१० करोड मानिसमा कोभिडको दीर्घकालीन लक्षणः अध्ययन

हिमालयन ८०–२० म्युचुअल फण्डको इकाई सूचीकृत

काठमाडौं । बुधवार नेपाल स्टक एक्सचेन्ज (नेप्से)मा हिमालयन क्यापिटलले निष्कासन गरेको हिमालयन ८०–२० नामक सामूहिक लगानी कोष योजनाको इकाई सूचीकृत भएको छ । फण्डको १० करोड इकाई नेप्सेमा सूचीकृत भएको हो । अब फण्डको इकाई बिहीवारबाट कारोबार गर्न सकिने छ । क्यापिटलले साउन ३२ गतेदेखि हिमालयन म्युचुअल फण्डअन्तर्गत संचालन हुने गरी हिमालयन ८०–२० नामक बन्दमुखी म्युचुअल फण्ड योजनाको इकाई निष्कासन गरेको थियो । यस योजनाको आकार १ अर्ब रहेको छ । क्यापिटलले प्रतिइकाई १० रुपैयाँको दरले फण्डको १० करोड इकाई निष्कासन गरेको हो । यस 'हिमालयन ८०–२०' नामक योजनाको कुल लगानीमध्ये ८० प्रतिशत पूँजी तथा वित्त बजारका दीर्घकालीन लगानीमार्फत कम्पाउन्डिङ्ग प्रतिफल सहितको मुनाफा आर्जन गर्ने तथा बाँकी २० प्रतिशत पूँजी तथा वित्त बजारको उतारचढावमा प्रतिबिम्बित भई सक्रिय लगानी व्यवस्थापन गर्ने सिद्धान्तको आधारमा संचालन गरि लगानीकर्ताहरूलाई उच्चतम प्रतिफलको अनुभव प्रदान गर्ने गरि संचालन गर्ने कोष व्यवस्थापक, हिमालयन क्यापिटल लिमिटेडले जनाएको छ ।

Aarthik Abhiyan कार्तिक २०८०

हकप्रदमा छैन लगानीकर्ताको आकर्षण, अपर तामाकोशीको १० करोड ५९ लाख कित्ता बिक्ला ?

काठमाडौं । पछिल्लो समय हकप्रद शेयरप्रति लगानीकर्ताको आकर्षण कम भएको छ । कम्पनीहरूको हकप्रद शेयर निष्कासनमा परेको आवेदनका आधारमा पछिल्लो समय हकप्रद शेयरप्रति लगानीकर्ताको आकर्षण कम देखिएको हो । सार्वजनिक निष्कासनमा एक वित्त कम्पनीसहित चार कम्पनीको हकप्रद शेयर विक्री भइरहेको छ । अपि पावरको ४० प्रतिशत, अरुण काबेली पावरको शत प्रतिशत, मल्टीपर्पस फाइनान्सको ३५ प्रतिशत र सिनर्जी पावरको ५० प्रतिशत हकप्रद विक्रीमै रहेको हो । यी कम्पनीहरूको हकप्रद खरीदका लागि निकै कम आवेदन परेको छ । धेरै समयपछि सार्वजनिक निष्कासनमा एकै पटक यति धेरै कम्पनीको हकप्रद शेयर विक्रीमा आएको हो । यसैबीच अपर तामाकोशी हाइड्रोपावर लिमिटेडको शतप्रतिशत हकप्रदसमेत भदौ १८ गतेदेखि सार्वजनिक निष्कासनमा आउने भएको छ । अपर तामाकोशीले १० करोड ५९ लाख कित्ता हकप्रद शेयर विक्री गर्न लागेको हो । हाल कम्पनीको चुक्ता पूँजी १० अर्ब ५९ करोड रुपैयाँ छ । सोही पूँजी बराबर कम्पनीले असोज ७ गतेसम्म हकप्रद विक्री गर्ने तयारी गरेको हो । शत प्रतिशत हकप्रद शेयरपछि कम्पनीको चुक्ता पूँजी २१ अर्ब १८ करोड रुपैयाँ कायम हुनेछ । हकप्रद शेयर विक्रीबाट संकलित रकम कम्पनीले अल्पकालीन ऋण भुक्तानी तथा रिटेन्सन मनी भुक्तानीसँगै रोलवालिङ खोला जलविद्युत आयोजनामा लगानी गर्ने जानकारी दिएको छ । कुनै समय लगानीकर्ताको प्रमुख आकर्षण अपर तामाकोशीको शेयरमा थियो । पछिल्लो समय बजार घट्दै जाँदा यो कम्पनीको शेयर मूल्यसमेत घटेको छ । पछिल्लो कारोबार दिन अपर तामकोशीको शेयर मूल्य प्रतिकित्ता २२२ रुपैयाँ ५० पैसा छ । धितोपत्र दोस्रो बजारले ऐतिहासिक रेकर्ड कायम गरी ३ हजार २०० विन्दु कायम गरेको समयमा अपर तामाकोशीको शेयर मूल्य प्रतिकित्ता ८०० रुपैयाँभन्दा बढी थियो । दोस्रो बजारमा हाल कायम मूल्यले पनि हकप्रद शेयरमा प्रभाव पार्ने गर्दछ । अहिले दोेस्रो बजारमा सूचीकृत कम्पनीको शेयर मूल्य निकै कम हुनु र लगानीयोग्य रकम पर्याप्त भए पनि चर्को ब्याजदरका कारण कर्जा लिन नसक्ने अवस्थाले पनि हकप्रद शेयर खरीद गर्न नसकेको लगानीकर्ताको भनाइ छ । बजार घटिरहेकाले पनि लगानीकर्ताहरू चर्को ब्याजमा कर्जा लिएर हकप्रद शेयरमा लगानी गर्न डराइरहेका छन् । प्रतिशेयर १०० रुपैयाँ अंकित मूल्यमा कम्पनीले हकप्रद शेयर विक्री गर्न लागेको हो । कम्पनीले असार २२ गते शत प्रतिशत हकप्रद शेयर विक्री गर्न नेपाल धितोपत्र बोर्डबाट अनुमति पाएको थियो । बोर्डबाट स्वीकृति पाएको करिब २ महीनामा हकप्रद निष्कासन गर्न लागेको हो । हकप्रद शेयर निष्कासन प्रयोजनका लागि साउन २६ गते एक दिन बुक क्लोज गरिएकाले साउन २५ गतेसम्म कायम शेयरधनीहरूले मात्र कम्पनीको हकप्रद शेयर खरीद गर्न पाउनेछन् । हकप्रद शेयर निष्कासनका लागि गराएको रेटिङ्गमा केयर रेटिङ्ग नेपालले कम्पनीलाई समयमा वित्तीय दायित्व वहन गर्ने क्षमतामा मध्यम जोखिम रहेको संकेत गर्ने केयरएनपी डबल बी इस्यूअर रेटिङ्ग प्रदान गरेको छ । कम्पनीको हकप्रद शेयर निष्कासन तथा विक्री प्रबन्धकमा नागरिक लगानी कोष छ भने सहविक्री प्रबन्धकमा सनराइज क्यापिटल लिमिटेड छ । कम्पनी अझै नोक्सानीमा २०७८ भदौ २५ गतेदेखि ४५६ मेगावाट क्षमताको माथिल्लो तामकोशी जलविद्युत आयोजनाको निर्माण सम्पन्न गरी व्यापारिक उत्पादन गर्दै आएको यस कम्पनी अझै नोक्सानीमा छ । गत आर्थिक वर्षको चौथो त्रैमाससम्मको अपरिस्कृत वित्तीय विवरण अनुसार कम्पनी ३ अर्ब ७५ करोड रुपैयाँभन्दा बढी खुद नोक्सानीमा रहेको हो । गत वर्ष कम्पनीको नोक्सानी बढेको हो । अघिल्लो वर्ष चौथो त्रैमाससम्म कम्पनीको खुद नोक्सानी २ अर्ब ३१ करोड रुपैयाँभन्दा बढी मात्र थियो । गत वर्ष कम्पनीको वित्तीय खर्च बढ्दा नोक्सानी बढ्न गएको हो । अघिल्लो वर्ष ५ अर्ब ७७ करोड रुपैयाँभन्दा बढी रहेको वित्तीय खर्च गत वर्ष ७ अर्ब ३९ करोड रुपैयाँभन्दा बढी रहेको हो । वित्तीय आम्दानी भने अघिल्लो वर्ष ४९ लाख रुपैयाँभन्दा बढी रहेकोमा गत वर्ष ३ करोड ८१ लाख रुपैयाँभन्दा बढी भएको छ । अन्य आम्दानी समेत अघिल्लो वर्ष २० लाख रुपैयाँभन्दा बढी भएकोमा गत वर्ष २ करोड ४५ लाख रुपैयाँभन्दा बढी भएको छ । विद्युत विक्रीबाट अघिल्लो वर्ष ७ अर्ब ११ करोड रुपैयाँभन्दा बढी आम्दानी गरेको कम्पनीले गत वर्ष ८ अर्ब १२ करोड रुपैयाँभन्दा बढी आम्दानी गरेको छ । हाल कम्पनीको चुक्ता पूँजी १० अर्ब ५९ करोड रुपैयाँ छ भने रिटेन्ड अर्निङ ६ अर्ब ९१ करोड रुपैयाँभन्दा बढी ऋणात्मक छ । कम्पनीले लिएको दीर्घकालीन कर्जा अघिल्लो वर्षभन्दा गत वर्ष कम भएको छ । अघिल्लो वर्ष ७३ अर्ब ७८ करोड रुपैयाँभन्दा बढी रहेको दीर्घकालीन कर्जा गत वर्ष ७३ अर्ब १५ करोड रुपैयाँभन्दा बढी कायम भएको हो । अल्पकालीन कर्जा भने अघिल्लो वर्ष ५ अर्ब १० करोड रुपैयाँ रहेकोमा गत वर्ष ६ अर्ब पुगेको छ । गत चौथो त्रैमाससम्म कम्पनी ३५ रुपैयाँ ४९ पैसा प्रतिशेयर नोक्सानीमै छ । प्रतिशेयर नेटवर्थ भने ३४ रुपैयाँ ६७ पैसा छ ।

Aarthik Abhiyan श्रावण २०८०

निर्माण कम्पनीमा सञ्चालन नाफाको तेब्बरभन्दा माथि कर्जा

काठमाडौं । नेपालमा सञ्चालनमा रहेका निर्माण व्यवसायीको कर्जा औसतमा सञ्चालन नाफाको तेब्बरभन्दा माथि देखिएको छ । रेटिङ कम्पनीहरूको रिपोर्टअनुसार आर्थिक वर्ष (आव) सन् २०२२ मा १० निर्माण व्यवसायीको कुल कर्जा ४७ अर्ब ५३ करोड रुपैयाँ छ । सोही आवमा उनीहरूको सञ्चालन नाफा १३ अर्ब ९० करोड रुपैयाँ कायम भएको छ । यो नाफा सन् २०२१ को तुलनामा झन्डै १ प्रतिशतले बढी हो । आव सन् २०२१ मा यी कम्पनीको सञ्चालन नाफा १३ अर्ब ७७ करोड रुपैयाँ थियो । रेटिङ कम्पनीहरूले प्रकाशित गरेको रिपोर्टअनुसार सञ्चालनमा रहेका १० निर्माण कम्पनीको कर्जा आव सन् २०२२ को उनीहरूको सञ्चालन नाफाको ३ दशमलव ४२ गुणा हो । नेपाल निर्माण व्यवसायी महासंघका अध्यक्ष रवि सिंह अहिले निर्माण कम्पनीहरू समयमै सरकारबाट भुक्तानी नपाउँदा समस्याबाट गुज्रिरहेको बताउँछन् । ‘समयमा भुक्तानी नहुँदा, मूल्यवृद्धि र रुस–युक्रेन तनावका कारण निर्माण व्यवासायीको व्यवसाय प्रभावित भएको छ । व्यवसायीले लिएको कर्जा पनि बढेको छ,’ उनले भने । निर्माण व्यवसायीले अहिले अत्यधिक नोक्सानी बेहोर्नुपरेको पनि उनले बताए । ‘व्यवसायीको तीन/चार वर्षदेखिको ओभरहेड खर्च छ । कर्जाको ब्याज पनि तिर्ने नसक्ने अवस्था भएकाले हामी आन्दोलित हुनुपरेको छ,’ उनले भने । महासंघका अनुसार नेपालमा हाल २४ हजार निर्माण व्यवसाय दर्ता छन् । तीमध्ये पाँच हजार हाराहारी मात्र सक्रिय छन् । कुन कम्पनीको अवस्था कस्तो ? हनुमान कन्सट्रक्सन प्रालि सन् १९९४ मा स्थापित ‘क’ वर्गको यस कम्पनीले नेपालभर भवन, सडक, पुल र अन्य पूर्वाधार विकास परियोजना निर्माण गर्दै आएको छ । कम्पनीको अध्यक्षमा शालिकराम न्यौपाने छन् । रेटिङ कम्पनी इन्फोमेरिक्स नेपालका अनुसार हनुमानले आव २०२२ मा २ अर्ब ६ करोड रुपैयाँ सञ्चालन नाफा कमाएको छ । कम्पनीको ४ अर्ब ६८ करोड रुपैयाँ कर्जा छ । इन्फोमेरिक्सले कम्पनीको दीर्घकालीन कर्जाका लागि डबल बी र अल्पकालीनको लागि ए फोर रेटिङ दिएको छ । शुभ कन्सट्रक्सन प्रालि सन् १९८९ मा स्थापित ‘क’ वर्गको यस कम्पनीले नेपाल सरकारको विभिन्न निकायका साथै निजी कम्पनीको निर्माण कार्य गर्दै आएको छ । कम्पनीको अध्यक्ष सन्तोषकाजी श्रेष्ठ छन् । इन्फोमेरिक्स नेपालका अनुसार शुभ कन्सट्रक्सनले आर्थिक वर्ष सन् २०२२ मा १६ करोड ५० लाख रुपैयाँ सञ्चालन नाफा कमाएको छ । कम्पनीको कर्जा ८० करोड रुपैयाँ छ । कम्पनीको दीर्घकालीन कर्जाको लागि इन्फोमेरिक्सले बी प्लस र अल्पकालीनको लागि ए फोर रेटिङ दिएको छ । रसुवा कन्सट्रक्सन कम्पनी प्रालि सन् १९९७ मा स्थापित ‘क’ वर्गको यस कम्पनीले पुल, भवन, सडक, जलविद्युत् आयोजना र अन्य पूर्वाधार निर्माणको परियोजनामा काम गर्दै आएको छ । कम्पनीको अध्यक्ष राजेन्द्रराज आचार्य छन् । इन्फोमेरिक्स नेपालका अनुसार कम्पनीले आव सन् २०२२ मा तीन अर्ब ४६ करोड रुपैयाँ सञ्चालन नाफा गरेको छ । कम्पनीको सात अर्ब ५२ करोड रुपैयाँ कर्जा छ । इन्फोमेरिक्स नेपालले कम्पनीको दीर्घकालीन कर्जाका लागि ट्रिपल बी माइनस र अल्पकालीन कर्जाको लागि ए थ्री रेटिङ दिएको छ । मोतिदान कन्सट्रक्सन सेवा प्रालि सन् २००९ मा स्थापित ‘क’ वर्गको यस कम्पनीले खानी, सडक, पुल, भवन, सिँचाइ कार्य निर्माणलगायतको काम गर्दै आएको छ । कम्पनीको प्रबन्ध निर्देशकमा रामबहादुर गौतम छन् । रेटिङ कम्पनी केयर रेटिङ्स नेपालका अनुसार कम्पनीले आव सन् २०२२ मा २ अर्ब ७० करोड रुपैयाँ सञ्चालन नाफा गरेको छ । कम्पनीको १३ अर्ब ५० करोड रुपैयाँ कर्जा छ । केयर रेटिङ्सले कम्पनीको दीर्घकालीन कर्जाका लागि डबल बी प्लस र अल्पकालीनको लागि ए फोर प्लस रेटिङ दिएको छ । कन्काई इन्टरनेशनल बिल्डर्स प्रालि सन् १९८७ मा स्थापित यस कम्पनीको आम्दानी मुख्यतया सरकारी विभागहरूको सडक र खानेपानी आयोजनाबाट हुने गरेको छ । कम्पनीको अध्यक्षमा रामप्रसाद मैनाली छन् । केयर रेटिङ्स नेपालका अनुसार कम्पनीले आव सन् २०२२ मा एक अर्ब ६८ करोड रुपैयाँ सञ्चालन नाफा गरेको छ । कम्पनीको ५ अर्ब ५० करोड रुपैयाँ कर्जा छ । केयर रेटिङ्सले कम्पनीको दीर्घकालीन कर्जाको लागि डबल बी प्लस र अल्पकालीनको लागि ए फोर प्लस रेटिङ दिएको छ । बानियाँ निर्माण सेवा प्रालि सन् १९९८ मा स्थापित ‘क’ वर्गको यस कम्पनीले खानी निर्माणका साथै अन्य निर्माण कार्य गर्दै आएको छ । कम्पनीको अध्यक्षमा इन्द्रबहादुर बानियाँ छन् । केयर रेटिङ्स नेपालका अनुसार कम्पनीले आव सन् २०२२ मा २ अर्ब ५६ करोड रुपैयाँ सञ्चालन नाफा गरेको छ । कम्पनीको ८ अर्ब ७५ करोड रुपैयाँ कर्जा रहेको छ । केयर रेटिङ्सले कम्पनीको दीर्घकालीन कर्जाका लागि डबल बी र अल्पकालीनका लागि ए फोर रेटिङ दिएको छ । सपना निर्माण सेवा प्रालि सन् १९८४ मा स्थापित ‘क’ वर्गको यस कम्पनीले सडक, पुलका साथै सिँचाइको निर्माण कार्य गर्दै आएको छ । कम्पनीको प्रबन्ध निर्देशकमा हरिप्रसाद ढकाल छन् । केयर रेटिङ्स नेपालका अनुसार कम्पनीले आव सन् २०२२ मा ३७ करोड ८० लाख रुपैयाँ सञ्चालन नाफा गरेको छ । कम्पनीको १ अर्ब ७८ करोड रुपैयाँ कर्जा छ । केयर रेटिङ्सले कम्पनीको दीर्घकालीन कर्जाका लागि डबल बी र अल्पकालीनको लागि ए फोर रेटिङ दिएको छ । कवीन्द्र निर्माण सेवा कम्पनी प्रालि सन् २०१८ मा स्थापित ‘क’ वर्गको यस कम्पनीले भवन र सडक निर्माणको कार्य गर्दै आएको छ । कम्पनीको अध्यक्ष कवीन्द्र महर्जन हुन् । कम्पनीमा कवीन्द्र र उनका भाइ मनीन्द्रको ८० प्रतिशत शेयर छ । रेटिङ कम्पनी इक्रा नेपालका अनुसार यो कम्पनीले आव सन् २०२२ मा १० करोड ४० लाख रुपैयाँ सञ्चालन नाफा कमाएको छ । कम्पनीको १ अर्ब १६ करोड रुपैयाँ कर्जा छ । इक्रा नेपालले यसको दीर्घकालीन कर्जाको लागि बी प्लस र अल्पकालीनका लागि ए फोर रेटिङ दिएको छ । खड्का निर्माण सेवा सन् २००० मा स्थापित ‘ख’ वर्गको यस कम्पनीले देशको मध्य र सुदूरपश्चिम क्षेत्रमा सार्वजनिक क्षेत्रमा सडक खण्डसँग सम्बद्ध निर्माण कार्य गर्दै आएको छ । कम्पनी टेकबहादुर खड्काको एकल स्वामित्वमा छ । इक्रा नेपालका अनुसार कम्पनीले आव सन् २०२२ मा ४९ करोड ३० लाख रुपैयाँ सञ्चालन नाफा गरेको छ । कम्पनीको २ अर्ब ४० करोड रुपैयाँ कर्जा छ । इक्रा नेपालले कम्पनीको दीर्घकालीन कर्जाका लागि बी प्लस र अल्पकालीन कर्जाको लागि ए फोर रेटिङ दिएको छ । एचएम कन्सट्रक्शन प्रालि सन् १९७७ मा स्थापित ‘क’ वर्गको यस कम्पनीले खानेपानी, भवन, पुल र सडक परियोजना निर्माण गर्दै आएको छ । कम्पनीमा ५२ प्रतिशत शेयर ललिता थापाको र बाँकी करुण श्रेष्ठको छ । इक्रा नेपालका अनुसार कम्पनीले आव सन् २०२२ मा २७ करोड ९२ लाख रुपैयाँ सञ्चालन नाफा गरेको छ । कम्पनीको १ अर्ब ४३ करोड रुपैयाँ कर्जा रहेको छ । इक्रा नेपालले एचएमको दीर्घकालीन कर्जाका लागि डबल बी माइनस र अल्पकालीनका लागि ए फोर रेटिङ दिएको छ ।

Aarthik Abhiyan श्रावण २०८०

ग्रीन भेन्चर्सको खुद नाफा १९० प्रतिशतभन्दा बढीले बढ्यो

काठमाडौं । ग्रीन भेन्चर्सले गत आर्थिक वर्षको चौथो त्रैमाससम्म ३१ करोड ९० लाख रुपैयाँभन्दा बढी खुद नाफा गरेको छ । अघिल्लो वर्षको सोही अवधिसम्मको तुलनामा कम्पनीले १९० दशमलव ३८ प्रतिशत बढी खुद नाफा गरेको हो । अघिल्लो वर्ष यस अवधिसम्म कम्पनीले १० करोड ९८ हजार रुपैयाँभन्दा बढी खुद नाफा गरेको थियो । गत वर्ष कम्पनीको विद्युत विक्री आम्दानी करीब ६४ प्रतिशत बढी भएको छ । अघिल्लो वर्ष ९४ करोड २५ लाख रुपैयाँभन्दा बढी विद्युत विक्री आम्दानी गरेको कम्पनीले गत वर्ष १ अर्ब ५४ करोड ४५ लाख रूपैयाँभन्दा बढी विद्युत विक्री आम्दानी गरेको हो । कम्पनीको वित्तीय खर्च करीब ४२ प्रतिशतभन्दा बढी अर्थात् ६४ करोड ३३ लाख रुपैयाँभन्दा बढी भएको छ । हाल कम्पनीको चुक्ता पूँजी ३ अर्ब १२ करोड ५० लाख रुपैयाँ छ । अघिल्लो वर्ष ९ करोड ३५ लाख रुपैयाँभन्दा बढी ऋणात्मक रहेको कम्पनीको रिटेन्ड अर्निङ यस वर्ष भने २२ करोड ५५ लाख रुपैयाँभन्दा बढी कायम भएको छ । दीर्घकालीन कर्जा ७ अर्ब ६८ करोड रुपैयाँभन्दा बढी रहेको कम्पनीको अल्पकालीन कर्जा ४० करोड रुपैयाँभन्दा बढी छ । रिपोर्ट हेर्न यहाँ क्लिक गर्नुहोस्

Aarthik Abhiyan श्रावण २०८०

अपर तामाकोशी हाइड्रोपावर ३ अर्ब ७५ करोडभन्दा बढी नोक्सानीमा

काठमाडौं । अपर तामाकोशी हाइड्रोपावर लिमिटेड गत आर्थिक वर्षको चौथो त्रैमाससम्म ३ अर्ब ७५ करोड रुपैयाँभन्दा बढी खुद नोक्सानीमा छ । अघिल्लो वर्ष यस अवधिसम्म कम्पनीको खुद नोक्सानी २ अर्ब ३१ करोड रुपैयाँभन्दा बढी मात्र थियो । गत वर्ष कम्पनीको वित्तीय खर्च बढ्दा नोक्सानी बढ्न गएको हो । अघिल्लो वर्ष ५ अर्ब ७७ करोड रुपैयाँभन्दा बढी रहेको वित्तीय खर्च गत वर्ष ७ अर्ब ३९ करोड रुपैयाँभन्दा बढी रहेको हो । वित्तीय आम्दानी भने अघिल्लो वर्ष ४९ लाख रुपैयाँभन्दा बढी रहेकोमा गत वर्ष ३ करोड ८१ लाख रुपैयाँभन्दा बढी भएको छ । अन्य आम्दानीसमेत अघिल्लो वर्ष २० लाख रुपैयाँभन्दा बढी भएकोमा गत वर्ष २ करोड ४५ लाख रुपैयाँभन्दा बढी भएको छ । विद्युत विक्रीबाट अघिल्लो वर्ष ७ अर्ब ११ करोड रुपैयाँभन्दा बढी आम्दानी गरेको कम्पनीले गत वर्ष ८ अर्ब १२ करोड रुपैयाँभन्दा बढी आम्दानी गरेको छ । हाल कम्पनीको चुक्ता पूँजी १० अर्ब ५९ करोड रुपैयाँ छ भने रिटेन्ड अर्निङ ६ अर्ब ९१ करोड रुपैयाँभन्दा बढी ऋणात्मक छ । कम्पनीले लिएको दीर्घकालीन कर्जा अघिल्लो वर्षभन्दा गत वर्ष कम भएको छ । अघिल्लो वर्ष ७३ अर्ब ७८ करोड रुपैयाँभन्दा बढी रहेको दीर्घकालीन कर्जा गत वर्ष ७३ अर्ब १५ करोड रुपैयाँभन्दा बढी कायम भएको हो । अल्पकालीन कर्जा भने अघिल्लो वर्ष ५ अर्ब १० करोड रुपैयाँ रहेकोमा गत वर्ष ६ अर्ब पुगेको छ । गत चौथो त्रैमाससम्म कम्पनी ३५ रुपैयाँ ४९ पैसा प्रतिशेयर नोक्सानीमै छ । कम्पनीको प्रतिशेयर नेटवर्थ भने ३४ रुपैयाँ ६७ पैसा छ ।

Aarthik Abhiyan आषाढ २०८०

दुई अर्ब लगानी गरेर अस्पताल विस्तार गर्दै नर्भिक

काठमाडौं । काठमाडौंस्थित नर्भिक इन्टरनेशनल अस्पताल एण्ड मेडिकल कलेज लिमिटेडले अस्पताल विस्तारमा थप २ अर्ब रुपैयाँ लगानी गरेको छ । रेटिङ् कम्पनी केयर रेटिङ्स नेपालका अनुसार अस्पतालले हाल १५० शय्या मात्र भएको अस्पताललाई २ अर्ब ३८ करोड रुपैयाँ लगानी गरेर २०० शय्याको अस्पताल बनाउँदै छ । उक्त परियोजना १ अर्ब ९० करोड रुपैयाँ कर्जाबाट र ४८ करोड रुपैयाँ इक्विटीबाट लगानी गरेर वित्तीय वर्ष २०२५ मा सम्पन्न गर्ने अस्पतालको योजना छ । केयर रेटिङ्सका अनुसार सन् २०२३ जुलाईसम्ममा उक्त परियोजनाको १२ प्रतिशत काम सम्पन्न भइसकेको छ । कम्पनीको हाल २ अर्ब ८३ करोड रुपैयाँको दीर्घकालीन कर्जा र १० करोड ५० लाख रुपैयाँको अल्पकालीन कर्जा छ । केयर रेटिङ्सले कम्पनीको दीर्घकालीन कर्जाको लागि ट्रिपल बी र अल्पकालीन कर्जाको लागि ए थ्री प्लस रेटिङ दिएको छ । अस्पतालले वित्तीय वर्ष सन् २०२० मा १ अर्ब २५ करोड रुपैयाँ, सन् २०२१ मा १ अर्ब ३६ करोड रुपैयाँ र सन् २०२२ मा १ अर्ब ८१ करोड रुपैयाँ सञ्चालन नाफा गरेको छ । वित्तीय वर्ष २०२२ मा कम्पनीको आम्दानीको सबैभन्दा बढी हिस्सा प्याथोलोजी सेवाहरूबाट करीब २४ प्रतिशत भएको छ । दोस्रोमा शय्या र कोठा शूल्कबाट १४ प्रतिशत र तेस्रोमा अल्ट्रासाउन्ड सेवाहरूबाट १२ प्रतिशत आम्दानी भएको केयर रेटिङ्सले जनाएको छ । सन् १९९३ मा स्थापित यस अस्पतालमा चौधरी ग्रुपको लगानी छ । अस्पतालमा वसन्त कुमार चौधरीको ४२ प्रतिशत शेयर हिस्सा छ । अस्पतालमा हाल १५० डाक्टर र ८५० मेडिकल कर्मचारी कार्यरत छन् ।

Aarthik Abhiyan आषाढ २०८०

सेलो तेल उत्पादक बागमती ओयलको २४ प्रतिशतले बढ्यो व्यापार

काठमाडौं । सेलो तेल उत्पादक बागमती ओयल इन्डस्ट्रिजले वित्तीय वर्ष २०२२ मा ३ अर्ब १० करोड रुपैयाँ सञ्चालन नाफा गरेको छ । कम्पनीको सञ्चालन नाफा वित्तीय वर्ष २०२१ को तुलनामा २०२२ मा २४ दशमलव ०४ प्रतिशतले बढेको हो । रेटिङ् कम्पनी इक्रा नेपालका अनुसार कम्पनीले वित्तीय वर्ष २०२१ मा २ अर्ब ५० करोड रुपैयाँ सञ्चालन नाफा गरेको थियो । कम्पनीले सोयाबिन र सनफलावरको तेल उत्पादन गर्दै आएको छ । कम्पनीले ८५ लाखको दीर्घकालीन कर्जा र १ अर्ब ७२ लाख रुपैयाँको अल्पकालीन कर्जाको लागि रेटिङ गराएको छ । इक्राले कम्पनीको दीर्घकालीन कर्जाको लागि डबल बी प्लस र अल्पकालीन कर्जाको लागि एफोर प्लस रेटिङ दिएको छ । सन् २००८ मा स्थापना भएको बागमती ओयलको उद्योग मोरङमा छ । बागमती ग्रुपको लगानी रहेको यस कम्पनीमा साकेत राठीको ६० प्रतिशत, अनिलकुमार अग्रालको ३४ प्रतिशत र मनोज कुमार टपरियाको ६ प्रतिशत लगानी छ ।

Aarthik Abhiyan चैत्र २०७९

पहिलो पब्लिक ट्राभल्स एजेन्सिको रुपमा गुरु ट्राभल्स सञ्चालनमा, आईपिओ जारी गर्ने लक्ष्य

Bizpati आषाढ २०७९

विश्वभरका १० करोड मानिसमा कोभिडपछि समस्या

एजेन्सी । विश्वका-१० करोड मानिस कोभिडपछिको समस्याबाट प्रभावित भएको एक अध्ययनले देखाएको छ । मिसिगन युनिभर्सिटीका अनुसन्धानकर्ताले गरेको एक नयाँ अध्ययन अनुसार कोभिडबाट संक्रमितमध्ये ४० प्रतिशत मानिस कोभिडको दीर्घकालीन असरबाट प्रभावित भएका छन् । कोभिड-१९ बाट पार पाउन विश्वले संघर्ष गरिरहेका बेला कोभिडको दीर्धकालीन असरबाट विश्वको ठूलो जनसंख्या प्रभावित भएको सो अध्ययनले देखाएको हो । […]

Image Khabar पौष २०७८

१० करोड मानिसमा कोभिडको दीर्घकालीन लक्षण : अध्ययन

लन्डन – कोभिड १९ बाट पार पाउन विश्वले संघर्ष गरिरहेका बेला कोभिडको दीर्घकालीन असरबाट विश्वको ठूलो जनसंख्या प्रभावित भएको छ । मिसिगन युनिभर्सिटीका अनुसन्धानकर्ताहरुले गरेको एउटा नयाँ अध्ययन अनुसार कोभिडबाट संक्रमितमध्ये ४० प्रतिशत मानिसहरु कोभिडको दीर्घकालीन असरबाट प्रभावित भएका छन् । अर्थात विश्वको १० करोड जनसंख्या कोभिडपछिको समस्याबाट प्रभावित छ । अनुसन्धानकर्ताहरुले १७ देशका विभिन्न […]

Khabarhub पौष २०७८

१० करोड मानिसमा कोभिडको दीर्घकालीन लक्षणः अध्ययन

सम्बन्धित सामग्री