मकवानपुरको हेटौंडा–७ स्थित कमाने क्षेत्रका कुखुरामा बर्डफ्लु रोग लागेको भेटिएपछि कुखुरा नष्ट गर्न सुरु गरिएको छ । शनिबार दिउँसोबाट कुखुरा नष्ट गर्न सुरु गरिएको हो । बर्डफ्लु संक्रमित क्षेत्रका करिब ४१ हजार कुखुरा नष्ट गरिसक्न ३ दिन लाग्ने अनुमान गरिएको छ । जिल्ला प्रशासन कार्यालय मकवानपुरको सक्रियतामा स्थानीय किसानहरूसँग दुईदिनको छलफलपछि क्षतिपूर्ति निर्धारणको विषयमा सहमति जुटेपछि कुखुरा नष्ट गर्न थालिएको हो ।
