नाडा ईभी एक्सपो–२०२२ मा यो गाडी प्रदर्शनमा राखिने छ । हुण्डाईका सेल्स कन्सल्ट्यान्ट दीपेश गौतम भन्छन्, ‘हुण्डाईको यो ईभी एडभान्स छ, लक्जरियस छ । यो वातावरणमैत्री पनि छ । यसमा नेपालकै बिजुली प्रयोग हुन्छ । डिजेल र पेट्रोलभन्दा ९ गुणा बढी सस्तोमै चार्ज गरेर हिड्न सकिन्छ ।’

Bizpati भाद्र २०७९

टिगोर ईभी सम्मानित

काठमाडौं (अस) । टाटा मोटर्सको उत्पादन विद्युतीय टिगोर (टिगोर ईभी) ‘भ्युअर्स च्वाइस ईभी अफ द इअर’ उपाधिबाट सम्मानित भएको छ । उक्त उपाधिबाट विद्युतीय टिगोरलाई कार एन्ड बाइक अवार्ड २०२२ मा सम्मानित गरिएको हो । जिपट्रोन प्रविधिमा आधारित विद्युतीय टिगोर गत वर्षको अगस्त अन्तिममा मात्र भारतीय बजारमा सार्वजनिक भएको हो । गाडीको बाहिरी, आन्तरिक र सुरक्षा विशेषताका कारण विद्युतीय टिगोर ग्राहकमाझ लोकप्रिय रहेको कम्पनीले बताएको छ । विद्युतीय टिगोरले ग्लोबल एनक्याप सुरक्षा रेटिङमा चार स्टार रेटिङ पाएको छ । वयस्क सुरक्षाको हिसाबमा गाडीले १६ मध्ये १२ अंक पाएको हो भने बालबालिकाको सुरक्षा हिसाबमा गाडीले ४९ मध्ये ३७.२४ अंक पाएको छ । विद्युतीय टिगोर २६ किलोवाटको लिक्विड–कुल्ड र उच्च ऊर्जा घनत्व ब्याट्री प्याकद्वारा सञ्चालित छ । यसमा भएको आइपी–६७ रेटेड ब्याट्री प्याकले गर्दा गाडीलाई जुनसुकै मौसममा सहजै चलाउन सकिन्छ । गाडीमा जडित विद्युतीय मोटरले ७४ बिएचपी पावर र १७० एनएम टर्क जेनेरेट गर्छ । विद्युतीय टिगोरमा भएको ब्याट्रीलाई २५ किलोवाटको डिसी चार्जरबाट ६५ मिनेटमा ८० प्रतिशतसम्म चार्ज गर्न सकिन्छ । यसबाहेक ब्याट्रीलाई १५ एएमपी प्लग अर्थात् घर वा कार्यालयमा हुने चार्जिङ पोर्टबाट पनि सजिलै चार्ज गर्न सकिन्छ । विद्युतीय टिगोरलाई ड्राइभ र स्पोर्ट गरी दुई मोडमा चलाउन सकिन्छ । यसमा ३१६ लिटरको बुट स्पेस रहेको छ । विद्युतीय टिगोर डेटोन ग्रे र टिल ब्लू (नीलो) गरी दुई रंग विकल्पमा उपलब्ध छ । विद्युतीय टिगोरले एक पटकको पूरा चार्जमा ३०६ किलोमिटरसम्मको माइलेज दिन्छ । विद्युतीय टिगोरमा ७ इन्चको हर्मान इन्फोटेनमेन्ट टचस्क्रिन, डिजिटल एलसिडी इन्सट्रुमेन्ट क्लस्टर, अटोमेटिक क्लाइमेट कन्ट्रोल, सिट उचाइ मिलाउन मिल्ने ड्राइभर सिटलगायत विशेषता छन् । विद्युतीय टिगोरमा डुअल एयर ब्याग, इबिडीसहितको एबिएस प्रविधि, रिअर पार्किङ सेन्सर, रिअर पार्किङ क्यामेरा, सिट बेल्ट रिमाइन्डरजस्ता सुविधा छन् । भारतीय बजारमा विद्युतीय टिगोरको मूल्य १२ लाख २४ हजारदेखि १३ लाख ३९ हजार रुपैयाँ तोकिएको छ । टिगोर इभीएक्सई, एक्सएम र एक्सजेड प्लस गरी तीन वटा ट्रिममा उपलब्ध छन् । नेपालमा टाटा मोटर्सको आधिकारिक बिक्रेता सिप्रदी ट्रेडिङ प्रालि हो ।

Aarthik Abhiyan फाल्गुन २०७८

टाटा नेक्सन ईभीको दोस्रो संस्करण नेपाल आउँदै

काठमाडौं (अस) । नेपाली बजारमा सेडानमध्ये टाटाको टिगोर गाडी बिक्री हुँदै आएको छ । गाडीको आवरण, विशेषता र सुरक्षाको हिसाबमा अग्रपंक्तिमा रहेको टाटा टिगोर नेपालमा सन् २०१८ को अन्त्यतिर सार्वजनिक भएको थियो । आन्तरिक र बाह्य बजार मूल्यांकन र मागपछि टाटा मोटर्सले केही महिनाअघि भारतीय बजारमा विद्युतीय सेडान सेग्मेन्टमा टाटा टिगोर सार्वजनिक गरेको छ । झन्डै तीन महिना सार्वजनिक टिगोर ईभी जिपट्रोन प्रविधिमा आधारित छ । भारतीय बजारमा यो विद्युतीय टिगोरको सुरुआती मूल्य भारु ११ लाख ९९ हजार तोकिएको छ । नेपाली बजारमा पनि टिगोर ईभीलाई छिट्टै भित्र्याइने भएको छ । नेपाली बजारमा टाटाका दुई विद्युतीय मोडल टिगोर ईभी र नेक्सन ईभी बिक्री हुनेछन् । नेपालमा नेक्सन ईभी सन् २०२१ को मध्यतिर सार्वजनिक भएको हो । यो एक्सएम, एक्सजेड प्लस र एक्सजेड प्लस लक्जरी गरी तीन ट्रिममा उपलब्ध छ । टिगोर ईभीले ग्लोबल एनक्याप सुरक्षा रेटिङमा चार स्टार रेटिङ पाएको छ, जसमा वयस्क सुरक्षाको हिसाबमा गाडीले १६ अंकमध्ये १२ अंक पाएको छ भने बालबालिकाको सुरक्षा हिसाबमा गाडीले ४९ अंकमध्ये ३७.२४ अंक पाएको छ । टिगोर ईभी जिपट्रोन प्रविधिमा आधारित छ । यो गाडी २६ किलोवाटको लिक्विड–कुल्ड, उच्च ऊर्जा घनत्व ब्याट्री प्याक र आइपी–६७ रेटेड ब्याट्री प्याकद्वारा सञ्चालित छ । यसले गाडीलाई जुनकुनै मौसममा सहजै चलाउन सकिन्छ । गाडीमा जडित विद्युतीय मोटरले ७४ बीएचपी (५५ किलोवाट) पावर र १७० एनएम टर्क जेनेरेट गर्छ । त्यस्तै, टिगोर ईभीमा भएको ब्याट्रीलाई २५ किलोवाटको डिसी चार्जरबाट चार्ज गर्दा जम्मा ६५ मिनेटमा ८० प्रतिशतले चार्ज हुन्छ । गाडीलाई ड्राइभ र स्पोर्ट गरी दुई मोडमा चलाउन सकिन्छ । टिगोर ईभी डेटोन ग्रे र टिल ब्लू गरी दुई रंग विकल्पमा उपलब्ध हुनेछ । यो डुअल–टोन विकल्पमा उपलब्ध गराइए यसको माथिल्लो भाग (रुफ) कालो रंगको हुनेछ । यसको अगाडि भागमा पूरै एलइडी डिआरएल लाइटले गाडीलाई झनै आकर्षक बनाएको छ । गाडीको पछाडि हेर्ने रिअर भ्यू ऐना पनि फोल्डेबल हुनेछन् । गाडीको ड्यासबोर्ड फिका ग्रे र कालो थिम गरी डुअल–टोन छ । यसमा ७ इन्चको हर्मन इन्फोटेनमेन्ट टचस्क्रिन, अटोमेटिक क्लाइमेट कन्ट्रोल, अटो एसी, सिट उचाइ मिलाउन मिल्ने ड्राइभर सिटलगायत विशेषता रहेका छन् । टिगोर ईभीमा डुअल एयर ब्याग, इबिडीसहितको एबिएस प्रविधि, रिअर पार्किङ सेन्सर, रिअर पार्किङ क्यामेरा, सिट बेल्ट रिमाइन्डरजस्ता विशेषता छन् । टाटा मोटर्सले टिगोर ईभीको ब्याट्री र मोटरमा ८ वर्षको अर्थात् १ लाख ६० हजार किलोमिटरको वारेन्टी दिएको छ । भारतमा टिगोर ईभीको मूल्य तोकिए पनि नेपालमा हालसम्म मूल्य सार्वजनिक गरिएको छैन । नेपालमा टाटा मोटरको आधिकारिक बिक्रेता सिप्रदी ट्रेडिङ प्रालि हो ।

Aarthik Abhiyan पौष २०७८

टाटा नेक्सन ईभीकै जिपट्रेन प्रविधिमा अर्को ईभी गाडी नेपाल आउँदै

काठमाडौं । नेपाली बजारमा सर्वाधिक बिक्री हुने सेडानमध्ये टाटाको टिगोर पर्छ । पाँच सिटर कम्प्याक्ट सेडान टिगोरले बजार प्रवेश गरे सँगै लोकप्रियता कमायो । गाडीको आवरण, विशेषता र सुरक्षाको हिसाबमा अग्रपंतिमा रहेको टाटा टिगोर सन् २०१७ मा सार्वजनिक भएको हो । नेपालमा भने यो सन् २०१८ को अन्त्यतिर सार्वजनिक भयो...

बाह्रखरी पौष २०७८

नेपालमा भित्रिँदै टाटा टिगोर ईभी

काठमाडौं (अस) । नेपाली बजारमा टाटाको सेडान टिगोर बिक्री हुँदै आएको छ । आन्तरिक एवं बाह्य बजार मूल्यांकन र मागपछि टाटा मोटर्सले केही महिनाअघि भारतीय बजारमा विद्युतीय सेडान सेग्मेन्टमा टाटा टिगोर ईभी सार्वजनिक गरेको छ । भारतीय बजारमा यो विद्युतीय टिगोरको सुरुआती मूल्य भारु ११ लाख ९९ हजार पर्छ । नेपालमा टाटा गाडीको आधिकारिक बिक्रेता सिप्रदी ट्रेडिङका अनुसार नेपाली बजारमा टिगोर ईभी छिट्टै भित्रने भएको छ । टिगोर ईभी नेपाली बजारमा भित्रिएपछि टाटाका दुई विद्युतीय मोडल टिगोर ईभी र नेक्सन ईभी हुनेछन् । नेपालमा नेक्सन ईभी सन् २०२१ को मध्यतिर सार्वजनिक भएको हो । यो एक्सएम, एक्सजेड प्लस र एक्सजेड प्लस लक्जरी गरी तीन ट्रिममा उपलब्ध छ । टिगोर ईभीले ग्लोबल एनक्याप सुरक्षा रेटिङमा चार स्टार रेटिङ पाएको छ, जसमा वयस्क सुरक्षाको हिसाबमा गाडीले १६ अंकमध्ये १२ अंक पाएको छ भने बालबालिकाको सुरक्षा हिसाबमा ४९ अंकमध्ये ३७.२४ अंक पाएको छ । टिगोर ईभी जिपट्रोन प्रविधिमा आधारित छ । यो २६ किलोवाटको लिक्विड–कुल्ड, उच्च ऊर्जा घनत्व ब्याट्री प्याक र आइपी–६७ रेटेड ब्याट्री प्याकद्वारा सञ्चालित छ । यसले गाडीलाई जुनकुनै मौसममा सहजै चलाउन सकिन्छ । गाडीमा जडित विद्युतीय मोटरले ७४ बिएचपी (५५ किलोवाट) पावर र १७० एनएम टर्क जेनेरेट गर्छ । त्यस्तै, टिगोर ईभीमा भएको ब्याट्रीलाई २५ किलोवाटको डिसी चार्जरबाट चार्ज गर्दा जम्मा ६५ मिनेटमा ८० प्रतिशतले चार्ज हुन्छ । यसलाई १५ एएमपी प्लगबाट पनि चार्ज गर्न सकिन्छ । गाडीलाई ड्राइभ र स्पोर्ट गरी दुई मोडमा चलाउन सकिन्छ । भारतमा जस्तै नेपाली बजारमा टिगोर ईभी डेटोन ग्रे र टिल ब्लू गरी दुई रंग विकल्पमा उपलब्ध हुनेछ । यो डुअल–टोन विकल्पमा उपलब्ध गराए यसको माथिल्लो भाग (रुफ) भने कालो रंगको हुनेछ । गाडीको अगाडि भागमा पूरै एलइडी डीआरएल लाइटले गाडीलाई झनै आकर्षक बनाएको छ । यसको पछाडि हेर्ने रिअर भ्यू ऐना फोल्डेबल छन् । गाडीको ड्यासबोर्ड फिका ग्रे र कालो थिम गरी डुअल–टोन छ । यसमा ७ इन्चको हर्मन इन्फोटेनमेन्ट टचस्क्रिन, अटोमेटिक क्लाइमेट कन्ट्रोल, डिजिटल एलसिडी इन्सट्रुमेन्ट क्लस्टर, अटो एसीलगायत विशेषता छन् ।

Aarthik Abhiyan पौष २०७८

पेट्रोललाई ईभी बनाइएका ३ चिनियाँ इलेक्ट्रीक एसयूभी, कुनमा कस्ता विशेषता ?

सम्बन्धित सामग्री